Ndaj, grupi hetimor ka marrë pamje të tjera filmike në zonë për të arritur në gjurmë e autorit të vendosjes së sasisë së lëndës plasëse në banesën e ligjvënësit demokrat.

Në dëshminë e dhënë për policinë, Xhelal Mziu, ka deklaruar se nuk dyshon tek asnjë person.

Deputeti demokrat ndodhej në banesë me bashkëshorten e tij, kur ndodhi shpërthimi i fuqishëm.

Burime nga grupi hetimor bëjnë me dije se ka dyshime se shpërthimi ka qenë një mesazh për Xhelal Mziun.

Kjo për shkak se sasia e tritolit ishte e vogël dhe se ishte vendosur në pjesën lart të murit rrethues të banesës së ligjvënësit demokrat.

Shpërthimi ndodhi rreth orës 00:55 në rrugën “Arjan Sala” dhe si pasojë janë shkaktuar vetëm dëme materiale. Grupi hetimor po punon për identifikimin dhe kapjen e autorit.

Kamëz/Informacion paraprak:

“Rreth orës 00:55, dyshohet se në rrugën “Arjan Sala”, në murin rrethues të banesës së shtetasit Xh. M., është vendosur një sasi e dyshuar lënde plasëse.

Si pasojë e shpërthimit janë shkaktuar vetëm dëme materiale.

Grupi hetimor po punon për identifikimin dhe kapjen e autorit, si dhe për sqarimin e plotë të rrethanave të ngjarjes”, njoftoi policia.

The post Shpërthimi me tritol/ Kamerat në banesën e Xhelal Mziut ishin jashtë funksionit, hetuesit marrin pamjet e tjera filmike në zonë për identifikimin e autorit appeared first on Albeu.com.

Të mërkurën nëna e 34-vjeçarit,  denoncoi në komisariatin nr. 1 se kishte humbur kontaktet me të birin.

Denoncimi u bë pas nëna e Shimës, ishte informuar nga partnerja dhe njëherazi avokatja e të birit, se ai i kishte shkruar një mesazh me tekstin “po me arrestojnë”.

Pasi familjarët verifikojnë se ish-zyrtari i lartë i AKSHIT, nuk ishte arrestuar për ndonjë vepër penale denoncojnë humbjen e kontakteve.

Nga verifikimet rezulton se Shima ishte ngjitur në makinën e tij në qytetin studenti, ku është filmuar nga kamerat e sigurisë dhe është ndjekur deri në dalje të tunelit të rrugës Tiranë-Elbasan.

Pas dhjetë orësh, kur policia sekuestroi dhjetëra kamera sigurie dhe mori në pyetje persona që mund të kishin dijeni Daniel Shima u kthye dhe tha se ishte larguar me dëshirë, pas një konflikti me partneren e tij.

Por ai nuk dha asnjë shpjegim ku qëndroi përgjatë atyre 10 orëve, cilët janë personat që takoi, përse udhëtoi në drejtim të Elbasanit si dhe më thelbësorja përse i shkroi mesazh partneres së po më arrestojnë.

Policia pritet të rimarrë në pyetje Shimën.

The post I shkroi partneres dhe më pas iku tek Qytet Studenti, çfarë filmuan kamerat e sigurisë para se të “zhdukej” Daniel Shima appeared first on Albeu.com.

Vendimi për anulimin vjen pasi Komisioni i Prokurimeve Publike (KPP) pranoi për shqyrtim një ankesë të paraqitur nga kompania shqiptare CSP, e cila ngriti dyshime serioze mbi mënyrën e zhvillimit të kësaj procedure.

Tenderi i hapur nga AKSHI, synonte instalimin e një sistemi monitorimi me kamera në disa pika doganore, por menjëherë pas shpalljes së dokumentacionit teknik, u hodhën akuza për paracaktim të fituesit dhe shkelje të rënda të parimeve të konkurrencës së lirë, raporton skyweb.al.

Ankesë për paracaktim fituesi dhe lidhjet me një kompani kineze të sanksionuar. Në ankesën e saj, kompania CSP, me pronar Klevis Xhagollin, denoncoi se kriteret teknike të tenderit ishin hartuar në mënyrë të tillë që favorizonin vetëm një produkt specifik: kamerat e prodhuara nga kompania kineze Uniview, model IPC6858ER-X40-VF.

Sipas CSP, të gjitha specifikimet ishin “qepur si kostum”, duke përjashtuar çdo alternativë tjetër dhe duke bërë që tenderi të mos kishte asnjë garë reale.

Sipas dokumenteve publike, Uniview është një kompani e sanksionuar nga Shtetet e Bashkuara të Amerikës për shkelje të të drejtave të njeriut dhe për përdorimin e teknologjisë së saj, për survejimin masiv të ujgurëve dhe minoriteteve të tjera në Kinë.

