Intervistimi i 8 kandidatëve në garë do të bëhet sipas rendit alfabetik, Arian Sopiqoti, Denis Deliu, Faik Basha, Ilirjan Hasanaj, Liman Hoxha, Simon Zereci, Vasil Çuni dhe Zaje Osma.

Intervistimi po bëhet përpara një komisioni vlerësimi, i përbërë nga zv/ministri i Brendshëm, Sekretarja e Përgjithshme e Ministrisë së Brendshme dhe Drejtori i Agjencisë së Mbikëqyrjes Policore.

Gjatë seancës dëgjimore, kandidatët do të prezantojnë platformat dhe vizionin e tyre për drejtimin e Gardës së Republikës.

Anëtarët e Komisionit do t’u drejtojnë pyetje kandidatëve, në përputhje me kriteret e vlerësimit të përcaktuara në udhëzimin e Ministrit të Brendshëm.

Në përfundim të procesit, Komisioni do të bëjë vlerësimin me pikë dhe renditjen e kandidatëve më të vlerësuar, bazuar në dokumentacionin e paraqitur, informacionin e administruar dhe performancën gjatë intervistës.

Renditja, së bashku me vlerësimet me shkrim për secilin kandidat, do t’i përcillet ministrit të Brendshëm, i cili do t’ia dërgojë propozimin Kryeministrit, për emërimin përfundimtar.

The post Kandidatët për kreun e Gardës së Republikës prezantojnë platformën dhe vizionin (EMRAT) appeared first on Albeu.com.

Sipas Vip Magazine, në këtë listë përfliten edhe emra të tjerë si: Sabina Mete, Ardit Murataj, Rovena Dilo, Kristi Lamaj, Angela Martini, Valer Kolnikaj, Kleoniki Delijorgji, Juxhin Plovishti, Robert Aliaj, Selin Bollati, Jonida Mukja dhe Dajana Gjoka, Ilir Vrenozi.

Nga produksioni është konfirmuar deri tani vetëm Angelo Haruni, moderator i një emisioni ekonomik në Top Channel. Vetë Haruni e bëri të ditur lajmin në fund të emisionit, duke i ftuar teleshikuesit për një takimi të ri në “shtëpinë më të famshme në Shqipëri”.

Ndërkohë, në rrjet po përflitet edhe Lorenc Vangjeli, analist dhe komentator, pas disa deklaratave të bëra mbrëmë në emisionin Top Story, si një tjetër kandidat i mundshëm për këtë edicion.

The post Këngëtarë, modele dhe gazetarë, lista e konkurrentëve të ‘Big Brother Vip Albania 5’ appeared first on Albeu.com.

Dje mbaroi edhe koha e përcaktuar nga Komisioni Qendror i Zgjedhjeve për dorëzimin e dokumentacionit nga subjektet politike dhe kandidatët e pavarur që garojnë në këtë proces.

Partia Socialiste ka dalë me emrat zyrtarë të saj, ndërsa Partia Demokratike ka shprehur se do të mbështesë kandidatët e pavarur.

Qeveria propozon Projekt-ligjin “Për Lobimin”: Një instrument i ri për transparencë, integritet dhe besim në vendimmarrjen publike

Kanë depozituar dokumetacion kandidimi:

1.Bashkia Vlorë, propozuar nga zgjedhësit z. Dionis Sota;

2.Bashkia Vlorë, propozuar nga Partia Socialiste zj. Brunilda Mersini;

3.Bashkia Berat, propozuar nga zgjedhësit Pavlo Shkarpa;

4.Bashkia Berat propozuar nga Partia Socialiste z. Ervin Ceca;

5.Bashkia Cërrik, propozuar nga Partia Socialiste z. Florenc Doka;

6.Bashkia Cërrik, Partia “Lëvizja Shqipëria Bëhet” z. Eligert Hima;

7.Bashkia Cërrik, propozuar nga zgjedhësit Amarildo Hoxha;

8.Bashkia Mat, propozuar nga Partia Socialiste z. Altin Bojni;

9.Bashkia Mat, propozuar nga zgjedhësit z. Eduart Brahilika;

10.Bashkia Mat, propozuar nga zgjedhësit zj. Suzana Pasha;

11.Bashkia Tepelenë, propozuar nga zgjedhësit, z. Gabriel Guma;

12.Bashkia Tepelenë, propozuar nga Partia Socialiste z. Gramoz Sako;

The post Zgjedhjet e pjesshme! Përfundon afati për regjistrimin e kandidatëve, kush është në garë për kryetar në 5 bashki të vendit, opozita mbështet të pavarurit appeared first on Albeu.com.

