Në një postim në Facebook, Kalaja shkruan se qëllimi i aplikimit të saj është dhënia e kontributit profesional dhe qytetar.

Ndërsa po ashtu ajo thekson në postimin e saj se gjatë funksioneve në Partinë Demokratike, ka dhënë kontributin për mbrojtjen e interesit qytetar.

Po ashtu ajo ka bërë me dije se ka dhënë dorëheqjen tek kreu i PD-së Sali Berisha nga funksioni i Kryetares së Gjykatës në PD, dhe nga Këshilli Kombëtar i Partisë Demokratike.

Postimi i plotë i Adriana Kalasë:

Të nderuar miq.

Fillimisht, desha të shpreh mirënjohjen time të pafundme, për Ju që më mbështetët dhe vlerësuat pa kushte.

Edhe për Ju, që në raste të caktuara nuk ratë dakort me qëndrimet apo veprimet e mia, por ishit bashkëudhetarë në këtë rrugë tejet të vështirë.

Po kështu, do doja t’u “kërkoja ndjesë”, të gjithë atyre, që kur mora funksionet e rëndësishme në PD, nuk ndoqa traditën e të mosbërit asgjë, por punova me përkushtim e nuk mungova në asnjë protestë apo aksion politik, se për mua politika duhet të jetë moral.

Pas marrjes së këtyre funksioneve brenda Partisë Demokratike, më datë 3 qershor 2022, dhënë me votat e 2/3 të Këshillit Kombëtar, zgjedhur në këtë Këshill më datë 30.04.2022, kam punuar me korrektësi, përkushtim dhe seriozitet, së pari për të zbatuar këto funksione në mbrojtje të Statutit të PD-së, por edhe në interesin më të lartë të Partisë Demokratike, anëtarëve dhe votuesve të saj.

Gjatë gjithë kësaj periudhe, përveç se jam angazhuar maksimalisht në mbrojtje të Statutit, si Kushtetuta e PD-së nga njëra anë, nga ana tjetër, kam dhënë kontributin tim pa kushte në mbrojtje të interesave të çdo demokrati, qytetari apo protestuesi dhe, rrjedhimisht, në ruajtje të demokracisë dhe pluralizmit në vend.

Ndaj sot, ndjehem e detyruar t’Ju bëj me dije, se kam vendosur të shpall kandidaturën time për pozicionin e Avokatit të Popullit dhe se mund t`Ju them me bindje, që angazhimi dhe puna ime e vazhdueshme në gjithë aktivitetin profesional dhe atë shoqëror, deri më tani, janë orientuar gjithnjë drejt nevojës për respektimin dhe garantimin e shtetit ligjor të së drejtës, parimeve dhe të drejtave themelore kushtetuese, paqes e drejtësisë sociale, objektiva, të cilat më kanë shoqëruar në çdo veprimtari apo eksperiencë profesionale.

Njëkohësisht me paraqitjen e kësaj kandidature, më lejoni t`ju bëj me dije, se qëllimi i aplikimit tim është ai për dhënien e kontributit tim profesional (ligjor, financiar) dhe qytetar, në përmbushjen sa më të mirë të rolit dhe pozitës, që Kushtetuta i ka dhënë Avokatit të Popullit jo vetëm për mbrojtjen e të drejtave, lirive dhe interesave të ligjshëm të individëve, pa dallim, nga veprimet ose mosveprimet e paligjshme e të parregullta të organeve të administratës publike në vendin tonë, por edhe për ndërmarrjen e të gjitha përpjekjeve për bashkëpunim me organet shtetërore për të zhvilluar e përmirësuar kuadrin rregullator dhe masat organizative, në përputhje me vlerat e parimet, që mbron Kushtetuta dhe në mbrojtje të interesit më të lartë publik e qytetar.

Siç edhe Ju jeni në dijeni, gjatë gjithë periudhës time të aktivitetit shoqëror, edhe pa mandatin e Avokatit të Popullit, kam qenë në ballë të betejave, në mbrojtje të të drejtave të demokratëve dhe qytetarëve shqiptarë, nga protestat e komisariatet e deri te proceset penale, të drejta këto të garantuara nga Kushtetuta e Republikës së Shqipërisë.

Për këtë arsye, Ju bëj me dije se ditën e enjte, kam depozituar pranë Kryetarit të Partisë Demokratike, dorëheqjen e parevokueshme si nga funksioni i Kryetares së Gjykatës, ashtu dhe nga Këshilli Kombëtar i Partisë Demokratike.

Unë nuk e di si do shkojë procesi i mbështetjes apo i votimit për postin e Avokatit të Popullit, por di se kjo nuk do të thotë, se unë do heq dorë nga ato, që di të bëj më mirë:

1. Të ndjek rrugën e të drejtës dhe të ligjit.

2. Të jem në krah të çdo individi, që ka nevojë për mua.

3. Të jem në opozitë me çdo padrejtësi.

Deri atëherë, Ju uroj çdo të mirë në familjet tuaja dhe Zoti Ju bekoftë.

The post Adriana Kalaja i jep dorëheqjen Berishës, i futet një tjetër gare: Sot, shpall kandidaturën time për Avokatin e Popullit! appeared first on Albeu.com.

