Kontrata, me vlerë miliarda euro, parashikon blerjen nga ana e Kanadasë të dymbëdhjetë nëndetëseve ultramoderne të prodhuara nga ndërtuesi gjerman i anijeve ushtarake TKMS. Gazeta kanadeze The Globe and Mail raportoi se kompania gjermane doli fituese në garë ndaj kantierit detar koreano-jugor Hanwha Ocean, pas një rivaliteti disa mujor për këtë projekt.

Otava synon të pajiset me nëndetëse të tipit 212 CD, të njëjtin model që është porositur edhe nga marina gjermane dhe ajo norvegjeze. Vlera e këtij projekti llogaritet të kalojë dhjetë miliardë euro.

Të hënën (06.07.2026) në mëngjes, qeveria gjermane kishte shprehur pritshmërinë që autoritetet kanadeze të përzgjidhnin TKMS-në, njësinë e mbrojtjes të Thyssenkrupp me bazë në Kiel.

“Ky është një projekt strategjik i madh. Nëse realizohet, do ta lidhë Kanadanë me ne për dekada,” u shpreh një përfaqësues i qeverisë në Berlin, i cili vuri në dukje rëndësinë transatlantike të kësaj marrëveshjeje ushtarake.

Sipas të njëjtit burim, kancelari federal Friedrich Merz (CDU) kishte angazhuar shumë përpjekje politike gjatë javëve dhe muajve të fundit për ta çuar përpara këtë projekt.

Nëndetëset e tipit 212 CD konsiderohen tepër të vështira për t’u diktuar dhe, falë baterive moderne litium-jon, janë në gjendje të operojnë në mënyrë autonome për javë të tëra, krejtësisht në heshtje.

Gjatë një vizite në Kanada, ministri gjerman i Mbrojtjes, Boris Pistorius (SPD), i cili promovoi nëndetëset e prodhuara në Gjermani, deklaroi se nuk ka asnjë nëndetëse konvencionale tjetër që të krahasohet me to.

“Së bashku mund të ndërtojmë flotën më të madhe dhe më moderne të nëndetëseve konvencionale në botë.”

Drejtori ekzekutiv i TKMS, Oliver Burkhard, kishte bërë të ditur se synonte ta fitonte kontratën kanadeze përmes një pakete të gjerë industriale. Sipas raportimeve në media, diskutimet nuk u kufizuan vetëm te nëndetëset, por përfshinë edhe angazhime të mundshme investimi në fushat e mineraleve të rralla, industrisë minerare, inteligjencës artificiale dhe prodhimit të baterive për industrinë automobilistike.

Siç është shprehur Burkhard, bëhet fjalë për: “Kontrata më e madhe që është dhënë ndonjëherë në botën e nëndetëseve konvencionale te një partner i NATO-s.”

Kjo marrëveshje e madhe nuk përbën vetëm një sukses për TKMS-në, por edhe një avantazh për Gjermaninë në planin e politikës së jashtme.

Sipas qeverisë gjermane, afrimi strategjik me Kanadanë i shërben edhe forcimit të NATO-s, e cila po zhvillon samitin e saj të përvitshëm në Ankara të Turqisë.

Aleanca ndodhet në një periudhë ripozicionimi strategjik: SHBA-ja po pakëson kontributet e saj ushtarake, ndërsa Evropa po merr më shumë përgjegjësi dhe po rrit shpenzimet për mbrojtjen.

Marrëveshja e planifikuar për nëndetëset fuqizon bashkëpunimin mes Kanadasë, Gjermanisë dhe Norvegjisë, që është partneri i tretë në këtë program, si në industrinë e mbrojtjes ashtu edhe në mbrojtjen e krahut verior të NATO-s.

Një ndër synimet e shpallura të aleatëve të NATO-s është blerja e sistemeve të standardizuara për ta bërë më të lehtë bashkëpunimin ushtarak, si për shembull shkëmbimin e shpejtë të të dhënave, trajnimin e ekuipazheve dhe mirëmbajtjen teknike.

Deri tani, Gjermania dhe Norvegjia kanë vendosur të blejnë nga gjashtë nëndetëse secila të këtij modeli. Me porosinë e Kanadasë, volumi total i prodhimit dyfishohet.

