Luis de la Fuente beson se Lamine Yamal e meriton të shpallet fitues i Topit të Artë 2026, pasi, sipas trajnerit të Kombëtares së Spanjës, anësori i Barcelonës ishte futbollisti më i rëndësishëm i skuadrës së tij në Kupën e Botës 2026.

Yamal tashmë është afirmuar si një prej talenteve të rinj më të spikatur të futbollit botëror dhe vazhdon të renditet mes kandidatëve për çmimin më prestigjioz individual.

Pavarësisht diskutimeve që kanë shoqëruar paraqitjet e tij në Kupën e Botës, De la Fuente e ka shprehur qartë preferencën përpara ceremonisë, duke mbështetur lojtarin e tij në garën për këtë trofe.

“Shumë njerëz do të pretendojnë se ai nuk bëri asgjë në Kupën e Botës, por kushdo që i ka ndjekur me të vërtetë ndeshjet e di se ai ishte lojtari më i rëndësishëm për ne”, është shprehur trajneri spanjoll.

“Sipas meje, Lamine Yamal duhet ta fitojë Topin e Artë këtë vit”, ka deklaruar De la Fuente.

Fituesi i “Topit të Artë” 2026 do të bëhet i ditur gjatë ceremonisë së planifikuar të mbahet në Londër më 26 tetor. Në listën e pretendentëve për çmimin prestigjioz individual gjenden gjithashtu Kylian Mbappe, Harry Kane, Ousmane Dembele dhe Fabian Ruiz.

The post Luis de la Fuente zgjedh favoritin e tij për Topin e Artë 2026 appeared first on Albeu.com.

FIFA ka dhënë miratimin zyrtar për kërkesën e Federatës Argjentinase të Futbollit (AFA), e cila synon të kufizojë pasojat e pezullimeve të rënda të vendosura ndaj disa prej futbollistëve të kombëtares.

Masa disiplinore u morën pas përplasjes së ndodhur pas përfundimit të finales së Kupës së Botës 2026, ku Argjentina u përball me Spanjën.

Vendimi fillestar parashikonte 10 ndeshje pezullim për mesfushorin Leandro Paredes, shtatë për mbrojtësin e krahut Nahuel Molina dhe tri për ndihmëstrajnerin Roberto Ayala. Ndërkohë, Thiago Almada dhe spanjolli Gavi u dënuan me nga një ndeshje moslojë.

Sipas Komitetit Disiplinor të FIFA-s, këto pezullime do të zbatohen vetëm në takimet ndërkombëtare. Për rrjedhojë, aktivizimet e lojtarëve me klubet e tyre nuk do të preken nga dënimet.

Kërkesa e AFA-së, e cila tashmë është miratuar, u mundëson futbollistëve që t’i shlyejnë pezullimet gjatë miqësoreve të Klasit “A” ose në ndeshje të vogla zyrtare ndërkombëtare.

Kjo zgjidhje i jep Argjentinës mundësinë të përshpejtojë rikthimin e lojtarëve përpara sfidave të rëndësishme kualifikuese të turneut. Federata po shqyrton gjithashtu paraqitjen e një apeli në Gjykatën e Arbitrazhit Sportiv (CAS), me synimin për të reduktuar më tej numrin e ndeshjeve të pezullimit.

Përveç sanksioneve sportive, AFA-ja do të përballet edhe me pasoja të konsiderueshme financiare dhe administrative për shkeljet e rregullave të turneut. Në këtë kuadër përfshihen sjellja e pahijshme e ekipit, mangësitë në kontrollin e turmës dhe ekspozimi i pankartave politike pas fitores ndaj Anglisë në gjysmëfinale.

Federata Argjentinase e Futbollit është ngarkuar me një gjobë totale prej 321,000 dollarësh, nga të cilat 100,000 dollarë do të përdoren posaçërisht për nisma kundër diskriminimit.

Gjithashtu, Argjentina do ta zhvillojë ndeshjen e ardhshme në shtëpi përpara një numri të kufizuar tifozësh, me stadiumin të mbushur në 50% të kapacitetit. Një masë tjetër, që parashikon ndalimin e hyrjes në stadium, mbetet e pezulluar gjatë një periudhe të rreptë prove.

