Ai pranoi i ftuar në emisionin “Në Shënjestër” se tre qarqet më problematike të kultivimit të drogës në vend janë, qarku i Lezhës, i Durrësit dhe i Shkodrës.

“Mos të harrojmë që në vendet e Amerikës Latine ka prodhim të kokainës, të një niveli tjetër. Unë e shoh Shqipërinë dhe Policinë e Shtetit në një neutralitet me rajonin. Policia e Shtetit falë masave të marra.

Së fundmi kemi një raport ku thotë që marijuana është prezentë në të gjitha vendet e Rajonit dhe në trend rritje. Shqipëria nuk mund të bëjë përjashtim këtu. Nuk mund të fshehim shifrat. Neve si punonjës të Policisë së Shtetit bëjmë detyrën tonë me përkushtim për të arritur rezultatet sa më të mira për atë që na është besuar.

Nëse këtë e përktheni që e bëtë, e bëtë pak, apo hiç këtë nuk di ta shpjegoj. Ajo që unë kundërshtoj në këtë debat është se nuk duhet ta trajtojmë këtë gjë se çfarë na gjeti ne në Shqipëri.

Kjo ndodh në të gjithë botën. Jo vetëm Shqipëria është një ndër, por i gjithë Rajoni zë 22% në total të asaj që futet në Evropë, përfshirë edhe drogat e forta. Rrethet më problematike janë Shkodra, ku do të theksoja Malësinë e Madhe dhe Dukagjinin. Durrësi, duke vendosur theksin në Krujë dhe së treti do të rendisja Lezhën”, tha Velmishi.

The post Zyrtari i Policisë pranon kanabisin në Shqipëri, zbulon 3 qarqet më problematike appeared first on Albeu.com.

“Fillimi i sezonit turistik duhet të përballojë nevojat që ka tregu për këto lëndë narkotike dhe e dyta, duhet që të facilitojnë shumë procese të cilat në plantacionet e hapura natyrore nuk bëhen dot”, është shprehur eksperti i kriminalistikës, Ervin Karamuço.

Eksperti i kriminalistikës, Ervin Karamuço shprehet për klan nevvs se në Shqipëri po përshtatet modeli anglez i shtëpive të kanabisit. Sipas tij për goditjen e këtyre grupeve kriminale, duhet të merret metodë e policisë britanike.

“Krimi i organizuar është bërë shumë i zgjuar dhe ka marrë modelin anglez. Shtëpitë e barit i ka të organizuara për shkak se nuk ka diell. Ne jemi një vend që kemi 300 ditë diell në vit, por këto shtëpi i kemi modifikuar në mënyrë të tillë që të kemi mundësi, t’ju fshihemi gjithë këtyre mbikëqyrjeve ajrore. Një mundësi për të evidentuar ambientet ku kultivohet kanabisi, sipas Karamuços mund të jetë duke bashkëpunuar me institucionet e UKT dhe OSHEE-së.

“Duhet të jetë një metodë komplet e re, metodë organizimi inteligjente, ku nuk futet vetëm policia. Edhe OSHEE dhe Ujësjellësi, ne mund t’i shikojmë dhe mund t’i dallojmë shumë mirë kush janë këto. Sigurisht që kërkon një bashkëpunim të madh të policisë edhe në këto korporata”, është shprehur ai.

Në ditët e fundit u zbuluan nga policia tre ambiente në Tiranë, Krujë dhe Lushnjë, të cilat shërbenin për rritjen e bimëve narkotike në kushte laboratorike./tv klan

The post “Shtëpitë e kanabisit” po lulëzojnë në Shqipëri, dy detajet që i tradhëtojnë tek policia appeared first on Albeu.com.