Nga Ministria e Shëndetësisë në raportin e monitorimit të treguesve të 8 mujorit, është raportuar realizimi i një shpenzimi me vlerë 4,7 mln lekë nga Agjencia Kombëtare e Kontrollit të Cannabis-it.

Burime nga Ministria e shëndetësisë, sqaruan për Monitor se shuma e raportuar është shpenzuar për trajnimet e punonjësve të Agjencisë. Ndërsa aplikimet pritet të nisin vitin e ardhshëm, pas përfundimit të miratimeve të akteve nënligjore.

Miratimi i tyre do të mundësojë zbatimin e ligjit “Për kontrollin e kultivimit dhe përpunimit të bimës së kanabisit për qëllime mjekësore dhe industriale”.

“Gjatë vitit 2024 është çelur produkti Subjekte të licencuara dhe të lejuara për kultivimin e bimës së Cannabis-it për qëllime mjekësore dhe industriale, i cili përfaqëson aktivitetin e Agjencisë Kombëtare të Kontrollit të CANNABIS-it, me një realizim 4,793,492 lekë. Për këtë institucion nuk mund të kemi ende sasi faktike, do të nisim ta parashikojmë në fund të vitit 2024”, citohet në raportin e monitorimit të Ministrisë së shëndetësisë.

Po ashtu, pas miratimit nga Ministria e Shëndetësisë së formatit të licencës për ushtrimin e aktivitetit për kultivimin dhe përpunimin e kanabisit për qëllime mjekësore, dhe VKM të Këshillit të ministrave për përcaktimin e pagesës së anëtarëve të komisionit të licencimit, ka përfunduar hartimi i udhëzimit për përdorimin e tarifës së licencimit.

Mësohet se nga dy ministrisë ka përfunduar hartimi i udhëzimit të përbashkët dhe i ka kaluar për miratim Këshillit të Ministrave, ku është përcaktuar se 70% e arkëtimeve nga tarifat e licencimit do t’i kalojnë buxhetit të shtetit dhe 30% buxhetit të Agjencisë Kombëtare të Cannabis-it.

Sipas Nenit 14 të ligjit, operatorët që do të kërkojnë të pajisen me licencë, do të paguajnë në momentin e paraqitjes së kërkesës një tarifë në vlerën 100,000 lekë, e cila është e pakthyeshme.

Ndër të tjera, Neni 15 i ligjit përcakton se pas vitit të tretë, operatorët do të paguajnë një tarifë vjetore të barabartë me 1,5% të qarkullimit vjetor, por, në çdo rast, jo më pak se 10, 000, 000 lekë. Procedura e pagimit të tarifës dhe mënyra e përdorimit të kësaj tarife, do të me udhëzim të përbashkët të ministrit përgjegjës për financat dhe ministrit për shëndetësinë.

Pas miratimit në 2023 të ligjit “Për kontrollin e kultivimit dhe përpunimit të bimës së kanabisit për qëllime mjekësore dhe industriale” edhe në Shqipëri kultivimi dhe përpunimi i kanabisit për qëllime mjekësore dhe industriale, konsiderohet aktivitet i lejuar nëpërmjet operatorëve të licencuar.

Ligji parashikon detyrimin se aksionari i cili zotëron 51% të aksioneve të shoqërisë, duhet të jetë ushtrues i veprimtarisë së prodhimit të nënprodukteve të bimës së cannabis-it në një nga vendet e Organizatës për Bashkëpunim Ekonomik dhe Zhvillim, për të paktën 5 vjet të jetë zotërues i praktikave të mira të prodhimit, të lëshuar nga Agjencia Evropiane e Barnave ose Agjencia Amerikane për Ushqimin dhe Barnat për të paktën 3 vjet.

Pranë Agjencisë, është krijuar edhe Komisioni i Licencave. Komisioni i licencave përbëhet nga 7 anëtarë përfaqësues të Ministrisë së Shëndetësisë dhe Mbrojtjes Sociale, Ministrisë së Brendshme, Ministrisë së Bujqësisë dhe Zhvillimit rural dhe Ministrisë së Ekonomisë.

Ndërsa nga Këshilli i Ministrave në muajin Maj 2024, u miratua vendimi “Për përcaktimin e pagesës së anëtarëve të komisionit të licencave për kultivimin e Cannabisit për qëllime mjekësore”.

Vendimi përcaktonte se anëtarët e emëruar në Komisionin e Licencave, për kultivimin e cannabis-it për qëllime mjekësore përfitojnë do të përfitojnë një pagesë për pjesëmarrjen dhe kontributin e tyre në këtë komision, në masën 25, 000 lekë për mbledhje, por jo më shumë se 12 pagesa në vit.

