Tre të arrestuarit, K.Ç., 25 vjeç, R.Ç., 21 vjeç dhe K.L., 25 vjeç, banues në Shkodër dyshohet se shpërndanin doza kanabisi në zona të ndryshme të qytetit të Shkodrës.

Ata u arrestuan në kuadër të megaoperacionit antidrogë ‘Tempulli’ dhe policia sekuestroi dozat e kanabisit si dhe 3 celularë.

‘Si rezultat i administrimit të menjëhershëm të informacioneve të siguruara nga inteligjenca policore, në vijim të megaoperacionit policor antidrogë të koduar “Tempulli”, Seksioni për Hetimin e Narkotikëve i DVP Shkodër, në bashkëpunim me Patrullën e Përgjithshme të Komisariatit të Policisë Shkodër, arrestuan në flagrancë shtetasit K. Ç., 25 vjeç, R. Ç., 21 vjeç dhe K. L., 25 vjeç, të tre banues në Shkodër.

Nga kontrollet fizike të kryera ndaj 3 shtetasve, në lagjen “Partizani”, shërbimet e Policisë gjetën dhe sekuestruan në cilësinë e provës materiale, një sasi lënde narkotike cannabis sativa, të ndarë në doza, të cilën këta shtetas, të organizuar si grup, dyshohet se do ta shitnin në zona të ndryshme të qytetit të Shkodrës.’, njofton policia.

The post Shkodër/ Tre të rinj në pranga, shpërndanin doza kanabisi në qytet appeared first on Albeu.com.

Leigh Raaschou ka luftuar me kancerin për disa dekada.

Ai nuk ka mbrojtur veten prej djegies nga dielli dhe thotë se pjesën më të madhe të jetës e ka kaluar nën rrezet e diellit.

Melanoma iu shfaq fillimisht në lëkurën e kokës dhe më pas u përhap deri në kockë. Mjekët u detyruan t’i hiqnin një pjesë të kafkës.

“Mjekët janë detyruar të heqin mbi 100 copa kanceroze të lëkurës në atë kohë, ndoshta afër 200”, thotë zoti Raaschou.

Që nga viti 1998, zoti Raaschou është prekur katër herë nga melanoma. Për herë të fundit ai u prek nga kjo sëmundje vitin e kaluar.

“Asnjëherë nuk kam mbajtur kapele, nuk kam përdorur kurrë krem për mbrojtjen e lëkurës nga rrezet e dëmshme të diellit. Dhe ky është rezultati”, thotë ai.

Terapia me rrezatim për të shkatërruar qelizat kanceroze i ka dëmtuar dëgjimin dhe shikimin.

“U jam nënshtruar trajtimeve me rrezatim në çdo zonë të kokës. Dhe mjekët më kanë thënë se nuk ka mbetur asnjë zonë pa u trajtuar. Bashkëshortja ime është e shqetësuar për gjendjen time”, thotë zoti Raaschou.

Në shumicën e rasteve, melanoma trajtohet përmes ndërhyrjeve kirurgjike ose terapive me rrezatim.

Por studiuesit në Universitetin Charles Darwin dhe Institutin Mbretëror të Teknologjisë në Melburn po hulumtojnë përdorimin e kanabisit, si një mundësi për trajtimin e kësaj sëmundjeje në të ardhmen.

Studimi është në fazat e tij fillestare, por ata zbuluan kur vendosën një ekstrakt specifik nga bima e kanabisit sativa, të quajtur PHEC-66, në një epruvetë, se ajo u bashkëngjitet receptorëve në sipërfaqen e qelizave kanceroze dhe ndërpreu rritjen e tyre.

“Bëhet fjalë për melanomën malinje, një lloj fatal i kancerit të lëkurës”, thotë Dr. Nazim Nassar nga Universiteti Charles Darwin.

Dr. Nassar është bashkautor i një studimi mbi këtë hulumtim, të botuar në revistën “Cells”.

Studiuesit tani shpresojnë të fillojnë provat me kafshët.

Kjo mund të marrë vite dhe rezultatet do të duhet të jenë të suksesshme përpara se të fillojnë provat klinike me njerëz, por zoti Nassar është i inkurajuar nga rezultatet e deritanishme.

“Kjo metodë e detyron qelizën kanceroze të kalojë në atë që ne e quajmë vdekje të programuar qelizore ose apoptozë. Dhe për ne ky studim fillestar i kryer në laborator është një rezultat i shkëlqyer”, thotë ai.