The post FIFA pranon kërkesën e AFA-së për të zbutur pezullimet pas përplasjes në finalen e Kupës së Botës appeared first on Albeu.com.

Trent Alexander-Arnold ka treguar hapur dhimbjen dhe zemërimin që përjetoi pasi nuk u përfshi në listën e Anglisë për Kupën e Botës 2026, si dhe ka rrëfyer se si e mori nga Thomas Tuchel lajmin për përjashtimin.

“E dija se telefonatat kishin nisur. Lojtarët që njoh i kishin marrë njoftimet e tyre një ditë më parë. Të them të drejtën, isha shumë shpresëplotë”.

Futbollisti shpjegoi se në momentin e telefonatës ndodhej në shtëpinë e tij në Madrid, ku kishte edhe disa familjarë për vizitë.

“Kur më telefonuan, isha në shtëpi në Madrid. Kisha disa pjesëtarë të familjes për vizitë dhe u tërhoqa në dhomën time për ta pranuar telefonatën”, tha ai.

Sipas Alexander-Arnold, lajmi e goditi rëndë dhe i prishi planet për periudhën e verës.

“Sapo përfundoi telefonata, u ndjeva i shkatërruar. Ishte një ndjesi e plotë shkatërrimi. Nuk kisha organizuar asgjë për verën, sepse besoja se do të isha pjesë e skuadrës”.

Përveç zhgënjimit të madh, vendimi i la atij edhe një ndjenjë të fortë zemërimi.

“Shpresoj që stafi teknik ta kuptojë dhe ta pranojë se isha i zemëruar. Ai kërkon lojtarë që kanë dëshirë të madhe të luajnë për Anglinë”.

“Unë jam pikërisht një prej tyre. Besoj se ai do ta respektojë faktin që kjo më dhembi vërtet dhe do ta çmojë më shumë këtë reagim sesa indiferencën”.

Mbrojtësi pranoi se gara për vendin e titullarit në krahun e djathtë të mbrojtjes së Anglisë është tejet e fortë.

“Në këtë gjeneratë, gjatë gjithë periudhës që kam luajtur, kemi pasur shumë futbollistë të jashtëzakonshëm në pozicionin e mbrojtësit të djathtë”.

“Konkurrenca ka qenë shumë e madhe dhe trajnerët zgjedhin lojtarin që besojnë se i përshtatet më mirë skuadrës. Deri tani, ai lojtar nuk kam qenë unë. Megjithatë, këtë situatë e shfrytëzoj si shtysë për t’u përmirësuar”, përfundoi Alexander-Arnold.

The post Alexander-Arnold rrëfen zhgënjimin pas përjashtimit nga Botërori: Tuchel duhet ta dijë sa i zemëruar jam appeared first on Albeu.com.

Federata Argjentinase e Futbollit (AFA) është përballur me një gjobë prej rreth 275 mijë eurosh, të vendosur nga Komiteti Disiplinor i FIFA-s për shkeljet e konstatuara gjatë finales së Kupës së Botës.

Përveç detyrimit financiar, përfaqësuesja argjentinase do të duhet të luajë dy ndeshjet e ardhshme në shtëpi me stadiumet të mbushura vetëm në 50 për qind të kapacitetit të tyre.

Në vendimin e saj, FIFA ka specifikuar se rreth 85.5 mijë euro të shumës së gjobës duhet të përdoren për një plan që synon luftën kundër diskriminimit.

Megjithatë, një pjesë e masave ndëshkuese është lënë pezull gjatë periudhës së provës. Në këtë kategori përfshihet njëra prej dy ndeshjeve me kapacitet të reduktuar, si edhe rreth 85.5 mijë euro nga gjoba.

Masa disiplinore janë marrë edhe ndaj futbollistëve dhe zyrtarëve argjentinas. Dënimin më të ashpër e ka marrë Leandro Paredes, i cili është pezulluar për 10 ndeshje dhe është gjobitur me rreth 77 mijë euro.

Nahuel Molina, ndërkohë, do të mungojë në 7 ndeshje dhe duhet të paguajë një gjobë prej rreth 77 mijë eurosh.