Gjithashtu, më herët në muajin shkurt, u miratuar urdhri i Ministrisë së Shëndetësisë, ku përcaktohej formati i licencës për ushtrimin e aktivitetit për prodhimin e kanabisit për qëllime mjekësore.

Ligji përcakton se licenca për aktivitetin e kultivimit jepet vetëm në sipërfaqe të hapura, të mbuluara ose sera. Sipërfaqja e njësisë së licencës të aktivitetit për kultivim të cannabis-it për qëllime mjekësore, nuk mund të jetë më e vogël se 5 hektarë dhe jo më e madhe se 10 hektarë. Sipërfaqja totale e lejuar për kultivimin e bimës së cannabis-it për qëllime mjekësore, nuk mund të jetë më e madhe se 200 hektarë në rang kombëtar.

PROCEDURA E PAJISJES ME LICENCË PËR USHTRIMIN E AKTIVITETEVE TË LIDHURA ME PRODHIMIN E CANNABISIT PËR QËLLIME MJEKËSORE

1. Licenca për prodhimin e cannabis-it për qëllime mjekësore mund të përmbajë veprimtaritë e mëposhtme:

1. a) kultivimin, prodhimin e bimës së cannabis-it për qëllime mjekësore

2. b) transportimin e farërave, bimëve dhe produkteve e nënprodukteve të cannabis-it për qëllime mjekësore në territorin e Republikës së Shqipërisë;

3. c) eksportin e bimëve, produkteve dhe nënprodukteve të cannabis-it për qëllime mjekësore.

2. Licenca jepet për një ose disa veprimtari, për një periudhë 15-vjeçare, me të drejtë rinovimi me kërkesë, për secilin nga aktivitetet dhe bazuar në procedurën përzgjedhëse të organizuar nga Agjencia. Formati i licencës për ushtrimin e aktiviteteve të lidhura me prodhimin e cannabis-it për qëllime mjekësore miratohet me urdhër të ministrit përgjegjës për shëndetësinë.

3. Licenca i jepet vetëm subjektit që plotëson kushtet dhe kriteret e përcaktuara në këtë ligj, si dhe vetëm për njësitë dhe aktivitetin e kërkuar e të përcaktuar në planzhvillimin e saj, duke përcaktuar koordinatat e vendndodhjes së njësive dhe marrëdhënien e subjektit me tokën.

4. Licenca jepet vetëm në emër të subjektit dhe është e patransferueshme dhe e patjetërsueshme. Licenca ka si pjesë përbërëse të saj aktivitetet për të cilat subjekti licencohet, me plotësimin e kërkesave të përcaktuara në këtë ligj.

5. Nëse në licencë është përcaktuar se aktivitete të caktuara, të parashikuara në licencë, mund të kryhen tërësisht apo pjesërisht nga subjekte të tjera, këto subjekte do të verifikohen në lidhje me plotësimin e kushtit të pastërtisë së figurës, si dhe përcaktohen shprehimisht në licencë. Ndryshimet që lidhen me tjetërsimin e pronësisë së këtyre subjekteve kërkojnë miratimin paraprak me shkrim të Komisionit të Licencimit. Komisioni jep ose refuzon miratimin paraprak, brenda 3 muajve nga paraqitja e plotë e kërkesës, mbështetur në dokumentacionin e përcaktuar në lidhje me verifikimin e pastërtisë së figurës.

6. Licenca përcakton një ose disa njësi për të cilat subjekti ka plotësuar kriteret. Nëse subjekti licencohet për më shumë se një njësi, ato duhet të jenë kufitare me njëra-tjetrën dhe, në çdo rast, jo më shumë se 4 njësi në të njëjtën licencë.

7. Licenca për aktivitetin e kultivimit jepet vetëm në sipërfaqe të hapura, të mbuluara ose sera. Sipërfaqja e njësisë së licencës të aktivitetit për kultivim të cannabis-it për qëllime mjekësore nuk mund të jetë më e vogël se 5 hektarë dhe jo më e madhe se 10 hektarë

8. Sipërfaqja totale e lejuar për kultivimin e bimës së cannabis-it për qëllime mjekësore nuk mund të jetë më e madhe se 200 hektarë në rang kombëtar.

9. Kërkuesi, për t’u pajisur me licencë, paguan në momentin e paraqitjes së kërkesës një tarifë në vlerën 100 000 (njëqind mijë) lekë, e cila është e pakthyeshme. Procedura e pagimit të tarifës dhe mënyra e përdorimit të kësaj tarife përcaktohen me udhëzim të përbashkët të ministrit përgjegjës për financat dhe ministrit përgjegjës për shëndetësinë.

