Mësohet se Begaj e ka dërguar dorëheqjen e tij në Ministrinë e Mbrojtjes, ku pas miratimit nga Peleshi nevojitet edhe firma e Metës për lirimin e tij nga detyra.

Ndërkohë, Presidenti nuk ndodhet në Shqipëri që prej ditës së djeshme, ndërsa mëngjesin e sotëm uroi “fundjave të mbarë nga Stambolli” duke marrë pjesë në një forum ekonomik në Maltepe të Turqisë.

Rrjedhimisht, Presidenti Meta nuk mundet që të japë firmën e tij brenda orëve që kanë mbetur për të liruar Begaj nga detyra në mënyrë që ai të zgjidhet në krye të shtetit në vend të tij.

Nisur nga situata e krijuar, burime të abcnews.al bëjnë me dije se aktualisht Rama dhe Balla janë në një mbledhje në Kryesinë e Kuvendit me Klotilda Bushkën për të gjetur një hapësirë ligjore për të shmangur ngërçin në fjalë.

Mbetet për t’u parë se cila do të jetë zgjidhja që do të gjejë maxhoranca për të mos djegur raundin e sotëm të votimit për Presidentin e ri të Republikës.

Megjithatë, burime bëjnë me dije se në çdo rast, maxhoranca do të votojë sonte Begajn si kandidatin e saj për President edhe nëse nuk gjendet një zgjidhje për ngërçin e krijuar.

Çfarë parashikon Kushtetuta?

Që Bajram Begaj të bëhet Presidenti, duhet që të dorëhiqet nga detyrat e tjera. Dorëheqja e tij nga këto poste diktohet nga neni 89 i Kushtetutës së Shqipërisë.

Sipas këtij neni, Presidenti nuk mund të mbajë asnjë detyrë tjetër publike si dhe nuk mund të jetë kryetar partie.

“Presidenti i Republikës nuk mund të mbajë asnjë detyrë tjetër publike, nuk mund të jetë anëtar partie dhe as të kryejë veprimtari tjetër private”, thuhet në nenin 89 të Kushtetutës së Republikës.

Ndërkohë, gradën gjeneralmajor mund ta mbajnë vetëm oficerët aktivë.

Po ashtu, Neni 167 i Kushtetutës është një arsye tjetër se përse Bajram Begaj duhet të japë dorëheqjen para votimit në Kuvend.

Ky nen përcakton: “Ushtarakët e shërbimit aktiv nuk mund të zgjidhen ose të emërohen në detyra të tjera shtetërore dhe as të marrin pjesë në parti ose në veprimtari politike.
Pjesëtarët e forcave të armatosura ose personat që kryejnë shërbim alternativ gëzojnë të gjitha të drejtat dhe liritë kushtetuese përveç rasteve kur ligji parashikon ndryshe”.

Por, duke qenë se edhe detyrën e shefit të Shtabit të Përgjithshëm të Forcave të Armatosura, si dhe gradën gjeneralmajor, Begaj e ka marrë me dekret nga Presidenti Meta, edhe dorëheqja e tij nga këto poste duhet të pranohet nga kreu i shtetit./abcnews.al

The post Tik-taku i fundit, Rama, Balla dhe Bushka mblidhen në Kryesi: Çfarë po ndodh me Bajram Begajn? appeared first on Albeu.com.

Bëhet me dije se Begaj do të heqë dorë nga të gjithë postet e shfet të Shtabit të Përgjithshëm të Forcave të Armatosura, si dhe grada gjeneralmajor.

Mësohet se ai të heqë dorë pak para votimit në Parlament, po për këtë duhet edhe “bekimi” i presidentit aktual Ilir Meta.

Arsyeja?

Duke qenë se detyrën e shefit të Shtabit të Përgjithshëm të Forcave të Armatosura, si dhe gradën gjeneralmajor, Begaj e ka marrë me dekret të Presidentit Meta, edhe dorëheqja e tij nga këto poste duhet të bëhet me dekret presidencial.

Kjo nuk dihet nëse mund të krijojë ndonjë ngërç procedural.

Në mbledhjen e grupit parlamentar, Taulant Balla tha se ka vetëm 90 minuta kohë që Meta të bëjë lirimin.

“Kandidati ka depozituar kërkesën e tij për dorëheqje  nga detyra kështu që është një aspekt i rëndësishëm por në legjislacionin përkatës ligji për FA ushtarakët duhet të japin dorëheqje para se të emërohen apo zgjidhen. Kjo procedurë do të përfshijë brenda orëve në vijim edhe president aktual që duhet të bëjë lirimin. Kjo mendoj unë nuk duhet të jetë një betejë e radhës. Kemi menduar edhe mënyrën e zgjidhjes nëse na krijohet ndonjë ngërç me presidentin”, tha Balla. /albeu.com

The post Pritet të votohet sot në Kuvend, Begaj duhet të marrë edhe “bekimin” e Metës, a do të ketë ngërç? appeared first on Albeu.com.