Aksionet e TKMS-së shënuan përkohësisht një rritje deri në 11 për qind.

Nga kjo kontratë ushtarake pritet të përfitojë edhe kantieri detar në Wismar, në landin Mecklenburg-Vorpommern.

Në këtë kantier më parë ndërtoheshin anije turistike, deri kur operatori falimentoi në vitin 2022. Në mesin e vitit 2022, TKMS e mori në pronësi objektin dhe e ridrejtoi atë drejt ndërtimit të anijeve ushtarake dhe speciale.

Atje është ngritur një linjë prodhimi për seksionet e trupit të nëndetëseve dhe po hapen vende të reja pune.

Falë porosisë së madhe nga Kanadaja, pritet që të gjitha kapacitetet prodhuese të TKMS-së të jenë plotësisht të angazhuara për shumë vite që vijnë. /dw

The post Kanadaja zgjedh TKMS për 12 nëndetëse të reja, marrëveshja miliardëshe pritet të sjellë investime dhe punësim appeared first on Albeu.com.

Pjesa e parë e përballjes mes Afrikës së Jugut dhe Kanadasë, e vlefshme për fazën me eliminimin direkt, është mbyllur pa asnjë gol.

Të dyja ekipet krijuan mundësi për të kaluar në avantazh, por asnjëra nuk arriti të tundë rrjetën, me fatin që nuk ishte në anën e tyre.

Tashmë mbeten edhe 45 minutat e fundit për të përcaktuar skuadrën fituese që do të sigurojë kalimin më tej.

Afrikë e Jugut 0-0 Kanada

The post Afrikë e Jugut-Kanada mbyll 45 minutat e para në barazim, rrjetat mbeten të paprekura pavarësisht rasteve appeared first on Albeu.com.

Lukiç në minutën e 21-të zhbllokoi sfidën, teksa Larin të të 78-tën vendosi baraspeshën. Në fund, asnjëra skuadër nuk arriti të gjente golin e fitores në temperaturat e larta dhe lodhëse pranë brigjeve të Liqenit Ontario, kështu që pikët u ndanë.

Barazimi bëri që Kanadaja ta zgjasë serinë e saj pa humbje në nëntë ndeshje, ndërsa Bosnja regjistroi barazimin e saj të gjashtë radhazi brenda 90 minutave.

Të dyja kombëtaret do të udhëtojnë drejt perëndimit për ndeshjet e tyre të dyta në grup të enjten. Kanadaja do të përballet me Katarin në Vancouver, ndërsa Bosnja do të ndeshet me Zvicrën në Los Anxhyelos

OLI I LARIN: VIDEO 

GOLI I LUKIÇ: VIDEO 

The post VIDEO/ Kanadaja barazon me Bosnjën appeared first on Albeu.com.

Van Rutschelaar vrau tetë persona në një shkollë lokale në shkurt, para se të vriste veten.

Në një letër të datës 23 prill, Altman tha se ndjen “keqardhje të thellë” që autoritetet nuk u njoftuan për llogarinë e bllokuar që nga qershori i vitit të kaluar për shkelje të politikave të OpenAI. Sipas kompanisë, kriteret e brendshme nuk lejonin që informacioni të shpërndahej automatikisht te zyrtarët e zbatimit të ligjit.

Altman gjithashtu informoi se kishte folur personalisht me kryetarin e bashkisë së Tumbler Ridge, Daryl Krakowka, dhe kryeministrin e British Columbia, David Ebbie, duke i përshkruar vuajtjet e komunitetit si “të pabesueshme”. Ai theksoi se OpenAI është e përkushtuar të bashkëpunojë me autoritetet për të parandaluar tragjedi të ngjashme në të ardhmen.

Ky incident ngre pyetje të rëndësishme mbi përgjegjësitë e kompanive të teknologjisë në monitorimin e përmbajtjes dhe bashkëpunimin me autoritetet për të parandaluar dhunën. OpenAI ka theksuar se po rishikon praktikat e saj për të përmirësuar reagimin ndaj shkeljeve që mund të rrezikojnë jetën e njerëzve.

The post Sulmi në shkollën kanadeze ku u vranë 8 nxënës, shefi i OpenAI kërkon falje që nuk informoi policinë për agresorin appeared first on Albeu.com.

