Gjykata e Romës kundërshtoi mbajtjen e tyre në Gjadër, duke ngritur pikëpyetje mbi përfshirjen e Bangladeshit dhe Egjiptit, në listën e “vendeve të sigurta” nga ana e autoriteteve italiane.

Sipas Gjykatës, duke qenë se për çështjen, ka interpretime kundërthënëse mes të drejtës europiane dhe asaj italiane, rasti i është lënë gjykimit përfundimtar nga Gjykata europiane e Drejtësisë, e cila do të duhet të shprehet më 25 shkurt.

Migrantët ishin kapur fundjavën e shkuar në ujërat ndërkombëtare. Procesi gjyqësor pë vlerësimin e mbajtjes së tyre në Gjadër u krye gjatë ditës së djeshme përmes videokonferencave.

Kjo është hera e tretë që gjykatat në Itali, kundërshtojë qëndrimin e tyre në kampin e ngritur në Shqipëri, në bazë të marrëveshjes mes qeverive të të dy vendeve.

Përfaqësues të partisë së Melonit folën për “rezistencë të një pjesë të gjyqësorit” ndaj qeverisë, ndërsa për opozitën italiane, gjithshka është “një dështim i madh”.

The post U larguan nga kampi i Shëngjinit, mbërrijnë në Itali 43 emigrantët appeared first on Albeu.com.

Gardianët italianë që do punojnë në qendrat e emigrantëve në Shqipëri janë paralajmëruar që të shmangin flirtet me gratë vendase.

Dyzet e pesë roje meshkuj janë përzgjedhur deri më tani për të punuar në një bazë të re për emigrantët në Gjadër, një nga dy objektet që do të hapen së shpejti në veri të Shqipërisë.

Qendrat janë pjesë e një marrëveshjeje dypalëshe të diskutueshme për të strehuar njerëzit e shpëtuar me anije në Detin Mesdhe.

Gjatë kursit të tyre të trajnimit, oficerëve italianë iu dha një manual me 14 udhëzime që i këshillonte për sjelljet si duhet të vishen, të hanë dhe ku të pinë kafe.

Por një paralajmërim më i qartë në lidhje me seksin e kundërt ka provokuar një protestë politike dhe ka rindezur debatin për vlerën e të gjithë skemës së emigrantëve në det të hapur.

“Shmangni shoqërimin me femrat shqiptare në mjedise të ndryshme apo në mënyrë spontane”, thuhej në manual.

“Kjo është një shoqëri më konservatore, veçanërisht në veri të vendit. Një burrë që e di ose e sheh gruan e tij duke u ndjekur nga një burrë tjetër, mund të reagojë keq.”

Udhëzimet theksonin gjithashtu se shqiptarët janë “një popull modest, kështu që lakuriqësia apo veshja më pak konservatore nuk është e mirëpritur”.

Paralajmërimet u kritikuan si “surreale” nga sindikata e rojeve të burgut, ndërsa kundërshtarët e qeverisë thanë se demonstronin natyrën farsë të kësaj skeme të veçantë të emigrantëve.

“Ne menduam se ishte lajm i rremë, por më pas mësuam se manuali ishte hartuar dhe shpërndarë në të vërtetë”, tha Gennarino De Fazio, sekretari i përgjithshëm i sindikatës së rojeve të burgut.

“Ne nuk besojmë se ishte qëllimisht seksiste, intolerante apo anti-etnike. Ndoshta është punë e ndonjë zyrtari të zellshëm, por ajo që është e habitshme është se kjo mund të trajtohet në mënyrë të jashtëzakonshme dhe pa verifikim paraprak nga drejtuesit e lartë.”

Planet për qendrat e propozuara të emigrantëve në Shqipërinë veriore u njoftuan nga Giorgia Meloni, kryeministrja italiane, në nëntor të vitit të kaluar.

Duke punuar me Edi Ramën, homologun e saj shqiptar, ajo premtoi që qendrat të funksionojnë duke nisur nga maji, por ato ende nuk janë funksionale.

Matteo Renzi, një ish-kryeministër që kryeson partinë Italia Viva, e përshkroi manualin si “gafën e radhës ndërkombëtare” në lidhje me qendrat e emigrantëve.

“Më shumë se një tragjedi, ky operacion po bëhet një komedi, por askush nuk po qesh,” tha ai.

Filiberto Zaratti, një deputet nga partia Europa e Gjelbër, e akuzoi qeverinë për “racizëm kulturor”.

Oficerëve u kërkohet të mos i ndjekin gratë sepse ‘shqiptarët janë konservatorë’ dhe të mos vrapojnë lakuriq sepse ‘shqiptarët janë modeste’”, tha ai. “Ata nuk mund ta bënin më keq se kaq”.

Qendrat shqiptare të emigrantëve janë një zotim i zonjës Meloni për të reduktuar anijet që mbërrijnë në Itali nga Afrika e Veriut.

Më shumë se 156.000 migrantë arritën në Itali përmes detit vitin e kaluar, krahasuar me 105.000 në 2022.

Ashtu si propozimi i qeverisë britanike për të dërguar emigrantë në Ruanda, plani i Italisë iu nënshtrua një sfide ligjore nga Gjykata Kushtetuese e Shqipërisë, e cila përfundimisht e miratoi atë.

