Një turk drejt BE-së me pasaportë false, kapet nga policia kufitare.

Ka dashur ta përdorë Shqipërinë si trampolinë për të kaluar në Evropë, por policia kufitare në portin detar të Durrësit e ka arrestuar në flagrancë 20-vjeçarin turk që paraqiti në sportel, dokumente të dyshuara si të falsifikuara. Të riut i janë sekuestruar dokumentet false, që përfshijnë një pasaportë turke, leje për qëndrim në Francë dhe leje drejtimi franceze.

B.B., 20 vjeç, banues në Turqi u paraqit në sportel me biletën e udhëtimit me traget drejt Italisë dhe dokumente të dyshuara të falsifikuara. Pas arrestimit, materialet procedurale për hetim të mëtejshëm të rastit i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprat penale “Falsifikimi i letërnjoftimeve, i pasaportave ose i vizave” dhe “Falsifikimi i dokumenteve”.

The post Donte të udhëtonte drejt Italisë me traget, arrestohet një turk! Kishte falsifikuar dokumentet appeared first on Albeu.com.

Policia e Tiranës ka vënë në pranga një 28- vjeçar, pasi ky i fundit tentoi të vidhte një automjet në rrugën dytësore Tiranë – Durrës.

Policia informacioneve në rrugë operativ ka organizuar dhe finalizuar operacionin.

Në pranga ka rënë shtetasi N.P, banues në Babrru.

Njoftimi i policisë:

Tiranë/Finalizohet, nga Komisariati i Policisë Nr. 6, operacioni policor i koduar “Ndërhyrja”.

Falë ndërhyrjes në kohë nga Policia kapet dhe vihet në pranga 28-vjeçari që tentoi të vidhte një automjet.

Shërbimet e Komisariatit të Policisë Nr. 6, në vijim të punës për goditjen e paligjshmërisë, bazuar dhe më informacionet e marra në rrugë operative se një shtetas, në orët e para të mëngjesit, në rrugën dytësore Tiranë-Durrës, po tentonte të vidhte një automjet, kanë organizuar dhe finalizuar operacionin policor të koduar “Ndërhyrja”.

Si rezultat i operacionit është kapur në flagrancë nga shërbimet e Policisë, në rrugën dytësore Tiranë-Durrës, shtetasi N. P., në tentativë për të vjedhur një automjet. Pas shoqërimit në komisariat, ky shtetas ka dëmtuar stolat dhe kamerat e sigurisë së dhomave të shoqërimit.

Në përfundim të veprimeve u bë arrestimi në flagrancë i shtetasit N. P., 28 vjeç, banues në Babrru, për veprat penale “Vjedhja”, mbetur në tentativë, dhe “Shkatërrimi i pronës”.

Ndërkohë, vijon puna për dokumentimin e vjedhjeve të tjera që mund të jenë kryer nga ky shtetas.

Materialet i kaluan Prokurorisë, për veprime të mëtejshme procedurale./albeu.com

The post Tentoi të grabiste një automjet në mes të ditës, arrestohet në flagrancë i riu në Tiranë appeared first on Albeu.com.