10. Kushtet e dhënies së licencës, të përcaktuara në pikën 2, të nenit 15, duhet të respektohen nga subjekti i licencuar gjatë të gjithë kohëzgjatjes së vlefshmërisë së saj. Çdo 3 vjet kushtet e licencës rivlerësohen nga Agjencia, e cila, nëse konstaton mospërmbushjen e kushteve dhe kritereve, propozon, sipas rastit, pezullimin ose shfuqizimin e licencës apo i kërkon subjektit plotësimin e kushteve brenda një afati 30-ditor.

11. Jo më vonë se 6 muaj përpara përfundimit të afatit të vlefshmërisë së licencës, subjekti mund të kërkojë rinovimin e saj kur provon se plotëson kushtet e pajisjes me licencë sipas përcaktimeve të këtij ligji./Monitor

The post Procedura/ Vitin e ardhshëm pritet të hapen licencimet për kultivimin e kanabisit mjekësor appeared first on Albeu.com.

Komisioni Evropian publikoi dje raportin për procesin “Screening” me Shqipërinë. Raporti pasqyron funksionimin e institucioneve demokratike, gjyqësorin, të drejtat themelore, kriteret ekonomike, prokurimin publik e kontrollin financiar.

KE prek miratimin e ligjit për kanabisin, qëndrimi kundër për amnistinë fiskale dhe pasaportat e arta. Në këtë raport, shprehet qëndrimi pro me kushte të përdorimit të kanabisit për qëllimeve mjekësore dhe industriale.

Sipas Brukselit pikë kyçe mbetet çështja e pronave dhe shprehet qëndrimi kundër amnistisë fiskale dhe pasaportave të arta. Në raport përmendet edhe nisma për legalizimin e kanabisit për qëllime mjekësore, për të cilën theksohet se e rëndësishme është parandalimi i mundësisë që ai të përdoret për qëllime të tjera.

Raporti do të shërbejë për vendimin e vendeve anëtare të BE për hapjen e negociatave të kapitujve të anëtarësimit. Raporti vjen një vit pas hapjes së negociatave Shqipëri-Bashkimi Evropian dhe përfundimit të raundit të parë të takimeve.

Problematika

Komisioni Evropian në raportin “Screening” për vendin tonë evidentin rrugëtimi Shqipërisë drejt BE-së, problematikat kryesore në vend por edhe arritjet në reforma kyçe.

“Kuadri legjislativ dhe institucional i Shqipërisë duhet të konsolidohet dhe të thellohet më tej në zbatimin e reformës, kornizën ligjore dhe institucionale, veçanërisht duke siguruar bashkëpunim efektiv ndërmjet institucioneve të drejtësisë. Shqipëria duhet të rrisë koherencën e kuadrit ligjor dhe institucional për parandalimin e korrupsioni dhe integriteti i zyrtarëve publikë, i cili është gjithëpërfshirës, por tepër kompleks, në veçanti si për zyrtarët e lartë”, thuhet në raportin e Komisionit Evropian.

Një vëmendje e veçantë në raport i kushtohet miratimit të projektligji për kultivimin e kanabisit mjekësor.

“Është e rëndësishme të sigurohet që janë vendosur mekanizmat për të parandaluar në mënyrë efektive devijimin e këtij kanabisi tregjet e paligjshme”, citohet KE.

Rekomandimet

Raporti “Screening” i Komisionit Evropian jep rekomandimet për hapat pasardhës që duhen ndërmarrë në kuadër të procesit të negociatave për anëtarësim. Ndërkohë që në një kapitull më vetë ka edhe vlerësime dhe rekomandime për proceset zgjedhore.

“Zgjedhjet respektuan parimet themelore të demokracisë. Financimi i partive, ka bërë hapa para por mbetet ende shumë për tu përmirësuar. Rishikimi i kornizës legjislative për financimin e partive politike dhe fushatave zgjedhore ishte një hap drejt transparencës më të madhe dhe mbikëqyrjes më efektive, por ekzistojnë mangësi në lidhje me rregulloret dhe kufizimet për donacionet dhe shpenzimet të cilat duhet të shtrihen për palët e treta; Nga garuesit duhet t’u kërkohet të zbulojnë më parë të ardhurat dhe shpenzimet e fushatës së tyre dita e zgjedhjeve; Kapacitetet e KQZ-së për të siguruar monitorimin e duhur të financave të partive mbeten për t’u konsoliduar kontribuojnë në një kontroll më të madh, duke përfshirë një regjim auditimi më rigoroz”, bëhet e ditur në raportin e KE-së.

Në raport, pikë e dobët mbetet çështja e pronave, ndërkohë që vijimi me dixhitalizimin inkurajohet.

