Nisur nga zhvillimet e fundit në Kosovë dhe Serbi, rikthimi në një tryezë i Kurtit dhe Vuçiçit shihet i vështirë. Në Kosovë, pritet që Gjykata Kushtetuese të japë një interpretim për çështjen e zgjedhjes së presidentit të vendit. Nga ana tjetër, skena politike në Serbi vazhdon të dominohet nga kërkesat për zgjedhje, të cilat vijojnë të mbeten në fokus të zhvillimeve të fundit.

Në lidhje me këtë situatë, analisti Afrim Kasolli u shpreh se janë pikërisht këto dinamika të cilat do ta përcaktojnë mundësinë e një takimi të tillë. Ai tha se shteti serb po pajiset me raketa supersonike kineze, të cilat bien në kundërshtim me qëllimet e tij formale për ta harmonizuar politikën e tij të jashtme dhe të sigurisë me Bashkimin Europian

“Janë këto dinamika të cilat do ta përcaktojnë mundësinë e një takimi të tillë, por personalisht konsideroj të gabuar çdo nismë për takime të tilla, sidomos pas sjelljeve të fundit të Serbisë. Ne kemi parë që shteti serb po pajiset me raketa supersonike kineze, të cilat bien në kundërshtim me qëllimet e tij formale për ta harmonizuar politikën e tij të jashtme dhe të sigurisë me Bashkimin Europian”, tha analisti Afrim Kasolli.

Më herët, Kurti kishte përcaktuar tre kushte për vijim të dialogut me Serbinë. Një nga këtë ishte edhe dorëzimi i Millan Radojeçiç, njeriut që organizoi sulmin terrorist të Banjskës.

Në lidhje më këtë, analisti Afrim Kasolli tha se tolerimet e vazhdueshme vetëm sa e inkurajojnë Serbinë të sillet në këtë mënyrë të dyfishtë dhe ta vazhdojë politikën e saj duale, edhe me vendet lindore.

“Tolerimet e vazhdueshme vetëm sa e inkurajojnë Serbinë të sillet në këtë mënyrë të dyfishtë dhe ta vazhdojë politikën e saj duale, edhe me vendet lindore, Rusinë e Kinën, dhe në të njëjtën kohë ta shfrytëzojë procesin e anëtarësimit në Bashkimin Europian vetëm si kartë formale, i cili në të vërtetë po i shërben jo normalizimit të raporteve me Kosovën, por pikërisht mbajtjes pezull të këtyre raporteve”, tha Kasolli.

The post Rikthimi i dialogut Kosovë-Serbi/ Kallas: Takimi mes Vuçiç dhe Kurtit mund të zhvillohet por është i vështirë appeared first on Albeu.com.

Gjatë një video-konference me Këshillin Evropian, Kalas theksoi se “uniteti mes liderëve të BE-së ishte i dukshëm” dhe se ajo ka vendosur sigurinë e Ukrainës dhe sanksionet ndaj Rusisë në krye të axhendës për takimin e ardhshëm të ministrave të jashtëm dhe të mbrojtjes së BE-së, javën që vjen.

“Nuk mund t’i besojmë presidentit rus për asnjë premtim apo angazhim,” shkroi Kalas në një postim në rrjetet sociale. “Prandaj, garancitë e sigurisë duhet të jenë të forta dhe të besueshme, për të parandaluar që Rusia të rimblidhet dhe të sulmojë sërish.”

The post Kaja Kallas: BE ka gati paketën e re të sanksioneve ndaj Rusisë! Nuk mund t’i besojmë Putinit appeared first on Albeu.com.

Kallas gjithashtu theksoi se ajo do të thërrasë një takim të ministrave të jashtëm evropianë të hënën për të diskutuar hapat e mëtejshëm.

“SHBA-të kanë fuqinë ta detyrojnë Rusinë të negociojë seriozisht. Çdo marrëveshje midis SHBA-së dhe Rusisë duhet të përfshijë Ukrainën dhe BE-në, pasi është një çështje për sigurinë e Ukrainës, por edhe për sigurinë e të gjithë Evropës”, tha Kalas në komentet e dërguara me email.

The post Kaja Kallas: Çdo marrëveshje midis SHBA-së dhe Rusisë duhet të përfshijë Ukrainën dhe BE-në appeared first on Albeu.com.

Në një postim në rrjetin social X, Kallas shprehu indinjatën e saj të thellë ndaj dhunës së papërmbajtur që po vazhdon të godasë civilët ukrainas, përfshirë edhe fëmijët. Ajo theksoi se sulmet e natës së kaluar janë një dëshmi tjetër e qëllimit të Rusisë për të rritur vuajtjet dhe për të shkatërruar Ukrainën.

“Sulmet e natës së kaluar tregojnë edhe një herë se Rusia është e vendosur të rrisë vuajtjet dhe të shkatërrojë Ukrainën. Është e tmerrshme të shohësh fëmijë midis viktimave të pafajshme, të plagosur ose të vrarë. Ne kemi nevojë për presion maksimal ndërkombëtar mbi Rusinë për të ndaluar këtë luftë”, shkroi ajo.

