kallmet Archives - Albeu.com

Mbyllen hetimet për përplasjen me armë zjarri në Kallmet, merret i pandehur ish-kreu i Njësisë Administrative dhe bashkëfshatari

E S — Mon, 07 Nov 2022 09:01:53 +0000

Kanë përfunduar hetimet për përplasjen me armë zjarri në Kallmet ku mbetën të plagosur ish-kreu i Njesisë Administrative të Kallmetit në Lezhë Besnik Simoni dhe Altin Marku. Dosja penale e hetuar nga prokurori Françesk Ganaj është dërguar për gjykim në Gjykatën e Lezhës.

Të pandehur janë marrë ish-zyrtari Besnik Simoni dhe bashkëfshatari i tij Altin Marku. Ndaj Simonit rëndojnë akuzat e plagosjes në tejkalim të kufijve të vetëmbrojtjes si dhe armëmbajtja pa leje, ndërsa për Markun është ngritur akuza “Vrasja e Mbetur në tentative” dhe “Armëmbajtja pa leje”.

SI NDODHI PËRPLASJA ME ARMË?

Përplasja me armë zjarri ndodhi mesditën e 1 prillit, në rrugën që lidh fshatin Kallmet me superstradën Lezhë-Shkodër. Policia raportoi se ishte plagosur në një atentat me armë zjarri, zyrtari i pushtetit vendor Besnik Simoni. Më pas u zbulua se konflikti mes Markut dhe Simonit nisi brenda zyrës së zyrtarit e më pas u zhvendos në rrugë. Marku u arratis për 4 orë. Kur u kap nga policia, u zbulua se edhe ai kishte mbetur i plagosur. Më pas u zbulua se mes dy personave kishte shkëmbim zjarri për konfliktin e 1 viti më parë që lidhet me sherrin në fushatën e PS-së.

The post Mbyllen hetimet për përplasjen me armë zjarri në Kallmet, merret i pandehur ish-kreu i Njësisë Administrative dhe bashkëfshatari appeared first on Albeu.com.

U përplas me armë me fqinjin, gjykata rrëzon kërkesën e administratorit të Kallmetit për lirim nga burgu

E B — Wed, 08 Jun 2022 07:48:58 +0000

Ish-kreu i Njësisë Administrative të Kallmetit në Lezhë Besnik Simoni, i cili u arrestua me datë 2 prill pas një konflikti me armë me një bashkëfshatar të tij, do të vijojë të qëndrojë në burg. Gjykata e Lezhës rrëzoi kërkesën e 41-vjeçarit, i cili, përmes avokatit mbrojtës kishte kërkuar një masë sigurime më të butë. Kërkese për zëvendësimin e masës së sigurisë u shqyrtua nga gjyqtari Artan Hajredinaj, i cili pasi dëgjoi palët në proces, vendosi që ish-zyrtari lokal të qëndrojë në burg deri në përfundim të hetimeve.

Përplasja me armë zjarri ndodhi mesditën e 1 prillit, në rrugën që lidh fshatin Kallmet me superstradën Lezhë-Shkodër. Fillimisht policia raportoi se ishte plagosur në një atentat, zyrtari i pushtetit vendor Besnik Simoni, por 4 orë me vonë blutë gjeten të plagosur në një banese më fshatin Kallmet të Lezhës dhe autorin shtetasin Altin Marku. Pas veprimeve paraprake hetimore, policia doli në konkluzionin se të dy personat kanë qëlluar në drejtim të njeri-tjetrit dhe ata u vunë në pranga me akuzat “Vrasja me dashje, mbetur ne tentative” dhe “Prodhimi dhe mbajtja pa leje e armëve dhe municionit luftarak”.

Në lidhje me ngjarjen prokuroria e Lezhës po vijon hetimet dhe nuk është arritur ende që të provohet nëse ka qëlluar dhe ish-zyrtari lokal Besnik Simoni, pasi është gjetur dhe sekuestruar vetem një armë zjarri që rezulton të jetë përdorur nga 41-vjeçari Altin Marku./albeu.com

The post U përplas me armë me fqinjin, gjykata rrëzon kërkesën e administratorit të Kallmetit për lirim nga burgu appeared first on Albeu.com.

DETAJE/ Në konflikt që prej një viti, si nisi sherri mes administratorit dhe fqinjit të tij në zyrë dhe përplasja me armë në rrugë

E B — Sat, 02 Apr 2022 10:29:56 +0000

Konflikti i nisur rreth një vit më parë mes administratorit të njësisë Kallmet në Lezhe Besnik Simoni dhe bashkëfshatarit të tij Altin Marku ka vijuar përgjatë gjithë kohës. Ditën e djeshme Marku ka debatuar sërish në zyrën e Simonit, por për shkak se kishte prani të njerëzve dhe administratës, Marku është larguar. Rreth dy orë me vonë ata janë takuar sërish në rrugën e fshatit drejt superstradës, ndërsa afër ishte edhe banesa e autorit.

Kësaj here ata kanë zbritur nga makinat dhe kanë filluar debatin që ka agravuar në fyerje personale. Sipas policisë, në këto kushte Simoni dhe Marku kanë qëlluar në drejtim të njërit tjetrit ku edhe janë plagosur. Një person ndihmoi administratorin dhe e dërgoi në spital ndërsa Altin Marku i plagosur në krah u largua vetë.

Ai u gjet i vetëm në shtëpinë e një të afërmi të tij që jeton jashtë vendit ku edhe u prangos nga policia qe e dërgoi në spital. Atij iu gjet një armë pistoletë, ndërsa arma tjetër nuk është gjetur akoma. Ditën e sotme iu komunikua masa e arrestit edhe administratorit Besnik Simoni, ndërkohë po merren në pyetje edhe persona që mund të kenë dijeni për ngjarjen./abcnews.al

The post DETAJE/ Në konflikt që prej një viti, si nisi sherri mes administratorit dhe fqinjit të tij në zyrë dhe përplasja me armë në rrugë appeared first on Albeu.com.

Plagosja e kryetarit të njësisë administrative të Kallmetit, vihet në pranga autori

E B — Fri, 01 Apr 2022 15:12:32 +0000

Plagosja e kryetarit të njësisë administrative të Kallmetit, vihet në pranga autori

Policia ka arrestuar autorin e plagosjes së kryetarit të njësisë administrativë të Kallmetit, Besnik Simoni, i cili po merr ndihmë mjekësore të Spitali i Traumës.

Simoni u plagos në mesditë nga Altin Marku, pas një konflikti në zyrë. Kryetari i njësisë adminsitrative të Kallmetit mori 3 plumba sipas policisë nga një armë tip pistoletë.

Dyshohet se mes Markut dhe Simonit ka pasur një konflikt të hapur prej një viti që ka kulmuar në ngjarjen e sotme.

The post Plagosja e kryetarit të njësisë administrative të Kallmetit, vihet në pranga autori appeared first on Albeu.com.