Gjatë takimit, Leskaj theksoi se dega lokale e PD-së është angazhuar plotësisht për këtë proces elektoral dhe se puna për përzgjedhjen e kandidatit për kryetar bashkie ka hyrë në një fazë intensive diskutimesh. Ai bëri të ditur se konsultimet do të vijojnë edhe gjatë ditës së nesërme, jo vetëm me forumet e ndryshme të PD-së, por edhe nëpërmjet takimeve me anëtarësinë dhe strukturat në rajonet e qytetit dhe të gjithë qarkut.

Sipas tij, qëllimi është që përmes një procesi transparent dhe gjithëpërfshirës, të përzgjidhet kandidatura më përfaqësuese dhe më e denjë për të përfaqësuar Partinë Demokratike në garën për drejtimin e Bashkisë Vlorë.

Emrat e propozuar si kandidatë potencialë:

-Eralba Kreshpa

-Alta Azizi Haluci

-Atird Hoxha

-Genti Hamzaraj

-Rezembrik Serjani

Deri më tani, emri që përmendet më shpesh në diskutime është ai i Atird Hoxhës, aktualisht kreu i grupit të këshilltarëve të PD-së në Këshillin Bashkiak të Vlorës. Hoxha ka qenë më parë edhe kandidat për deputet në zgjedhjet parlamentare, ku u rendit i katërti në listën e mbyllur të PD-së, por nuk arriti të siguronte një mandat për shkak të mungesës së votave të nevojshme.

Nga diskutimet e deritanishme brenda strukturave, Atird Hoxha rezulton të jetë kandidatura më e votuar, megjithatë vendimi përfundimtar pritet të formalizohet pas përfundimit të fazës së konsultimeve dhe dakordësisë së plotë mes forumeve të partisë.

Procesi pritet të vijojë gjatë ditëve në vijim, me qëllim që PD të paraqitet me një kandidat të fortë dhe të unifikuar në zgjedhjet që do të zhvillohen së shpejti.

The post Kryesia e Partisë Demokratike në Vlorë vendos listën e kandidatëve, zbulohen emrat e propozuar për Bashkinë appeared first on Albeu.com.

Gazetarja Klodiana Lala raporton se në garë morën pjesë 13 kandidatë, por vetëm gjashtë prej tyre janë përzgjedhur për të vijuar më tej në proces.

Kandidatët që kaluan në fazën tjetër janë:
• Asim Vokshi
• Alban Toro
• Florjan Ballhysa
• Naureda Llagami
• Genta Tafa
• Alma Faskaj

Vakanca në krye të Gjykatës Kushtetuese është shpallur nga Gjykata e Lartë, pas përfundimit të mandatit të gjyqtares Olta Zaçe.

Procesi i përzgjedhjes së kreut të Gjykatës Kushtetuese mbetet një nga çështjet kyçe për sistemin e drejtësisë në vend, ndërsa pritet që fazat e radhës të përfshijnë intervista dhe vlerësim të thelluar të kandidatëve.

The post Gara për vendin vakant të kreut të Gjykatës Kushtetuese, zbardhen emrat e kandidatëve appeared first on Albeu.com.

Sipas ligjit, në KLP ka votim me kandidatura alternative. Votohet pasi kandidatët paraqesin platformat e tyre dhe bëhet zgjedhja e drejtuesit të ri të SPAK-ut.

Drejtuesi i parë i këtij institucioni në themelimin e tij ka qenë Arben Kraja. Më pas, tre vite më parë, më 16 dhjetor të vitit 2022 në krye të SPAK-ut, u zgjodh zoti Altin Dumani.