Pavarësisht kësaj, tenderi i AKSHI-t parashikonte blerjen e pajisjeve të kësaj kompanie për sistemin e doganave shqiptare.

Ironikisht, në dokumentacionin e tenderit AKSHI kërkonte që të gjithë punonjësit që do të instalonin kamerat, të kishin certifikata sigurie të lëshuara nga Autoriteti Kombëtar për Sigurinë e Informacionit të Klasifikuar (AKSIK).

Kjo kërkesë për siguri maksimale për punonjësit, ishte në kontrats me përzgjedhjen e pajisjeve nga një kompani e ndaluar nga aleatët strategjikë të Shqipërisë.

Një tjetër element që rëndonte situatën, është fakti se Uniview nuk ka përfaqësi të drejtpërdrejtë në Shqipëri. Produktet e saj përfaqësohen nga kompania AlbaScan, e listuar zyrtarisht si partnere në faqen e Uniview.

Në këtë mënyrë, përmes një procedure të kontestuar dhe përmes ndërmjetësve vendas, në Shqipëri po tentohej të instalohej pajisje të prodhuara nga një kompani e sanksionuar.

Pas shqyrtimit të ankesës dhe presionit publik mbi çështjen, AKSHI vendosi të anulojë tenderin, duke evituar për momentin një tjetër skandal në fushën e prokurimeve publike dhe sigurisë. /skyweb.al

The post Furtunë anulimesh/ AKSHI heq dorë në momentin e fundit nga tenderi i kamerave në dogana, PRAPASKENAT me kompaninë e sanksionuar appeared first on Albeu.com.

Prokuroria e Tiranës ka nisur ditën e sotme hetimet për vdekjen e 3-vjeçarit, i cili ndërroi jetë në QSUNT dy ditë pasi kishte bërë ndërhyrje në gojë në klinikën stomatologjike të mjekut Xhaxho.

Ishin familjarët e të miturit të cilët denoncuan vdekjen e tij, duke thënë se kjo ndodhi për shkak të sasisë së lartë të narkozës, e cili i kishte prekur mëçinë.

Gazetari Igli Çelmeti ka zbuluar se ndërsa prokurorët dhe policia kanë shkuar në klinikën e mjekut Rland Xhaxho për të sekuestruar kamerat e sigurisë, ky i fundit ka deklaruar se nuk ka, pasi prej datës 23 shtator ka qenë duke kryer punime.

Mësohet se policia ka sekuestruar DVR (regjistrimet e kamerave).                                                                                                                   Kujtojmë se i mituri iu nënshtruar një ndërhyrjeje në dentare në këtë klinikë në datën 28 shtator, dhe pas shfaqjes së komplikacioneve në mbrëmje të kësaj date, ka ndërruar jetë në datën 1 tetor, teksa ndodhej i shtruar në QSUNT.

The post Vdekja e 3-vjeçarit, policia dhe prokuroria i kërkojnë kamerat e klinikës, Xhaxho: Nuk ka, kam bërë punime appeared first on Albeu.com.

Nga Dritan Kurti

Banorët e fshatit Fshat në Bashkinë e Klosit u habitën jo pak, kur në vitin 2016 jo shumë larg banesave të tyre u ngrit një kullë e lartë, metalike. E pajisur me panele diellore, me kamera me kënd rrotullimi 360 gradë, kulla do të shërbente si “polic” për të monitoruar kontrabandën e lëndës drusore, që merrej nga pyjet e Gurit të Bardhë dhe të Xibrit.

“Na thanë: “E kemi vendosur në kthesë, për të zbuluar ata që presin dru në male”, – tregon Halit Zeneli, një banor i zonës, pa ditur të thotë se cilit institucion i përkisnin punëtorët që bënë instalimet. Por, 7 vite më pas, ndërsa kullës i kanë mbetur vetëm hekurat, kontrabanda e pyjeve vazhdon. Askush nuk e di se ku kanë përfunduar kamerat, panelet diellore e pajisjet e tjera, të vendosura aty.

Halit Zeneli, i cili jeton vetëm pak metra larg kësaj pike monitorimi, thotë se ajo ka funksionuar për rreth dy vite. Më pas nuk është interesuar askush dhe ka rënë pre e grabitjes.

“Dimë që kamerat i morën tre djem të rinj. Ka qenë një kabull, që e furnizonte me energji, por edhe ai është zhdukur. E vetmja që ka mbetur, është kjo kulla prej hekuri, të cilën ne, banorët e fshatit, nuk lejuam që ta merrnin, pasi donin ta çonin për skrap”, – shpjegon Zeneli.

