Në një mesazh të regjistruar paraprakisht dhe transmetuar në kuadër të një programi ndërgjegjësimi për kancerin, monarku britanik u shpreh se falë diagnozës së hershme dhe trajtimit efektiv, regjimi i tij mjekësor mund të lehtësohet.

“Sot mund të ndaj me ju lajmin e mirë se, falë zbulimit të hershëm, ndërhyrjes së duhur dhe ndjekjes së këshillave mjekësore, trajtimi im për kancerin mund të reduktohet në vitin e ri.”-tha ai.

Mbreti 77-vjeçar e cilësoi këtë zhvillim si një “bekim personal”, por edhe si dëshmi të përparimeve të mëdha që janë bërë në trajtimin e kancerit vitet e fundit. Ai theksoi se nuk është shpallur ende i shëruar plotësisht dhe se trajtimi nuk do të ndërpritet, ndërsa as këtë herë nuk bëri publik llojin e kancerit nga i cili vuan.

Deklaratat e tij sugjerojnë se sëmundja po menaxhohet në mënyrë efektive nga ekipi mjekësor, një lajm që sjell lehtësim për familjen mbretërore britanike, e cila është përballur me një vit të vështirë shëndetësor. Në vitin 2024, edhe Catherine, Princesha e Uellsit, u diagnostikua me kancer, ndërsa në janar të këtij viti njoftoi se ishte në remision pas përfundimit të kimioterapisë.

Sipas Pallatit Buckingham, Mbreti Charles ka reaguar “jashtëzakonisht mirë ndaj trajtimit” dhe tani do të kalojë në një fazë më parandaluese, me një orar dukshëm më të reduktuar. Pallati nuk dha detaje mbi natyrën e trajtimit apo sa kohë pritet të zgjasë.

Mbreti u diagnostikua me kancer gjatë një ndërhyrjeje kirurgjikale për prostatë të zmadhuar në fillim të vitit 2024. Ai ka theksuar vazhdimisht rëndësinë e zbulimit të hershëm, duke inkurajuar qytetarët të marrin pjesë në programet e kontrollit shëndetësor.

“Shumë njerëz e shmangin kontrollin sepse e imagjinojnë si diçka të frikshme apo të sikletshme. Por kur më në fund e bëjnë, shpesh ndihen të lehtësuar.”-u shpreh ai.

Ndryshe nga tradita e zakonshme e familjes mbretërore për diskrecion maksimal rreth shëndetit, Charles ka zgjedhur një qasje më të hapur, por të kontrolluar, duke e bërë publike diagnozën e tij në shkurt 2024 për të shmangur spekulimet dhe për të rritur ndërgjegjësimin për kancerin.

Pavarësisht sëmundjes, Mbreti Charles ka mbajtur një agjendë të ngjeshur me angazhime publike dhe vizita shtetërore. Ai është takuar me liderë botërorë si Presidenti amerikan Donald Trump, Presidenti francez Emmanuel Macron, Perandori Naruhito i Japonisë dhe Presidenti ukrainas Volodymyr Zelensky, si dhe ka marrë pjesë në ngjarje historike, përfshirë një shërbesë ekumenike në Vatikan.

The post Charles fiton betejën me kancerin, mbreti: Mjekët më thanë se trajtimi do të reduktohet nga viti i ri appeared first on Albeu.com.

“Ne zbuluam se gratë që kanë ushqyer me gji kanë qeliza T CD8⁺, të cilat ‘jetojnë’ në indin e gjirit për shumë vite pas lindjes dhe janë të gatshme për të sulmuar qelizat e rrezikshme,” tha profesorja Sherene Loi, onkologe mjekësore dhe autore kryesore e studimit.

Ky proces lidhet me rimodelimin e gjirit gjatë dhe pas ushqyerjes me gji, në fazën e quajtur involucion, e cila sipas studiuesve është kyçe për krijimin e këtyre qelizave mbrojtëse.

Studimi, i publikuar në revistën Nature, analizoi 1,000 gra që kishin zhvilluar kancer të gjirit trefish negativ, një nga format më agresive të sëmundjes. Rezultatet treguan se gratë që kishin ushqyer me gji kishin tumore më pak agresive dhe një përgjigje imune më të fortë sesa ato që nuk e kishin bërë këtë.

Sipas Loi, ky mekanizëm mund të jetë zhvilluar për të mbrojtur nënat gjatë periudhës së paslindjes, por sot përfaqëson një “mburojë biologjike natyrore” kundër kancerit të gjirit.