Sulmi i ndodhur ka shkaktuar vdekjen e 10 personave, përfshirë edhe vetë autoren e dyshuar, duke e renditur ngjarjen ndër sulmet më të rënda në historinë e shkollave kanadeze. Autoritetet kanë njoftuar se hetimet vazhdojnë për të zbardhur plotësisht rrethanat dhe motivet që çuan në këtë tragjedi.

Sipas raporteve të mediave, në një llogari publike në YouTube që besohet të jetë e Jesse Strang, shfaqet flamuri transgjinor dhe përdoren përemrat “ajo/asaj”. Këto detaje kanë ndihmuar në identifikimin e të dyshuarës dhe ofrojnë një pasqyrë mbi identitetin e saj.

Policia kanadeze po punon intensivisht për të mbledhur dëshmi dhe për të siguruar që përgjegjësitë të sqarohet sa më shpejt. Autoritetet kanë apeluar për respektimin e privatësisë së familjarëve dhe për ruajtjen e sigurisë së komunitetit lokal, ndërsa hetimet vazhdojnë pa ndërprerje.

Ngjarja ka tronditur komunitetin e Tumbler Ridge dhe ka nxitur reagime të shumta nga qytetarë dhe zyrtarë të provincës, të cilët kanë shprehur solidaritet me viktimat dhe familjet e tyre. Qeveria e British Columbia ka siguruar mbështetje për të gjithë të prekurit dhe ka premtuar masa për të parandaluar ngjarje të tilla në të ardhmen.

The post Jesse Strang, 18-vjeçarja transgjinore, identifikohet si autore e sulmit të rëndë në Kanada! appeared first on Albeu.com.

Kreu i shtetit, u ka shprehur ngushëllimet familjeve të viktimave dhe solidarizimin e Shqipërisë me popullin kanadezë kundër çdo akti dhune që merr jetë njerëzore.

“I tronditur nga të shtënat tragjike në një shkollë në British Columbia. Ngushëllimet e mia më të thella familjeve të viktimave dhe shërim të shpejtë të plagosurve. Shqipëria solidarizohet me popullin kanadez dhe dënon çdo akt dhune që merr jetë njerëzore”, shkruan Begaj në “X”.

Shocked by the tragic school shooting in British Columbia.

My deepest condolences to the families of the victims and a swift recovery to the injured.

Albania stands in solidarity with the Canadian people and condemns any act of violence that takes human lives.

— Bajram Begaj (@BajramBegajAL) February 11, 2026

Sipas raportimeve nga mediat e huja, shtatë nga viktimat u zbuluan brenda shkollës së mesme në komunitetin Tumbler Ridge. Dy persona të tjerë u gjetën të pajetë në një banesë, ndërsa një tjetër viktimë humbi jetën gjatë transportimit për në spital.

Edhe personi që dyshohet se hapi zjarr u gjet gjithashtu i pajetë, ndërsa ekziston mundësia që ai/ajo të jetë vetëqëlluar. Ende nuk është i qartë motivi i sulmit, ndërkohë që hetimet për identifikimin e autorit dhe viktimave vijojnë.

The post Presidenti Begaj i tronditur nga sulmi në shkollën e British Columbia: Shqipëria solidarizohet me popullin kanadez appeared first on Albeu.com.

Ngjarja e rëndë ndodhi kur autoritetet lëshuan një alarm, për një person të armatosur brenda shkollës.

Gjatë kontrollit të ndërtesës, policia gjeti gjashtë persona të vrarë me armë zjarri. Një i shtatë, i cili ishte plagosur rëndë, ndërroi jetë gjatë transportimit për në spital.

Përveç viktimave në shkollë, policia zbuloi edhe dy trupa të tjerë në një banesë në Tumbler Ridge, e cila besohet të ketë lidhje me incidentin.

Autoritetet po hetojnë nëse ka vende të tjera të përfshira dhe po kontrollojnë shtëpi dhe prona të tjera, në komunitet për të përcaktuar shtrirjen e plotë të ngjarjes.

Sipas mediave kanadeze, i dyshuari për sulmin ishte një grua, por policia ka refuzuar të japë detaje të mëtejshme mbi identitetin e saj apo motivet e mundshme të krimit.