Për njerëzit që jetojnë me kancer si zoti Raaschou, çdo alternativë ndaj operacionit është një opsion i mirëpritur.

“Do të isha shumë i kënaqur nëse nuk do të më duhej të hiqja kancerin me operacion. Do të dëshiroja ta dija këtë gjë 10 vjet më parë”, thotë zoti Raaschou./VOA

The post Studimi: Kanabisi mund të shkatërrojë qelizat e kancerit të lëkurës appeared first on Albeu.com.

I arrestuari Naser Lohja dhe Pllumb Lohja, i shpallur në kërkim, në fshatin Liarzë, kishin mbjellë në kubikë, fara dhe fidanë narkotikë cannabis sativa, me qëllim kultivimin në tokë.

Si rezultat i operacionit, në këtë territor u gjetën dhe u sekuestruan në cilësinë e provës materiale, 37 336 kubikë me fara dhe fidanë kanaabisi, 1 automjet, 1 traktor dhe sende që i shërbenin kësaj veprimtarie kriminale.

Goditet një rast i tentativës për kultivim të bimëve narkotike, ndërsa në pranga ra Naser Lohja dhe shpallet në kërkim Pllumb Lohja. Sekuestrohen 37 336 kubikë me fara dhe fidanë narkotikë cannabis sativa, 1 automjet, 1 traktor dhe sende që i shërbenin kësaj veprimtarie kriminale.

Identifikohen 2 autorët e dyshuar të kësaj veprimtarie kriminale. Kapet dhe arrestohet njëri prej tyre, si dhe vijon puna për kapjen e tjetrit.

Në zbatim të masave të ndërmarra në kuadër të planit operacional policor për parandalimin dhe goditjen që në fazë fillestare të tentativave për kultivim të bimëve narkotike, si dhe me mbështetjen e informacioneve të siguruara nga inteligjenca policore, se në fshatin Luarzë, ishin mbjellë në kubikë, fara dhe fidanë narkotikë cannabis sativa, me qëllim kultivimin në tokë, shërbimet e Postës së Policisë Velipojë, në bashkëpunim me ato të Komisariatit të Policisë Shkodër dhe me ato të Drejtorisë Vendore të Policisë Shkodër, organizuan dhe finalizuan operacionin policor të koduar “Luarza 1”.

Si rezultat i operacionit, në këtë territor u gjetën dhe u sekuestruan në cilësinë e provës materiale, 37 336 kubikë me fara dhe fidanë të dyshuar narkotikë cannabis sativa, 1 automjet, 1 traktor dhe sende që i shërbenin kësaj veprimtarie kriminale.

Më tej, gjatë operacionit, si autorë të dyshuar të kësaj veprimtarie kriminale, u identifikua, u kap dhe u arrestua shtetasi N. L., 38 vjeç, si dhe u shpall në kërkim shtetasi P. L., 48 vjeç. Vijon puna për kapjen e 48-vjeçarit, si dhe për identifikimin dhe nxjerrjen përpara përgjegjësisë penale të shtetasve të tjerë që mund të jenë implikuar në këtë rast. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.

The post Emrat/ Sekuestrohen kubikë me fara dhe fidanë kanabisi në Shkodër, arrestohet 38-vjeçari, një tjetër në kërkim appeared first on Albeu.com.

Dollenberg ka thënë në një intervistë për Euronews Albania se pasojat e konsumit të kanabisit janë humbje e përqëndrimit, lodhje e shpeshtë muskulare, dëmtim i trurit, etj.

Komentet ajo i bëri teksa komentoi ligjin e ri në Gjermani, që lejon konsumin e kanabisit, në një masë të caktuar.

Sipas saj, ky është një hap pas që shteti gjerman po bën, duke theksuar se të rinjtë do e kenë më të vështirë që të mbyllin një universitet.

“Këta të rinjë kanë një pamje tipike si të një të alkoolizuari, që ecën në mënyrë jo të ekuilibruar, që flet përçart. Ashtu ka edhe i varuri nga kanabisi. Pilat e syve janë të zgjeruara, muskujt e lëshuar, ka humbje të përqëndrimit etj.

Këto shenja kaq tipike, sidomos për moshën deri në 25 vjeç kur zhvillimi i trurit është në evoluim, ka një dëmtim frenues në aftësitë për të mësuar gjërat e reja dhe në fund në aspektin social e ekonomik, të rinjtë në Gjermani duke përfshirë edhe emigrantët nga Shqipëria, do të kenë më pak aftësi të mbyllin një universitet.