The post Kallas bën thirrje për të rritur presionin ndaj Rusisë pas sulmit tragjik në Ukrainë appeared first on Albeu.com.

Në konferencën e përbashkët me kryeministrin Hristijan Mickoski, Kaja Kallas theksoi se Maqedonia vendin e ka në Bashkimin Evropian.

“Rruga drejt anëtarësimit nuk është e lehtë, por qëndroni në të. Merrni hapa drejt hapjes së kapitujve, dhe ne si BE do ta mbështesim edhe më shumë Maqedoninë e Veriut. Përparimi mund të jetë i shpejtë, vetëm nëse ka vullnet politik. Ne besojmë se integrimi i Ballkanit Perëndimor në BE është receta më e mirë për paqen në rajon”, tha Kallas.

Sipas saj, aktualisht po punohet për zhbllokimin e procesit përmes pranimit të ndryshimeve kushtetuese.

The post Kallas në Shkup: BE mbështet Maqedoninë e Veriut. Integrimi më i shpejtë, vetëm nëse ka vullnet politik appeared first on Albeu.com.

Kallas ka thënë se heqja e masave të aplikuara para dy vitesh, po bëhet gradualisht.

“Si shenjë e përkushtimit tonë, mund të njoftoj se BE-ja ka filluar gradualisht të heqë masat e vendosura në qershor të vitit 2023. Ky vendim hap rrugën për mundësi më të mëdha për zhvillimin e Kosovës dhe për lidhje më të ngushta me Evropën”, tha ajo.

Ajo ka thënë se ajo personalisht ka qenë e angazhuar që t’i bind vendet anëtare të BE-së që t’i heqin masat ndaj Kosovës.

“Unë personalisht jam duke i bindur vendet anëtare se ne duhet t’i heqim masat për Kosovën, por disa thonë se Kosova duhet ta respektojë Marrëveshjen e Ohrit dhe përshkallëzimi në veri bie ndesh me këtë. Ne jemi gati t’i bëjmë hapat tonë, por kemi vërtet nevojë të shohim shtensionim në veri”, tha Kallas.

Ajo nuk shpjegoi se kur ka filluar heqja e masave dhe çfarë masash mund të jenë hequr deri tani, por shtoi se “ky vendim hap derën për mundësi më të mëdha për zhvillimin e Kosovës, por edhe për lidhje më të ngushta me Evropën”.

Kallas tha se Bashkimi Evropian është i gatshëm ta mbështesë Kosovën, por liderët e partive politike duhet t’i lënë anash ndasitë dhe ta bëjnë prioritet të ardhmen e Kosovës.

“Formimi i Kuvendit të ri dhe Qeverisë së re është thelbësor për stabilitetin, rritjen dhe të ardhmen evropiane të Kosovës”, tha Kallas.

Shefja e diplomacisë evropiane foli edhe për dialogun mes Kosovës dhe Serbinë, duke thënë se të dy vendet janë partnere të barabartë në tryezën e dialogut dhe se normalizimi i marrëdhënieve mes tyre është e vetmja rrugë drejt një të “ardhmeje më të sigurt dhe më të begatë për popujt e këtij rajoni”.

“Stabiliteti varet nga dialogu, jo nga konfrontimi”, theksoi ajo.

E pyetur rreth Marrëveshjes për rrugën drejt normalizimit të raporteve, e njohur si Marrëveshja e Ohrit – për të cilën Kosova dhe Serbia u pajtuan më 2023 – Kallas tha se ajo vlen dhe është detyrim për palët.

Gjatë vizitës së saj në Serbi të enjten, Kallas tha se synon t’i ftojë në Bruksel përfaqësuesit e Beogradit dhe Prishtinës “së më shpejt për të folur për hapat konkret përpara”.

Sipas saj, dialogu ndërmjet Beogradit dhe Prishtinës për normalizimin e marrëdhënieve është “domosdoshmëri për të lëvizur përpara” në atë drejtim.

Kallas po qëndron në Kosovë si pjesë e një turi në Ballkanin Evropian, i cili përfshin vizita në Serbi dhe Maqedoninë e Veriut.

The post Kallas thotë se BE ka nisur t’i heq masat ndaj Kosovës appeared first on Albeu.com.

Turi në Ballkan për Kaja Kallas ka nisur ditën e sotme teksa ka vizituar kryeqytetin serb, Beogradin. Kallas është pritur në takim nga presidenti Aleksandër vuçiç, kryeministri duro Macut dhe Ministri i Jashtëm Marko Djuric.

Ndërkohë ditën e nesërme, Kallas do të shkojë në Kosovë teksa do të takohet me qeverinë në detyrë të Albin Kurtit, por nuk është raportuar për takime të ndara me ministrat apo me vetë kryeministrin. Kaja Kallas do të takojë përfaqëues të të gjithë partive të Kosovës si dhe drejtues të EULEX dhe komandantë të KFOR.

Takimin përmbyllës, Kallas do ta zhvillojë në Shkup teksa do të takohet me kryeministrin e Maqedonisë së Veriut dhe ministrin e Jashtëm.