The post Studimi: Ushqyerja me gji mund të ulë rrezikun e kancerit të gjirit falë “qelizave mbrojtëse” që zgjasin për dekada appeared first on Albeu.com.

Paditësit ngritën padi në Gjykatën e Lartë të Londrës, duke pretenduar se kompania ka shitur me vetëdije pudër talk të kontaminuar me asbest për dekada, duke fshehur rrezikun për shëndetin e konsumatorëve.
Sipas mediave britanike, padia e ngritur nga firma ligjore KP Law akuzon si “Johnson & Johnson”, ashtu edhe Kenvue UK – kompania që u nda prej saj në vitin 2023 – për shitjen e produkteve midis viteve 1965 dhe 2023 që dyshohet se kanë shkaktuar kancer të vezoreve dhe mezoteliomë (kancer i membranës së mushkërive).

Sipas paditësve, pudra për foshnje përmbante fibra kancerogjene, përfshirë asbestin, dhe kompania nuk ka paralajmëruar konsumatorët për këtë rrezik. Nga ana tjetër, Kenvue ka deklaruar se produktet e saj nuk përmbajnë asbest dhe nuk shkaktojnë kancer, duke hedhur poshtë akuzat.

Vetëm javën e kaluar, “Johnson & Johnson” u urdhërua të paguante 966 milionë dollarë familjes së një gruaje që kishte vdekur nga mezotelioma në Kaliforni — një nga dëmshpërblimet më të mëdha të dhëna ndonjëherë ndaj kompanisë. Në SHBA, kompania po përballet me qindra padi të ngjashme, nga individë që pretendojnë se janë prekur nga kanceri pas përdorimit të produkteve me bazë talku.

“Johnson & Johnson” ndërpreu shitjet e pudrës së saj me bazë talku në SHBA në vitin 2020 dhe në të gjithë botën në vitin 2023, duke e zëvendësuar formulën me një version me bazë niseshte misri. Megjithatë, pasojat ligjore dhe imazhi i dëmtuar i kompanisë vazhdojnë të jenë në qendër të vëmendjes globale.

The post “Shkakton kancer”/ “Johnson & Johnson” përballet me mbi 3,000 padi për pudrën e foshnjave appeared first on Albeu.com.

Zëdhënësi i tij konfirmoi të shtunën se 82-vjeçari ka nisur tashmë trajtimin, i cili përfshin terapi me rrezatim dhe ilaçe hormonale që po i merr në kushte shtëpie.
“Si pjesë e planit të trajtimit për kancerin e prostatës, ish-Presidenti Biden aktualisht po kalon terapi me rrezatim dhe trajtim hormonal,” thuhet në deklaratën zyrtare.

Trajtimi me rrezatim pritet të zgjasë pesë javë, ndërsa medikamentet hormonale në formë pilule kanë nisur më herët. Zëdhënësi theksoi gjithashtu se Biden është “duke u ndjerë mirë”.
Në maj, Biden kishte njoftuar se kanceri ishte përhapur në kocka – një fazë e avancuar që e bën më të vështirë trajtimin. Sipas mjekëve të tij, kanceri kishte një Gleason score prej 9 (Grupi 5), që tregon për qeliza shumë agresive dhe rritje të shpejtë të tumorit.
Megjithatë, ata shtuan se forma e kancerit duket të jetë e ndjeshme ndaj hormoneve, gjë që krijon mundësi për menaxhim efektiv të sëmundjes përmes trajtimeve që bllokojnë prodhimin e hormoneve që e ushqejnë atë.
Biden iu nënshtrua ekzaminimeve pas raportimit të simptomave urinare, nga ku mjekët zbuluan një nodul në prostatë. Diagnoza u pasua nga vlerësime të shumta dhe diskutime për alternativat më të mira të trajtimit.
Në muajin gusht, ai u pa me një shenjë operacioni në pjesën anësore të kokës, e cila më vonë u konfirmua se ishte rezultat i trajtimit për një formë të kancerit të lëkurës. Zëdhënësja e tij tha se ai kishte kryer ndërhyrje kirurgjikale të quajtur Mohs surgery, një procedurë e zakonshme për heqjen e lezioneve kancerogjene në lëkurë.
Gjatë presidencës së tij në vitin 2022, Biden kishte hequr disa forma jo-melanomë të kancerit të lëkurës, dhe një vit më vonë u hoq edhe një lezion kancerogjen nga gjoksi. Sipas mjekut të atëhershëm të Shtëpisë së Bardhë, Kevin O’Connor, të gjitha indet kancerogjene u hoqën me sukses dhe nuk u kërkua trajtim shtesë.
Biden, i cili që prej përfundimit të mandatit ka qenë relativisht larg vëmendjes publike, falënderoi mbështetësit për mesazhet e tyre pas diagnozës.
“Kanceri na prek të gjithëve. Si shumë prej jush, Jill dhe unë kemi mësuar se jemi më të fortë në vendet e thyera,” shkroi ai në maj në platformën X, bashkë me një foto të tij dhe Jill përkrah maces së tyre.
Familja Biden ka qenë prej kohësh e hapur për sfidat me kancerin, pasi disa anëtarë të saj, përfshirë ish-Zonjën e Parë Jill Biden, janë përballur me diagnoza të ngjashme ndër vite.

