Në këtë artikull ju njiheni me 10 nga mitet më të zakonshme të kancerit të lëkurës dhe të vërtetat që fshihen pas tyre.

1: Ekziston vetëm një lloj kanceri i lëkurës

Nga disa lloje të ndryshme të kancerit të lëkurës, disa janë më seriozë se të tjerët. Dy më të zakonshmit janë karcinomat e qelizave bazale dhe skuamoze, dhe melanoma e cila është më pak e zakonshme.

2: Melanoma është thjesht një nishan që duhet hequr

Është e vërtetë që e gjithë melanoma lind nga melanocitet, duke përfshirë ato që gjenden te nishanet. Por është shumë më tepër se një nishan që duhet hequr, sepse mund të jetë vdekjeprurës nëse nuk trajtohet herët. Nëse kontrolloni lëkurën dhe në të vëreni pika të errëta që janë asimetrike dhe kanë kufij të parregullt, drejtohuni për një konsultë tek mjeku juaj.

3: Melanoma shfaqet vetëm në lëkurë

Këto pika nuk shfaqen vetëm në lëkurë. Forma të rralla të melanomës mund të shfaqen në sy (melanoma okulare), dhe në mukozë (melanoma mukozale), veçanërisht ato në hundë, gojë ose buzë.

4: Kanceri i lëkurës nuk është serioz

Kanceri i lëkurës, veçanërisht melanoma, mund të jetë vdekjeprurës nëse nuk kapet herët. Ai ka prirje për t’u përhapur në pjesë të tjera të trupit, dhe nëse kapet në fazat e avancuara, do të ketë nevojë për kirurgji dhe imunoterapi.

5: Njerëzit me lëkurë më të errët nuk preken nga kanceri i lëkurës

Njerëzit e çdo race apo ngjyre lëkure mund të preken nga kanceri i lëkurës. Për më tepër, ata me lëkurë më të errët mund të shfaqin nëntipe të rralla që nuk lidhen vetëm me dëmtimin nga rrezet UV.

6: Melanoma zhvillohet vetëm nëse jeni ekspozuar në diell për vite të tëra

Sipas të dhënave të AgroWeb.org, rezulton se edhe një djegie nga dielli në fëmijëri ose adoleshencë, mund të dyfishojë shanset për të zhvilluar melanomën gjatë jetës. Djegia nga dielli mund të dëmtojë qelizat e lëkurës tuaj dhe potencialisht të rrisë rrezikun e melanomës. Edhe djegiet e rënda dhe ekspozimi i zgjatur ndaj rrezeve ultraviolet gjatë gjithë jetës tuaj janë të këqija pasi dëmtimi nga dielli rritet me kalimin e kohës.

7: Një nxirje artificiale me makineritë e caktuara ndihmon në parandalimin e djegieve nga dielli dhe rrjedhimisht edhe nga kanceri i lëkurës

Sipas ekspertëve të shëndetit, kjo metodë nuk është e shëndetshme. Duke përdorur këtë mënyrë jo natyrale, ju ushtroni stres në lëkurë. Edhe nëse nuk digjeni, ekspozimi ndaj rrezeve të dëmshme shkakton dëmtime qelizore që rrisin rrezikun e kancerit të lëkurës.

8: Grimi mund të sigurojë mbrojtje

Edhe pse disa produkte bukurie përmbajnë SPF kjo nuk mjafton. Ju duhet të vendosni SPF 30 ose më të lartë, dhe më pas ta riaplikoni atë çdo dy orë. Riaplikimi i kremit kundër diellit është i rëndësishëm edhe pse zakonisht nuk është pjesë e rutinës së grimit. Pa marrë parasysh se sa e errët është lëkura juaj, të gjithë duhet të përdorin krem kundër diellit dhe të shmangin qëndrimin jashtë gjatë ditëve të nxheta.

9: Duhet të vendosni kremi kundër diellit vetëm kur jeni jashtë për orë të tëra

Kremi kundër diellit duhet të jetë pjesë e rutinës të mëngjesit të të gjithëve, edhe nëse qëndroni në ambiente të mbyllura pjesën më të madhe të ditës. Ju mund të ekspozoheni edhe nga dritaret ndërkohë që jeni brenda.