Dumani në tre vite shkroi epokën e tij në krye të këtij institucioni, jo vetëm si drejtues, por edhe si prokuror. Një epokë që le një standart të lartë profesional dhe integriteti.

Me aktet e forta dhe veprimet e pandalshme duke goditur krimin, kupolën e tij, por dhe politikën e korrupsionin, Dumani tregoi se me ndershmëri dhe duke zbatuar ligjin prokuroria mund të çojë në bankën e të akuzuarve edhe ata që quheshin “të paprekshmit”.

Përtej një vlerësimi që tashmë dihet publikisht, kjo për shkak edhe të mbështetjes së gjerë publike që ka zoti Dumani, SPAK-u do të ketë nevojë për standardin e tij, integritetin dhe profesionalizmin.

CNA ka shkruar shpesh për standardin “Dumani” në hetime, të cilin nuk e shohim te prokurorët e tjerë, pra nuk janë në lartësinë e tij profesionale apo integritetin e tij, por ashtu siç e ka deklaruar dhe vetë zoti Dumani flirtojnë me politikën apo kanë qëllime të tjera.

Gjithsesi, këto tre vite të Altin Dumanit në krye të SPAK-ut janë përtej të lavdërueshmes, ashtu siç e theksuam më sipër, janë një epokë, jo vetëm për institucionin, por edhe për Shqipërinë.

Janë një rrugë e shtruar drejt për të shkuar në BE, duke luftuar krimin dhe korrupsionin dhe mjafton që me vullnet, përkushtim dhe integritet profesional gjithçka ta bësh më të thjeshtë.

Kjo nuk është e rastësishme dhe nuk është thjesht puna e një hetuesi apo prokurori që qëndron dhe udhëzon pas një tavoline. Është një betejë e fortë, e vazhdueshme deri në gjunjëzimin e krimit dhe korrupsionit.

Janë me qindra persona të arrestuar dhe të shpallur në kërkim, grupet kryesore kriminale në vend janë të shpartalluara dhe nën akuzë krerët e tyre, politikanë nga zyrtarë më të lartë të shtetit, ish-Presidentë, ish-kryeministra, ministra, kryetarë bashkish, të cilët SPAK-u i ka çuar me akuza dhe u ka provuar veprat e tyre penale.

Altin Dumani, do të largohet nga kreu i SPAK-ut dhe institucioni do të ketë një drejtues të ri, por gjithsesi ai ngelet prokuror në këtë institucion.

Sipas të dhënave që ka siguruar CNA nga burime të saj jozyrtare, deri në momentin e tanishëm janë katër emra që mund të garojnë për kreun e këtij institucioni.

Adnan Xholi, është emri më i përfolur deri tani në garën për kreun e SPAK-ut.

Adnan Xholi dhe kreu i SPAK Altin Dumani

Xholi është një nga njerëzit që qëndron dhe e kemi parë shpesh në krah të majtë të Dumanit në komisionet parlamentare apo takimet e tjera publike.

Është një prokuror me eksperiencë dhe në një tjetër shkrim CNA do të sjellë CV-në e plotë të tij profesionale dhe deklarimin e tij të pasurisë.

Emri i dytë është Vladimir Mara.

Vladimir Mara, prokuror i SPAK-ut

Një tjetër prokuror në SPAK, një emër që pretendon. Në disa dosje dhe arrestime tëbujshme qëndron firma e tij.

Emri i tretë në garë është Klodian Braho, prokurori i dosjes “5D” dhe inceneratorit të Elbasanit.

Klodian Braho

Një nga pretendentët për kreun e SPAK-ut.

Emri i katërt, jo i fundit dhe jo më i parëndësishmi, është Anita Jella.

Anita Jella

Një prokurore me integritet dhe në rast se do të zgjidhej ajo për herë të parë SPAK-u do të kishte një zonjë në krye të institucionit.

Këto janë katër emrat që CNA ka mundur të zbulojë.

Në të tjera materiale ne do të sjellim profilet e kandidatëve, si dhe pasuritë e tyre deri në momentin që kanë kaluar vetingun.