Kjo kullë ishte pjesë e sistemit kombëtar të monitorimit të kontrabandës së pyjeve, që u ngrit 7 vite më parë në të gjithë vendin. Në secilën prej këtyre kullave ishin instaluar 7 kamera me rezolucion të lartë, panele diellore për furnizimin me energji, në mënyrë që të funksiononin pa ndërprerje. Ngritja e këtij sistemi kushtoi plot 1.2 milionë euro (128.6 milionë lekë), investim që sot është rrënuar krejtësisht.

Me ambicien për të ndaluar prerjen e paligjshme të pyjeve, Ministria e Mjedisit asokohe largoi nga puna qindra specialistë, që monitoronin në terren pyjet, të cilët u “zëvendësuan” me kamera. Pavarësisht shpenzimeve për ngritjen e tij, ekspertët janë të bindur se, jo vetëm që ky investim nuk ka patur asnjë ndikim pozitiv, por madje ka shtuar kostot.

“Rreth 700 specialistë të pushuar padrejtësisht nga puna, shumica absolute e tyre fituan gjyqet me ministrinë dhe u paguan. Ka specialistë, që vazhdojnë të paguhen edhe sot e kësaj dite prej atij vendimi absurd të ministrisë”, – thotë inxhinieri i Pyjeve, Abdulla Diku.

Sipas tij, nëse fondi i shpenzuar për kamerat, për instalimin dhe për mirëmbajtjen e tyre do të ishte përdorur si duhet, “mbase do të ishte pyllëzuar i gjithë baseni i Bovillës dhe Tirana sot do kishte ujë më të pastër e më të sigurt për banorët e saj”.

Projekti i dështuar i kamerave

Në vitin 2016, ish-Inspektorati Shtetëror i Mjedisit, Pyjeve, Ujërave dhe Turizmit (ISHMPUT), i cili në atë kohë menaxhonte të gjitha ekonomitë pyjore të vendit tonë, vendosi që të ndërtojë një sistem monitorimi digjital të rrugëve kryesore në vend, nga ku mendohej se kalonte lënda drusore kontrabandë. Ky vendim erdhi njëkohësisht me vendosjen e moratoriumit 10-vjeçar të prerjes së pyjeve.

Tenderi për “Blerje sistemi elektronik i monitorimit të pyjeve” u hap në shkurt të vitit 2016 dhe fituese u shpall kompania “FASTECH”, me vlerën 128,629, 690 lekë, shumë afër fondit limit prej 133,333,503 lekësh.

Në të gjithë vendin u ndërtuan 28 kulla monitorimi, të pajisura me kamera, por ato nuk arritën të kapin asnjë “abuzues”. Të dhënat zyrtare tregojnë se rastet e paligjshmërisë së prerjes së pyjeve, të konstatuara, si në rrugë, ashtu edhe në fondet pyjore, kanë qenë thuajse të njëjta me ato të viteve të mëparshme. Sipas të dhënave të siguruara nga Drejtoria e Përgjithshme e Policisë së Shtetit, rezulton që në periudhën 2015-2020 të jenë konstatuar 1.528 raste të prerjes së paligjshme të pyjeve me 1.675 autorë. Lënda drusore, e sekuestruar i kalon disa mijëra metra kub. Ndonëse INA MEDIA kërkoi që t`i viheshin në dispozicion të dhënat se sa prej rasteve të shkeljeve ishin konstatuar nga pikat e monitorimit, ky informacion nuk na u vu në dispozicion.

Kulla e monitorimit në fshatin Klos Katund të Bashkisë Klos është zhdukur krejtësisht. Siç edhe dëshmojnë fotot e siguruara nga Investigative Network Albania, kamerat e monitorimit, panelet diellore e madje edhe kulla prej hekuri nuk ekzistojnë më. Në vend ka mbetur vetëm bazamenti prej betoni, ku ishte vendosur kulla. Ajo do të shërbente për të monitoruar prerjen e paligjshme të pyjeve të Martaneshit.

Krejt ndryshe, në fshatin Burgajet të Matit kulla e monitorimit të pyjeve nuk funksionon, por është thuajse e paprekur. Kjo ndoshta për faktin se ndodhet pranë disa banesave dhe ka qenë i vështirë dëmtimi nga të tjerët apo vjedhja e materialeve. Po njësoj, edhe në Fushë Bulqizë kulla e monitorimit, që ndodhet ngjitur me rrugën nacionale, është me të gjitha elementet, por nuk dihet, nëse është në funksion apo jo.

Dy kullat e monitorimit të kontrabandës në pyje, të vendosura pak vite më parë në fshatin Fshat dhe Klos Katund të Bashkisë Klos, të cilat tashmë janë zhdukur, kanë kushtuar 2.6 milionë lekë.