10: Vetëm ekspozimi ndaj rrezeve UV shkakton kancer të lëkurës

Edhe pse ekspozimi UV është shkaku kryesor i kancerit të lëkurës, ai nuk është faktori i vetëm i rrezikut. Kanceri i lëkurës mund të jetë diçka e trashëguar gjenetikisht dhe historia familjae mund t’jujdihmojë të jeni më të kujdesshëm. Nëntipet e rralla të kancerit të lëkurës që prekin sytë, mukozën dhe pjesën e poshtme të duarve dhe këmbëve zakonisht nuk shkaktohen nga ekspozimi ndaj rrezeve UV. Shumë nishane dhe lloje të caktuara nishanesh rrisin gjithashtu rrezikun e kancerit të lëkurës.

The post Melanoma/ 10 mite dhe të vërteta për kancerin e lëkurës appeared first on Albeu.com.

Kësaj pyetje i është përgjigjur Instituti Cancer Research UK, i cili pas hulumtimeve në lidhje më këtë temë arriti në përfundimin se burrat kanë më shumë gjasa të vdesin nga kanceri i lëkurës sesa gratë.

E thënë ndryshe se 1400 burra në Mbretërinë e Bashkuar humbin jetën nga kanceri i lëkurës melanoma çdo vit, ndërsa për gratë kjo shifër është shumë herë më e vogël.

Nga hulumtumi u vu re gjithashtu se normat e vdekshmërisë ranë me 9% për gratë në dekadën e fundit, ndërsa për burrat nuk pati asnjë rënie.

Përkundrazi që nga viti 1970 shkalla e vdekjeve te meshkujt është rritur me 219 % krahasur me 76 % të femrave.

Por përse ndodh një fenomen i tillë?

Studuesit kanë cilësur se mungesa e mbrojtjes nga dielli mund të jetë ndikuese, pasi meshkujt në krahasim me femrat janë të pakujdesshëm kundra rrezeve UV të diellit të cilat kanë ndikim kancerogjen në trupin e njeriut.

Ndërsa femrat falë kremrave kundër diellit arrijnë  t’i minimalizojnë dhe të ulin fuqinë e ndikimin e rrezeve në trupin tonë.

Shefja ekzekutive e institutit kërkimor Michelle Mitchell tha: “Qëndroni larg rrezeve të diellit. Mos e pozoni trupin tuaj lakuriq nën rrezet e diellit dhe aplikoni rregullisht krem ??kundër diellit. Djegia nga dielli vetëm një herë në dy vjet mund të trefishojë rrezikun e kancerit të lëkurës”.

Një temë tjetër që nuk duhet anashkaluar janë dhe nishanet që ndodhen në pjesë të ndryshme të trupit tonë.

Mjekët u bënë thirrje njerëzve që të kontrollojnë nishanet në trup.

Në momentin e parë që vini re ndryshime në madhësinë apo formën e ndonjë prej tyre duhet menjëherë të këshillohen me një mjek pasi këto mund të jenë shenja të melanomës ose thënë ndryshe kancerit të lëkurës.

The post Burrat apo gratë? Ja kush janë më të rrezikuar nga kanceri i lëkurës appeared first on Albeu.com.

“U takova me një shoqe të vjetër që kishte një shenjë të madhe në parakrah dhe kishte një shenjë të melanomës, gjë që më nxiti të shkoj të bëja një kontroll të lëkurës dhe kjo më shpëtoi jetën. Ishte një tronditje e madhe për mua. Ishte thjesht një pikë, që kishte qenë gjithmonë aty, por ishte zmadhuar aq sa të shndërrohej në melanomë”, tha fituesja e medales së artë për “Femail”. Sapo arritën rezultatet, iu kërkua që ti nënshtrohej operacionit për të hequr qelizat kancerogjene. Vetëm 21 ditë pas ndërhyrjes, 26-vjecarja u rikuperua dhe tani vijon jetën si më parë.