Thiago Almada është dënuar me një ndeshje pezullim, ndërsa ndaj tij është vendosur edhe një gjobë prej rreth 25.6 mijë eurosh.

Mes zyrtarëve të ekipit, Roberto Ayala ka marrë një pezullim prej 3 ndeshjesh dhe një gjobë që arrin në rreth 25 mijë euro.

Pablo Martin Paez Gavira është ndëshkuar me një ndeshje pezullim dhe me një gjobë prej rreth 25 mijë eurosh.

Vendimi përbën një goditje të fortë për kampionët e botës, të cilët do të përballen me kufizime në sfidat e ardhshme, ndërsa pezullimet do t’i lënë pa disa prej lojtarëve të rëndësishëm.

The post FIFA ndëshkon rëndë Argjentinën: gjoba të larta dhe pezullime deri në 10 ndeshje appeared first on Albeu.com.

Trajneri i Egjiptit, Hossam Hassan, menaxheri i skuadrës, Ibrahim Hassan, dhe sulmuesi Mostafa Ziko janë përfshirë në procedura disiplinore të nisura nga FIFA.

Federata Egjiptiane e Futbollit bëri të ditur përmes një njoftimi zyrtar se hetimi lidhet me deklaratat e bëra nga tre të përfshirët pas disfatës 3-2 ndaj Argjentinës në Kupën e Botës 2026.

Sipas federatës, çështja po ndiqet dhe përgjigjet, së bashku me dokumentet e nevojshme ligjore, do t’u dërgohen organeve të FIFA-s brenda afateve të përcaktuara.

“Federata Egjiptiane e Futbollit konfirmon respektin e saj për rregulloret dhe procedurat e FIFA-s. Përgjigjet dhe dokumentet ligjore të nevojshme do të dorëzohen brenda afateve të përcaktuara”, thuhet në deklaratë.

EFA deklaroi se qëndron në mbështetje të individëve të përfshirë dhe se do të mbrojë interesat e futbollit egjiptian përmes kanaleve zyrtare përkatëse.

Gjithashtu, federata nënvizoi përkushtimin ndaj parimeve të lojës së drejtë dhe respektit për organizatorët e turneut. Në të njëjtën kohë, ajo ruajti të drejtën për të mbrojtur para organeve kompetente të FIFA-s interesat e stafit teknik dhe të lojtarëve.

The post FIFA hap procedurë disiplinore ndaj tre përfaqësuesve të Egjiptit pas deklaratave për humbjen nga Argjentina appeared first on Albeu.com.

Në rrjetet sociale është publikuar së fundmi një video që sjell momentet më interesante nga finalja e Kupës së Botës 2026 mes Spanjës dhe Argjentinës.

Takimi u arbitrua nga slloveni Slavko Vincic, ndërsa pamjet zbulojnë komunikimin që ai pati me disa prej yjeve më të njohur të futbollit të sotëm.

Në një prej episodeve, Vincic i kërkoi kapitenit argjentinas Lionel Messi që të tregonte respekt dhe të qetësonte bashkëlojtarin Leandro Paredes. Ky i fundit ishte ndëshkuar tashmë me karton të verdhë dhe rrezikonte përjashtimin nëse nuk ndryshonte sjellje.

Një tjetër moment interesant ishte bashkëbisedimi me Dani Olmon. Pas vërshëllimës përfundimtare, gjyqtari bëri të ditur se kjo ishte ndeshja e fundit e karrierës së tij, ndërsa sulmuesi i Barcelonës e uroi për këtë rast.

Urime Vincic mori edhe nga Gianni Infantino dhe Donald Trump, me të cilët pati kontakt të afërt gjatë ceremonisë së ndarjes së medaljeve.

Spanja e mposhti Argjentinën 1-0, falë golit vendimtar të shënuar nga Ferran Torres në kohën shtesë.

Momentet e regjistruara nga kamera e arbitrit slloven mund të ndiqen në videon që shoqëron tekstin.

The post Pamje të veçanta nga kamera e gjyqtarit Vincic në finalen e Kupës së Botës appeared first on Albeu.com.

