kalcium Archives - Albeu.com

Nuk jeni duke marrë mjaftueshëm kalcium? Ja disa nga ushqimet ku mund ta gjeni

Xh — Sun, 13 Aug 2023 10:32:54 +0000

Kalçiumi është një mineral shumë i rëndësishëm për shëndetin e kockave, ndonëse ai merret kryesisht nga ushqimet, shpesh mund të lindë nevoja për suplementë, të cilët gjithësesi duhen marrë me rekomandimin e mjekut.

Përfitimet që i vijnë organizmit nga kalçiumi

Trupi ka nevojë për kalçium për ndërtimin dhe mirëmbajtjen e kockave.

Kalçiumi është i nevojshëm edhe për shëndetin e zemrës, muskujve dhe nervave.

Studimet, të cilëve u referohet AgroWeb.org konfirmojnë se kalçiumi bashkë me vitaminën D, ofrojnë përfitime që shkojnë përtej shëndetit të kockave.

Të dyja së bashku, besohet të ofrojnë një lloj mbrojtje kundër kancerit, diabetit dhe tensionit të lartë të gjakut.

Megjithatë, këto pretendime kanë nevojë për më shumë studime shkencore.

Rreziqet e nivelit të ulët të kalçiumit në organizëm

Nëse njeriu nuk merr mjaftueshëm kalçium, do të përballet me probleme shëndetësore që nuk prekin vetëm kockat.

Mungesa e kalçiumit tek fëmijët vështirëson rritjen e tyre.

Tek të rriturit shkakton rënie të dendësisë kockore, që është faktor rreziku për shfaqjen e osteoporozës.

Sasitë e nevojshme të kalçiumit për organizmin

Sasia e nevojshme e kalçiumit është në varësi të moshës dhe gjinisë.

Burrat dhe djemtë nga mosha 19 deri në 70 vjeç duhet të konsumojnë 1,000 mg kalçium në ditë.

Pas moshës 70 vjeçare, burrat duhet të marrin 1,200 mg kalçium në ditë.

Sa i përket grave dhe vajzave nga 19 deri në 50 vjeç ato duhet të konsumojnë 1,000 mg kalçium në ditë.

Gratë mbi 51 vjeç duhet të shtojnë këtë dozë me 200 mg të tjera.

Burimet ushqimore të kalçiumit

Trupi i njeriut nuk prodhon dot kalçium, ndaj i nevojitet ta marrë atë nga një sërë ushqimesh të ndryshme.

AgroWeb.org ju këshillon se kalçiumin mund ta gjeni tek djathi, qumështi dhe kosi, por edhe tek perimet si brokoli dhe barishtet.

Peshku me hala të buta siç është salmoni dhe sardelet janë gjithashtu burime të mira të kalçiumit.

Përthithja e mirë e kalçiumit ka nevojë për vitaminë D.

Përveç ekspozimit në diell, vitaminën D mund ta gjeni edhe tek salmoni apo e bardha e vezës.

Njerëzit që kanë tolerancë të ulët ndaj bulmetit, ata që hanë ushqime me kripë, ata që vuajnë nga osteoporoza duhet të marrin suplementë të kalçiumit me rekomandimin e mjekut.

The post Nuk jeni duke marrë mjaftueshëm kalcium? Ja disa nga ushqimet ku mund ta gjeni appeared first on Albeu.com.

A i forcon vërtet qumështi kockat?

E B — Thu, 18 May 2023 07:21:00 +0000

Në fëmijërinë e hershme, por edhe më vonë në moshën madhore, kemi dëgjuar histori për përfitimet e qumështit. Doza e rekomanduar ishte një filxhan në ditë dhe fushata të shumta reklamuese u përpoqën të na bindin për këtë. Mesazhi i tyre ishte që ju duhet të pini qumësht lope pavarësisht nga mosha juaj. Kohët kanë ndryshuar, ndaj tani shumë po gjejnë një alternativë në formën e qumështit të tërshërës ose bajames. Duket se disa njerëz nuk e kanë më pijen e preferuar me mëngjes, meze apo para gjumit, por le të kontrollojmë nëse është ende e mirë për të pirë për forcimin e kockave. Qëndroni me ne në rreshtat e mëposhtëm nëse doni të dini përgjigjen.

