Prokurori Bledar Vatnikaj ka kërkuar dënimin me nga 9 vite burg për shtetasit  Jennifer Chollet, Zinedin Nkeh dhe Zinedin dhe Jose Ngakam. Për shkak të gjykimit të shkurtuar ata përfitojnë 1/3 e uljes së dënimit, dhe nëse shpallen fajtor nga gjykata do dënohen me nga 6 vite burg. Shtetasit e huaj kanë mohuar akuzat për futjen në Shqipëri të mbi 1 milion eurove te falsifikuara dhe  letrave “Lastra”, dhe kanë kërkuar pafajësi.

Sipas prokurorisë këta shtetas ne bashkëpunim me njëri-tjetrin kanë tentuar të fusin në qarkullim në territorin e republikës së Shqipërisë rreth 1.2 milion Euro, kartëmonedha te cilat i janë sekuestruar shtetasit Jose Ngankam./albeu.com

The post Futën në Shqipëri mbi 1 milion euro të falsifikuara, Prokuroria kërkon 27 vite burg për francezen dhe dy kamerunasit appeared first on Albeu.com.

Valixhen me lekë si pas tij ja ka dhënë një shok në Francë, por 53-vjeçari thekson se nuk e dinte se çfarë kishte brenda.

Në dëshminë e tij ai ka thënë se destinacioni ishte Shqipëria, do të takohej me pronarin.

“Lekët nuk janë të miat. Një shok në France me dha valixhen dhe me tha merre me vete dhe takohemi në Shqipëri. Nuk e dija se çfarë kishte brenda.

Kur është pyetur se kush është shoku që ia ka dhënë valixhen ai nuk e ka treguar emrin. E kam njohur nëpërmjet personave të tjerë dhe e di vetëm si e thërrasin shkurt”, ka thënë ai.

Policia bëri me dije se gjatë operacionit janë sekuestruar edhe letra që shërbenin për përgatitjen e kartëmonedhave false dhe një aparat celular. /albeu.com

The post “Takohemi në Shqipëri”, u kap me 1 milion euro false në Rinas, kamuranasi: Mi dha një shok në Francë appeared first on Albeu.com.

Pas informacioneve të marra në rrugë operative se një shtetas do tentonte të hynte në Shqipëri, me sasi të konsiderueshme kartëmonedhash të falsifikuara, policia ka arrestuar në flagrancë poseduesin e parave, kamerunasin Josoue Ngankam, 53 vjeç, me leje qëndrimi në një nga vendet e BE.

Njoftimi i policisë:

Rinas

Finalizohet operacioni policor i koduar “Lastra”.

Operacioni nga Komisariati i Policisë Rinas, në bashkëpunim me Seksionin për Hetimin e Krimit Ekonomik dhe Financiar.

Goditet një rast i tentativës për të futur kartëmonedha të falsifikuara në vendin tonë, vihet në pranga 1 shtetas nga Kameruni.

Sekuestrohen 1 milion e 75 mijë euro të dyshuara të falsifikuara, letra për përgatitjen e kartëmonedhave dhe një aparat celular.

Komisariati i Policisë Rinas, në bashkëpunim me specialistët e Seksionit për Hetimin e Krimit Ekonomik dhe Financiar në DVP Tiranë, pas informacioneve të marra në rrugë operative se një shtetas do tentonte të hynte në Shqipëri, me sasi të konsiderueshme kartëmonedhash të falsifikuara, organizuan dhe finalizuan operacionin policor të koduar “Lastra”, në kuadër të të cilit u bë arrestimi në flagrancë i shtetasit kamerunas J. N., 53 vjeç, me leje qëndrimi në një nga vendet e Bashkimit Evropian.

Gjatë kontrollit nga shërbimet e Policisë, në bagazhet e këtij shtetasi janë gjetur sasi e konsiderueshme kartëmonedhash të dyshuara të falsifikuara dhe lastra (letra që përdoren për të prodhuar kartëmonedha të prerjeve të ndryshme).

Në cilësinë e provës materiale u sekuestruan 1 milion e 75 mijë euro të dyshuara të falsifikuara, lastra, letër speciale për prodhimin e kartëmonedhave euro dhe një aparat celular.

Nga veprimet hetimore dyshohet se ky shtatas, në bashkëpunim me shtetas të tjerë në vendin tonë, do të hidhte në qarkullim kartëmonedha të falsifikuara. Vijon puna për identifikimin dhe kapjen e bashkëpunëtorëve.

Materialet iu referuan Prokurorisë së rrethit Gjyqësor Tiranë, për veprime të mëtejshme, për veprat penale “Falsifikimi i monedhave” dhe “Mashtrimi”./albeu.com

The post EMRI/ Ky është kamerunasi që u kap me 1 milion e 75 mijë euro të falsifikuara në Rinas (FOTO LAJM) appeared first on Albeu.com.