Shteti gjerman po bën një hap mbrapsht në këtë drejtim. Me anë të këtij hapi (legalizimit) po e degradojnë në aspektin mjekësor edhe më tepër trurin gjerman”, tha Dollemberg.

The post Pasojat nga tymosja e kanabisit, Dollenberg: Dëmtim i trurit dhe lodhje muskulare appeared first on Albeu.com.

Arrestimi i tij është bërë në kuadër të megaoperacionit “Sundimi i ligjit”.

“Kapet nga shërbimet e Policisë Rrugore dhe vihet në pranga një 28-vjeçar i shpallur në kërkim kombëtar, i akuzuar për veprimtari kriminale në fushën e narkotikëve. 

Strukturat e Policisë të DVP Vlorë, në zbatim të masave të hartuara në kuadër të megaoperacionit policor të koduar “Sundimi i ligjit”, bazuar në informacionet e siguruara në rrugë operative, mbi vendndodhjen e një shtetasi në kërkim, kanë intensifikuar kontrollet për kapjen dhe vënien e tij, përpara përgjegjësisë ligjore. 

Si rezultat i kontrolleve u bë e mundur kapja dhe ndalimi i shtetasit: 

– L. Gj., 28-vjeç, i cili ishte shpallur në kërkim pasi Gjykata e Shkallës së Parë e Juridiksionit të Përgjithshëm Vlorë, me vendimin e datës 13.12.2020, i ka caktuar masën e sigurisë ”Arrest në burg”, për veprat penale ”Prodhimi dhe shitja e narkotikëve” dhe ”Kultivimi i bimëve narkotike”, njofton policia. 

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Vlorë, për veprime të mëtejshme.

The post Ishte shpallur në kërkim për kultivim dhe shitje kanabisi, pranga për 28-vjeçarin në Vlorë appeared first on Albeu.com.

Hetimi filloi pasi policia mësoi për ekzistencën e mundshme të bimëve të kanabisit që po rriteshin jashtë një ferme të pashfrytëzuar në komunën e Caspe. Për këtë arsye, agjentët filluan një hetim gjatë të cilit u bë e mundur të lokalizohej pikërisht ky operacion bujqësor dhe të konstatohej se vendi në fjalë nuk kishte aktivitet prej vitesh dhe se aktualisht, nëpërmjet verifikimit të kadastrës, figuronte në emër të një personi të huaj. Më datë 14 nëntor, gjatë një kontrolli në afërsi të vendit në fjalë, agjentët vëzhguan se si magazinat që përbënin operacionin bujqësor ishin në gjendje të braktisur, me një rrjetë hije jashtë ku po rriteshin bimët e marijuanës.

Gjatë këtij kontrolli u konstatua se brenda magazinës ishin ndërtuar dhoma të ndryshme me fletë termoizoluese të destinuara për kultivimin e marijuanës. Në dy prej këtyre dhomave u gjetën një numër i madh bimësh kanabisi, të ndara sipas fazave të rritjes dhe që kishin gjithçka të nevojshme për kultivimin e tyre. Në atë moment ata kapën në flagrancë një burrë që po kryente punë mirëmbajtjeje në plantacion. Për këtë arsye ai u ndalua menjëherë dhe në atë moment u vërtetua se nuk kishte njeri tjetër në ambiente.

TEKNIKË ICE-O-LATOR

Pjesa tjetër e dhomave të objektit përdoreshin ose për tharjen e lëndës ose si vend fjetjeje, duke vendosur, brenda një arkë ngrirësi, disa qese plastike të zeza me boçe marijuane të ngrira (me një peshë totale prej 60 kg) dhe një mori thasë akulli. Qëllimi i procesit të ngrirjes së marihuanës është përgatitja e hashashit të cilësisë së lartë duke përdorur teknikën ICE-O-LATOR, e cila konsiston në nxjerrjen e trikomave të kësaj bime, e cila së bashku me blloqe akulli, ujë me temperaturë të ulët dhe sita me trashësi të ndryshme janë baza për prodhimin e hashashit.