The post Beteja e Joe Biden me kancerin, ish-Presidenti i Shteteve të Bashkuar i nënshtrohet trajtimit me rrezatim dhe hormone në shtëpi appeared first on Albeu.com.

Fushatat ndërgjegjësuese gjatë këtij muaji synojnë të përçojnë një mesazh të fuqishëm: zbulimi i hershëm shpëton jetë. Kjo periudhë shfrytëzohet për të edukuar publikun, për të inkurajuar kontrollet mjekësore dhe për të mbështetur ata që janë në betejë me këtë diagnozë.

Sipas Organizatës Botërore të Shëndetësisë, kanceri i gjirit është forma më e zakonshme e kancerit tek gratë dhe një nga shkaqet kryesore të humbjes së jetës. Në nivel global, mbi 2.3 milionë raste të reja diagnostikohen çdo vit. Vetëm në Evropë, në vitin 2020, janë raportuar mbi 570 mijë raste të reja dhe mbi 150 mijë vdekje.

Në vendet me burime më të pakta, normat e mbijetesës janë më të ulëta, jo për shkak të mungesës së trajtimeve, por për shkak të zbulimit të vonuar, mungesës së informimit dhe aksesit të kufizuar në kujdesin shëndetësor.

Shenjat që nuk duhet t’i injoroni

Zbulimi në kohë është shpesh dallimi mes jetës dhe humbjes së saj. Ja disa prej simptomave që duhen vlerësuar menjëherë nga mjeku:

Një masë e re ose fryrje në gjoks apo në sqetull
Ndryshime në formë apo përbërjen e gjirit
Rrudha, skuqje ose lëkurë me pamje të çuditshme (si “lëkura e portokallit”)
Ndryshime në thithkë: tërheqje brenda ose rrjedhje e pazakontë
Dhimbje që vazhdon pa arsye të dukshme
Jo çdo simptomë është kancer, por çdo ndryshim meriton vlerësim mjekësor.

Falë përparimeve të teknologjisë, inteligjenca artificiale (IA) po shfrytëzohet gjithnjë e më shumë në diagnostikimin e hershëm të kancerit të gjirit. Ajo ndihmon në analizimin e imazheve mjekësore me saktësi të lartë, duke përmirësuar efikasitetin dhe reduktuar mundësinë për gabime.

Studimet më të fundit tregojnë se përdorimi i IA mund të rrisë ndjeshëm shanset për një diagnozë të saktë në fazat e para, duke ndihmuar mjekët në vendimmarrje më të shpejta dhe më të sigurta.

Gjatë Tetorit Rozë, bëjmë thirrje për:

Vetëkontroll të rregullt dhe mamografi periodike
Përhapje të informacionit, edukimi është arma më e fortë
Mbështetje emocionale dhe sociale për gratë që po luftojnë
Dhurime për kërkime dhe trajtime që sjellin shpresë
Sepse nuk mjafton të jesh i vetëdijshëm, duhet të jesh aktiv.

Bëhu pjesë e ndryshimit. Vish rozën. Fol. Vepro.

The post Tetori Rozë! Një muaj për të kujtuar, ndërgjegjësuar dhe mbështetur appeared first on Albeu.com.

Mes emocioneve dhe lotëve, Kazhani tha se diagnoza i erdhi si një goditje e papritur më 2 nëntor 2024, duke e përshkruar atë ditë si “dimrin e jetës” së saj.

