Mediat e huaja bëjnë me dije se kjo kompani, do t’i paguajë Egjiptit si dëmshpërblim 550 milion dollarë.

Marrëveshja mes kompanisë dhe qeverisë egjiptiane është arritur të hënën. Kajro kërkoi fillimisht 2 mld dollarë dëmshpërblim për bllokimin e kanalit, nga i cili siguron miliona dollarë të ardhura çdo ditë për shkak të trafikut të madh, kryesisht të anijeve çisternë dhe atyre me mallra nga Kina.

Egjipti sekuestroi anijen me të dalë kjo e fundit nga Kanali i Suezit, ndërsa kompania fillimisht refuzoi që të paguante dëmshpërblim duke hedhur dyshime se bllokimi i kanalit kishte ndodhur për shkak të udhëzimeve të gabuara të autoriteteve egjiptiane.

Anija Ever Given, me një gjatësi prej 400 metrash u bllokua skiç në kanalin e Suezit. Anija hapi rrugën gjashtë ditë më vonë pas një operacioni shpëtimi që përfshinte një flotilje anije tërheqëse dhe anije pastrimi, dhe gjatë së cilës një person u vra.

Tregtia globale u godit me humbje që përllogariteshin deri në 2 mld dollarë në ditë, pasi qindra anije duhej të prisnin për të kaluar përmes rrugës ujore 193 km, e cila lidh Detin Mesdhe me Detin e Kuq dhe siguron lidhjen më të shkurtër detare midis Azisë dhe Evropës.

The post Anija që bllokoi kanalin e Suezit do të paguajë 550 milion dollarë gjobë këtij shteti appeared first on Albeu.com.

Natën e kaluar, kreu i Administratës së Kanalit të Suezit (SCA) tha në televizionin shtetëror se po zhvillohen negociata për kompensimin e dëmit të shkaktuar nga Ever Given, i cili ngeci në kanal dhe paralizoi trafikun në një rrugë kryesore detare. Egjipti pretendon se nuk bëri asnjë gabim në incident dhe e zhvendos përgjegjësinë te anija.

“Negociatat po vazhdojnë, ka ende shumë pika të pakoordinuara me kompaninë dhe sigurimin, duke filluar me shumën”, tha admirali Osama Rabie.

Një burim nga SCA konfirmoi për “France Presse” se negociatat janë duke u zhvilluar me kompaninë japoneze Shoei Kisen, e cila zotëron anijen dhe me kompanitë e sigurimeve. Admirali pohoi se egjiptianit po kërkojnë 900 milion dollarë.

“Anija panameze Ever Given është konfiskuar për mospagim të 900 milionë dollarëve”, tha burimi.

The post Anija që bllokoi kanalin e Suezit mbahet “peng” nga Egjipti, kërkohet një shpërblim i madh appeared first on Albeu.com.