Presidenti i Shteteve të Bashkuara, Donald Trump, ka dalë në mbështetje të presidentit të FIFA-s, Gianni Infantino, duke e cilësuar si “gabim të tmerrshëm” çdo përpjekje për ta zëvendësuar. Pozita e Infantinos është lëkundur pas dështimit të planit për t’u shitur investitorëve privatë një pjesë e aksioneve të lidhura me Kupën e Botës.

Përmes një postimi në rrjetin e tij social Truth Social, Trump argumentoi se largimi i kreut të FIFA-s do të kishte kosto të lartë. “FIFA do të bënte një gabim të tmerrshëm nëse do të merrte në konsideratë një zëvendësim për Presidentin Gianni Infantino për çfarëdo arsye”, shkroi ai.

Sipas Trump, Infantino ka bërë një punë të jashtëzakonshme dhe ka drejtuar Kupën e Botës më të suksesshme të zhvilluar ndonjëherë, katër herë më të suksesshme se çdo edicion i mëparshëm. “Nëse ai largohet, gara nuk do të jetë më kurrë aq e suksesshme apo fitimprurëse!”, deklaroi presidenti amerikan.

Njëkohësisht, UEFA dhe dy konfederata të tjera kanë nisur diskutimet për mënyrën e organizimit të garave të tyre, si reagim ndaj nismave të presidentit të FIFA-s. UEFA, Konfederata Aziatike e Futbollit (AFC) dhe CONCACAF, që administron futbollin në Amerikën e Veriut, Amerikën Qendrore dhe Karaibe, e kanë akuzuar Infantinon për “mashtrim”.

Burime të disponueshme bëjnë të ditur se këto organizata duan t’i ofrojnë mundësinë Infantinos që të japë dorëheqjen dhe të largohet me nder nga posti, pa paraqitur një kandidaturë të re në mars të vitit të ardhshëm. Synimi është shmangia e një përshkallëzimi të mëtejshëm të krizës. UEFA së fundmi ka kërcënuar edhe me bojkotimin e garave të FIFA-s.

Debati u ndez pas propozimit të Infantinos për krijimin e FIFA Forëard Enterprise (FFE), një kompani që do të administronte aspektet tregtare dhe operacionale të turneve të FIFA-s. Pjesë e këtij projekti ishte edhe shitja e rreth 20 përqind të aksioneve te investitorët privatë.

Infantino kërkoi falje për këtë plan, por kjo nuk e ndali reagimin e drejtuesve të UEFA-s, AFC-së dhe CONCACAF-it. Ata nënshkruan një letër të hapur, ku i kërkuan FIFA-s të zhvillojë një hetim të pavarur për projektin, ndonëse emri i Infantinos nuk përmendej drejtpërdrejt në dokument.

“Menaxhimi i futbollit nuk është pronë private. Nuk ka të bëjë me zotërimin ose kërkimin e pushtetit. Është detyrë për t’i shërbyer familjes së futbollit që i ka besuar. Kur ky besim tradhtohet nga mashtrimi, kur një individ e vendos veten mbi kolektivin që i ka dhënë autoritet, kjo detyrë braktiset”, thuhet në letër.

The post Trump mbron Infantinon: Pa të në krye, Kupa e Botës nuk do të arrijë më të njëjtin sukses appeared first on Albeu.com.

Dokumentet e sigurisë së policisë amerikane kanë zbuluar nivelin e lartë të rrezikut që shoqëroi Kupën e Botës, duke treguar se pas spektaklit sportiv u regjistruan kërcënime serioze ndaj futbollistëve, kombëtareve, arbitrave dhe organizatorëve.

Sipas raportimeve të The Sun, të bazuara në informacionet e publikuara nga Informacion.es, gjatë turneut u evidentuan raste të shumta që kërkuan ndërhyrjen dhe shtimin e masave të sigurisë.

Lionel Messi dhe kombëtarja e Argjentinës ishin ndër objektivat kryesorë. Përpara takimit Argjentinë–Jordani, një telefonues paralajmëroi aeroportin e Dallasit se do të hynte në stadium me dy persona të tjerë të armatosur. Ai kërcënoi se do të sulmonte policinë dhe futbollistët e të dyja ekipeve, duke përmendur në mënyrë të veçantë edhe Messin.

