Të shtëna me armë zjarri janë dëgjuar mbrëmjen e djeshme në Tiranë në zonën e Kthesës së Kamzës, por nuk është raportuar për të lënduar.

Burime nga seksioni i trafiqeve në Drejtorinë e Tiranës kishte ndërmarrë një operacion në këtë zonë, te pallatet malaziane, për të arrestuar disa persona që merreshin me klandestinë.

Është ende e paqartë nëse të shtënat janë bërë nga policia apo nga personat që do të arrestoheshin.

Nuk ka ende një njoftim zyrtar në lidhje me këtë ngjarje./albeu.com

The post Të shtëna me armë zjarri në Tiranë appeared first on Albeu.com.

Njoftimi i policisë:

Vijojnë goditjet në kuadër të operacionit policor “Perimetri”.

U kap duke transportuar emigrantë të paligjshëm, vihet në pranga 35-vjeçari.

Shërbimet e Policisë Kufitare, në bashkëpunim me strukturat e Sektorit për Hetimin e Krimeve në DVP Korçë dhe Komisariatin e Policisë Pogradec, në vijim të operacionit të koduar “Perimetri”, kanë goditur një tjetër rast të aktivitetit kriminal të dhënies së ndihmës shtetasve të huaj, për kalim të paligjshëm të kufirit, kundrejt fitimit, si rezultat i të cilit u bë kapja dhe arrestimi në flagrancë i shtetasit E. Sh., 35 vjeç, banues në Pogradec.

Shërbimet e Policisë Kufitare, kanë konstatuar në aksin rrugor Pogradec-Qafë Thanë, shtetasin e mësipërm duke transportuar me mjetin tip furgon të markës “Benz”, emigrantë të paligjshëm, të cilëve kundrejt shpërblimit iu kishte premtuar kalimin e tyre drejt vendeve të BE-së.

Gjatë shoqërimit për në Komisariatin e Policisë, emigrantët e paligjshëm duke dashur të dilnin nga furgoni kanë hapur derën e tij me forcë dhe kanë mundur të largohen duke u shpërndarë nëpër qytet.

Shërbimet e Komisariatit të Policisë Pogradec, menjëherë u angazhuan për gjetjen e tyre, ku 21 emigrantë të paligjshëm aktualisht ndodhen në ambientet e Komisariatit për procedurat e mëtejshme.

Materialet i kaluan Prokurorisë së Rrethit Gjyqësor Pogradec për veprën penale “Ndihma për kalim të paligjshëm të kufijve” kryer në bashkëpunim./albeu.com

The post 21 emigrantë të paligjshëm në furgon, bie në pranga shoferi në Pogradec appeared first on Albeu.com.