Ndryshimet e shpeshta të inspektorateve, por edhe të vetë mënyrës së administrimit të pyjeve, kanë bërë që këto kulla monitorimi të përfundojnë si mall “pa zot”.

Sektori i Administrimit të Pyjeve dhe Kullotave pranë Bashkisë Klos thotë se këto pika monitorimi nuk kanë qenë dhe nuk janë asete të bashkisë, ndërkohë që pranojnë se monitorimi i prerjes së pyjeve është një sfidë e madhe, më së shumti për shkak të mungesave të theksuara të mjeteve të transportit.

“Nuk kemi infrastrukturë për kontrollin e territorit, pasi na mungojnë mjetet e transportit. Në shumicën e rasteve kontrollin e territorit e bëjmë me mjetet tona”, – thotë Kapllan Allamani, përgjegjës i sektorit të pyjeve në Bashkinë e Klosit. Sipas tij, zonat më problematike janë ato që kufizohen me Tiranën, Dibrën, Bulqizën dhe Krujën për shkak të largësisë dhe terrenit të vështirë.

Nga ana tjetër, edhe ADZM, Dibër thotë se nuk i ka patur asnjëherë në inventar kamerat e vendosura në territorin e qarkut Dibër. Në një koment për këtë çështje, dhënë për INA MEDIA-n, ky institucion thotë se nuk ka asnjë dijeni për këtë investim dhe se ky sistem nuk ka qenë as në administrim e as në përdorim nga ana e tyre, pasi ishte pjesë e ISHMPUT-së, që kur është ndërtuar.

Nga një vëzhgim i bërë nga INA MEDIA në malin e fshatit Xibër-Murrizë prerja e drurëve të ahut vazhdon. Banorët thonë se kjo është ndikuar edhe nga ndërtimi i bypass-it të Murrizit që është pjesë e Rrugës së Arbrit, rrugë, e cila krijon lehtësi për t’i transportuar drejt Tiranës apo qyteteve të qarkut Dibër.

Bashkia e Klosit pranon se kjo zonë, megjithëse bën pjesë në hartën e zonave të mbrojtura, mbetet më problematikja dhe ka rënë pre e kontrabandës për shkak të punimeve në Rrugën e Arbrit.

“Me hapjen e bypass-it mendojmë se është favorizuar prerja e paligjshme e pemëve në zonën e mbrojtur Linos -Guri i Bardhë-Bizë-Martanesh”, – pranon Kapllan Allamani nga Bashkia e Klosit.

“Sa i përket malit të Murrizit, rruga e vjetër nga Qafa e Murrizit-Qaf Qershi-Kroi i Pajnës-Zgurë-Ura e Karthniqit është zonë e mbrojtur në varësi të ADZM, Dibër, por, edhe pse është në varësi të ADZM-së, inspektorët tanë kontrollojnë në mënyrë të vazhdueshme dhe njoftohen për prerje të paligjshme. Pas kësaj ne vëmë në dijeni ADZM-në”, – përfundon më tej ai.

Ekspertët e pyjeve thonë se ky ishte një investim i kotë, sa kohë që administratat nuk kanë njerëz dhe specialistë për t`i monitoruar pyjet. Sipas tyre, kontrabandistët ua gjetën zgjidhjen edhe kamerave.

“Edhe sikur të kishin funksionuar kamerat, ato veç do të filmonin dhe do të tregonin faktin, që pyjet janë prerë, por nuk kanë ndihmuar aspak për të parandaluar prerjen. Si për çdo gjë tjetër, edhe kamerave ua gjetën “zgjidhjen” kundërvajtësit. Herë i mbulonin, që të mos filmonin, e herë devijonin një copë rrugë për t`iu shmangur atyre. Në fund, mendoj se kanë fituar kundërvajtësit”, – shpjegon Diku.

Investimi prej miliona eurosh, “mall pa zot”

Në fund të vitit 2019, inspektoratet iu nënshtruan një reforme totale dhe ISHMPUT u shkri si institucion. Si pasojë, ky investim prej 1.2 milionë eurosh ngeli pa zot, duke sjellë shkatërrimin e tyre.

Ministria e Mjedisit u kujtua se kishte nën administrim edhe një investim të tillë, vetëm pas kërkesës së dërguar nga Investigative Network Albania. 4 vite pas shkrirjes së inspektoratit qendror, ende sot institucionet nuk janë në gjendje të thonë se çfarë ka ndodhur me këto kulla apo, aq më pak, të kenë një inventar të tyre. Për rezultate as që flitet.