Një tjetër kërcënim u shfaq para ndeshjes së Argjentinës kundër Egjiptit. Në rrjetin social “X”, një person deklaroi se do të futej në stadiumin e Atlantës dhe do të përdorte mjete shpërthyese për të sulmuar kapitenin e Argjentinës.

Gjatë kësaj përballjeje, autoritetet morën gjithashtu një njoftim se në tribunat e stadiumit mund të ishin vendosur mjete shpërthyese. Për verifikimin e alarmit u angazhuan ekipet kundër eksplozivëve dhe qentë e trajnuar posaçërisht për kontrolle të tilla.

Në raportet e sigurisë u përfshi edhe Cristiano Ronaldo. Një punonjës i FIFA-s sinjalizoi për një person të dyshimtë, i cili po kërkonte të dhëna mbi vendndodhjen e futbollistit portugez. Ndërkohë, një tifoz arriti të hynte në hotelin ku qëndronte Ronaldo dhe u përpoq t’i afrohej në ashensor. Policia e ndaloi personin, i cili u shpreh se synonte vetëm të bënte një fotografi.

Presion dhe kërcënime pati edhe ndaj arbitrave. Pas vendimeve të tij në ndeshjen Argjentinë–Egjipt, gjyqtari francez Francois Letexier mori mbi 6000 mesazhe kërcënuese në WhatsApp. Në të njëjtën kohë, gjyqtari i VAR-it, Willy Delajod, u kërcënua me jetë nga tifozë të zemëruar egjiptianë.

Shënjestër e kërcënimeve u bënë edhe lojtarë që gabuan në momente vendimtare. Sulmuesi norvegjez Alexander Sorloth dhe bashkëshortja e tij morën kërcënime pasi ai nuk ia pasoi topin Erling Haalandit gjatë çerekfinales kundër Anglisë. Një rast i ngjashëm u regjistrua edhe me kolumbianin Jaminton Campaz, pas një penalltie të humbur.

Këto episode sollën në vëmendje sërish ngjarjen tragjike të vitit 1994, kur mbrojtësi kolumbian Andres Escobar u vra pas autogolit që shënoi në Kupën e Botës.

Incidentet nuk u kufizuan vetëm te kërcënimet e drejtpërdrejta. Në Paraguaj, disa tifozë dogjën një figurë ku ishte shkruar emri i Kylian Mbappes pas humbjes ndaj Francës, ndërsa futbollisti francez u përball edhe me thirrje raciste.

Pas eliminimit të Koresë së Jugut nga faza e grupeve, autoritetet shtuan mbrojtjen për kombëtaren. Trajneri Hong Myung-bo u përball me zemërimin e publikut, ndërsa policia nisi hetime lidhur me mënyrën se si ishte emëruar në atë detyrë.

Një tjetër problem sigurie u shënua në kampin e Anglisë. Qendra mediatike pësoi një shkelje sigurie kur një person hyri duke mbajtur një çelës metalik dhe duke bërtitur. Pas këtij episodi, hapësira u kthye në një nga zonat më të mbrojtura të turneut, me disa perimetra sigurie, barriera betoni, masa kundër dronëve dhe personel të armatosur.

Sipas raportimeve, ky Botëror u konsiderua një nga edicionet më të fortifikuara në histori. Përtej ndeshjeve dhe atmosferës së turneut, autoritetet zhvilluan një operacion të gjerë sigurie për mbrojtjen e lojtarëve, tifozëve dhe zyrtarëve.

The post Dosja e sigurisë së Botërorit zbulon kërcënimet ndaj Messit, Ronaldos dhe yjeve të tjerë appeared first on Albeu.com.

FIFA ka konfirmuar hapjen e procedurave disiplinore ndaj disa pjesëtarëve të Argjentinës, ndërsa gjashtë futbollistë të kombëtares rrezikojnë pezullime që mund t’i lënë jashtë Kupës së Botës 2030.

“La Albiceleste” nuk ia doli të ruante kurorën e kampionit të botës, pasi Spanja e mposhti pas kohës shtesë. Goli vendimtar i Ferran Torres u siguroi spanjollëve trofeun e dytë në historinë e tyre.

