Ajo dhe bashkëshorti i saj, Doug Emhoff, vizituan dy shfaqje në Broadway, ku u përshëndetën nga publiku me duartrokitje dhe ovacione. Gjatë fjalimit, Harris theksoi rëndësinë e luftës për të drejta, duke paralajmëruar se mund të humbasim ato të drejta nëse nuk jemi vigjilentë.

Megjithatë, shumë përdorues të rrjeteve sociale e kritikuan për mënyrën e saj të paqartë të të shprehurit, duke e krahasuar me një “teze të dehur”. Ky incident ka rihapur diskutimet për karrierën e saj politike, duke përkujtuar humbjen në zgjedhjet presidenciale të kaluar.

The post Përse fjalimi i Kamala Harris u përqesh nga përdoruesit e rrjeteve sociale? appeared first on Albeu.com.

Linda Rama, bashkëshortja e kryeministrit Edi Rama, e cila është autore e parathënies së autobiografisë, foli gjatë promovimit të librit për përjetimet e saj.

“Libri është shkruar kur Kamala ishte zv.presidente dhe ishte një nga dy kandidatët që kërkonte të hynte në zyrën ovale. Karriera e Kamalës ishte kaq graduale, sa herë kisha nota mosbesimi, a është një guidë se si duhet të jetë një prokuror apo si duhet të jetë një politikane. Asnjëherë nuk më erdhi si një grua që në fakt rrënjët e saj biologjike dhe sociale, i kishte të grupet vulnerabël të shoqërisë. Ajo nuk kishte asnjë lloj vulnerabiliteti në libër. Ndërsa dëgjoja fushatën, mua Kamala më vinte me fuqinë e saj nga libri i shkruar në vitin 2018”, tha Linda Rama.

Ajo u ndal dhe te humbja e Harris, teksa tha se gjithçka ndodhi siç e donte populli amerikan. Kjo është e bukura e demokracive, tha Linda Rama, duke shtuar se është populli ai që vendos.

“Kamala nuk do të hyjë në zyrën ovale dhe pavarësisht si erdhën gjërat, gjërat erdhën ashtu siç e donte populli amerikan. Kjo është e bukura e demokracive që populli vendos. Tranzicioni i 30 viteve na e ka mësuar. Një përjetim tjetër që kam pasur, po kjo Shqipëria e vogël sa shumë eksperiencë ka pasur në këto 30 vite, sa në të gjitha debatet që bëhen na bën të ndihemi pjesë e një konteksti të jashtëzakonshëm siç janë zgjedhjet në SHBA. Fuqia për të prekur plagën dhe aftësia për t’u futur në rolin e viktimës, gjithmonë kur flasim për prokurorin. Politika si aleat i më të dobëtit, sjellja e politikanit ndaj dështimit dhe ofertës për karrierë, një krim ndaj dikujt si krim ndaj gjithkujt, raporti ndaj kërkimit shkencor dhe me shifrat. Doja të isha vetja në parathënien e Kamalës e frymëzuar nga Kamala”, tha Linda Rama.

Sipas saj, “profili i prokurorit për mua mbetet një kërshëri e veçantë”.

“Në parathënie kam nënvizuar që kërcënimet për liritë dhe të drejtat e fituara nga brezat, janë reale dhe do jenë të pranishme për ata që do vijnë”, deklaroi Linda Rama./BW

The post Autobiografia e Kamala Harris në shqip, autore e parathënies Linda Rama: E bukura e demokracive është që populli vendos, unë kam nënvizuar appeared first on Albeu.com.

Çdo shtet ka një proces dhe grup rregullash të ndryshme për numërimin e votave.

Më poshtë është koha kur do të mbyllen votimet në shtetet kryesore natën e zgjedhjeve dhe çfarë të presim nga raportimi i rezultateve të votimeve.

XHORXHIA- 16 vota elektorale

Votimet mbyllen në orën 7:00 pasdite (ora 01:00 e Shqipërisë).