Ministria e Mjedisit justifikohet me faktin se ende nuk ka përfunduar procesi i ristrukturimit të institucioneve të tjera, ku u shpërndanë kompetencat e ISHMPUT-së. Megjithatë, ministria thotë në një përgjigje me shkrim, se ky sistem aktualisht është në proces transferimi pranë Agjencisë së Pyjeve, të krijuar rishtazi.

“Në kuadër të procedurave të ndërmarra për të mbyllur të gjitha detyrimet në rastin e shkrirjes/mbylljes së një institucioni, Sistemi Elektronik i Monitorimit të Pyjeve u transferua përkohësisht pranë MMT-së dhe aktualisht është në proces transferimi pranë Agjencisë Kombëtare të Pyjeve, institucion në varësi të MMT-së, i krijuar i ri pas shkrirjes së ISHMPUT”, – i tha INA MEDIA-s në fund të muajit maj Ministria e Mjedisit.

Në një përgjigje me shkrim Agjencia Kombëtare e Pyjeve e nxjerr zbuluar Ministrinë e Mjedisit, duke mohuar që t’i ketë kaluar në pronësi, si pasojë nuk ka dijeni se çfarë është bërë me këtë sistem. Vetë Agjencia Kombëtare e Pyjeve u vu në dijeni se do t`i transferohej ky “investim” vetëm pas shkresës së INA MEDIA-s.

“Ky sistem nuk i ka kaluar në përdorim AKP-së. Lidhur me faktin se kush e disponon, është në funksionim apo jo, si dhe për gjendjen fizike dhe teknike të stacioneve të kamerave në territor, duhet të kërkoni informacion në Ministrinë e Turizmit dhe Mjedisit”, – thotë Agjencia Kombëtare e Pyjeve.

Mirëpo, AKP sqaron se, Ministria e Mjedisit, në të njëjtën ditë që i ka kthyer përgjigje INA MEDIA-s, i ka adresuar një shkresë edhe Agjencisë Kombëtare të Pyjeve, me lëndë “Kërkesë për fillimin e procedurës së kalimit kapital pa pagesë të Sistemit Elektronik të Monitorimit të Pyjeve”, protokolluar me nr. 387 prot., datë 25.05.2023.

Pra, siç duket, Ministria e Mjedisit dhe Turizmit është kujtuar për transferimin e këtij sistemi pranë Agjencisë Kombëtare të Pyjeve, vetëm pas marrjes së kërkesës për informacion nga Investigative Network Albania të datës 28.04.2023 dhe vetëm një ditë para kthimit të përgjigjes së datës 26.05.2023, pra në datën 25.05.2023, Ministria e Turizmit dhe Mjedisit ka nisur procedurën e transferimit të Sistemit Elektronik të Monitorimit të Pyjeve pranë Agjencisë Kombëtare të Pyjeve.

Duke bërë një bilanc të kësaj nisme, që e konsiderojnë politike dhe jo teknike, ekspertët këmbëngulin se ishte një dështim shumëdimensional, që ka sjellë shkatërrimin e fondit pyjor të vendit.

“Kjo është një kosto e jashtëzakonshme, jo vetëm prej lëndës së drurit të prerë, por mbi të gjitha sepse kostot për rigjenerimin e pyjeve të shkatërruara tashmë kanë kaluar në miliarda euro. Prej kësaj nisme duhet të nxjerrim njëherë e mirë mësimet e duhura”, – shpjegon inxhinieri i pyjeve, Abdulla Diku. Po sipas inxhinierit Abdulla Diku, sasia e lëndës drusore, që pritet në një vit në vendin tonë, është shumë më e madhe se ajo që krijohet nga natyra.

“Në Shqipëri priten rreth 2.5 milionë m3 lëndë drusore në vit, ndërsa rritja vjetore e pyjeve është rreth 1.4 milionë m3/vit. Pra, presim rreth 1.1 milionë m3 më shumë nga sa është rritja vjetore, natyrore e pyjeve”, – shpjegon ai.

Si pasojë e prerjes masive të pyjeve, Shqipëria paraqitet sot si vendi me erozionin më të lartë në Europë (12.5 herë më shumë erozion se mesatarja e vendeve të BE-së).

“Aktualisht nuk kemi specialistë pyjesh në terren, që t`i mbulojnë, t`i kontrollojnë e t`i menaxhojnë zonat pyjore, kështu iu është lënë dorë e lirë kundërvajtësve dhe informalitetit të lartë në këtë sektor (rreth 90% e produkteve drunore, që merren nga pylli, nuk paguhen). Ata pak persona, që paguhen në sektorin e pyjeve, nuk kanë asnjë lidhje me punën dhe profesionin përkatës”, – përfundon Diku./inamedia

The post Kushtuan 1.2 milionë euro, kamerat që do të monitoronin pyjet, shiten për skrap appeared first on Albeu.com.

