Zeneli tha për gazetën Telegrafi se ndër të tjera e brengos edhe fakti se po kërcënohen vajza të tjera të cilat e kanë emrin e mbiemrin njëjtë.

“Është e vërtetë që unë po kërcënohem në rrjetet sociale për videon që e kam shpërnda gjatë natës së mbrëmshme. Por, realisht unë në rrjetet e mija sociale e kam emrin Kaltrinë Zeneli dhe jo Kaltrina Zeneli dhe personat të cilët kanë kërcënuar kanë kërcënuar dikë tjetër. Vajza në fjalë më është drejtuar mua dhe m’i ka dërguar mesazhet që ka marrë prej personave të ndryshëm. Vajza në që ka emrin e njëjtë me mua më ka treguar se e ka denoncuar njërin prej komentuesve që i ka dërguar një mesazh kërcënimi”, tha ajo.

Aktorja shtoi se është krijuar një keqkuptim, pasi nuk është ajo që e ka xhiruar videon.

“Njerëzit po mendojnë që vajza e cila e ka xhiruar atë video kam qenë unë, është një keqkuptim këtu. Unë nuk kam xhiruar, nuk jam pjesë e videos. Jam ajo që e kam shpërnda dhe e kam denoncuar rastin gjë që nuk jam fare e penduar. Unë kam marrë kërcënime edhe nga njerëz që më kërcënojnë me gjuhë të ndryshme si spanjolle,  italisht dhe anglisht. Unë po brengosem për vajzat që e kanë emrin si unë dhe po përballen me këtë rast”, tha ajo.

Kaltrinë Zeneli publikoi videon tronditëse ku shihet punonjësja Aurona Pelaj ka ushtruar ndaj të moshuarës në një azil në Pejë, Kosovë. Punonjësja shihet duke goditur me shpulla dhe këmbë në bark të moshuarën ndërsa vajzat e tjera e filmojnë dhe qeshin.

E moshuara është nëna e dëshmorit Taulant Nura. Ajo është nxjerrë nga zili nga vajza e saj, Zhaneta Nura, e cila ka thënë se para 4 ose 5 ditësh kishte vërejtur shenja dhune në fytyrën e nënës.

The post Dhuna e infermieres ndaj të moshuarës në azilin në Pejë, aktorja që publikoi pamjet kërcënohet me jetë appeared first on Albeu.com.

Në një lidhje direkte për “Opinion” në Tv Klan, aktorja Zeneli tregon se videoja i ka mbërritur nga një person i panjohur, i cili i ka kërkuar se ku mund ta denoncojë si rast. Ajo tregon se personi i ka dërguar videon dhe më pas nuk është bërë më i gjallë.

Kaltrina Zeneli: Më ka ardhur prej një personi të panjohur dhe më ka pyetur se si mundet ta denoncojë një dhunë që ka ndodhur në një vend. Dhe përgjigjia ime ka qenë që ta thërrasë policinë. Thashë se ata të drejtojnë dhe të thonë se çfarë duhesh të bëjnë më tutje. Më tha a mund të më gjesh një numër që merret me këtë gjë dhe më vonë thashë të pyes. Ma ka dërguar vetëm videon dhe nuk është bërë më pastaj person i i gjallë dhe më është lutur që të mos e tregoj.

Fillimisht kur e hapa thashë së çfarë paska ndodhur dhe më pas jam shtangur dhe më kanë filluar kolegët të më pyesin çfarë ka ndodhur dhe unë s’kam mundur të jap asnjë përgjigje. E kam ndaluar videon, nuk e kam shikuar deri në fund dhe më pas isha unë personi që nuk dija se kujt t’i drejtohem.

E bëra publike në rrjetet e mija sociale dhe nisa të etiketoj mediat tona, unë menjëherë e merrja dhe e vendosja në status, më pas disa prej kolegëve tonë dhe ju kam thënë që merreni këtë rast dhe shqyrtojeni dhe faleminderit të gjithë personave që nuk kanë ngurruar dhe janë nisur në vendin e ngjarjes. Personat që kanë ushtruar dhunë janë aty ku duhet të jenë.

Gazetari Blendi Fevziu e ka falenderuar publikisht aktoren Kaltrina Zenelin që falë asaj videoje shumë njerëz kanë shpëtuar nga dhuna dhe sot të pakëtn përgjegjësit janë para drejtësisë.

Blendi Fevziu: Të falenderoj për publikimin e asaj videoje sepse falë publikimit të saj kanë shpëtuar shumë njerëz nga dhuna, faleminderit që sot përgjegjësit të paktën janë para drejtësisë./tvklan.al

The post Denoncoi publikisht dhunën ndaj të moshuarës, aktorja Zeneli tregon si ia dërguan videon appeared first on Albeu.com.