Dëshmitarë i gjithë ngjarjes së trishtë, ishte vëllai i tij Labinoti.

“Vallu i ndjerë u ardh e ka lon kerrin atu edhe ky si në besim ja ka bo tani hajde hajde, edhe vallau u ardh direkt ne thikë”, thotë Labinot Mekaj.

Kjo nuk ishte hera e parë që Elvisi kishte telashe me 24 vjeçarin Kushtrim Selimin, pasi edhe dy herë të tjera ky e kishte therur me thikë viktimën.

Personi i dyshuar nuk është emër i panjohur për organet e rendit, pasi ka edhe vepra të tjera, derisa për këtë të fundit i është shqiptuar masa e paraburgimit për 30 ditë./Express

The post I vranë vëllain, i riu: Jam betuar në gjakun e vëllait, nëse s’vepron gjykata, vjen kanuni appeared first on Albeu.com.

“Kam vrarë një person”. I zverdhur në fytyrë, i tronditur dhe me duart që i dridheshin, e la pistoletën në një tavolinë në sallën e pritjes në Komisariatin e Policisë së Lezhës. Sara Curraj nuk e dinte që përballë kishte një 17-vjecar që kishte tërhequr këmbëzën për të marrë gjakun e babait. Ai ishte Florian Përvathi. Nuk kishte bërë asnjë përpjekje për t’u arratisur. Hapin e kishte ndalur në derën e policisë. Oficerja me uniformë i vuri prangat. Sepse, personi përballë saj kishte pranuar një krim të rëndë.

Me urgjencë, policia u nis në kërkim të vendit të ngjarjes. Në Manati, në afërsi të ambulancës mjekësore të fshatit, u gjet përmbys një person. Ishte qëlluar për vdekje me gjashtë plumba. Viktima u identifikua si Lek Lekgjonaj. Ishte krejt e qartë. Floriani kishte vrare per gjakmarrje. Ai ishte vetëm 4 vjeç, kur babai i tij Gjon Përvathi u qëllua për vdekje nga Ndue Lekgjonaj. Ishte viti 2009. Dy bashkëfshatarët u zunë për rrugën, se cili prej tyre do të kalonte i pari. Në sherr e sipër Lekgjonaj i mori jetën babait të Florianit.

Tragjedia në familjen e të voglit s`u ndal këtu. Nëna piu helm dhe po atë ditë ndërroi jetë. Floriani u rrit jetim. U rrit në të njëjtin fshat e përditë përballej me familjarët e Ndue Lekgjonaj, vrasesite te babait te tij. Drejtësia si në shumicën e rasteve nuk bëri drejtësi.

Katër vite pas krimit, Ndue Lekgjonaj rifitoi lirinë. Ai e la Shqipërinë. Por familja e të vëllait jo. Ndërsa Floriani rritej, zemërimi mes dy familjeve shtohet. “Nuk kishim marrëdhënie të mira me ata si familje e as si fshatarë”, iu tha hetuesve xhaxhai i Florianit, Bardhok Përvathi. Banorët e zonës, Aleks Ndoj e Gjokë Ndoj, rrudhën supet. “Nuk dëgjuam krisma. Ishim duke punuar me matrapik e gur fresibël. Bëjnë zhurmë”, shpjeguan. Leandro, shoku i Florianit, ishte i fundit që e takoi para se ai të shkrepte armën. “Nuk mu duk i shqetësuar. Qëndruam bashkë 15 minuta. U largua, por nuk më tha ku do shkonte”, rrëfeu mes të tjerash 17-vjeçari.

Floriani e kishte vendosur. Do t`i merrte jetën vëllait të vrasësit të babait. Këtë e kishin mësuar të bënte. E kishin shtyrë të bënte. Teksa Floriani rritej, të gjithë kthenin kokën në fshat. “Një djalë që s`merr gjakun e babait, s’është djalë”, mërmëritej mes banorësh. E Floriani do të duhej të dëshmonte se ishte burrëruar. Se për të, rëndësi kishte të merrte gjakun siç e do Kanuni. Pa pyetur për pasojat. Pa pyetur se do të kalbej burgjeve. Se jeta e tij do të shkatërrohej.