Votat e hershme dhe ato me postë do të raportohen herët në mbrëmje, me votat e Ditës së Zgjedhjeve që do të raportohen më pas. Ka gjasa që qarqet më të vogla, rurale, të raportojnë pjesën më të madhe të votave përpara qarqeve më të mëdha, urbane. Pothuajse të gjitha votat e shtetit pritet të raportohen natën e zgjedhjeve.

Votimi i hershëm përfundoi më 1 nëntor. Fletët e votimit me postë duhet të pranohen deri më 5 nëntor ose më herët. Procesimi i fletëve të votimit filloi më 21 tetor.

KAROLINA E VERIUT – 16 vota elektorale

Votimet mbyllen në orën 7:30 pasdite (ora 01:30 e Shqipërisë).

Një ligj i ri mund të vonojë raportimin e votave të hershme, kështu që rezultatet e para nga shumë qarqe do të jenë votat me postë. Votat e hershme ka të ngjarë të raportohen më pas, të ndjekura nga votat e Ditës së Zgjedhjeve. Pothuajse të gjitha votat e shtetit pritet të raportohen natën e zgjedhjeve, por fletët provizore të votimit, të cilat mund të përbëjnë një pjesë më të madhe të totalit për shkak të ligjeve të reja për identifikimin e votuesve dhe ndikimit të Uraganit Helene, do të numërohen më vonë.

PENSILVANIA- 19 vota elektorale

Votimet mbyllen në orën 8:00 pasdite (ora 02:00 e Shqipërisë).

Votimi i hershëm përfundoi më 29/10 në pjesën më të madhe të shtetit. Fletët e votimit me postë duhet të mbërrijnë më 5/11 ose më parë. Përpunimi i fletëve të votimit fillon në Ditën e Zgjedhjeve. Raportimi i votave do të ndryshojë sipas qarkut, por qarqet e mëdha ka të ngjarë të raportojnë numra të mëdhenj të votave me postë pak pas mbylljes së votimeve. Mund të duhen disa ditë për të raportuar të gjitha votat me postë, pasi zyrtarët e zgjedhjeve nuk mund të fillojnë përpunimin e këtyre fletëve të votimit deri ditën e zgjedhjeve.

MIÇIGAN – 15 vota elektorale

Votimet mbyllen në orën 8:00 dhe 9:00 pasdite (ora 02:00 dhe 03:00 e Shqipërisë),

Votimi i hershëm përfundon më 3 nëntor. Fletët e votimit me postë duhet të mbërrijnë më 5 nëntor ose më parë. Përpunimi i fletëve të votimit filloi më 28 tetor. Modelet e raportimit të votave do të ndryshojnë sipas qarkut. Ndërsa shteti zakonisht raporton pothuajse të gjitha votat deri të mërkurën në mesditë, disa nga qarqet më të mëdha të shtetit, veçanërisht Qarku Wayne (ku ndodhet Detroit), shpesh përfundojnë raportimin herët të mërkurën.

ARIZONA- 11 vota elektorale

Votimet mbyllen në orën 9:00 pasdite (ora 03:00 e Shqipërisë),

Asnjë votë nuk raportohet për një orë pasi mbyllen votimet. Rezultatet e para janë zakonisht votat e hershme dhe fletët e votimit me postë që kanë mbërritur më herët. Raportimi i fletëve të votimit me postë që mbërrijnë më vonë dhe atyre që dorëzohen në Ditën e Zgjedhjeve mund të vazhdojë për disa ditë. Votimi i hershëm përfundoi më 1 nëntor. Fletët e votimit me postë duhet të mbërrijnë më 5 nëntor ose më parë. Fletët e votimit përpunohen sapo të mbërrijnë.

WISCONSIN- 10 vota elektorale

Votimet mbyllen në orën 9:00 pasdite (ora 03:00 e Shqipërisë).