Komuniteti i vogël, i vendosur rrëzë Maleve Shkëmbore, është tronditur nga ngjarja, ndërsa autoritetet kanë premtuar një hetim të plotë për të zbardhur rrethanat e kësaj tragjedie.

The post Tragjedi në Kanada/ Vriten 10 persona, 25 të tjerë mbetën të plagosur appeared first on Albeu.com.

Agron Alija shërbeu si mjek dhe Profesor i Asociuar në Shkollën e Mjekësisë dhe Stomatologjisë “Schulich” në London, në provincën e Ontarios.

“Me dhimbje të thellë mësuam lajmin tronditës për ndarjen e parakohshme nga jeta të Dr. Agron Alija. Në emër të Ambasadës së Republikës së Shqipërisë në Kanada dhe në emrin tim personal, shpreh ngushëllimet më të sinqerta familjes së Dr. Agron Alija për këtë humbje të pazëvendësueshme.

Dr. Agron Alija ishte një figurë emblemë e komunitetit shqiptar në Kanada, një profesionist i përkushtuar në fushën e mjekësisë dhe një njeri me shpirt fisnik që kontribuoi me dashuri, përkushtim dhe integritet në shërbim të njerëzve dhe komunitetit veçanërisht në Hamilton dhe London, aty ku edhe shërbeu si mjek dhe Profesor i Asociuar në Shkollën e Mjekësisë dhe Stomatologjisë “Schulich” në London, në provincën e Ontarios.

Humbja e tij la një boshllëk të madh jo vetëm për familjen e tij, por edhe për gjithë ata që patën fatin ta njihnin e ta vlerësonin. Në këto momente të vështira, shpreh gjithë mbështetjen time dhe uroj forcë dhe durim familjes së Dr. Alija për të përballuar këtë humbje. U prehsh në paqe, Dr. Alija. Kujtimi për ty do të qëndrojë përgjithmonë në zemrat dhe mendjet tona, me respekt, mirënjohje dhe mall të thellë për njeriun fisnik, mjekun e përkushtuar dhe mikun e dashur që ishe”, shkruan ambasadorja shqiptare.

The post E trishtë/ Humb jetën në aksident mjeku dhe pedagogu shqiptar (EMRI+FOTO) appeared first on Albeu.com.

Autori pas krimit ka marrë një prej fëmijëve të tyre dhe ka tentuar që të largohet nga vendi i ngjarjes me automjetin e tij, por është ekzekutuar nga policia, në tentativë për ta arrestuar.

Ngjarja e rëndë ka tronditur komunitetin e Brampton, ndërsa vijojnë hetimet për të zbardhur arsyet që çuan në këtë tragjedi.

The post EMRI/ Vritet nga burri 29-vjeçarja shqiptare në Kanada, nënë e katër fëmijëve appeared first on Albeu.com.

Carney, në një intervistë të publikuar javën e kaluar nga Bloomberg, u pyet nëse do të respektonte zotimin e paraardhësit të tij, Justin Trudeau, për të arrestuar Netanyahu-n, i cili akuzohet për krime lufte. Ai u përgjigj shkurt: “Po”.

“Besojmë se kryeministri Carney duhet ta rimendojë këtë qëndrim dhe ta mirëpresë kryeministrin Benjamin Netanyahu, liderin e vetmit shtet hebre dhe të vetmes demokraci në Lindjen e Mesme, në Kanada”, tha zëdhënësja e qeverisë izraelite, Shos Bedrosian.

Gjykata Penale Ndërkombëtare me seli në Hagë ka lëshuar urdhra arresti për Netanyahu-n për krime lufte dhe krime kundër njerëzimit, të cilat dyshohet se janë kryer gjatë luftës në Gaza. Izraeli e kundërshton juridiksionin e gjykatës dhe mohon se ka kryer krime lufte.

Bedrosian komentoi gjithashtu edhe vendimin e Kanadasë për të njohur një shtet palestinez, duke e cilësuar atë si “shpërblim për terrorizmin” dhe duke shtuar se “i hodhi benzinë zjarrit të antisemitizmit në Kanada”.

The post Izraeli i bën thirrje kryeministrit të Kanadasë të mos arrestojë Netanyahun nëse ai viziton vendin appeared first on Albeu.com.