The post Kryediplomatja evropiane Kallas viziton këtë javë Ballkanin Perëndimor appeared first on Albeu.com.

Në fakt kemi paketën dhe po mendojmë dhe për paketën tjetër. Kemi sanksionet që kemi vendosur për energjinë për Rusinë dhe një udhërrëfyes që kemi propozuar javën e kaluar. Bashkë me paketën e sanksioneve. Është tejet e rëndësishme t’i shkurtojmë financimet Rusisë. Duhet të jemi të bashkuar se shohim qartësisht se Rusia nuk do paqe.

Bisedimet në Turqi a jeni optimist?

Mendoj se është propozimi i shumë i mirë, tha Kalas në prag të Samitit të gjashtë të Komunitetit Politik Europian që mbahet sot në Tiranë nën logon “New Europe in a new world”.

The post Lufta në Ukrainë/ Kallas paralajmëron sanskione të reja: Rusia nuk do paqe appeared first on Albeu.com.

Pas takimit të Këshillit për Punë të Jashtme më 14 prill në Luksemburg, Kallas tha në një konferencë për media se vizita do të vijë “më vonë në maj”.

“Sa u përket Serbisë dhe Kosovës, është e qartë se normalizimi i marrëdhënieve të tyre është i rëndësisë më të madhe. Për këtë arsye duhet të vazhdojë dialogu midis Beogradit dhe Prishtinës”, tha Kallas.

Kosova ka aplikuar për anëtarësim në BE në dhjetor të vitit 2022. Por, ky aplikim ende nuk është shqyrtuar nga autoritetet në Bruksel. Kosova po ashtu është e vetmja në rajon që nuk e ka statusin e shtetit kandidat.

Për shkak të krizave në veriun e Kosovës, që rritën tensionet mes dy vendeve, që nga shtatori i vitit 2023 në Bruksel nuk është zhvilluar asnjë rund i dialogut politik, por ka pasur vetëm bisedime në nivel të kryenegociatorëve.

Së fundi, Kallas kishte thënë se BE-ja është e interesuar të shohë përparim drejt normalizimit të marrëdhënieve ndërmjet dy vendeve, qoftë përmes Dialogut apo ndonjë mjeti tjetër.

“Ndoshta është dialogu, ndoshta është një tjetër mjet. Jam e gatshme ta shqyrtoj këtë çështje, dhe do ta bëj këtë së bashku me përfaqësuesin e Posaçëm [për dialogun, Peter Sorensen] në ditët në vijim”.

Gjatë konferencës më 14 prill, Kallas diskutoi edhe për procesin e zgjerimit dhe integrimin e mundshëm të shteteve të Ballkanit Perëndimor në Bashkimin Evropian.

Nga shtetet e rajonit të Ballkanit Perëndimor – Shqipëria, Serbia, Maqedonia e Veriut, Bosnje e Hercegovina dhe Mali i Zi – Kosova është e fundit sa i përket rrugëtimit të saj drejt BE-së, pas aplikimit për anëtarësim në vitin 2022.

“Nëse shohim hartën, Ballkani Perëndimor është në Evropë në aspektin gjeografik, ata duhet të jenë edhe në Bashkimin Evropian dhe për këtë arsye procesi i zgjerimit është shumë i rëndësishëm dhe duhet të ecim përpara me të”, tha Kallas.

Ajo tha se Shqipëria dhe Mali i Zi po bëjnë hapa të mirë dhe se shpreson që këto dy shtete do të mund të merren si “histori suksesi”./REL/

The post Shefja e diplomacisë së BE paralajmëron vizitë në Kosovë dhe Serbi: Dialogu duhet të vazhdojë appeared first on Albeu.com.

Siç u mësua më herët, në vizitën e parë të saj në rajon si shefe e diplomacisë evropiane, Kallas do të qëndrojë në Mal të Zi, Shqipëri dhe Bosnje e Hercegovinë, ndërsa ka zgjedhur të shmangë Kosovën.

Kallas e cila deklaroi vetëm disa javë më parë se dialogu Kosovë-Serbi ka ngecur, duket se ka zgjedhur të tregojë edhe një here tjetër qëndrimin e Brukselit Zyrtar ndaj qeverisë së Prishtinës.

Kjo pasi vendet e Unionit 27 anëtarësh kanë kritikuar shpesh qeverinë e Kurtit. Ata shpesh kanë deklaruar se Qeveria e Kosovës nuk po bën hapat e duhur që dicka e tillë të ndryshojë.

Në ditën e saj të parë të turit në Ballkan, Kallas do të vizitojë Malin e Zi. Më 8 prill do të vizitojë Shqipërinë, ku do të zhvillojë takime me presidentin Bajram Begaj dhe kryeministrin, Edi Rama. Me këtë të fundit do të zhvillojë edhe një konferencë të përbashkët për media. Në ditën e fundit, shefja europiane do të zhvillojë vizitë në Bosnje Hercegovinë.

The post Të hënën Kallas nis vizitën në Ballkanin Perëndimor, por “shmang” Kosovën appeared first on Albeu.com.