I ftuar në “Zonë e Lirë” Karamuço tha se duke parë situatën dhe ngjarjet kriminale në vend policia ka instaluara kamera të padukshme për syrin e lirë në pikat nevralgjikë, të cilat sinjalizojnë menjëherë sapo kapin targa të vjedhura.

Ai tha se nuk mund të tregojë zonat se ku janë instaluar këto kamera, por ato japin menjëherë sinjale.

“Kini kujdes! Nga janari të keni shumë kujdes, sidomos në Tiranë. Janë vendosur kamera të Policisë së Shtetit dhe i monitoron vetë Policia e Shtetit. Kamerat janë vendosur në pika nevralgjike. Duke patur parasysh se shumica e vrasjeve janë kryer me makina me targa të vjedhura, këto kamera japin sinjal menjëherë në monitorët e policisë sapo kapin një targë të vjedhur”, tha ai.

The post “Syri i policisë është kudo”, Karamuço: Kini kujdes! Kamerat e reja po monitorjnë çdo gjë appeared first on Albeu.com.

Gatë orëve të funditjanë hequr kamerrat e vendosura në rrugë në qytetet e Korçës, Tiranës, Dibrës dhe Durrësit.

Ndërkohë janë vënë nën hetim disa shtetas.

Njoftimi:

Në kuadër të fazës së trembëdhjetë të këtij operacioni, duke u mbështetur dhe në informacionet e siguruara nga inteligjenca informative, kanë vijuar kontrollet në zona publike dhe në ambiente të tjera. 

Gjatë kësaj faze, u çmontuan dhe u sekuestruan 20 kamera të tjera, të instaluara në kundërshtim me ligjin, në qarqet Dibër, Korçë, Tiranë dhe Durrës.

8 shtetas u vunë në hetim, për cenim të privatësisë dhe për të dokumentuar ligjërisht qëllimin përse ata i kishin instaluar këto kamera.

Në rang kombëtar, shkon në 548 numri i kamerave të çmontuara dhe në 116 numri i shtetasve në hetim.   

-Në Peshkopi, në vijim të kontrolleve në terren, u çmontuan dhe 7 kamera të instaluara në kundërshtim me ligjin, si dhe u iniciuan hetimet për shtetasin R. D.

Në total, deri më tani, në qarkun Dibër, janë çmontuar 13 kamera dhe janë iniciuar hetimet për 5 shtetas.

-Në qytetet Korçë dhe Pogradec, në vijim të kontrolleve janë çmontuar dhe 6 kamera dhe janë iniciuar hetimet për shtetasit S. M., J. Xh., A. Ç. dhe Th. M.

Në total, deri më tani, në qarkun Korçë, janë çmontuar 67 kamera dhe janë iniciuar hetimet për 28 shtetas.  

-Në Tiranë janë çmontuar dhe 4 kamera dhe janë iniciuar hetimet për shtetasit E. Ll. dhe E. C.

Në total, deri më tani, në qarkun Tiranë, janë çmontuar 224 kamera dhe janë iniciuar hetimet për 46 shtetas.  

-Në Durrës në vijim të kontrolleve janë çmontuar dhe 3 kamera dhe janë iniciuar hetimet për shtetasin D. M.

Në total, deri më tani, në qarkun Durrës, janë çmontuar 57 kamera dhe janë iniciuar hetimet për 12 shtetas.  

Kontrollet vijojnë në të gjitha qarqet.

#angazhimpërkushtimsakrificë?️?

#tëvendosurkundërkrimit✅

#nëçdoskajtëvendit??

#nëshërbimtëqytetarëve?️??️

The post Priten “Fijet”, policia aksion në Tiranë, Durrës, Korçë dhe Dibër për heqjen e “syve të krimit” appeared first on Albeu.com.

Në shkrimin e theksohet s egrupet kriminale në Shqipëri kanë fituar epërsi dhe kanë gjithçka nën kontroll falë teknologjisë dhe “syve” që kanë në rrugë, duke iu referuar kamerave, të cilat ishin edhe pjesë e aktineve të policisë gjatë ditëve të fundit.

Nga Thomas Roser, Frankfurter Rundschau

Besimi është gjë e mirë, kontrolli i gjithanshëm po bëhet gjithnjë e më i zakonshëm. Edhe në Ballkan, kamerat e vëzhgimit në udhëkryqe, zonat e këmbësorëve dhe korsitë e trafikut kanë qenë prej kohësh një pamje e njohur. Duke tejkaluar kufijtë, policia dhe autoritetet e sigurisë në labirintin shumështetëror po vendosin gjithmonë e më shumë në objektiv ‘delet’ e tyre me teknologji perëndimore apo kineze.