Askush nuk e dëgjoi Florianin. Askush nuk i mësoi se jeta vlen. Se duhet të shkollohej e të shihte përpara. Se për vrasjen e babait duhet të vepronte ligji (për fat të keq nuk veproi). Floriani u shty drejt aktit ekstrem. U bë vrasës. Sot, isha në Lezhë. Më tronditi kur dëgjova disa zëra: “Mirë ja bëri se hak mori”. Floriani nuk duhet të ishte shndërruar në vrasës. Ne, të gjithë duhet ta shpëtonim. Por nuk mundëm.

Sot, unë ndihem keq. Sepse jam një prej atyre që duhet ta kisha ngritur edhe më shumë zërin. Duhet të ndihen keq edhe mësuesit edhe policët, prokurorët, gjyqtarët, politikanët. Ne nuk jemi aty, kur Floriani e të ngjashmit e tij klithin për ndihmë. Duhet ta pranojmë Florian që Ne të vëmë vrasës. Por, duhet të të them se duhet ta vuash deri në fund dënimin./albeu.com

The post “Një djalë që s`merr gjakun e babait, s’është djalë”, Klodiana Lala bën rrëfimin e ndjerë: Florian, ne të bëmë vrasës! appeared first on Albeu.com.

Si ndodhi ngjarja?

Ngjarja ka ndodhur në fshatin Manat. Duket se gjithçka e kishte planifikuar. Ditën e djeshme, 17-vjeçari i armatosur ka shkuar në shtëpinë e të vëllait të viktimës, i cili i kishte vrarë të atin. Ai e ka pritur 65-vjeçarin dhe në momentin që ky i fundit ka zbritur nga makina e ka qëlluar duke i shkaktuar vdekjen e menjëhershme.

Deklarata e 17-vjeçarit:

Autori, pas vrasjes, është dorëzuar në polici, dhe ka pranuar krimin. Në dëshminë e tij, 17-vjeçari ka pranuar se vrasjen e kreu për gjakmarrje, për të marrë në këtë mënyrë hakun e babait të tij, por në asnjë moment nuk ka shfaqur pendesë. 17-vjeçari nuk ka treguar kush e dërgoi në komisariat pasi kreu vrasjen, ndërsa do të rimerret sërish në pyetje në prani të psikologëve, pasi gjendja e tij është tepër e rënduar. Ai u shprehn se pistoletën me mulli e kishte qysh prej një viti.

Çfarë ka ndodhur në 2009?

Në vitin 2009, Gjon Përvathi (babai i 17-vjeçarit)  ishte vrarë nga vëllai i Lekë Lekgjonajt (viktima e djeshme), Ndue Lekgjonaj. Pas vrasjes, Ndue Lekgjonaj u arrestua dhe kreu dënimin për vrasje duke dalë së fundmi nga burgu. Ai nuk u kthye më në fshatin Manati duke iu trembur hakmarrjes nga familja e Përvathit. Por, tragjedia i ndodhi vëllait të tij. Floriani, aso kohe ka qenë shumë i vogël dhe pas humbjes së babai, humbi dhe nënën, e cila u vetëhelmua. Duke humbur të dy prindërit në një kohë shumë të shkurtër, ai u rrit me synimin për të marrë hakun e babait ndaj fisit Lekgjonaj për të vënë në vend drejtësinë e munguar. Sot fëmija që u rrit pa baba, që humbi nënën përpara syve nga hidhërimi u vetëdorëzua duke mbyllur kështu ditët e tij në emër të asaj që ligji nuk e bëri.

Kanuni dhe çfarë tha kryetari i pajtimit të gjaqeve në Lezhë?

Kryetari i Pajtimit të gjaqeve ne Lezhë ka folur në lidhje me ngjarjen duke rikthyer edhe njëherë në vëmendje fenomenin e gjakmarrjes.

Gjoka tha se dy familjet nuk ishin pajtuar, por mes tyre nuk kishte pasur përplasje gjatë kohëve të fundit, ndaj edhe ngjarja e sotme i ka habitur të gjithë. Ai tregoi edhe një episod kur viktima Lek Lekëgjonaj i kishte shkuar në shtëpi pak ditë pasi i vëllai kreu krimin.

“Disa mediat thonë që ka qenë pajtua. Nuk është e vërtetë. Ne kemi hyrë me ato mundësi që kemi pasur pastaj ne e pamë që nuk mund të komunikonim gjatë. Fëmijët ishin të vegjël. Bashkëshortja e viktimës në 2009 u vetëvra. Nuk kishin se si dhe me kë të komunikonim. Por sa kemi mundur me njerëzit e afërt të kësaj familje jemi përpjekur të ulim gjakrat dhe nuk e kemi pritur pasi edhe gjatë kësaj periudhe mes dy familjeve nuk ka pasur gërricje. Katër pesë ditë pasi ndodhi ngjarja viktima më ka ardhur në shtëpi.