GJENERATOR INDUSTRIAL NËNTOKE

Gjatë inspektimit të fermës për të përcaktuar se ku është furnizuar plantacioni me energji elektrike dhe për të verifikuar që ajo nuk ishte vjedhur nga rrjeti publik, agjentët gjetën një derë që ndodhej në tokë, e vendosur midis dy magazinave ku ndodheshin bimët. Nga vrima dilte tym dhe nxehtësi. Pas hapjes së saj, u vu re një shkallë që të çonte në një zgavër nëntokësore ku ndodhej një gjenerator industrial me naftë, i ngjashëm me ato që përdoren në shumë qytete për t’u përdorur kur ka ndërprerje të energjisë dhe vlera e të cilit është rreth 20.000 euro përafërsisht. Si rezultat i këtij operacioni, Garda Civile arrestoi në gjendje të parregullt në Spanjë personin e ngarkuar me mirëmbajtjen e këtij plantacioni, një 26-vjeçar shqiptar, i cili akuzohet për veprën penale kundër shëndetit publik për kultivim ose përgatitjen e drogës. Ai është dërguar në paraburgim paraditen e djeshme dhe është urdhëruar pranimi i tij në qendrën e paraburgimit në Zuera. Garda Civile vijon hetimet për të përcaktuar destinacionin e kësaj lënde dhe vendndodhjen e më shumë personave të përfshirë në këto aktivitet.

The post Shkatërrohet superferma e kanabisit, arrestohet 26-vjeçari shqiptar! Si funksioninte grupi (VIDEO) appeared first on Albeu.com.

Sipas Bashës qeveria shqiptare e kanabizoi vendin dhe sipas tij, raporti i OKB për drogën na rendit në vendin e 7-të nga 154 vende.

Ai i bën thirrje SPAK që të hetojë këdo që ka abuzuar me paratë e taksapaguesve shqiptarë.

Postimi i Bashës:

Në një shtet ku ligjin e bëjnë bandat – legalizimi i kanabisit është akt kriminal ndaj shoqërisë e sidomos ndaj të rinjve.

Tashmë është fakt botërisht i njohur se si kjo qeveri e kanabizoi Shqipërinë.

Në Raportin Botëror të Drogës për vitin 2022, publikuar nga zyra e OKB-së për krimin dhe drogën, Shqipëria renditet në vendin e 7 nga 154 vende të botës për prodhimin dhe shpërndarjen e drogës.

Pamundësitë ekonomike, varfëria e papunësia kanë detyruar qindra qytetarë të punojnë si skllevër në parcelat e kanabisit që mbroheshin nga policia. E në vend që qeveria të tërhiqte investime, që hapin vende pune, rrisin mirëqënien e tyre, legalizon industrinë e kanabisit.

Në po të njëjtën ditë kjo mazhorancë, e cila ka dështuar t’u krijojë kushte më të mira e trajtim dinjitoz mjekëve që të mos largohen, kërkon me ligj t’i “burgosë” mjekët e ardhshëm për t’i ikur përgjegjësisë së saj.

Një Shqipëri e çliruar nga korrupsioni që kërcënon mirëqenien e familjeve shqiptare, i cili është ulur këmbëkryq në zyrat e qeverisë, siç dëshmon afera e Inceneratorëve, apo abuzimi me fondet e BE për bujqësinë, është prioritet sot i çdo qytetari të këtij vendi.

Ne inkurajojmë dhe mbështesim SPAK-un të hetojë pa e ndalur hetimin e gjithkujt që ka abuzuat me paratë dhe besimin e shqiptarëve e nga ana tjetër kërkojmë sa më parë vetting-un e politikanëve, për të pastruar politikën nga të korruptuarit dhe të inkriminuarit.

Ndiq paranë por dhe lidhjet me krimin është thelbi i vetting-ut të politikanëve. Vetëm kështu para shqiptarëve do të tregohet kush është i pastër e kush jo. E jo vetëm kaq por duhen krijuar mekanizmat ligjorë dhe mbështetja e pakushtëzuar për SPAK, që paratë që u janë vjedhur shqiptarëve dhe kanë përfunduar në llogari bankare, apo janë investuar kudo nëpër botë, duhet t’u kthehen shqiptarëve!

Partia Demokratike ka nisur ndryshimin nga vetja e do ta sjellë këtë ndryshim për gjithë Shqipërinë duke u bashkuar përmes vlerave dhe ideve në Aleancën Qytetare për Demokracinë, nëpërmjet të cilës mund të formojmë një shumicë që tejkalon ndarjet politike, për të bërë ndryshimet kushtetuese që u japin forcë dhe pushtet qytetarëve, që t’i zgjedhin vetë deputetët e tyre e për të ndërtuar të ardhmen që meritojnë.

The post Ligji për kanabisin Basha thirrje SPAK: Heto këdo që abuzon me taksat e shqiptarëve appeared first on Albeu.com.