Raportimi i votave do të ndryshojë sipas qarkut. Ndërsa shteti zakonisht raporton pothuajse të gjitha rezultatet e tij natën e zgjedhjeve, disa komuna të mëdha ka të ngjarë të raportojnë fletët e votimit me postë dhe votat e hershme herët të mërkurën.

Votimi i hershëm përfundon më 3 nëntor. Fletët e votimit me postë duhet të mbërrijnë më 5 nëntor ose më parë. Përpunimi i fletëve të votimit fillon në Ditën e Zgjedhjeve.

NEVADA- 6 vota elektorale

Votimet mbyllen në orën 10:00 pasdite (ora 04:00 e Shqipërisë).

Nuk raportohet asnjë votë deri sa të mbyllen të gjitha vendvotimet në shtet, kështu që mund të ketë një pritje për rezultatet e para. Shteti do të vazhdojë të numërojë për disa ditë, dhe Nevada pranon fletët e votimit që kanë postuar në Ditën e Zgjedhjeve nëse ato mbërrijnë deri më 9 nëntor. Votimi i hershëm përfundon më 1 nëntor. Fletët e votimit me postë duhet të jenë postuar deri në më 5 nëntor ose më herët, por mund të mbërrijnë deri më 9 nëntor dhe ende të numërohen. Përpunimi i fletëve të votimit filloi më 21 tetor. /Top Channel

The post Me sytë nga SHBA, kur mbyllen kutitë e votimit dhe kur nis numërimi i votave në 7 shtetet ku ka betejë mes Trump dhe Harris appeared first on Albeu.com.

Një sondazh i CBS News/YouGov, i kryer në 18-20 shtator, tregoi se Harris e prin ngushtë Trumpin në nivel kombëtar me 52% deri në 48% mes 3,129 të anketuarve.

Në shtetet e fushës së betejës, të cilat janë vendimtare në sistemin amerikan “fituesi merr të gjitha”, Harris mban një epërsi të vogël 51-49, nga barazimi 50-50 muajin e kaluar. Sondazhi vuri në dukje ndjenjën e përmirësuar ekonomike dhe performancën e debatit të Harris si faktorë të mundshëm.

Një sondazh i NBC me 1000 votues nga 13-17 shtator tregoi se Harris kryeson 49-44, një ndryshim domethënës nga korriku kur Trump kryesonte me 2 pikë “para largimit të Presidentit Joe Biden”. NBC raportoi gjithashtu se favorizimi i Harris u rrit me 16 pikë që nga korriku, rritja më e madhe për çdo politikan në sondazhet e tyre që nga 11 shtatori.

Fox News, i njohur tradicionalisht si një mbështetës i Trump, sondazhi i 1102 votuesve të regjistruar nga 13-16 shtator tregoi një garë të ngushtë, me Harris në 50% dhe Trump me 48%. Sondazhi nënvizoi një ndryshim të rëndësishëm nga gushti kur Trump kryesoi 50-49.

Sondazhet e Napolitan News Service, Mainstreet Research dhe Economist/YouGov i dhanë Harris epërsinë me kandidatin demokrat që shënoi respektivisht 50-47, 49-45 dhe 49-45.

Sondazhet e tjera treguan rezultate të përziera. Një sondazh i Rasmussen me 1,855 votues të mundshëm e kishte Trumpin përpara me 49-47. Sondazhi i New York Times/Siena College me 2,437 votues të mundshëm tregoi një barazim 47-47.

Analistët vërejnë se një tentativë e dukshme për vrasje ndaj Trump mund të ketë nxitur disa mbështetës, ndërsa përmirësimet ekonomike mund të jenë në dobi të Harris.

Me shumicën e sondazheve që tregojnë rezultate brenda kufirit të gabimit, epërsia e Harris dhe Trump mbeten të pasigurta.

Gara mbetet shumë konkurruese me afrimin e ditës së zgjedhjeve.

The post Përmbledhja e sondazheve zgjedhore në SHBA: Harris e kalon Trumpin në garë të ngushtë appeared first on Albeu.com.