“U diagnostikova me kancer në gji dhe që prej asaj dite gjithçka ndryshoi përgjithmonë. Në podcaste keni parë vetëm gjysmën time, ndërsa pjesa tjetër zhvillohej në një betejë të gjatë me sëmundjen. Në atë kohë zgjodha të hesht, të përqëndrohem te shërimi im dhe të mos bëhem lajm në rrjet. Sot, ndihem mirënjohëse ndaj kolegëve të mi që e mësuan situatën time e që nuk e shpërndanë lajm, duke më sjellë qetësi mua e që nuk sollën shqetësim tek prindërit e mi që nuk e dinin se çfarë po kalonte fëmija i tyre, tani e dinë se çfarë kisha.”, shprehet gazetarja.

Ajo rrëfeu se e ka gjetur forcën duke dëgjuar histori të grave të tjera që kanë kaluar nëpër të njëjtin kalvar spitalesh, ndërsa theksoi se pavarësisht se kanceri i saj u zbulua herët, sëmundja mbetet një makth i rëndë për çdo grua. “Nuk ka kancer të lehtë, është makth. Edhe kur diagnostikohet në fazat e para, është një plagë e madhe në shpirt e trup”, u shpreh ajo.

Në librin e saj “Një ditë tjetër”, Kazhani ka dokumentuar detajet e kësaj periudhe të vështirë, duke ndarë jo vetëm dhimbjen dhe frikën, por edhe shpresën dhe guximin që e kanë shoqëruar gjatë gjithë rrugëtimit.

“Gjithmonë kam besuar tek rrëfimi. Ky është podcasti më i vështirë i jetës sime, ndaj për të më bërë pyetje sot kam ulur përballë një shoqe jete”, shtoi ajo.

The post “Makth për çdo grua”/ Mira Kazhani flet për diagnostikimin me kancerin e gjirit appeared first on Albeu.com.

Trajtimi, i cili është zhvilluar si një vaksinë mRNA, quhet “Enteromix”. Vaksina e re ruse ka përfunduar me sukses provat klinike, duke arritur 100% efektivitet dhe siguri.

Konkretisht, sipas mediave ndërkombëtare, trajtimi, i cili jo vetëm sulmon dhe neutralizon qelizat kancerogjene, por edhe zvogëlon tumoret e mëdha, tani është duke pritur miratimin përfundimtar nga Ministria Ruse e Shëndetësisë, në mënyrë që t’u vihet në dispozicion pacientëve.

Alexander Ginzburg, drejtor i Qendrës Kombëtare të Kërkimeve për Epidemiologjinë dhe Mikrobiologjinë (NF Gamalei), në fillim të gushtit njoftoi fillimin e administrimit të vaksinës tek pacientë të caktuar, e cila është zhvilluar bazuar në informacionin gjenetik personal të secilit pacient dhe ka të bëjë konkretisht me pacientët me kancer.

Enteromix bazohet në teknologjinë inovative të mRNA-së, të ngjashme me atë të përdorur në vaksinat kundër COVID-19. Mekanizmi i saj është të “stërvitë” sistemin imunitar për të njohur dhe shkatërruar qelizat kancerogjene.

Ndryshe nga metodat tradicionale, siç janë kimioterapia dhe radioterapia, vaksina është e personalizuar për secilin pacient, duke përbërë një trajtim të synuar dhe më pak të rëndë kundër kancerit. Është e rëndësishme të theksohet se nuk u raportuan efekte anësore serioze, dhe pacientët e toleruan trajtimin pa probleme.

Ginzburg deklaroi në fillim të gushtit se, sipas planit të miratuar nga Ministria Ruse e Shëndetësisë, vaksina do të administrohet eksperimentalisht tek një grup pacientësh me melanomë në bashkëpunim me Institutin Kërkimor Shkencor Onkologjik të Moskës “Gertsen” dhe Qendrën Kombëtare të Kërkimeve Mjekësore të Onkologjisë “Blokhin”.

Alexander Ginzburg tha se Qendra Gamalei është e angazhuar ekskluzivisht në prodhimin e vaksinës, e cila bazohet në “neoantigjene” të hartuara posaçërisht për secilin pacient, informojnë mediat e huaja.

Më parë, zhvillimi i një vaksine të re terapeutike për të trajtuar format serioze të kancerit u njoftua nga Qendra Federale Klinike Shkencore e Radiologjisë Mjekësore dhe Onkologjisë e Rusisë në qytetin e Dimitrovgradit.