“Kadastra shtetërore duhet të vendosë masa efektive për parandalimin e korrupsionit, zhvillimi i një integrimi efikas sistemit të menaxhimit të tokës dhe të procedojë fuqishëm me dixhitalizimin sistematik dhe rakordimin e zellshëm të titujve juridikë dhe hartave kadastrale”, theksohet në dokument.

Raport evidenton qëndrimin kundër amnistisë fiskale dhe pasaportave të arta, ndërsa në lidhje me median, thekson se Shqipëria kishte bërë hapa në forcimin e kuadrit ligjor dhe institucional për t’u adresuar dezinformata gjatë zgjedhjeve. Për sa i përket kërkesës së përshpejtuar të Shqipërisë për integrim, Shqipëria tashmë po merr pjesë në të gjithë ekspertët takimet e grupeve siç parashikohen për të gjitha vendet kandidate sipas termave të referencës në fuqi – kështu që pjesëmarrja tashmë është vendosur në masën më të gjerë të mundshme aktualisht./panorama

The post “Luftoni korrupsionin në nivelet e larta të qeverisjes”, zbardhet raporti i KE-së, kërkesat që i parashtron Shqipërisë appeared first on Albeu.com.

Basha thotë se qeveria pasi e kanabizoi vendin, tashmë edhe e legalizoi atë.

Sipas Bashës, SPAK duhet të ndalë përdorimin për grupet kriminale.

Reagimi i Bashës:

Përparësia e kësaj qeverie duket se është kanabisi. Pasi nisi qeverisjen duke kanabizuar Shqipërinë, tani po e legalizon atë. Kjo është përgjigja e saj për të rinjtë që po emigrojnë masivisht, apo studentët e mjekësisë që kërkon t’i “burgosë” me ligje anti-kushtetuese.

Pas legalizimit të vjedhjes përmes Inceneratorëve, check-up, tenderave dhe koncesioneve korruptive tashmë i duhet legjitimimi i kanabisit për llogari të klientëve të pushtetit. SPAK duhet ta ndalë përdorimin e këti ligji për nevoja të grupeve kriminale, duke hetuar çdo kompani guackë të interesuar për këtë industri, pasi pronarët e vërtet nuk do të shfaqen asnjëherë.

Një Shqipëri e çliruar nga korrupsioni është prioriteti i çdo qytetari të këtij vendi.

Sot Shqipëria ka nevojë për pastrimin e politikës, ndarjen me krimin dhe largimin nga sistemi të politikanëve të korruptuar. Kjo është plotësisht e mundur përmes vetting-ut në politikë. Nuk është e lehtë, por është dëshmia e parë e cila ndan ata që e kanë frikë, me ata që s’kanë asgjë për të fshehur.

Partia Demokratike është gati të ndërtojë një aleancë gjithëpërfshirëse me të gjithë faktorët shoqërorë, për një projekt ndryshimi që nis me zgjidhjen e çështjeve që mbajnë të bllokuar sistemin politik dhe atë ekonomik:

Listat e hapura;

Vetting-un në politikë;

Kufizimin e mandateve;

Votën e diasporës;

Zgjedhjen e Presidentit nga populli.

The post Legalizimi i kanabisit mjekësor, Basha ka një thirrje për SPAK appeared first on Albeu.com.

Gjithashtu në rend dite është projektligji për kanabisin mjekësor, i cili ka kaluar në komisione nen për nen dhe sot pritet të miratohet.

Në seancën e sotme do të ketë raportime vjetore nga Autoriteti i Komunikimeve Elektronike dhe Postare, Agjencia e Mbikëqyrjes Financiare dhe Kontrolli i Lartë i Shtetit.

Rendi i ditës:

The post Sot seancë plenare, projektligji për studentët e mjekësisë dhe kanabisin mjekësor në rend dite appeared first on Albeu.com.

Pranë Agjencisë Kombëtare për Kontrollin e Kanabisit do të ngrihet edhe Komisioni i Licencave që do të administrojë dhe verifikojë kërkesat që do të paraqesin subjektet. Ky komision do të vendosë edhe sanksione për ato subjekte që pajisen me leje dhe licenca por që shkelin kushtet ose dalin përtej kuadrit ligjor të përcaktuar. Licenca për çdo kompani të interesuar miratohet nga qeveria bazuar mbi disa kritere dhe procedura përzgjedhëse të organizuara nga Agjencia Kombëtare e Kanabisit. Kështu sipërfaqja totale e lejuar për kultivimin e bimës së cannabis-it për qëllime mjekësore nuk mund të jetë më e madhe se 200 hektarë në rang kombëtar.