Të katërt janë emëruar në kohë të ndryshme në SPAK. Dihet që mandati i një prokurori të SPAK-ut është 9 vjet dhe ka të drejtë të garojë për kryetarë.

Në rast se zgjidhet kryetar ka një mandate trevjeçar dhe më pas vazhdon prokuror i thjeshtë në këtë institucion deri në përfundimin e mandatit për t’u emëruar më pas në një tjetër Prokurori./ Marrë nga CNA

The post FOTO+EMRAT/ Kush janë katër kandidatët që kërkojnë vendin e Altin Dumanit? appeared first on Albeu.com.

Dhe Parisi, së bashku me PSG-në, është qendra rreth së cilës sillen shumica e finalistëve.

Sezoni i shkëlqyer i parisienëve i bën Donnarumma-n, Vitinha-n dhe Dembele-n tre pretendentët më të fortë për çmimin.

Krahas tyre, Lamine Yamal i Barcelonës, një kandidaturë mjaft e fortë.

Të preferuarit e zakonshëm Salah, Kane, Mbappé dhe Vinicius me siguri do të jenë të pranishëm, por nuk do të kenë ndonjë ambicie të madhe për të fituar.

Do të jetë gjithçka parisiene, me një shije të kaltër, edhe nëse Donnarumma shfaqet pas Dembele dhe Vitinha.

Lista e 30 finalistëve do të publikohet rreth orës 15:00 të ditës së sotme, dhe ka edhe një surprizë të mundshme që përfshin Serie A.

Disa thashetheme nga Anglia sugjerojnë se Scott McTominay, do të jetë midis kandidatëve.

Mesfushori ishte një lojtar kyç në fushatën e Napolit në kampionatin italian, si për performancat e tij ashtu edhe për 12 golat që shënoi gjatë triumfit.

Kjo do të ishte një arritje e merituar, por që duhet harruar se mund të fitojë trofeun.

100 gazetarët që përbëjnë jurinë votojnë sipas kritereve të mëposhtme: performanca individuale, karakter vendimtar ose spektakolar, vlera kolektive dhe trofetë e fituara. Klasi dhe loja e ndershme merren gjithashtu në konsideratë.

Çdo anëtar jurie zgjedh 10 emra, duke i dhënë vendit të parë 15 pikë, vendit të dytë 12, vendit të tretë 10, vendit të katërt 8, vendit të pestë 7, vendit të gjashtë 5, vendit të shtatë 4, vendit të tetë 3, vendit të nëntë 2 dhe vendit të dhjetë 1.

The post Publikohen sot kandidatët për “Topin e Artë 2025”, një emër surprizë appeared first on Albeu.com.

bkh-spak-1

Pas zhvillimit të testit të poligrafit më datat 24 dhe 25 korrik, intervistat me kandidatët u zhvilluan sot, duke nisur në orën 09:00 në ambientet e Strukturës së Posaçme kundër Korrupsionit dhe Krimit të Organizuar (SPAK).

Secila intervistë zgjati rreth 45 minuta dhe u mbikëqyr nga përfaqësues ndërkombëtarë, për të garantuar standarde të larta transparence dhe integriteti.

Sipas SPAK, gjatë intervistave, kandidatët u vlerësuan mbi njohuritë e tyre profesionale, aftësitë drejtuese dhe qasjen e tyre ndaj sfidave që lidhen me drejtimin e BKH-së.

Në përfundim të kësaj faze, Komisioni i Përzgjedhjes vendosi që të shtatë kandidatët të kalojnë në fazën e radhës, atë të verifikimit të figurës dhe deklarimit të pasurisë.

Kujtojmë se kandidatët në garë janë: Andi Pogaçe, Artur Beu, Elton Kërluku, Gentian Ndoi, Gentjan Shehaj, Gledis Nano dhe Joni Keta.

Njoftimi i SPAK

Përfundon Faza e Intervistës në Procesin e Përzgjedhjes së Drejtorit të BKH-së

Pas zhvillimit të testit të poligrafit më datat 24 dhe 25 korrik, sot përfundoi edhe faza e intervistës për përzgjedhjen e Drejtorit të Byrosë Kombëtare të Hetimit (BKH).

