Shkodranët u munduan të sulmojnë në minutat e para, por ishin të pasaktë me goditjet e tyre, që në disa raste u penguan nga mbrojtja e Kukësit.

Në minutën e 30-të Hakaj mund të realizonte autogol, por topi i devijuar prej tij shkoi në shtyllë. Shqipërim Taipi më pas për Kukësin goditi pak mbi tra.

Në minutën e 43-të u zhbllokua ndeshja, pasi Victor Da Silva me kokë e çoi topin në rrjetë pas një harkimi të Gurishtës. Festë në kampin shkodran.

Kukësi u përpoq më shumë në pjesën e dytë dhe mund të barazonte me Milunovic, i cili u ndal mrekullisht nga portieri Zogovic.

Ky i fundit më pas gaboi në minutën e 80-të pas një goditjeje dënimi. Ai nuk e kontrolloi dot topin dhe Lulaj në zonë përfitoi dhe shënoi golin e barazimit.

Trajneri Plori e kërkoi zgjidhjen nga stoli dhe e gjeti, pasi sulmuesi Mehdi Çoba realizoi golin e fitores për Vllazninë në minutën e pestë shtesë./ h.ll/albeu.com

Vllaznia-Kukësi 2-1
Da Silva 43’, Çoba 90+5 / Lulaj 80’

The post Mehdi Çoba ngjit Vllazninë në podium, Kukësi rrezikon Europën appeared first on Albeu.com.

Dueli ishte i ndezur që në fillim, me të dyja skuadrat që kërkonin fitoren. “Demat” ishin më konkretë dhe arritën ta zhbllokonin ndeshjen në minutën e 26-të, me një goditje me kokë të Stenio Junior.

Partizani kishte mundësinë të dyfishonte që në aksionin pasardhës, me Skukën, i cili u ndal nga shtylla pingule. Gjithsesi skuadra e Dritan Mehmetit u shpërblye pesë minuta para mbylljes së pjesës së parë.

Sërish Stenio Junior shënoi me kokë, pas një krosimi të Skukës. 0-2 përfundoi pjesa e parë e ndeshjes, ndërsa e dyta nisi me gol. Këtë herë ishte Kukësi që realizoi.

Edy Basa u ndal nga shtylla dhe topi i gjuajtur prej tij shkoi te Milunovic, i cili nuk gaboi dhe e ndëshkoi Partizanin. Në fund pati edhe dy kartonë të kuq, teksa Lika në stol dhe Maguette në fushën u ndëshkuan.

Kukësi u mundua më pas të shënonte golin e barazimit, por nuk ia doli dot edhe pse Lulaj e Bahtiri iu afruan në shtesë. Në minutën e fundit pati edhe një të kuq për De Lucas të verilindorëve. /h.ll/albeu.com

The post Partizani thyen Kukësin mes tensionit dhe “blindon” vendin e tretë appeared first on Albeu.com.

Dy skuadrat nuk patën raste të pastra për të shënuar në takimin që u luajt në “Arena Egnatia”, ndërsa duhej të vinte minuta e 29-të e që të shikonim edhe rastin e parë të pastër për shënim, ku një kombinim me Ndrecës dhe Gjelbrim Taipi do të kërcënonin portën e Bekajt.

36’ do të sillte një ndërprerje të lojës pasi pati një përplasje të fortë mes Puntus dhe Najdovskit me dy futbollistët që mbeten të dëmtuar. E pëson më keq sulmuesi i Kukësit që fashohet në kokë, ndërsa Najdovski ndëshkohet me karton të verdhë.

Ndreca dhe Ismajlgeci do të provonin dhe shanset e tyre por pa mundur të konkretizonin rastet. Për veilindorët do të ishte përsëri Gjelbrim Taipi që do të kërkonte edhe golin e avantazhin. Mesfushori i gjendur brenda zonës së Tiranës godet, por topi devijohet nga Bekaj dhe përfundon në tranversë.

77’ Taulant Seferi ndalet nga portieri Çollaku, më pas radhën e ka Hoxhallari por aksioni bëhet i pavlefshëm për një pozicion të parregullt.

Në fund, nuk pati më kohë për ndryshim të rezultatit me të dyja skuadrat që iu kënaqën nga një pike, teksa pas kësaj sfide Tirana vazhdon të kryesojë me 60 pikë, ngaa ana tjetër, Kukësi renditet në vendin e tretë me 44 pikë. /h.ll/albeu.com

The post Kukësi ndal Tiranën në Rrogozhinë, skuadrat ndahen në “paqe” appeared first on Albeu.com.