Gjithashtu licenca për aktivitetin e kultivimit jepet vetëm në sipërfaqe të hapura, të mbuluara ose sera. Sipërfaqja e njësisë së licencës të aktivitetit për kultivim të cannabis-it për qëllime mjekësore nuk mund të jetë më e vogël se 5 hektarë dhe jo më e madhe se 10 hektarë. Ky kufizim pritet të ndezë një luftë të fortë mes kompanive për t’u pajisur me licencë. Licenca për kompanitë jepet për një periudhë 15-vjeçare.

Në ligj janë vendosur kritere të forta për t’u pajisur me licencë. Kriteri i parë është që kompania duhet të ketë eksperiencë 3-vjeçare në kultivimin, prodhimin, përpunimin, qarkullimin dhe administrimin e bimës së kanabisit. Kompania ose aksioneri me 51% të aksioneve të shoqërisë duhet të jetë ushtrues i veprimtarisë së prodhimit të nënprodukteve të bimës së kanabisit në një nga 38 vendet pjesë të Organizatës për Bashkëpunim dhe Zhvillim Ekonomik për të paktën 5 vite.

Subjekti duhet të jetë i pajisur me certifikatë të paktës së mirë të prodhimit lëshuar nga Agjencia Europiane e Barnave Agjencia Amerikane për Ushqimin dhe Barnat. Gjithashtu, kompania duhet të ketë një kapital jo më të vogël se 100.000.000 lekë.

Por për t’u pajisur me licencë, subjekti, administratori, anëtarët e organeve drejtuese, ortakët apo aksionarët nuk duhet të jenë në ndjekje penale apo në në gjykim për ndonjë vepër penale. Në raste shkeljesh do të ketë edhe penalitetet që janë gjobë nga 500 mijë lekë deri në 5 milionë, si dhe ndalimi i përkohshëm i kryerjes së veprimtarisë për një periudhë nga 6 muaj deri në 3 vjet. Ministri përgjegjës për shëndetësinë vendos për shfuqizimin e licencës nëse subjekti shkel në mënyrë të përsëritur kushtet e licencës.

Mes kritereve për të aplikuar për licencë është vetëdeklarimi për punësimin për të paktën 10 persona për çdo njësi, 2 prej të cilëve duhet të jenë punonjës të kualifikuar në fushën e farmacisë dhe agroinxhinierisë, me përvojë pune jo më pak se 3 vjet në fushën përkatëse.

Subjektet duhet të bëjnë një vetëdeklarim se pas vitit të tretë do të paguajë një tarifë vjetore të barabartë me 1,5 % të qarkullimit vjetor, por në çdo rast, jo më pak se 10,000,000 lekë. Gjithashtu Subjektet duhet të paraqesin garanci bankare në masën 10% të vlerës së investimit, si edhe të paraqesin vetëdeklarim se do të plotësojë të gjitha kërkesat për gjurmueshmërinë, sipas përcaktimeve të këtij ligji.

The post Projektligji, cilat janë kushtet për të mbjellë kanabis me leje në Shqipëri appeared first on Albeu.com.

Lajmi u bë i ditur nga Ministrja e Shëndetësisë, Ogerta Manastirliu, menjëherë pas përfundimit të mbledhjes së qeverisë.

“Ka miratuar projektligjin për kanabisin, për qëllime mjekësore dhe industriale. Nga këshillimi kombëtar ku 61% e qytetarëve u shprehën pro, ka filluar puna nga disa ministri. Ky projektligj përcakton kuadrin rregullator për mënyrën pse si do iniciohet procesi. Qëllimi është rregullimi dhe granatimi i procesit të kontrollit dhe mbikëqyrjes së prodhimin, përpunimit.

Aspekte kryesore, lidhen me aspekte rregullatorë që i përkasin nga momenti i kultivimit dhe eksporti i sigurt dhe i kontrolluar. Ka një element të veçantë, aspekti rregullator përcakton edhe institucionet që do merren me kontrollin e përpunimit dhe prodhimit të produkteve për qëllime mjekësore. Krijohet Agjencia kombëtare për kontrollin e kanabisit. Janë parashikuar të gjitha kushtet për aspektet e dhënies së licencave dhe lejeve me kritere të përcaktuara dhe konsultuara dhe mirëoganizuara. Kemi patur gjithë vëmendjen e duhur për të gjithë praktikat më të mira në botë“, tha Manastirliu.

The post Miratohet projektligji për kanabisin mjekësor, Manastirliu: Janë parashikuar të gjitha kushtet për aspektet e dhënies së licencave appeared first on Albeu.com.

Mediat në Malin e Zi shkruajnë se janë pikërisht socialdemokratët ata që thanë se së shpejti do ta paraqesin projektligjin, ku përfshihet kryesisht vaji i kanabisit për t’u përdorur për qëllime mjekësore.