“Nëse dikush më hyn në shtëpi, ata do të qëllohen,” tha ajo në dukje me shaka gjatë një eventi në Michigan duke folur me prezantuesen.

Pas një nënqeshjeje, kandidatja demokrate presidenciale shtoi: “Ndoshta nuk duhet ta kisha thënë këtë, por do të merrem me stafin për ta riparuar”.

Harris ka përmendur edhe më herët gjatë debatit presidencial është zotëruese arme zjarri, por është në favor të ndalimit të ‘armëve të sulmit’.

Kundërshtarët e saj Harris e akuzojnë se ajo po ndryshon qëndrim për armët e zjarrit para zgjedhjeve të nëntorit.

Dje ajo theksonte mbështetjen për ndalimin e armëve të sulmit teksa një javë më parë rrjeti ABC News tha se demokratja ishte tërhequr nga nisma për të riblerë automatikët AR-15 apo armë të tjera sulmi nga pronarët e tyre, që gjithsesi refuzojnë të heqin dorë nga e drejta e tyre e parashikuar nga kushtetuta e vendit.

“Kemi bërë një program për riblerjen e armëve të sulmit nga zotëruesit e ligjshëm, unë e mbështes riblerjen e detyruar të automatikëve”, kishte thënë ajo në tetor 2019, shkruan rrjeti BBC.

Megjithatë Harris tha dje se mbështet amendamentin e dytë të kushtetutës së SHBA që mbron të drjetën e zotërimit të armës së mbrojtjes nga qytetaret e SHBA.

Në eventin e djeshëm ajo foli gjithashtu për Konventën Demokrate dhe çështjet problematike si emigracioni dhe ekonomia.

Më herët në debatin me Trump, Harris mohonte pretendimin se kërkonte të konfiskonte çdo armë zjarri nëse zgjidhej në Shtëpinë e Bardhë, duke argumentuar se si ajo dhe bashkë-kandidues i saj Tim Walz, nje entuziast gjuetie, zotërojnë armë zjarri.

Trump, gjithashtu ka thënë se ka tre pistoleta, edhe pse është detyruar të dorëzojë dy prej tyre pas përballjes me gjykatën ne New York, shkruan BBC.

The post Kandidatja Harris thotë se nëse dikush i hyn në shtëpi ‘do ta qëlloj’ appeared first on Albeu.com.

“Kur bëhet fjalë për kryerjen e gjërave, jo vetëm për të thënë fjalë të këndshme, unë besoj fuqimisht se Trump do të bëjë një punë shumë më të mirë”, tha Musk.

Ai tha se nëse Harris do të kishte aftësinë për të bërë gjëra të mëdha, ajo do ta kishte demonstruar atë gjatë mandatit të saj si dora e djathtë e Presidentit Joe Biden, pasi Biden rrallë shfaqet në punë, kështu që ajo është praktikisht në krye. Në një postim të veçantë, ai shpjegoi se SHBA-ja ka nevojë për reforma të rëndësishme të qeverisë për të ecur përpara dhe të lejojë që të bëhen gjëra të mëdha, të cilat ai tha se nuk do të vijnë nga Harris.

“Ne kurrë nuk do të arrijmë Marsin nëse Kamala fiton”, përfundoi Musk, i cili është i njohur për investimet e tij në udhëtimet hapësinore dhe teknologjinë.

Debati i së martës u pa gjerësisht si vendimtar për rezultatin e zgjedhjeve, pasi sondazhet tregojnë aktualisht një garë të ngushtë. Gjatë gjithë ngjarjes, e cila kaloi 90 minutat e planifikuara, Trump dhe Harris u përplasën me njëri-tjetrin si për politikën e brendshme ashtu edhe për atë të jashtme, duke përfshirë të drejtat e abortit, imigracionin dhe luftërat tregtare. Dy kandidatët shpesh ndërprenë njëri-tjetrin dhe shkëmbyen akuza për problemet me ekonominë e SHBA dhe konfliktin në Ukrainë.