Çfarë është melanoma? Melanoma është një nga lloj i kancerit të lëkurës. Është më pak e zakonshme se kanceret e tjera, por është ndër më të rrezikshmet. Emërtimi rrjedh nga fjala greke “Melas”, që do të thotë e errët. Pra është një tumor “i keq”, i melanociteve. Këto të fundit janë qelizat që prodhojnë pigmentin e errët të melaninës, i cili është përgjegjës për ngjyrën e lëkurës. Qelizat gjenden kryesisht në lëkurë, por janë gjetur edhe në pjesë të tjera të trupit si për shembull në zorrë dhe në sy (melanoma intenstinale dhe uveale). Pra, melanoma mund të shfaqet në çdo pjesë të trupit ku ndodhen melanocitet, të cilat janë me shumicë në lëkurë. Ajo shkakton rreth 75% të vdekjeve që lidhen me kancerin e lëkurës. Sot, në të gjithë botën diagnostikohen rreth 160.000 raste të reja në vit me melanoma.

The post “Një kontroll i thjeshtë më shpëtoi”, notarja olimpike rrëfen si zbuloi kancerin e lëkurës që i rrezikonte jetën appeared first on Albeu.com.

Si të dallojmë sa më shpejt kancerin e lëkurës?

1. Kryesisht me vetëekzaminimin e lëkurës. Përdoret metoda “ABCD” për të parë zhvillimin e nishanit. Kontrolloni nishanet tuaj çdo një muaj dhe vini re nëse keni ndryshime.

ASIMETRI: kur gjysma e nishanit nuk është e barabartë me gjysmën tjetër.

KONTURET: kur konturet e nishanit nuk janë të rregullta.

NGJYRA: kur ngjyra e nishanit nuk është uniforme.

DIAMETRI: kur përmasat e nishanit janë mbi 6 mm.

2. Anëtarët e tjerë të familjes mund t’ju ndihmojnë për të parë pjesët që e keni të vështirë t’i kontrolloni vetë (pjesa e kurrizit).

3.Shkoni te mjeku specialist. Bëni kontroll për kancerin e lëkurës nga mjeku dermatolog, një herë në vit, për të mbajtur nën kontroll zhvillimin e nishanit dhe për të bërë dallimin e hershëm të nishaneve malinje. Kontrolli i rregullt me dermatoskopi i nishaneve nga mjeku specialist, ndihmon në zbulimin e hershëm dhe përmirësimin e diagnozës.

The post Kur një nishan përbën rrezik, 3 mënyra si të vetëekzaminoni kancerin e lëkurës appeared first on Albeu.com.

Duhen përafërsisht dy minuta dhe gjithçka që duhet të bëni është të përveshni mëngët e këmishës ose xhaketës.

Ndiqni këto hapa:

1.Përdorni krahun e djathtë si zonën tuaj të testimit. Kjo është zakonisht e arritshme për shumicën e njerëzve dhe ju mund ta shihni atë lehtësisht. Gjithashtu u identifikua si te burrat ashtu edhe te gratë si shumë parashikuese.

2.Kërkoni nishane të të gjitha madhësive, formave dhe ngjyrave. Edhe nëse janë të vogla duhet t’i numëroni. Ju gjithashtu mund të shihni disa njolla të lëkurës, keni parasysh ato, por mund të jetë e ndërlikuar t’i përfshini ato në numërimin tuaj, përveç nëse janë shumë të dallueshme, shkruan The Sun.

3.Filloni të numëroni nishanet në kyçin tuaj dhe drejt bërrylit. Përfshini të gjithë krahun deri në vendin ku takohet me shpatullën.

4.Mbani shënim numrin dhe më pas përsëritni numërimin për t’u siguruar.

Rezultatet:

Më pak se 7 nishane është tregues i një rreziku relativisht të ulët të melanomës, por ju duhet të shikoni me kujdes nishanet që keni.

Midis 7 dhe 11 nishaneve. Në këtë nivel, duhet t’i kushtoni vëmendje edhe më të madhe nishaneve që keni.

Më shumë se 11 nishane, nënkupton që faktori juaj i rrezikut është pesë ose gjashtë herë më i madh se dikush me shumë pak nishane.

The post Testi i thjeshtë në kushte shtëpie që parashikon nëse mund të vuani nga ky kanceri appeared first on Albeu.com.