Kamer Qaka mbyll aventurën e tij me Partizanin. Lajmin e konfirmoi vetë lojtari nëpërmjet një njoftimi në Instagram, ku sqaroi se ndarja erdhi si pasojë e disa çështjeve financiare që nuk gjetën zgjidhje mes palëve.

Në mesazhin e tij, 31-vjeçari shprehu mirënjohje për bashkëlojtarët, trajnerët dhe të gjithë pjesëtarët e stafit, si edhe për këdo që e përkrahu gjatë kësaj periudhe të shkurtër te “Demat e Kuq”.

Mesfushori mbërriti te kryeqytetasit më 14 janar, në një transferim që ngjalli shumë entuziazëm, por në total u paraqit vetëm në 13 takime, pa shënuar dot asnjë gol.

Tani, futbollisti me përvojë në Kombëtaren shqiptare mbetet një alternativë e lirë në treg dhe mund të jetë objektiv për ekipe brenda Shqipërisë, ndonëse nuk përjashtohet as një transferim jashtë vendit.

The post Largohet Kamer Qaka nga Partizani, mesfushori tregon arsyen appeared first on Albeu.com.

Me ardhjen e trajnerit rumun Florin Bratu, i cili pritet të prezantohet në ditët në vijim, situata e Qakës te të kuqtë duket se ndryshon. Sipas burimeve pranë klubit për “Newsport.al”, për lojtarin është vënë në fuqi klauzola e rinovimit të kontratës, e cila përfshin edhe ndryshime në kushtet financiare.

Të njëjtat burime bëjnë të ditur se gjatë sezonit të kaluar Qaka paguhej me 5500 euro në muaj, ndërsa pas aktivizimit të klauzolës së re, paga e tij do të jetë 6500 euro në muaj. Drejtuesit e Partizanit kanë mbajtur prej vitesh një linjë të kujdesshme në raport me pagat, pa i ekzagjeruar ato. Kështu, edhe një futbollist me cilësitë e Qakës, i cili ka luajtur në skenën europiane dhe ka veshur fanellën kuqezi, do të përfitojë në sezonin e ri 6500 euro në muaj.

The post Kamer Qaka drejt formacionit të parë te Partizani, mesfushori përfiton rritje page me aktivizimin e klauzolës appeared first on Albeu.com.