The post Elon Musk: Nëse Kamala Harris fiton, nuk do të shkojmë kurrë në Mars appeared first on Albeu.com.

Në qendër të fushatës së republikanit Trump është ekonomia dhe sulmet ndaj rivales Harris. Donald Trump, Kandidat republikan për president “Asaj nuk do t’ia dijë për punëtorët ose amerikanët e klasës së mesme. Ajo nuk e çan kokën për ju”, thotë zoti Trump.

Ekipi i zonjës Harris thotë se republikani Trump është ai që do të dëmtojë fuqinë punëtore me shkurtimin e taksave për korporatat. Kamala Harris, Kandidate demokrate për presidente.

“Forcimi i klasës së mesme do të jetë përparësia kryesore e presidencës sime”, thotë zonja Harris.

Ekonomia është çështja më me rëndësi për votuesit në këto zgjedhje. Ky është një problem që zonja Harris duhet ta trajtojë shpejt, thotë analisti Hank Sheinkopf.

“Ajo duhet të sqarojë se përse njerëzit po paguajnë më shumë për karburant, pse ushqimet e tyre kanë këto çmime dhe pse prodhuesit e këtyre produkteve po u japin më pak për të njëjtat para”, thotë ai.

Kandidati republikan për nënpresident, JD Vance thotë se vota për zonjën Harris nënkupton humbje të vendeve të punës.

“Mendoni për të gjitha interesat e fuqishme, burokracinë në këtë vend, njerëzit që janë pasuruar duke i dërguar vendet tuaja të punës në Kinë. Ata e duan Kamala Harris-in. E vetmja mënyrë për t’i mposhtur dhe luftuar është në kutitë e votimit në nëntor”, thotë ai.

Nga ana tjetër, Tim Ëalz thotë se janë demokratët ata që përkushtohen ndaj punëtorëve amerikanë.

“Donald Trump dhe JD Vance kanë diçka tjetër në mendje. E vetmja gjë që ata dinë për punëtorët është se si të përfitojnë prej tyre, se si të mos i paguajnë. Sa herë u është dhënë rasti, kanë zhvilluar luftë kundër punëtorëve dhe kushteve të tyre”, thotë zoti Ëalz.

Dy muaj para zgjedhjeve, gara mbetet e ngushtë. Në shumicën e sondazheve të opinionit publik zonja Harris shfaqet me një epërsi të lehtë ndaj zotit Trump në shkallë kombëtare.

David Martinez, votues në Miçigan, mbështet zotin Trump.

“Ai është një patriot i vërtetë amerikan. Ai mendon më shumë për njerëzit sesa për veten e tij. Në çdo veprim ai përpiqet të ndihmojë dikë”, thotë ai.

Becca Rush, votuese në Xhorxhia, mbështet zonjën Harris.

“Është viti 2024, kemi nevojë për frymë të re dhe një të ardhme më të ndritur”, thotë ajo.

Ndërsa vazhdojnë fushatën, kandidatët Trump dhe Harris do të kalojnë pjesën më të madhe të ditëve të ardhshme duke u përgatitur për debatin e tyre të parë presidencial më 10 shtator./VOA

The post Dy muaj para zgjedhjeve presidenciale në SHBA appeared first on Albeu.com.

“Rregullat do të jenë të ngjashme si të debatit tim me Joen e përgjumur, i cili është trajtuar tmerrësisht nga partia e tij, por me një sallë të mbushur me publik”, shkroi Trump.

Postimi i tij u fshi për disa minuta, para se të postohej përsëri. Por, në postimin e dytë, Trump e fshiu propozimin e tij për një tubim “të madh” me publikun në datën e njëjtë, nëse Harris “nuk do të ishte e gatshme, apo në gjendje të debatonte”.

Harris ishte përgjigjur muajin e kaluar se është “e gatshme” për debat, pasi Fox News propozoi debat presidencial mes saj dhe Trumpit për datën 17 shtator.