Sipas planit italian, objektet e emigrantëve pritet të kushtojnë deri në 688 milionë paund dhe do të strehojnë deri në 3,000 emigrantë çdo muaj.

Qendrat do të strehojnë emigrantët e kapur në ujërat ndërkombëtare – duke përjashtuar gratë, fëmijët ose ata që konsiderohen të pambrojtur.

Personat të cilëve u miratohet kërkesa për azil pritet të dërgohen në Itali, ndërsa emigrantët e refuzuar do të kthehen në vendet e tyre të origjinës.

Pavarësisht se ndërtimi po pengohet nga vonesat, qendra e parë – në Gjadër – pritet të funksionojë nga 20 gushti.

The post “Mos flirtoni me shqiptaret”/ The Telegraph: Udhëzime surreale për gardianët italianë! Ky operacion po bëhet një komedi, por askush nuk po qesh appeared first on Albeu.com.

Teksa ka shkuar që të inspektojë punimet që po kryhen në Shëngjin, deputeti italian nuk është lejuar përgjatë gjithë paradites së sotme që të futet brenda kantierit të ndërtimit.

Përplasja ka ndodhur pasi autoritetet shqiptare nga njëra anë i kanë bërë me dije se tashmë në pikën ku po ndërtohet qendra e emigrantëve, çdo gjë në bazë të ligjit është italiane për 5 vitet e ardhshme, ndërsa ambasadori italian në Tiranë, e ka informuar se duhet të marrë autorizim në Ministrinë e Mbrojtjes.

Ambasadori italian i ka kërkuar që të presë deri në mbërritjen e tij në Shëngjin dhe më pas është lejuar i shoqëruar që të kryejë inspektimin brenda kantierit.

Ndryshe nga punimet në Gjadër, në Shëngjin, punimet janë në rrugë të mbarë, transmeton ‘La Repubblica’.

The post Lezhë/ Shkoi të inspektonte punimet për qendrën e emigrantëve në Shëngjin, deputetit italian has pengesa për tu futur brenda appeared first on Albeu.com.

Duket se qeveria italiane, ndonëse përmes marrëveshjes së firmosur me shtetin shqiptar, ka kundërshtuar vetëveten për faktin se kur do të ishin gati këto dy qendra strehimi, atë në Gjadër dhe në Shëngjin.

Kujtojmë se puna për ndërtimin e këtyre dy kampeve nisi më 23 mars, ndërsa dorëzimi do të bëhet pas 233 ditësh, pra më 10 nëntor.

Media italiane i referohet një vendimi të Ministrisë së Mbrojtjes, që i besoi inxhinierëve ushtarakë ndërtimin e qendrave për emigrantët në Shqipëri.

Sipas tenderit drejtues që duhet të kishin hapur në maj, Ministria e Mbrojtjes pret dorëzimin e punimeve për strukturat në vjeshtë.

Po ashtu, thuhet se kostot rrezikojnë të arrijnë një miliard euro për 5 vite.

The post Marrëveshja për emigrantët/ Qeveria italiane: Kampi nuk hapet më 20 maj, pritet të jetë gati para nëntorit, kostoja 1 mld euro appeared first on Albeu.com.

Ata deklarojnë se punimet kanë nisur prej katër ditësh, ndërkohë që stafi duket se është i huaj, ndërsa shqiptarët janë të numër më të reduktuar.

“Për mua është një vendim i keq. Edhe bota na ka ndihmuar, por nuk kemi ne fuqi të ndihmojmë të tjerët. Varet sa disiplinë do arrijnë të mbajnë e të mos i lënë të dalin nga kampi”, thotë një prej tyre.

“Punimet kanë nisur ka katër ditë. Po punojnë ekskavatorë e fadromë. Ç’na duhen ne ata? Ne fëmijët tanë i kemi jashtë vendit. Shkuan të jetojnë atje për më mirë, tani të na vijnë ata. Këta që kanë shtëpitë këtu janë të frikësuar.
Kanë ardhur inxhinierë italianë, më shumë janë të huaj”, deklaron një tjetër.

The post Nis puna për ndërtimin e kampit të refugjatëve në Gjadër, flasin banorët: Jemi të frikësuar appeared first on Albeu.com.

Sipas medias spanjolle ky është një operacion i ri kundër vendbanimeve të paligjshme të emigrantëve që synojnë të mbërrijë në Britaninë e Madhe në rrugë të paligjshme.

Në vendin ku shqiptarët po qëndronin pavarësisht se qëndrimi i tyre ishte i ligjshëm, ata nuk plotësonin kërkesat që janë përcaktuar për qëndrimin si turistë.

Ndaj tyre është vendosur një masë administrative e cila nënkupton se të tetë shqiptarët duhet të largohen brenda 15 ditësh dhe nëse identifikohen sërish do të arrestohen dhe më pas do të dëbohen.

Ky operacion është pjesë e luftës kundër trafikimit të qenieve njërëzore dhe synon të parandalojë emigracionin e paligjshëm në Britaninë e Madhe, emigracion i cili kryhet nga organizatat kriminale.

Këto organizata në vendet e tyre të origjinës iu premtojnë këtyre të rinjve punësim por që në fakt i detyrojnë ata të kryejnë vepra kriminale, përfundon shkrimin, media spanjolle./albeu.com

The post Do të udhëtonin ilegalisht në Angli, shqiptarëve ju prishet plani, arrestohen nga policia Spanjolle appeared first on Albeu.com.