Intervistat nisën në orën 09:00, në ambientet e Strukturës së Posaçme kundër Korrupsionit dhe Krimit të Organizuar (SPAK) dhe zgjatën 45 minuta për secilin kandidat.

Kjo fazë, e monitoruar nga përfaqësuesit ndërkombëtarë, u fokusua në vlerësimin e njohurive profesionale, aftësive drejtuese dhe qasjen e kandidatëve ndaj sfidave që lidhen me pozicionin e Drejtorit të BKH-së.

Në përfundim të kësaj faze, Komisioni i Përzgjedhjes vendosi që të shtatë kandidatët t’i nënshtrohen fazës së verifikimit të figurës dhe deklarimit të pasurisë, në përputhje me nenin 6 të ligjit nr. 95/2016 “Për organizimin dhe funksionimin e institucioneve për të luftuar korrupsionin dhe krimin e organizuar”.

SPAK rikonfirmon angazhimin për të garantuar një proces përzgjedhjeje transparent, të drejtë dhe të bazuar në kritere të qarta profesionale dhe ligjore.

The post Gara për përzgjedhjen e Drejtorit të BKH-së, përfundojnë intervistat/ Shtatë kandidatët kalojnë në fazën e radhës appeared first on Albeu.com.

Kjo intervistë vjen pas përfundimit të shtatë fazave të testimit, ku kandidatët janë vlerësuar përmes një game të gjerë kriteresh, përfshirë testin logjik, testin e poligrafit, shkrimin e një eseje dhe faza të tjera vlerësimi.

Çdo kandidat paraqitet individualisht për këtë intervistë.

Pas përfundimit të kësaj faze, SPAK do të bëjë publik njoftimin përmbyllës me rezultatet e testimeve dhe renditjen e kandidatëve.

Më tej, kandidatët do t’i nënshtrohen procesit të verifikimit të figurës morale dhe të pasurisë. Në përfundim të gjithë këtij procesi, SPAK do t’i propozojë një emër Këshillit të Lartë të Prokurorisë për miratim.

BKH konsiderohet një nga strukturat kyçe në luftën kundër korrupsionit dhe krimit të organizuar. Ajo ka rol mbështetës në çdo hetim të ndërmarrë nga SPAK, përfshirë përgjimet, vëzhgimet dhe veprimet e tjera hetimore. Zgjedhja e drejtuesit të saj pritet me interes të lartë, për shkak të ndikimit që kjo figurë do të ketë në efikasitetin e hetimeve të ardhshme.

The post Faza përfundimtare e garës për kreun e ri të BKH, 7 kandidatët zhvillojnë sot intervistën me Dumanin dhe prokurorët e SPAK appeared first on Albeu.com.

Në garë janë vendet vakanta të Komisariatit nr.2 në Tiranë dhe Himarë, pas dorëheqjes së ish-drejtuesve, drejtuesi i komisariati i Cërrikut, pas daljes në pension të ish-shefit të tij, si edhe tre komisariate kufitare, ai i Rinasit, Dibrës dhe Sarandës, të cilët përfshihen për herë të parë në konkurs.

Mes emrave të kualifikuar është Idriz Daullja, i cili aktualisht, mban postin e zv.drejtorit të Policisë së Tiranës.

Në listën e kandidatëve për shefa komisariati mbi 70 pikë është edhe kryekomisari Përparim Dema, i cili është prej disa vitesh në krye të Komisariatit të Rinasit.

Në listën e kandidatëve të kualifikuar spikat emri i oficerit Ferit Merkaj, i cili është me gradën më të ulët, nënkomisar.

Megjithëse ligji e lejon kandidimin për shef komisariati edhe të punonjësve me këtë gradë të ulët, gjithësesi një emërim i mundshëm i tij para oficerëve me gradë komisar e kryekomisar mund të krijonte një shije të hidhur në sistemin e karrierës në Policinë e Shtetit.