Pirja e qumështit nuk është aq e dobishme sa duket

Në vitin 1997, Universiteti i Harvardit kreu një studim që ndoqi jetën e 77,000 infermierëve për 10 vjet. Të dhënat e mbledhura nuk treguan ndonjë ndryshim domethënës në shëndetin e kockave midis grave që pinin 1 ose më shumë gota qumësht në javë, krahasuar me të tjerat që nuk pinin. Nga ana tjetër, në Suedi në vitin 2014 janë marrë rezultatet e një studimi afatgjatë, sipas të cilit qumështi i lopës mund të jetë i dëmshëm për organizmin. Në kundërshtim me besimin popullor, 1 filxhan në ditë nga kjo pije lidhet me fraktura të kockave dhe vdekje të parakohshme.

Natyrisht, rezultatet e hulumtimit duhet të merren gjithmonë me një kokërr kripë, sepse trupi i secilit reagon ndryshe ndaj ushqimit dhe faktorëve të jashtëm. BBC botoi dikur një artikull ku thuhej se qumështi nuk shkakton domosdoshmërisht kocka të brishta ose probleme të tjera shëndetësore. Prandaj, personat që tashmë vuajnë nga frakturat mund të pinë lirisht qumësht dhe shpresojnë se ai do t’i ndihmojë. Duhet theksuar se personat që pinë kos dhe hanë djathë nuk bëjnë pjesë në grupin e rrezikut kur bëhet fjalë për kockat, përkundrazi.

Përdorimi i suplementeve mund të jetë i vlefshëm për kocka të shëndetshme

Është e rëndësishme të merrni mjaft kalcium për të mbajtur kockat tuaja të forta. Megjithatë, kjo nuk do të thotë që ju duhet të mbështeteni tek qumështi si burimi i vetëm. Zhvillimi i kockave dhe mungesa e osteoporozës varen nga gjendja e përgjithshme e trupit tuaj, jo nga sasia e qumështit që pini. Është mirë të merreni me çrregullimet e të ngrënit, nëse i keni, atëherë merrni mjaftueshëm vitaminë D, shmangni duhanin dhe pijen, mbani një dietë të ekuilibruar dhe kushtojini vëmendje kalciumit.

Akademia Kombëtare e Shkencave rekomandon 1,000 miligramë kalcium në ditë për njerëzit e moshës 19 deri në 50 vjeç, ose 1,200 miligramë për të moshuarit. Sipas disa burimeve, 1 filxhan qumësht në ditë nuk mund të dëmtojë, por duhet të kombinohet me suplemente, si vitamina D dhe K. Tekstin do ta përmbyllim me një koment se mund ta shijoni lirisht këtë pije, por kujdeseni për shëndetin e gjithë organizmit.

The post A i forcon vërtet qumështi kockat? appeared first on Albeu.com.

Tre ushqime që kanë më shumë kalcium se qumështi

K Agaj — Tue, 16 May 2023 16:20:47 +0000

Nuk janë të paktë ata që nuk e dinë se produktet e qumështit nuk janë burimi i vetëm i kalciumit për organizmin.

Kalciumi është thelbësor për dhëmbë dhe kocka të shëndetshme dhe ndihmon në parandalimin e osteoporozës. Ky metal është gjithashtu i përfshirë në funksionimin e sistemit muskulor dhe rregullimin e mpiksjes së gjakut, transmetimin e sinjaleve përmes sistemit nervor dhe kontrollin e rrahjeve të zemrës.

Megjithatë, ka ushqime alternative me kalcium nëse nuk dëshironi të pini qumësht.

1. Salmoni

Një porcion salmon i freskët 180 g. siguron 340 mg kalcium. Peshku i shijshëm është gjithashtu një burim i shkëlqyer i acideve yndyrore të shëndetshme omega-3 dhe vitaminës D.