Deputetët e URA-s thonë për mediat malazeze se mbështetjen e tyre e bazojnë tek studimet më të fundit shkencore që vërtetojnë efektivitetin e kanabisit në sasi shumë të kufizuara për kurimin e disa sëmundjeve. Por kundër këtij propozimi është partia boshnjake në qeveri, që fillimisht kërkon dialog të gjerë.

Në rajon, vetëm Maqedonia e Veriut e ka legalizuar kanabisin për qëllime mjekësore. Ndërsa edhe Shqipëria po shqyrton këtë mundësi pas rezultateve të Këshillimit Kombëtar./albeu.com

The post Pas Shqipërisë, ja cili shtet merr nismën për legalizimin e kanabisit appeared first on Albeu.com.

Nga 67 kompani që u licencuan për të bërë përpunimin e ekstraktit (vajit) të kanabisit, një pjesë e madhe e të cilave ishin nga Shqipëria, vetëm 5 prej tyre mbijetuan, dhe vetëm njëra nga to eksporton ekstraktin.

Eksperti i ekonomisë nga Maqedonia e Veriut, Abil Baush, tha se, “nga një sektor që do sillte 100 milionë euro të ardhura në buxhet me qindra të punësuar, përfunduam me 2 milionë euro shitje të vajit kanabis në vit dhe me shumë pak të punësuar në këtë sektor”.

Kompanitë që mbollën, i kanë depot të mbushura me lulet e kanabisit, pasi me ligj, ato duhen të eksportojnë vetëm vaj. Investimet për laboratorin e vajit kërkojnë më shumë se 5 milionë euro dhe vetëm një nga 60 kompanitë që e morën licencën arriti të prodhojë vaj sipas kërkesave të ligjit”.

Burime të tjera nga Maqedonia e Veriut, pohuan se shumë prej kompanive që prodhuan kanabis në mënyrë të ligjshme e shitën në tregun e zi, në mënyrë që të mbulonin shpenzimet e kultivimit. Shembulli më i afërt tregon se, kultivimi i kanabisit për qëllime mjekësore në vende ku lulëzon tregu i zi e ka të vështirë mbijetesën. Në të njëjtën situatë janë edhe bizneset e licencuara në vende të tjera.

Një analizë e Cato Institute në SHBA gjeti se numri i përdoruesve të kanabisit në moshat e reja ishte rritur me 22% pas legalizimit, ndërkohë që çmimet në pikat e shitjes nuk ishin ulur në mënyrë të dukshme. Ndërkohë që shumë shtete nuk morën të ardhurat e pritshme nga taksat, pasi ende në shumë prej tyre nuk lejohet shitja me pakicë në mënyrë që të vilet akciza.

Vendet që kanë lejuar kultivimin e kanabisit për qëllime mjekësore po përballen me problematika të paparashikuara. Në Kaliforni, për shembull, në vitin, Departamenti i Kontrollit të Kanabisit vërejti se kishte rritje të kriminalitetit që kishte lidhje me njësitë e ligjshme.

Abil Baush: Kanabisi mjekësor nuk e rriti vlerën në ekonominë e Maqedonisë së Veriut

Nisma për kultivimin e kanabisit mjekësor në Maqedoninë e Veriut në vitin 2016, me qëllim përmirësimin e punësimit dhe të ardhurave buxhetore, nuk rezultoi efikase.

Eksperti i ekonomisë nga Maqedonia e Veriut, Abil Baush, shpjegoi në një intervistë për Monitor arsyet se pse nisma për legalizimin e kanabisit mjekësor për përfitim ekonomik “dështoi”

Zoti Baush, prej vitesh, qeveria e Maqedonisë së Veriut ka legalizuar kultivimin e kanabisit për qëllime mjekësore, si një alternativë për zhvillimin e mëtejshëm të ekonomisë. A ia ka arritur qëllimit kjo nismë në aspektin e përfitimit ekonomik?

Ligji për kontrollin e drogave narkotike dhe substancave psikotropike në Republikën e Maqedonisë së Veriut hyri në fuqi në vitin 2016, nga atëherë VMRO si parti në pushtet.

Pastaj u soll për modifikim në procedurë parlamentare në vitin 2019 nga LSDM, por nuk u miratua, sepse Parlamenti u shpërbë dhe u zhvilluan zgjedhje parlamentare. Këtu te ne, biznesi me ekstraktin e kanabisit u perceptua më shumë si premtim parazgjedhor se sa në fakt kishte ndonjë ndikim në ekonominë e vendit.

Nga 67 kompani që u licencuan për të bërë përpunimin e ekstraktit (vajit) të kanabisit, mbijetuan vetëm 5 prej tyre, dhe vetëm njëra nga to eksporton ekstraktin. Nga një sektor që do të sjellë 100 milionë euro të ardhura buxhetore dhe me qindra të punësuar përfunduam me 2 milionë euro shitje të vajit kanabis në vit dhe me shumë pak të punësuar në këtë sektor.