Më ka thënë si do bëj unë. I kam thënë duhet të bësh kujdes sepse ai që ka vrarë është vëllai jot. Ai më thoshte unë nuk kam faj. Por nuk funksionojnë kështu gjërat. Kur kërkoi të dilte nga shtëpia ime i thashë jo. Kush të solli këtu, më solli një makinë. E ka marrë atë shokun dhe erdhi me makinë e mori. E kam takuar para dy muajsh. Nuk kishin ndonjë shqetësim. Autori i vrasjes ka mbaruar dënimin. Është dënuar 6-7 vjet. Ka bërë 4-5 vjet burg. Nga informacionet që kam unë ai ndodhet jashtë shtetit”, u shpreh ai.

Edhe duke qenë njerëz të përgjegjshëm të viktimës para 9 viteve kur nuk ke me kë të merresh vesh se ata ishin kalamaj fare, të mitur. Nuk kishte kush ta merrte përsipër. Qoftë edhe kushërinjtë e viktimës. Por deri në këtë moment që ndodhi askush nuk e ka pritur se mund të ndodhë kjo. Edhe tani është çudi e madhe. Si ka mundësi që një adoleshent të ruajë me kaq mllef dhe të veprojë për gjakmarrje në ditët e sotme. Gjakmarrja është fenomen i vjetërsuar. Por edhe te të rinjtë nuk duhet nënvleftësuar.

Unë edhe në intervista e kam thënë që organet e drejtësisë deri tani kanë qenë pjesë e këtij fenomeni. Ai tjetri bën vrasjen dënohet katër pesë vjet dhe për një vit e sheh aty të lirë. Të paktën dënimin nga shteti dhe ligji duhet ta marrë maksimalisht. Janë pjesë e të keqes. Shpresojmë që këtë problem, problemet e ligjit për gjakmarrjen shteti i ka forcuar shumë. Nëse ndodh një vrasje për gjakmarrje dënohet minimalja 25 vjet. Por në këtë rast është tjetër logjikë juridike. Mund ta quajmë adoleshent. Ka përjetuar mungesën e prindërve për vite me radhë gjë që atij i ka mbetur në kujtesën e tij për t’u hakmarrë”, tha ai.

Çfarë thonë ekspertët kriminalistik?

Ekspertët kriminalistik besojnë se 17-vjeçari është shtyrë nga persona të tjerë për të kryer krimin e rëndë.

Eksperti për çështjet ligjore, Ervin Karamuço, ka thënë se arma me mulli është shumë e rrallë dhe e shtrenjtë, gjë që tregon se atij ia kanë dhënë persona të përfshirë në krime.

Karamuço shtoi se me një armë të ngjashme u vra dhe bankieri Artan Santo vite me parë në Tiranë.

Veçantia e këtyre armëve sipas tij është se këto armë janë të sigurta dhe nuk lënë gëzhoja në vendin e ngjarjes.

“E la armën e zjarrit dhe u dorëzua. Problemi nuk qëndron aty se ai akti pritej. Dhe gjithë cikli i jetës së tij apo rrjeti shoqëror do e sillte këtë rezultat. Dhe kjo varej vetëm tek vendoja e tij. Problemi është tek arma. Se ky është pjesë, apo personi që ja ka dhënë është pjesë e një organizata. Se janë armë të rralla kalibri 22 . Nuk lënë gëzhoja me mulli. Përdoren nga killer profesionist. E njëjta arma e ngjashme me këtë vetëm më e madhe, është përdorur për vrasjen e Santos. E them për herë të parë. Ai që ka vrara benkierin është e njëjta llojë arme është identifikuar vetëm nga pamjet filmike. Dua të them që këto armë janë në qarkullim. Se ajo vlerën e ka 4-5 mijë dollar, prodhohet në SHBA” tha eksperti./albeu.com

The post Me kanun e pistoletë me mulli, 17-vjeçari mori gjakun e babait! Gjithë dinamika e ngjarjes që solli tragjedinë në Lezhë appeared first on Albeu.com.