2. Tërshërë

Një filxhan tërshërë siguron 400 mg kalcium. Duke shijuar tërshërën për mëngjes të kombinuar me një gotë qumësht, do të plotësoni 70% të nevojave të trupit tuaj për kalcium që në vaktin e parë të ditës. Në të njëjtën kohë, falë sasisë së konsiderueshme të fibrave bimore që përmban, tërshëra do t’ju mbajë të ngopur për shumë orë.

3. Sardelet

Një porcion prej vetëm 90 gramësh siguron 370 mg kalcium.

The post Tre ushqime që kanë më shumë kalcium se qumështi appeared first on Albeu.com.

Shenjat që tregojnë se keni mungesë kalciumi

E B — Thu, 12 Jan 2023 15:33:41 +0000

Është e rëndësishme të konsumoni ushqime të pasura me kalcium si pjesë e dietës tuaj të ekuilibruar. Ky metal përbën 40% të kockave dhe çdo mungesë e tij në dietë mund të çojë në osteoporozë.

Ju gjithashtu keni nevojë për një sasi të mjaftueshme të vitaminës D për të përthithur më shumë kalcium nga ushqimi.

Megjithatë, njohja e simptomave të mungesës mund të ndihmojë në korrigjimin e problemit.

Këto mund të jenë:

Ngërçe muskulore ose dobësi

Ritmi jonormal i zemrës

Mpirje ose ndjesi shpimi gjilpërash në gishta

Humbje kujtese ose konfuzion

Thonjtë e dobët ose të brishtë

Thyerje e lehtë e kockave

The post Shenjat që tregojnë se keni mungesë kalciumi appeared first on Albeu.com.

Shenjat që tregojnë se keni mungesë kalciumi

E B — Wed, 20 Oct 2021 19:41:19 +0000

Është e rëndësishme të hani ushqime të pasura me kalcium si pjesë e dietës tuaj të ekuilibruar. Ky metal përbën 40% të eshtrave dhe mungesa e tij në dietë mund të çojë në osteoporozë.

Ju gjithashtu keni nevojë për një sasi të mirë të vitaminës D për të absorbuar më shumë kalcium nga ushqimi.

Më poshtë albeu.com do t’ju tregojë se cilat janë shënjat që tregojnë se keni mungesë kalciumi.

– Ngërçe muskulore ose dobësi

– Shkalla jonormale e zemrës

– Mpirje ose ndjesi shpimi gjilpërash në gishta

– Humbje ose konfuzion të kujtesës

– Thonjtë e dobët ose të brishtë

– Thyerje e lehtë e kockave./albeu.com

The post Shenjat që tregojnë se keni mungesë kalciumi appeared first on Albeu.com.

3 ushqime që duhet të përfshini në dietën tuaj për kocka të forta

E B — Thu, 01 Jul 2021 17:10:51 +0000

Shumë njerëz i anashkalojnë produktet e qumështiti, sepse nuk ju pëlqen shija ose janë intolerante, dhe me kalimin e viteve thuajse i zhdukin nga dietat e tyre.

Por, ju duhet të dini që produktet e qumështit janë plot me kalcium, një lëndë ushqyese që është thelbësore për zhvillimin dhe mirëmbajtjen e kockave, për presionin e shëndetshëm të gjakut, funksionin e muskujve dhe rrahjet e zemrës.

E mira është që kalciumi mund të absorbohet nga trupi përmes burimeve të tjera, të cilat mund të jenë më pak të njohura, por mund të shtohen mirë në dietën tuaj dhe t’ju ofrojnë të gjithë elementët e tyre të mirë.

Pra, kush janë ushqimet e pasura me kalcium?

Bëhet fjalë për brokolin dhe sipinaqin. Ata sigurojnë masën e kalciumit që i neojitet trupit.

Një burim tjetër i kalciumit janë fasulet e bardha dhe bishtajoret e tjera.

Edhe bajamet rekomandohen nga shumë nutricionistë si një arrë super ushqyese dhe jo më kot. 23 bajame sigurojnë 75mg kalcium në trup./albeu.com

The post 3 ushqime që duhet të përfshini në dietën tuaj për kocka të forta appeared first on Albeu.com.

Rëndësia jetike e kalciumit përgjatë gjithë jetës, produktet ku gjendet

E S — Sun, 16 May 2021 11:27:27 +0000

Marrja e sasisë së duhur të kalciumit çdo ditë është thelbësore për ruajtjen e shëndetit të kockave gjatë gjithë jetës.

