Teksa vijoi fushatën me demokratët në Kukës, Harxhi tha se demokratët që prej 2013 kanë pësuar vetëm humbje dhe kjo nuk duhet të lejohet. PD është aset kombëtar u shpreh Harxhi dhe çdo fitore e saj është fitore për të gjithë shqiptarët.

“Kemi të bëjmë me humbje ciklike që prej 2013, këto nuk janë vetëm humbje elektorale. Synimi ka qenë që ne të bëjmë diçka për këtë aset kombëtar, pasi PD është një aset kombëtar dhe jo në pronë e anëtarësisë dhe demokratëve por e gjithë shqiptarëve dhe herët apo vonë kurdo që ne të fitojmë është fitore për të gjithë shqiptarët, pasi ne jemi këta që kemi mbrojtur vlerat kombëtare dhe çështjet kombëtare. Ne kemi larguar njerëz, figura të partisë dhe kjo përbën farsën e partisë. Nëse ne vazhdojmë këtë rrugë që kemi nisur PD do të përfundojë si LDK në Kosovë, duhet të kthejmë shpresën dhe të mos kemi më përçarje, të hapim partine, të kemi konkurrencë të lirë, kandidatët duhet të jenë pjesë e vendimeve dhe jo vetëm kryesia”, tha Harxhi.

Mënyrën e vetme për rrëzimin e Edi Ramës, Harxhi tha se është përmes institucioneve dhe votës. Për të bërë këtë Harxhi tha se fatkeqësish PD iku nga institucionet dhe nuk arriti të frymëzojë dot shqiptarët. Për të PD duhet të fokusohet tek elektorati gri, që përbën 20 % të votuesve.

“Ne nuk u treguam institucional, u larguam nga ato dhe kjo është fatkeqësia dhe sot mendojmë si të thyejmë Edi Ramën. Ai thyhet me institucion, me votë dhe me frymëzimin e të gjithë shqiptarëve. Duhet të kthejmë besimin tek elektorati gri që sot është 20 % që do të thotë një parti politike”, tha Harxhi.

Ndërkohë, nga Vlora Agron Shehaj tha gjithashtu se betejat duhet të bëhen në institucione dhe me votë dhe se vetëm në këtë mënyrë mund të rrëzohet Edi Rama.

The post Harxhi: Nëse PD vijon me këtë rrugë do përfundojë si LDK e Kosovës! appeared first on Albeu.com.

Ai gjithashtu tha se, shanse të barabarta do të thotë që të hënën Lulzim Basha të mos jetë më në zyrën e selisë së PD-së.

“Kandidatura ime nuk ishte vetëm çështje personale por ishte një bisedë në grup. Referuar normave bazike të demokracisë neni 10 i jep të drejtën çdokujt të kandidojë. Prandaj unë i jam drejtuar çdo kandidati të marrë kurajo dhe të kandidojë. E dyta është një element shumë bazik që garanton konkurencës, parim i kokurencës i cili garanton çdo kandidati barazi dhe transparencë. Këto janë element shumë të rëndësishme që vlejnë për komisionin dhe gjithë strukturën demokratike.  Unë dua t’ju kujtoj të gjithë drejtuesve të strukturave që të administrohet një proces zgjedhor ku vota të konsiderohet e paprekshme. Në qoftë se edhe një rast i vetëm manipulimi ndodh do të ulë imazhin e Partisë Demokratike. Çdo kandidat duhet të ketë kontroll mbi procesin zgjedhor, ky është parim themelor. Nëse sot jemi në betejë me Ramën i cili ka arritur të cënojë procesin zgjedhor nuk duhet të japim këtë shembull brenda partisë tonë. Shanset e barabarta do të thotë që ditën e hënë Lulzim Basha mos jetë në zyrën sipër”, tha ai.

Kujtojmë se kandidaturën për kryetar të PD e kanë dorëzuar zyrtarisht  edhe demokratë të tjerë. Ata janë: Edith Harxhi, Fatbardh Kadilli dhe Lulzim Basha. Pritet që sot ta dorëzojë edhe Lisandër Hoxha./albeu.com

The post Ibsen Elezi dorëzon kandidaturën për kryetar të PD: Të hënën Basha nuk duhet të jetë në zyrë appeared first on Albeu.com.