Megjithatë, kamerat e montuara ilegalisht mbi rrugët plot pluhur të Shqipërisë, të cilat nuk janë aspak sekret apo të fshehura, po ngrenë gjithnjë e më shumë pyetjen shqetësuese në vendin kandidat të BE-së, se cili është saktësisht vëllai i madh i 2.8 milionë fëmijëve të vendit.

Kjo për shkak se shumë nga lentet e vëzhgimit, të cilat po përhapen si kërpudha, nuk janë instaluar vetëm nga oficerët e zbatimit të ligjit në shtetin e Adriatikut, por edhe nga shkelësit e ligjit: klane të fuqishme, por shpesh rivale të drogës, jo vetëm që mbajnë nën monitorim njëri-tjetrin me kamera dhe dronë, por edhe policinë.

Policia në Shqipëri çmontoi më shumë se 220 kamera të paligjshme vetëm në kryeqytet

Në mesin e janarit, policia shqiptare në qytetin e Shkodrës çmontoi për herë të parë më shumë se 50 kamera të paligjshme. Që nga Durrësi, Elbasani, Fieri, Korça apo Vlora- më shumë se 450 kamera janë hequr tashmë në të gjithë vendin. Vetëm në Tiranë u gjurmuan dhe u çmontuan më shumë se 220 pajisje vëzhgimi të instaluara ilegalisht.

Lajmi për kamerat e sigurisë me pronarë të dyshimtë, ka ngritur jo vetëm shqetësimin për sigurinë e të dhënave në Shqipëri. “Epërsia teknologjike e grupeve kriminale, në krahasim me shtetin, është shumë flagrante,” thotë Erida Skendaj, kryetare e Komitetit të Helsinkit në Tiranë. “Kamerat e paligjshme të monitorimit në Shqipëri ngrenë shqetësime për fuqinë e bandave,” shkruan agjencia Balkan Insight.

Klanet e drogës në Shqipëri monitorojnë njëri-tjetrin me kamera të paligjshme

Edhe dhjetëra arrestime të personave të dyshuar për instalimin dhe funksionimin e kamerave të paligjshme vështirë se mund të zbusin shqetësimet e aktivistëve të të drejtave civile, mbrojtësve të të dhënave dhe ekspertëve të sigurisë në lidhje me ndikimin në rritje të mafies së drogës në Shqipëri.

Shqipëria vlerësohet se është një nga prodhuesit më të mëdhenj të kanabisit në kontinent. Qoftë me larje të përgjakshme hesapesh, vrasje me porosi apo shpërthime me eksploziv- klanet e drogës nuk dinë të ndalen në luftën e tyre të ashpër për treg dhe pushtet.

Pra në Shqipëri grabitësit monitorojnë xhandarët? Me kamera dhe dronë, bandat e drogës mund të monitorojnë plantacionet, pronat dhe lagjet shumë më lirë dhe me efektivitet sesa me roje dhe shërbime sigurie, shpjegon gazetari investigativ Artan Hoxha për portalin Sot. “Bandat kriminele kanë sistemin më të mirë të sigurisë. Dhe qendrat e tyre operacionale janë më të mira se ato të policisë”.

Por klanet i vendosin kamerat më pak për policinë dhe më shumë për njëra-tjetrën, thotë Hoxha. “Kamerat e botës së krimit i gjeni kudo në Shqipëri. Klanet i instalojnë për sigurinë e tyre- dhe për sigurinë e familjeve të tyre”.

/AlbEu.com/

The post Kamerat në rrugë, gazeta gjermane: Grupet kriminale në Shqipëri janë më të avantazhuara se policia appeared first on Albeu.com.

Kamerat ishin vendosur me qëllim marrjen e informacioneve mbi lëvizjen e efektivëve.

Berisha  ka reaguar me akuza të forta ndaj qeverisë Rama, duke e cilësuar një narkoshtet. Gjithashtu thekson se jo vetëm Shkodra, por e gjithë Shqipëria është nën sundimin e krimit.

Postimi i plotë i Berishës:

Krimi kontroll të rreptë të territorit.
Bandat kanë vendosur krahas policisë kamera speciale në shtyllat elektrike në rrugët dhe sheshet e qytetit të Shkodrës për kontrollin e qytetit. Si Shkodra, në sundimin e krimit është e mbarë Shqipëria. Bandat kontrollojnë jo vetëm territorin, por dhe vendimarrjen: në rruge, në zyra, në polici, gjykata, prokurori, qeveri, parlament dhe çdo gjë!
Ky është narkoshtet!