Informacione Bazë Mbi Kalciumin
Kalciumi është një nga mineralet më të domosdoshme në organizëm. Ai është i nevojshëm për enët e gjakut, funksionet e muskujve, komunikimin nervor, hormonet. 99 përqind e kalciumit që gjendet në organizëm ruhet në kocka dhe dhëmbë dhe pjesa e mbetur përdoret për funksionet e lartpërmendura. Gjatë gjithë jetës, kockat i nënshtrohen një procesi të vazhdueshëm rimodelimi dhe kalçiumi përthithet dhe depozitohet në kockat e reja ose aty ku ka më shumë nevojë. Ekuilibrat mes përthithjes dhe depozitimit të kalciumit ndryshojnë në varësi të moshës. Përthithja është më e lartë në fëmijëri dhe adoleshencë ndërkohë që pas kësaj periudhe përthithja dhe depozitimi i kalciumit është i ekuilibruar.

Sasia e Nevojshme Ditore E Kalçiumit
Duke qenë se kalciumi nuk prodhohet në organizëm ai duhet marrë kryesisht nëpërmjet ushqimit. Sipas të dhënave disa ushqime në veçanti plotësojnë shumë prej nevojave ditore për kalcium. Qumështi dhe produkte të tjera të bulmetit janë shumë të pasur me kalcium. Megjthatë, kalciumi gjendet edhe tek brokoli, arrorët, produktet e sojës, barishtet e ndryshme dhe në veçanti tek spinaqi.

Ekspertët thonë se sasia ideale ditore e kalciumit duhet të jetë 1,000 miligramë. Kjo sasi mund të merret mjaft mirë duke pasur një regjim të balancuar ushqimor. Një gotë me qumësht apo me kos ofron 300 miligramë kalcium. Të moshuarit ose njerëzit e prekur nga osteoporoza kanë nevojë për më shumë kalcium. Këtë nevojë ata mund ta plotësojnë duke marrë edhe suplementë shtesë.

Njerëzit që nuk kanë tolerancë të lartë ndaj laktozës apo produkteve të bulmetit, mund të marrin 400 deri në 500 miligramë kalcium në ditë. Rrjedhimisht në këtë rast nevoja për suplement është e pashmangshme. Megjithatë, nuk duhet abuzuar me suplementët e kalciumit. Ekspertët rekomandojnë që në këto raste të merret vetëm një kapsulë në ditë, sipas rekomandimit të mjekut.

The post Rëndësia jetike e kalciumit përgjatë gjithë jetës, produktet ku gjendet appeared first on Albeu.com.

Tre ushqimet që përmbajnë më shumë kalcium se qumështi

E B — Sat, 08 May 2021 09:40:14 +0000

Kalciumi është minerali që gjendet me bollëk në trup, si përbërës i kockave dhe dhëmbëve, ndërsa në të njëjtën kohë është shumë i rëndësishëm për funksionimin e zemrës, muskujve dhe trurit.

Shumica prej nesh e dinë që në produktet e qumështit ka shumë kalcium, por albeu.com do t’ju tregojë se në cilat ushqime gjendet akoma më shumë.

Salmon

Një pjesë e salmonit të freskët 180 gr siguron 340 mg kalcium. Peshku i shijshëm është gjithashtu një burim i shkëlqyeshëm i acideve yndyrore të shëndetshme omega-3 dhe vitaminës D.

Tërshëra

Një filxhan tërshërë siguron 400 mg kalcium. Duke shijuar tërshërën për mëngjes në kombinim me një gotë qumësht, ju do të plotësoni nga vakti i parë i ditës 70% të nevojave të trupit tuaj për kalcium. Në të njëjtën kohë, falë sasisë së konsiderueshme të fibrave që përmban, tërshëra do ta mbajë urinë larg për shumë orë.

Sardelet

Një racion prej vetëm 90 gramësh siguron 370 mg kalcium./albeu.com

The post Tre ushqimet që përmbajnë më shumë kalcium se qumështi appeared first on Albeu.com.