Vlen të theksohet se tani, këto kompani i kanë të mbushura depot me lulet e kanabisit, që paraqesin shpenzime për kompanitë, sepse ato e kanë të ndaluar me ligj të shiten ose eksportohen.

A ka ndikuar kjo politikë në thithjen e investimeve të huaja, në rritjen e punësimit dhe të ardhurave shtesë në ekonomi?

Në fillim, kjo nismë u paraqit si tërheqëse e IHD-ve (investimeve të huaja direkte), gjë që nuk ndodhi. Kompania e parë që nisi të përpunojë vajin e kanabisit filloi me investitorë nga SHBA, por ky investitor nuk e paraqiti asnjëherë identitetin e tij, gjë që la dyshime të shumta në biznesin me këto lëndë narkotike.

Kompanitë farmaceutike serioze vendase asnjëherë nuk paraqitën interes për të investuar në këtë sektor të ri, gjë që ishte tregues i qartë se diçka nuk është në rregull. Vlen të përmendet se edhe procedurat ligjore dhe hapja e këtyre kompanive janë aq shumë të paqarta sa që shumë FDI nuk do kishin pranuar të investojnë.

A i ka shfrytëzuar Maqedonia e Veriut të gjitha avantazhet e saj të zhvillimit të ekonomisë deri sa arriti te shfrytëzimi i kanabisit si mundësi?

Për fat të keq, Maqedonia e Veriut, edhe ato avantazhe që i ka pasur ndonjëherë, i ka humbur. Në sektorin e përpunimit të metaleve, në sektorin e bujqësisë, sektorin tregtar dhe tani në IT i kemi humbur të gjithë avantazhet në dallim prej shteteve përreth.

Me luftën në Ukrainë-Rusi, tregu i përpunimit të metaleve dhe eksportin në vendet që i përmenda dhe me shtrenjtimin e çmimit të energjisë e humbim dhe tregun europian që ka qenë një ndër sektorët kryesorë që mban balancën tregtare në vendin tonë. Produktet bujqësore që i eksportonim në Rusi dhe Ukrainë tani më i kemi të ndaluara.

Kështu që për të përdorur infrastrukturën aktuale do duhet të fillojmë të investojmë në tregje të reja dhe të modernizojmë bujqësinë me pajisje të sofistikuara dhe moderne. Për 30 vite, aq sa ekziston si shtet Maqedonia e Veriut, në asnjë moment nuk ka shpenzuar në investime kapitale më shumë se 40% nga ajo që është e planifikuar nga buxheti vjetor i shtetit.

Kështu që korridori 8 dhe 10, lidhja hekurudhore me Republikën e Bulgarisë dhe Shqipërisë është një ndër prioritetet kryesore që të mundësojë lëvizje më të shpejtë të mallrave dhe njerëzve. Në këtë drejtim, Maqedonia e Veriut, prej gropës së zezë të Ballkanit mund të transformohet në udhëkryq serioz për thithjen edhe të IHD-ve (investimeve të huaja) edhe vend atraktiv për produktet që i prodhon.

Sa kosto ka investimi në fermat e kanabisit në krahasim me kulturat e tjera bujqësore?

Për të ndërtuar një laborator për prodhimin e vajit të kanabisit, minimalisht do duhet një investim prej 1 deri në 5 milionë euro dhe sipërfaqe tokë bujqësore prej 18.000 m², ky është investimi bazë që mund ta bëjë një kompani.

Në krahasim me kulturat bujqësore, është më e shtrenjtë, sepse në këta laboratorë së pari përdoret forcë punëtore e kualifikuar e pastaj mënyra e kultivimit të kësaj peme është në kushte laboratorike. Nëse investohet, të themi, vetëm në produkte si vishnje ose mjedra, mundësia është më e madhe për përfitim. Së pari nuk ka barriera ligjore dhe së dyti, kërkesa për këto dy produkte është shumë më e madhe në tregjet europiane se sa vaji i ekstraktit të kanabisit.

A keni dijeni se çfarë profili kanë kompanitë që kanë investuar (disa nga Shqipëria) dhe a ishte një biznes fitimprurës për ta?

Në Maqedoninë e Veriut, janë të regjistruara gjithsej 67 kompani me licencë për kultivimin e kanabisit, por vetëm 34 janë aktive. Nga këto që janë aktive, vetëm 5 prej tyre përpunojnë vajin e kanabisit dhe vetëm 1 kompani eksporton.

