AlbEu mëson se mijëra abonentë të One Albania janë zgjuar pa shërbimin telefonik mëngjesin e sotëm për shkaqe, të cilat kompania nuk i ka bërë ende të ditura.

“Kemi që në mëngjes pa valë dhe kur merr shërbimin e klientit thjesht dëgjon një zë automatic që të thotë po bëjmë ndërhyrje në rrjet. Nuk të japin as shansin të lidhesh me operatorin”, shprehet një abonente e ONE Albania për AlbEu.com.

Mjaft abonentë nuk munden të bënin telefonata, kurse të tjerë paten probleme me shërbimin e internetit.

Krahas ankesave që kanë ardhur në redaksinë e AlbEu në lidhje me këtë problematikë, në faqen e Facebook të kompanisë duket një numër i madh abonentësh që ankohen pikërisht se nuk bëjnë dot telefonata me numrat e tyre ONE.

Në lidhje me situatën kaotike të abonentëve nuk ka asnjë reagim edhe nga AKEP apo institucione përgjegjëse që mbrojnë të drejtat e konsumatorëve në Shqipëri. /albeu.com

The post Mijëra abonentë të ONE Albania pa shërbim nga mëngjesi, shteti hesht: Një zë automatik thotë.. appeared first on Albeu.com.

AlbEu mëson se shkak për këtë është dështimi gjatë procesit të bashkimit të Albtelecom dhe kompanisë ONE, të cilat tashmë do të jenë nën ONE Albania. Kështu ishte plani, por deri më tani abonentët janë përballur me një dështim të plotë, ndërsa sistemi i kompanisë nuk funksionon që prej 1 prillit kur u tentua bashkimi teknik për herë të parë.

AlbEu mëson ekskluzivisht se ONE Albania do të tentojë edhe sot një bashkim tjetër dhe mbetet për t’u parë se cili do të jetë rezultati pas dështimeve të mëparshme.

Në lidhje me situatën e paprecedentë të krijuar reagoi dje edhe AKEP, i cili tha se po e ndjek me vëmendje gjithçka po ndodh.

Ky problem i madh ka ngjallur mjaft pakënaqësi edhe te abonentët, të cilët i janë sulur kompanisë me telefonata dhe komente në rrjetet sociale duke i fajësuar për paaftësi dhe papërgjegjshmëri.

Pse po ndodh kjo?

Pas blerjes së ONE dhe Albtelecom, kompania hungareze 4iG tentoi t’i bashkojë abonentët në një kompania siç është ONE Albania. Mirëpo kjo kërkon një njohuri të mirë të këtyre punëve dhe mbi të gjithë përgjegjëshmëri. AlbEu mëson se sistemi nuk është përgjigjur në momentin kur u tentua bashkimi dhe ndodhi situate me të cilën po përballen abonentët tani.

Pse ka dështuar?

Kompania njoftoi abonentët se më datë 1 prill të gjitha numrat Albtelecom do të kalonin në ONE Albania dhe kjo kërkon një process teknik të komplikuar për të mos shkaktuar dështime rrugës. Duket se ONE Albania ka tentuar të instalojë një sistem tjetër nga një vend i lindjes, gjë e cila ka bërë që të dështojë gjithçka.

Siç mëson AlbEu problemi ka nisur po ashtu edhe për faktin se është vërejtur një “crash” mes numrave të njëjtë që ishin në Albtelecom me prefix (067) me ata që janë në ONE Albania me prefiks (068).

E gjithë kjo rrëmuje me numrat dhe ndërprerje të shërbimit për abonentët është shoqëruar me akuza të forta nga vetë abonentët e Albtelecom dhe ata të ONE, të cilët tashmë kanë mbetur pa sinjal pavarësisht se kanë paguar

Lufta për abonentët

Në këto kushte, duket se kompania “Vodafone” është “hedhur në sulm” dhe po tenton që t’i marrë klientët. Siç mëson AlbEu.com, klientët e Albtelecom, janë kontaktuar nga kompania Vodafone me qëllim bartjen e numrit duke i ofruar edhe promocione “joshëse”.

Miërpo, kjo pratkikë është e ndaluar nga AKEP (Autoriteti i Komunikimeve Elektronike dhe Postare) pasi kompanitë nuk mund të telefonojnë klientët e një kompanie tjetër dhe t’i propozojnë bartjen e numrit.

Neni 14

Njoftimi

(ndryshuar pikat 2, 5, 7 dhe 9 me ligjin nr. 102/2012, datë 24.10.2012)

1. Cilido sipërmarrës që, për qëllime fitimi, parashikon të ofrojë një rrjet ose shërbim të komunikimeve elektronike, duhet të njoftojë AKEP-in përpara fillimit të funksionimit, ndryshimit ose ndërprerjes.

2.Njoftimi i sipërmarrësit bëhet me shkrim, sipas rregullave të miratuara nga AKEP-i, dhe duhet të përmbajë informacionin e mëposhtëm:

1. a) emrin dhe adresën e ofruesit;
2. b) të dhënat e regjistrimit ligjor të sipërmarrësit;
3. c) personat e kontaktit të sipërmarrësit;

ç) përshkrimin e shkurtër të rrjetit ose shërbimit;

1. d) datën kur është parashikuar fillimi i ofrimit, і ndryshimit ose veprimtarisë.
2. Njoftimi shoqërohet me deklaratën se:
3. a) informacioni është i saktë;
4. b) sipërmarrësi do t’i zbatojë detyrimet ligjore.
5. Sipërmarrësit (operatorët dhe ofruesit e shërbimit) janë të detyruar të raportojnë në AKEP të gjitha ndryshimet në informacionin e paraqitur gjatë njoftimit, brenda 30 ditëve nga ndodhja e tyre.

Në redaskinë e AlbEu kanë mbërritur një numër i madh ankesash në lidhje me ndërprerjen e shërbimit nga kompania ONE Albania fill pas fillimit të procesit të bashkimit të kompanive. /AlbEu.com

The post Nga dështimi në dështim, ONE Albania tenton sot sërish bashkimin pas kaosit të ditëve të fundit, a do t’ja dalin? appeared first on Albeu.com.