Kang-in Lee është prezantuar zyrtarisht si futbollisti më i ri i Atletico Madrid. Mesfushori korean mbërrin nga Paris Saint-Germain dhe përfaqëson goditjen e tretë të rëndësishme të klubit madrilen në këtë merkato vere, duke u bërë pjesë e një objektivi të ndjekur prej kohësh nga Rojiblancos.

Gjatë kësaj dritareje kalimtare, Diego Simeone ka synuar të përforcojë skuadrën për t’iu kundërvënë Barcelonës dhe Real Madridit në luftën për kreun e La Ligës.

Pas ardhjes së Alejandro Grimaldos nga Bayer Leverkusen për 22 milionë euro dhe Marten Hjulmand nga Sporting Lisbona kundrejt 40 milionë eurove, Los Colchoneros kanë finalizuar edhe lëvizjen e tretë verore.

Konkretisht, bëhet fjalë për mesfushorin ofensiv Lee Kang-in, i cili i është bashkuar Atleticos nga parisienët për një shumë që raportohet të jetë 40 milionë euro.

Lajmin për përforcimin nga Koreja e Jugut e kanë bërë të ditur kanalet zyrtare të klubit spanjoll, duke specifikuar se lojtari 25-vjeçar ka firmosur një marrëveshje me afat pesëvjeçar.

“Atletico Madrid dhe Paris Saint-Germain kanë gjetur akordin për kalimin e Kang In Lee, i cili ka lidhur kontratë me ekipin tonë deri më 30 qershor 2031”, shkruhet në komunikatën e publikuar.

Vlen të theksohet se Kang-in Lee e njeh shumë mirë futbollin spanjoll, pasi ka veshur më parë fanellat e Valencias dhe Mallorcas, përpara se të transferohej te PSG.

The post Atletico Madrid konfirmon afrimin e talentit korean nga PSG appeared first on Albeu.com.