Enzo Fernandez, mesfushori i Chelseat, mori karton të kuq për shkak të dy ndërhyrjeve të pamenduara. Megjithatë, situata u tensionua edhe më shumë pasi ndeshja kishte përfunduar.

Kamerat regjistruan Nahuel Molinan duke goditur kapitenin spanjoll Rodri, ndërsa Leandro Paredes u përfshi në përplasje me Eric Garcian dhe Gavin, duke humbur plotësisht kontrollin.

Gjatë incidentit, Paredes u pa teksa e kapi Garcian për fyti dhe e rrëzoi Gavin përtokë. Më pas, sistemi informativ i FIFA-s njoftoi gabimisht se ai ishte ndëshkuar me karton të kuq.

Rrëmuja përfshiu edhe ndihmëstrajnerin argjentinas Roberto Ayala, i cili goditi Dani Olmon.

Ayala kërkoi falje disa ditë pas ngjarjes, por pretendoi se “ishte më shumë një shtyrje sesa një goditje”. Olmo nuk e pranoi ndjesën dhe, gjatë një interviste për median spanjolle, e akuzoi atë se po gënjente.

Në njoftimin e FIFA-s lidhur me procedurat disiplinore figurojnë emrat e Roberto Ayala, Nahuel Molina, Leandro Paredes, Thiago Almada dhe lojtarit të Spanjës, Gavi.

Sipas The Sun, Cristian Romero, Lisandro Martinez dhe Giovani Lo Celso u panë së bashku me Molina, Almada dhe Paredes duke mbajtur një pankartë që kishte ardhur nga tribunat. Të gjashtë mund të marrin pezullime që do të ndikonin në pjesëmarrjen e tyre në Kupën e Botës 2030.

The post FIFA hap procedura disiplinore, gjashtë yje të Argjentinës mund të mungojnë në Botërorin 2030 appeared first on Albeu.com.

FIFA ka nisur procedurat disiplinore ndaj gjashtë futbollistëve të Argjentinës, të cilët mund të pezullohen dhe të humbasin pjesëmarrjen në Kupën e Botës 2030.

Argjentina nuk mundi ta ruante titullin e kampiones së botës, pasi u mposht nga Spanja pas vazhdimeve. Trofeu i dytë në historinë e spanjollëve u sigurua nga goli i Ferran Torres.

Pas dy ndërhyrjeve të pamatura, mesfushori i Chelseat, Enzo Fernandez, u ndëshkua me karton të kuq. Megjithatë, përplasjet mes lojtarëve vijuan edhe pasi ndeshja kishte përfunduar.

Nahuel Molina u kap në pamje duke goditur kapitenin spanjoll, Rodri. Ndërkohë, Leandro Paredes u përfshi në një tjetër incident, pasi u përplas me Eric Garcian dhe Gavin.

Paredes e kapi Garcian për fyti dhe e rrëzoi Gavin në fushë. Megjithatë, sistemi informativ i FIFA-s raportoi në mënyrë të pasaktë se futbollisti ishte ndëshkuar me karton të kuq.

Rrëmuja përfshiu edhe stafin e Argjentinës. Ndihmëstrajneri Roberto Ayala u pa duke goditur Dani Olmon gjatë përplasjes mes dy skuadrave.

Disa ditë pas incidentit, Ayala kërkoi falje, por sqaroi se veprimi i tij “ishte më shumë një shtyrje sesa një goditje”.

Dani Olmo nuk e pranoi këtë shpjegim dhe, në një intervistë për mediat spanjolle, e akuzoi Ayalën se po gënjente.

Në njoftimin e FIFA-s për procedurat disiplinore përmenden Roberto Ayala, Nahuel Molina, Leandro Paredes, Thiago Almada, si edhe lojtari i Spanjës, Gavi.

Sipas The Sun, Cristian Romero, Lisandro Martinez dhe Giovani Lo Celso u panë duke mbajtur një pankartë të ardhur nga tribunat. Bashkë me Molina, Almada dhe Paredes, ata mund të përballen me pezullime që do të ndikojnë në pjesëmarrjen e tyre në Kupën e Botës 2030.

The post FIFA hap procedurat disiplinore, gjashtë lojtarë të Argjentinës rrezikojnë Botërorin 2030 appeared first on Albeu.com.