Në veçanti, INCB, në Raportin Vjetor për vitin 2022, paralajmëron se legalizimi i përdorimit jomjekësor të kanabisit, i cili bie ndesh me Konventën e Vetme për Drogat e të vitit 1961, duket se rezulton në konsum më të lartë dhe një zbutje të perceptimit të rrezikshmëria e tij, veçanërisht për të rinjtë.

Në Shtetet e Bashkuara , adoleshentët dhe të rinjtë kanë treguar se përdorin dukshëm më shumë kanabis në shtetet federale ku kanabisi është legalizuar, krahasuar me shtetet e tjera ku përdorimi mbetet i paligjshëm.

Provat tregojnë gjithashtu se disponueshmëria e përgjithshme e produkteve të legalizuara të kanabisit zbut perceptimin e rrezikut dhe pasojat negative të përdorimit të tyre. Produktet e reja, ushqimore apo avulluese, të tregtuara në ambalazhe tërheqëse e kanë intensifikuar këtë trend. INCB konstaton se kjo ka kontribuar në nënvlerësimin e efekteve të përdorimit të kanabisit në sytë e publikut, veçanërisht tek të rinjtë.

” Industria në rritje e kanabisit po promovon produkte të lidhura me kanabisin për të tërhequr të rinjtë, dhe kjo është një shkak i madh për shqetësim, siç është mënyra në të cilën dëmet që lidhen me përdorimin e produkteve shumë të fuqishme të kanabisit nënvlerësohen,” komenton presidenti i INCB./AlbeEu.com/

The post OKB ngre alarmin: Në vendet ku është legalizuar kanabisi, janë shtuar problemet shëndetësore appeared first on Albeu.com.

Lajmin e kanë bërë të ditur mediat e huaja, sipas të cilave, Ilidion Brahaj, doli në Gjykatën Chester Croën të mërkurën ku u deklarua fajtor për akuzën e prodhimit të drogës së klasit B.

Akuza vjen pas zbulimit të parcelës me më shumë se 1,000 bimë brenda ish Gjykatës së Magjistraturës Halton në Northëay në Runcorn, dhe që përfshin një periudhë midis 1 shtatorit deri në 26 nëntor 2021.

Gjykata e Magjistraturës Halton u mbyll nga Ministria e Drejtësisë më 13 janar 2017, si pjesë e një ristrukturimi për uljen e kostove që pritej të kursente 350,000 £ në vit. Ajo ka mbetur bosh që nga ajo kohë.

The post EMRI/ Shqiptari kthen në parcelë “bari” ambientet e ish-Gjykatës (FOTO LAJM) appeared first on Albeu.com.

Erjon Selivrada është arrestuar pasi më parë kishte sulmuar një një oficer, duke shkaktuar madje edhe një aksident në trafikun rrugor, teksa vrapoi në autostradën A34 për të shmangur arrestimin.

⚖️ SENTENCED ⚖️

This is what NOT to do when stopped by the police ?

Erjon Selivrada has been sentenced to 18 months in prison for a number of offences, including assaulting a police officer.

Originally stopped for speeding, Selivrada decided to do this to avoid arrest…?? pic.twitter.com/JJ9o6ZVZGE

— Thames Valley Police (@ThamesVP) July 29, 2022

Ngjarja me protagonist Selivradën ndodhi në Newbury, ndërsa Policia e Luginës së Thames njofton se pas përfundimit të dënimit me burg, Selivrada do të deportohet në Shqipëri.

Selivrada më pas kaloi nëpër të dy karrexhatat e A34, duke shkaktuar një përplasje midis dy HGV. Në vendngjarje shkoi Shërbimi Ajror i Policisë Kombëtare, që bënë të mundur lokalizimin nga helikopteri të 30-vjeçarit, të cilit iu gjetën pas kontrollit në automjet8 kg kanabis dhe një sëpatë.

Ai u deklarua fajtor për:

Për furnizimin me një drogë të klasëit B, përkatësisht kanabisit;
Posedimin e një arme sulmuese;
Sulm, me qëllim për t’i rezistuar arrestimit;
Posedim të pasurisë kriminale;
Shkaktim të rrezikut për përdoruesit e rrugës;
Drejtimin e mjetit pa patentë;
Përdorimin e një automjeti në rrugë pa sigurim të palës së tretë dhe shpejtësi të lartë./albeu.com

The post Me sëpatë dhe 8 kg kanabis në makinë, 30-vjeçari shqiptar godet policin britanik (VIDEO) appeared first on Albeu.com.