Me mungesë dhe të kryesocialistit Edi Rama që ndodhet në New Yok, për marrjen e Presidencës së Këshillit të Sigurimit të OKB-së, nga Shqipëria, socialistët mbledhjen e parë për emrin e Presidentit, do e zhvillojnë të premten, kur do të mbledhin Kryesinë, ndërsa një ditë më pas deputetët do të firmosin për emrin që ata dëshirojnë ta çojnë në Presidencë. Me ezaurimin e 3 raundeve të para që kërkojnë konsensus politikë, PS-ja nuk ka asnjë pengesë për ta bërë këtë, duke i pasur mbi 71 kartona në Parlament.

Burime për Abc bëjnë me dije se PS ka identifikuar 10 emra për President. 5 janë me profil politik dhe 5 të tjerë akademike dhe nga shoqëria civile. Por, emri i të preferuarit do të zbulohet të shtunën, në orën 10:00 kur do bëhet mbledhja e grupit parlamentar i PS, nga vetë Rama.

Por këtë proces PS do e vazhdojë e vetme. Enkelejd Alibeaj ishte në Konferencë të Kryetarëve, por me axhendë tjetër. Ndërkohë opozitarët e tjerë u përfshinë në debat, madje, duke u propozuar socialistëve, që të nxjerrin një emër  grupi i tyre.

Mjaft kritik u shfaq aleati i PD-së, Fatimir Mediu, duke dëshmuar edhe një herë përçarjen brenda opozitës, për këtë proces. Ndërkohë vetë ish-kryeministri Sali Berisha ka deklaruar se nuk do të bojkotojë seancën kur do të zhvillohet raundi i 4 për Presidentin. Pritet të shikohet nëse do të ketë ndonjë lëvizje nga ai, ndërsa PS-ja e distancon nga çdo akt parlamentar./abcnews.al

The post 5 akademikë dhe 5 profile politike, kush janë kandidatët e PS për President? I preferuari zbulohet të shtunën appeared first on Albeu.com.

E ftuar në emisionin “Të Paekspozuarit” në MCN TV, Kocaqi tha se shqiptarët kanë votuar masivisht për të në rrjetet sociale dhe ka besim se është kandidatja më e mirë, mbi partitë politike.

Ajo tha se nëse zgjidhet, vizitën e parë do ta bëjë në Kosovë dhe Presidenten e parë që do të ftojë në Shqipëri, është Vjosa Osmani.

Elena Kocaqi: Rrjetet kanë hedhur emrat që duhet të jenë presidentë. Kanë votuar masivisht emrin tim. Më kanë ardhur lajmërimet. Dua të falenderoj ata që besojnë dhe më mbështesin mua publikisht. Jam e nderuar dhe e respektuar për këtë fakt. Unë bërë një status për të falenderuar ata që më kanë mbështetur.
Njerëzit kërkojnë shpresë, ndryshim. Mendoj se, duke qenë se kam vite që angazhohem dhe kam emër në publik prej vitesh, emri im është unifikuese. Unë nuk kam patur asnjë anëtarësi partie. Kjo e bën figurën time të pranueshme. Kam përgatitje akademike që do ti shërbente vendit. Mendoj se është përgjegjësi e mazhorancës, që të marrë në konsideratë vullnetin e popullit. Presidenti, vjen nga vullneti i popullit. Në demokraci pushteti është i popullit.

Ylli Rakipi: Njeriu që e bën këtë punë, një njeri është, Edi Rama. Ke ndonjë indicie? Edi Ramës i ka rënë në vesh kjo gjë, që ti të jesh kandidate? Keni komunikuar me Ramën?

Elena Kocaqi: Jo nuk e kam bërë këtë. Rama duhet të marrë parasysh edhe dëshirat e njerëzve, nëse Rama mendon seriozisht për zgjedhjet e 2025. Vendimarrja për presidentin, do të përcaktoj të ardhmen politike të Shqipërisë në 30 vitet e ardhshme. Ose do të vazhdojmë në tranzicion, ose me politikë të re ku të merret në konsideratë vullneti i popullit.

The post U shpreh se e mbështesin 70% e shqiptarëve për presidente, Kocaqi: Rama të marrë parasysh mendimin e popullit në rrjetet sociale appeared first on Albeu.com.