Tani nga kjo e dhënë mund të vërehet sa fitimprurëse ka qenë për to investimi në sektorin e përpunimit të kanabisit. Unë personalisht nuk kam dijeni për investitorë nga Shqipëria, por e di se ka të interesuar të marrin licenca për të filluar me këtë biznes e që nga ana tjetër, me depot me lule kanabisi, që i kanë të mbushura, është tregues për rentabilitetin e kompanive, më duket si një situatë paradoksale./monitor

The post Si dështoi kanabisi mjekësor në Maqedoninë e Veriut si model zhvillimi appeared first on Albeu.com.

Sipas tij bima e kanabisit nuk është një gjë e keqe, pasi ajo një bimë e bekuar nga Zoti.

Kokëdhima theksoi se kanabisi ka cilësi të jashtëzakonshme në shërimin e sëmundjeve.“Argumenti për të cilin flasim nuk ka të bëjë me zhvillimin e ekonomisë kriminale. Kanabisi meriton pak vëmendje, nuk është bima e kanabisit kriminale, as një gjë e keqe. Kanabisi është një bimë e mrekullueshme e bekuar nga zoti që ka cilësi të jashtëzakonshme”, tha Kokëdhima.

“Në Shqipëri nga kanabisi ka përfituar mafia dhe politika. Por nuk duhet të ki frikë të dëgjojmë se çfarë është në interes të ekonomisë.

Më ka shqetësuar shumë kjo çështje për mënyrën sesi ne i trajtojmë problemet. Dakord, mund të kemi shumë gjëra që vlejnë në një debat. Por kur flasim për rininë duhet të kemi një preukopim shumë të madh. Duhet ta mësojmë rininë tonë që ta jetojë këtë botë pa frikë.

Për kanabisin medikal janë dy çështje. E para janë liritë dhe të drejtat e shqiptarëve që ta përdorin për nevojat e tyre shëndetësore. Kjo duhet të jetë e panegociueshme. Ata që e kanë vonuar këtë çështje duhet të kërkojnë falje atyre që kanë pasur nevojë dhe u është mohuar.

A do përfitojë Shqipëria nga ekonomia? Nuk kemi shumë alternativa për të bërë ekonomi. Nuk ka Shqipëria rrugë pa fund, kur ka shanse duhen shfrytëzuar. Nuk kemi sot asnjë ndikim nga industria farmaceutike. Nëse Shqipëria do të ishte e shpejtë do të merrte pjesë nga ekonomia evropiane e kanabisit farmaceutik”, tha ai.

The post Kokëdhima: Kanabis është një bimë e bekuar nga Zoti, kush e ka vonuar legalizimin të kërkojë falje appeared first on Albeu.com.

I ftuar në “Log.” në Abc, ai ka komentuar rreth deklaratës së fundit të kryeministrit Edi Rama për legalizimin e kanabisit mjekësor.

Hoxha tha se legalizimi i kanabisit mjekësor nuk ka asgjë të keqe, por frika është diku tjetër.

Sipas Hoxhës sa herë flitet për leghalizim të kanabisit mjekësor në Shqipëri, rritet prodhimi i kanabisit rekreativ.

“Mënyra se si do të prodhohet është e industrializuar. Ky mjekësori është si puna e gurit në ujë. Shqipëria ka një ligj, në bazë të këtij ligji Ambasada britanike ndërhyri në Komunën e Shkrelit dhe solli farën mjekësore, të Kërpit, që e ka THC-në shumë të ulët. Kanabisi mjekësor e ka THC-në minimale. Ajo që kultivohej në Shqipëri para gorrilës ishte 14%, ndërkohë që vetë “gorilla” e kishte 25%. Çfarë ndodhi me Shkrelin, ata morën 330 mijë dollarë për dëmin që pësuan, pasi edhe u7a preu policia edhe i futën në burg. Ata thoshin që i kemi brenda parametra, ku i kapi prokuroria, ajo thoshte se e tejkaloni THC-në. Ne e kishim 2.1% ajo e kishte 2.4%. Rama në vitin 2020 në 9 maj në krah të ambasadorit të BE tha se kemi bërë gati të gjithë praktikën për ta çuar në parlament, dhe brenda kësaj legjislature do të kalojmë në parlament ligjin për kanabisin. Ku e kam frikën unë? Sa herë ne flasim për legalizimin e kanabisit mjekësor çuditërisht kjo situatë na është përkthyer në rritje të kanabisit rekreativ në kodrat dhe malet e Shqipërisë. Pra kur kryeministri thotë do të legalizojmë, ata fillojnë e mbjellin dhe thonë më duket se këtë herë do të na lënë”, tha Hoxha./albeu.com/

The post Artan Hoxha tregon se ku “fle lepuri”: Problemi nuk qëndron te kanabisi mjekësor appeared first on Albeu.com.