Thuajse në të njëjtën situatë është edhe oficeri tjetër i kualifikuar, Ermal Gjoka, i cili vetëm së fundmi ka kaluar nga nënkomisar në gradën e komisarit.

Ndërkohë, të kualifikuar për garën për 6 vende vakante, janë edhe disa oficerë, të cilët janë shpallur fitues edhe në procedura të mëparshme, por nuk kanë qenë në listën e emërimeve të kryepolicit Ilir Proda.

Në listën e kualifikuarve gjendet emri i komisar Elvid Shehu, i cili aktualisht është i komanduar në drejtimin e Komisariatit të Sarandës.

Shehu ka mbajtur postin e shefit të Postës së Pikës së Qafë Botës dhe u caktua përkohësisht në Sarandë, pasi ish-drejtuesi i mëparshëm, Elvis Dervishi, u shkarkua, në një vijim të një hetimi penal.

Kryekomisari Bledar Rreshka ka mbajtur postin e shefit të komisariatit nr.3 në Tiranë, deri në momentin kur, në tetor 2024, Drejtoria e Përgjithshme e Policisë zhvilloi për herë të parë konkursin për emërimin e drejtuesve të komisariateve, bazuar në ligjin e ri. Rreshka u kualifikua edhe në atë konkurs, megjithatë nuk arriti të merrte emërimin.

Gjithashtu, tjetër emër që kualifikohet për herë të dytë në konkursin për shef komisariati është kryekomisar Oltjon Agolli, i cili ka mbajtur më herët detyrën e shefit të Komisariatit të Sarandës.

Komisare Edjona Dano, është e vetmja përfaqësuese e gjinisë femërore në listën e të kualifikuarve për pozicionin e Shefit të Komisariatit. Ajo punon aktualisht si Shefe e sektorit kundër dhunës në familje në drejtorinë e Policisë së Tiranës.

Një tjetër emër që është shpallur fitues për herë të dytë në garën e hapur nga Drejtoria e Policisë është kryekomisari Artur Mersini.

Aktualisht, Mersini është specialist në Sektorin e Inspektimit në Drejtorinë e Përgjithshme të Policisë. Më parë ka mbajtur pozicionet e Shefit të Komisariatit në Has.

Kryekomisar Behar Gançi, gjithashtu në listën e të kualifikuarve, punon prej vitesh si ekspert në Policinë Shkencore.

Emrat e tjerë që janë kualifikuar për 6 vendet vakante për shef Komisariati janë edhe: Faik Ruko, Ermal Gjoka, Florian Dano, Kliton Zharri, Pllumb Kovacica, Ardjan Çela, Ermal Kenaçi, dhe Feliks Hoda.

Më poshtë është lista me 17 oficerët që kanë marrë se 70 pikë e më shumë në konkursin e shpallur nga Policia e Shtetit për plotësimin e 6 vendeve vakante si Shefa Komisariati:

1. Kryekomisar Idris Daulle – 74 pikë

2. Kryekomisar Përparim Dema – 73 pikë

3. Kryekomisar Faik Ruko – 72 pikë

4. Komisar Ermal Gjoka – 72 pikë

5. Komisar Elvid Shehu – 72 pikë

6. Kryekomisar Florian Dano – 72 pikë

7. Nënkomisar Ferit Merkaj – 71 pikë

8. Komisar Kliton Zharri – 71 pikë

9. Kryekomisar Artur Mersini – 70 pikë

10. Komisar Behar Gançi – 70 pikë

11. Kryekomisar Oltjon Agolli – 70 pikë

12. Kryekomisar Pllumb Kovacica – 70 pikë

13. Kryekomisar Bledar Rreshka – 70 pikë

14. Kryekomisar Ardjan Çela – 70 pikë

15. Nënkomisar Ermal Kenaçi – 70 pikë

16. Komisar Edjona Dano – 70 pikë

17. Komisar Feliks Hoda – 70 pikë
/ Boldnews.al

The post Zbulohen 17 kandidatët për 6 shefa komisariati në Tiranë dhe rrethe (EMRAT) appeared first on Albeu.com.