Pasi Biden u tërhoq nga gara presidencial më 21 korrik dhe e mbështeti Harrisin, Trumpi tha se nuk do të debatonte me të, sepse ajo nuk ishte kandidate zyrtare.

Trump ka anashkaluar debatet më parë dhe nuk ka marrë pjesë në asnjë nga debatet presidenciale republikane të vitit 2024.

The post Donald Trump ‘kokë më kokë’ me Kamala Harris, ja kur do të mbahet debati i parë elektoral mes dy kandidatëve për president në SHBA appeared first on Albeu.com.

Fred Trump III tha gjatë një interviste në “The View” se ai mbështet politikat e Harris.

“Unë besoj mbi politikën dhe pa diskutim, politikat e Kamala Harris janë ato që kam pas, kështu që unë do të votoj për Kamala Harris,” shpjegoi ai. “Dhe nëse më pyesin, unë do të bëj fushatë për të pa hezitim.”

Fred Trump gjithashtu e quajti xhaxhain e tij “të çmendur atomik”.

“Çdo familje ka xhaxhain e saj të çmendur në tryezën e Falënderimeve. Donaldi është i çmendur bërthamor”, tha ai. “Dhe e kam parë vetë se si ai ka evoluar nga i çmendur në i çmendur atomik.”

Fred Trump është një nga anëtarët e paktë të familjes që ka kritikuar publikisht ish-presidentin Trump. Në nëntor, mbesa e kandidatit republikan argumentoi se gjyqi i tij për falsifikimin e të dhënave të biznesit tregoi se ai ishte një biznesmen i pasuksesshëm.

The post Nipi i Trump mbështet Kamala Harris: Donald është ‘i çmendur’ appeared first on Albeu.com.

Oratoria e saj është vënë disa herë në “diskutim”, për shkak të fjalive të pakuptima që ka shqiptuar.

Një nga rastet ka qenë edhe kur Harris ngatërroi Korenë e Veriut dhe Jugut. Harris kritikohet se ka një sens humori… në vendin dhe kohën e gabuar!

Gabimisht ajo tha se 220 milionë amerikanë vdiqën nga Covid-19, duke thënë me shaka se njerëzit e moshës 18 deri në 24 vjeç janë ‘me të vërtetë budallenj’.

Harris është e martuar me avokatin e LA, Doug Emhoff… Por siç shkruan sot në një artikull Daily Mail, ajo është përfolur edhe për një lidhje me demokratin e famshëm të Kalifornisë dhe kryetarin e parë me ngjyrë të San Franciskos Willie Brown, në vitet 1990, kur ai ishte 61 vjeç dhe ajo 31.

Sipas tabloidit britanik, ai i dha asaj dhe shtysën për të arritur karrierën që ka sot. “Po, unë mund të kem ndikuar në karrierën e saj duke e emëruar në dy komisione shtetërore kur isha kryetar. Dhe sigurisht që e ndihmova në garën e saj të parë për prokurore qarku në San Francisko”, tha Brown në vitin 2019 në moshën 86-vjeçare.

Por, më shumë se një dekadë më parë, vetë Donald Trump dhuroi mijëra dollarë për fushatën e rizgjedhjes së Kamalas, ndërsa ajo ishte prokurore e përgjithshme e Kalifornisë. Tani kandidati republikan këmbëngul se ajo do të jetë edhe më e lehtë për t’u mposhtur se Joe Biden, duke deklaruar: Ajo është kaq patetike.

Ai gjithashtu i ka vënë pseudonimin ‘Laffin’ Kamala Harris. Harris, ka qenë në krah të Biden që kur ai u zgjodh në 2020, dhe tani synon të bëhet femra e parë me ngjyrë që kryeson listën presidenciale të një partie të madhe në SHBA.

The post “Nga gafat dhe shakatë pa kripë te lidhja jashtëmartesore”, Daily Mail: Kamala Harris fjalime pa kuptim njësoj si Biden, Trump i dhuroi mijëra dollarë kur… appeared first on Albeu.com.