Ginzburg theksoi se Rusia kërkon ta ofrojë këtë vaksinë falas për qytetarët rusë dhe provat klinike për të zgjedhur pjesëmarrësit e parë filluan në dhjetor 2024. /The Economic Times

The post E BUJSHME! Rusia pretendon që ka gati vaksinën kundër kancerit: Testet e “Enteromix” dalin pozitive! appeared first on Albeu.com.

Zëdhënësja e tij, Kelly Scully, konfirmoi operacionin pasi “Inside Edition” publikoi një video të Bidenit duke u larguar nga kisha në Delaware me një shenjë në ballë.
Ajo tha se Biden iu nënshtrua operacionit Mohs, një procedurë që bëhet me qëllim që të mos mbeten më shenja të kancerit.
Dy vjet më parë, ndërsa Biden ishte në detyrë, atij iu hoq një lezion nga gjoksi. Në maj, zyra e Bidenit njoftoi se ai ishte diagnostikuar me një formë agresive të kancerit të prostatës.
“Kanceri na prek të gjithëve”, shkroi Biden në rrjetet sociale në atë kohë. “Ashtu si shumë prej jush, unë dhe Jill kemi mësuar se jemi më të fortë në vendet e thyera”.
Familja Biden është përballur vazhdimisht me kancerin gjatë viteve. Djali i Bidenit, Beau, vdiq nga një tumor në tru dhe gruas së tij, Jill, iu hoqën dy lezione kancerogjene.

The post Beteja me kancerin e lëkurës, Joe Biden i nënshtrohet ndërhyrjes kirurgjikale appeared first on Albeu.com.

Ata zbuluan se ato lëshojnë një lloj të caktuar proteine, të quajtur uracil, e cila mund të përdoret si një ‘skelë’ nga qelizat kancerogjene, duke i lejuar ato të rriten në organe të tjera.

Shkencëtarët ishin në gjendje të bllokonin formimin e skelës së mundësuar nga uracili te minjtë. Kjo riktheu aftësinë e sistemit imunitar të krijesave për të vrarë qelizat sekondare të kancerit dhe për të ndaluar përhapjen e kancerit.

Shkencëtarët e arritën këtë duke bllokuar një enzimë të quajtur uridine fosforilazë-1 (UPP1), e cila prodhon uracil. Ata shpresojnë që zbulimi i uracilit në gjak mund të ndihmojë në identifikimin e shenjave të hershme të përhapjes së kancerit – dhe bllokimi i UPP1 me ilaçe mund të ndalojë përhapjen para se të fillojë.

Gjetjet e studimit, i cili u krye në laboratorët e Profesor Jim Norman dhe Profesor Karen Blyth, u botuan në revistën Embo Reports. Autorja kryesore e studimit, Dr. Cassie Clarke, tha: “Ky studim përfaqëson një ndryshim të madh në mënyrën se si mendojmë për parandalimin e përhapjes së kancerit.”

“Duke i synuar këto ndryshime metabolike sa më herët të jetë e mundur, ne mund ta ndalojmë përparimin e kancerit dhe të shpëtojmë jetë.”

Ndërkohë, Dr. Catherine Elliot, drejtoreshë e kërkimit në Cancer Research UK, tha: “Metastaza – kur kanceri përhapet – është një faktor kryesor që e bën kancerin e gjirit më të vështirë për t’u trajtuar, veçanërisht nëse kanceri kthehet muaj ose edhe shumë vite më vonë.”

“Ky zbulim na jep shpresë të re për zbulimin dhe ndalimin e hershëm të metastazave dhe për t’u siguruar njerëzve shumë vite të tjera me familjet dhe të dashurit e tyre.”

The post Përparim i madh në kancerin e gjirit, shkencëtarët zbulojnë një mënyrë për të parandaluar sëmundjen appeared first on Albeu.com.

Monarku 76-vjeçar po përshëndeste dashamirësit përkrah Mbretëreshës Camilla kur nisi një bisedë me Lee Harman, një vendas i cili kishte luftuar vetë me kancerin. Kur Harman e pyeti se si po shkonte mbreti, Charles u përgjigj thjesht: “Ndihem shumë më mirë tani… vetëm një nga ato gjëra”, sipas revistës Hello!.

The post Mbreti Charles flet hapur për betejën me kancerin gjatë vizitës mbretërore appeared first on Albeu.com.