The post “Krimi kontroll të rreptë territorit”, Berisha për vendosjen e kamerave në Shkodër: Bandat kontrollojë vendimmarrjen appeared first on Albeu.com.

Nga Lutfi Dervishi 

“Nëse do që të vlerësosh një qytetërim, së pari shih varrezat. Nëse do që të vlerësosh një shtet, atëherë nise duke parë policinë. Nëse do që të vlerësosh një shoqëri, vështro qarkullimin rrugor dhe këmbësor”.

Kjo thënie lapidareske e Charles de Gaulle tingëllon ironike me lajmin e sotëm se në Shkodër në shtyllat e rrugëve kryesore ishin vendosur kamera që monitoronin policinë.

“Ngjarje të tilla ndodhin kudo, madje bëhen edhe filma”, do të thoshte dikush, por ama edhe nëse e sheh në film një skenë të tillë, thua: Skenaristi e ka tepruar ca si shumë…

Mes drejtorit të parë të policisë së shtetit shqiptar dhe drejtorit aktual janë 110 vjet.

110 vjet më parë, drejtori i përgjithshëm i policisë ishte Halim Gostivari nga Gjakova, me arsim juridik në Stamboll dhe zotërues i katër gjuhëve të huaja.

Në 110 vjet shtet, Shqipëria ka njohur 44 drejtorë policie. Në vitet, që përfshijnë dy luftërat botërore vendi njohu 16 drejtorë të përgjithshëm, të cilët qëndruan në detyrë mesatarisht 1 vit e nëntë muaj.

Nga 1944 deri në 1992, patëm 10 drejtorë të përgjithshëm, të cilët qëndruan në detyrë (mesatarisht) 4 vjet e tetë muaj. (Nga këta 10 drejtorë, 4 ishin nga Vlora, 2 nga Korça, 1 nga Gjirokastra, 1 nga Delvina, 1 nga Elbasani dhe 1 nga Gramshi.

Nga viti 1992 dhe deri më sot kemi pasur 18 drejtorë të përgjithshëm. Një vit e shtatë muaj është mesatarja e qëndrimit në detyrë. Periudha e demokracisë/tranzicionit shënon edhe kohëzgjatjen mesatare më të shkurtër në këtë post.

Vetëm gjatë 10 viteve të fundit kemi pasur një parti në pushtet, por 4 ministra të Brendshëm dhe 6 drejtorë të përgjithshëm. Mund të kishim vetëm një drejtor të përgjithshëm këto 10 vite, por i parafundit u shkarkua nga qeveria pas 9 muajsh në detyrë. Çdo krahasim çalon, por sa për shembull, drejtori i policisë në Itali është në detyrë prej vitit 2016.

Në një bisedë për problemet e sotme të policisë, një koleg i nderuar tha se “vetëm ndarja nga politika e shpëton policinë”. Teorikisht kështu është: Policia është e ndarë nga politika. Praktikisht ishte politika që shkarkoi apo detyroi me dorëheqje 5 drejtorë të përgjithshëm në një dekadë që u pritën me ceremoni dhe u larguan me kyçjegoje.

Nuk është e lehtë të ndash nëse policia e ka lënë veten të përdoret nga politika, apo është vetëofruar për përdorim politik.

Është kritike që policia të ketë integritet e profesionalizëm. Por ngjarje si ajo e përfshirjes në kanabizimin e vendit, 2015-2017, nisja me bujë e vettingut dhe lënia në heshtje ende pa nisur, nismat e braktisura që në gjenezë për të marrë gjurmët e gishtave dhe testet antidrogë, dështimi me kamerat e t(r)upit, përpjekja për të fshehur dhe manipuluar provat në ngjarje ku është vetë e përfshirë, kanë tronditur besimin e publikut te policia.

Një përzgjedhje e mirë, një karrierë e garantuar, një pagë dinjitoze dhe vullneti politik për ta luftuar krimin dhe jo për ta përfshirë atë në politikë do të ishin të mjaftueshme për të ndryshuar situatën…

110 vjet më parë nuk flitej për integrime euro-atlantike, sepse ishte në pikëpyetje vetë ekzistenca e shtetit. Halim Gostivari, drejtori i parë i policisë ishte 35 vjeç dhe fliste katër gjuhë të huaj.

Sot, qysh në fillim të vitit 2023, nuk shkon që në anglisht të kemi vetëm emrat e operacioneve të policisë.

Policia e ka detyrim të ndahet nga politika dhe krimi. E ka detyrim në radhë të parë për hir të martirëve të policisë, fëmijëve të tyre, veteranëve të saj që nuk kanë kursyer as jetën në punën e tyre./Albeu.com/

The post Kur krimi shpall monitorimin e policisë appeared first on Albeu.com.