Kalaja tha se ka biseduar me Sali Berishën dhe ai i ka deklaruar se do të merret parasysh kërkesa e saj gjatë diskutimeve për kandidatin.

E pyetur nga Ylli Rakipi nëse i trembet një gare ku drejtuese e fushatës është Belinda Balluku, e cila “turpëroi” PD-në në zgjedhjet e Fierit, Kalaja tha se është e gatshme të kandidojë pavarësisht kundërshtarit përballë.

Pjesë nga biseda:

Ylli Rakipi: Më keni konfirmuar se kërkoni të jeni kandidate per Bashkinë e Tiranës. Keni biseduar me doktoin dhe ç’mendon ai?

Adriana Kalaja: Ia kam konfirmuar doktorit, nuk i kam thënë dua të kandidoj, por nëse PD dhe koalicioni, opozita, ka nevojë për emrin tim dhe kontributin tim, jam e gatshme të kandidoj. Kjo nuk është risi e imja, nuk u ngrita një ditë pas lajmit që dha kryeministri për emërimin e kandidaturës së PS për Tiranës, por nëse rikthehemi pas në kohë, unë kam qenë kandidate në 2022 për primaret e PD, primare që i fitoi Belindi dhe për të cilën është akoma i njëjti mandati, sepse primaret e vitit 2022 prodhuan kandidatin për zgjedhjet e majit 2023. Dy fituesit e parë, zoti Këlliçi dhe Alimehmeti, nuk kanë shprehur interes, po kështu ndjesë pastë zoti Bogdani që ishte i treti ka ndërruar jetë, kështu edhe në aspektin statutor dhe moral, kam shfaqur ambiciet e mia, kam patur program gjithëpërfshirës, pavarësisht e mediat afër pushtetit dhe konkurenca brenda partisë, u morën më shumë me tezën e tritolit.

Ylli Rakipi: Dakord, po doktori ç’të tha? Se nga përgjigjia e atij kuptohet.

Adriana Kalaja: Ai tha do ta kemi në konsideratë dhe pas diskutimeve do ta vendosim, pasi do të ketë diskutim edhe me drejtues të tjerë dhe me partitë aleate. Në situatën ku ndodhet Tirana, në një moment shumë deciziv, ku vlen më shumë produkti, me gjithë shkeljet që ka në shkarkim, tek e fundit ne kemi qenë për shkarkimin dhe dënimin e Veliajt. Është momenti më i mirë që opozita të dalë me kandidat të përbashkët, por edhe për të thyer këtë mentalitet, që me Ramën nuk fitohet dhe nuk mund të ketë zgjedhje të lira dhe të ndershme.

Ylli Rakipi: PD konteston zgjedhjet e 11 majit, si mund të hyjë në këto zgjedhje?

Adriana Kalaja: Mendoj se ishte një nga momentet që zgjodhi edhe Rama, e shoh si lojë të tij, ka një ndryshim drastik të situatës. Në çdo rrethanë Rama është de facto kryetar i Bashkisë Tiranë. Zgjodhi momentin qoftë edhe më të vështirë të PD, por edhe momentin për të shpallur zgjedhje në Tiranë. Pasi ka lançuar zgjedhjet, nuk po diskutohet më për 11 majin.

Ylli Rakipi: Rama e ka marrë shumë seriozisht garën në Tiranë, ka vendosur drejtuese fushate Belinda Ballukun, pra “artileri” shumë të rëndë. Pas këtij lajmi, akoma më e vështirë bëhet për ju, se kjo merr shumë vota, lubi siç thotë doktori. Se duhet mundur kjo, jo Manastiri…

Adriana Kalaja: Po të ishte kjo e fuqishme, e vendoste kandidate.

Ylli Rakipi: Ajo nuk vajti kandidate në Fier, por e bëri Gazin e shkretë të fliste me vete…

Adriana Kalaja: Ke problematika ajo.

Ylli Rakipi: Mund të ketë, por a i ke bërë llogaritë me atë ti?

Adriana Kalaja: Kam bërë llogari me integritetin moral, sepse këtë duhet të përçojë politika. Nëse arrin të ngresh frymën, mendoj se nuk ka njeri që ti blejë zgjedhjet.

Ylli Rakipi: Kjo mund të mos i blejë, por di ti marrë… Se kur thoni blerje, ju duhet edhe ti thoni këto blerje, me gjëra konkrete.

Adriana Kalaja: I ka denoncuar zoti Berisha ato.

Klodiana Lala: Mendoj se PD nuk i ka strukturat gati që të hyjë në garë.

The post “Balluku, artileri e rëndë, mos turpëroheni si Gazi në Fier?!”/ Adriana Kalaja shpall kandidaturën për Tiranën appeared first on Albeu.com.

Në emër të PD më  2 shtator 2024, kam depozituar një kallëzim penal pranë SPAK:

KUNDËR:

– Edi Rama, me   cilësinë  e   Kryeministrit   të  Republikës   së   Shqipërisë dhe  Lindita Rama, me cilësinë e bashkëshortes së Kryeministrit dhe ish anëtares së Bordit Drejtues të Bankës Amerikane të Investimeve etj.

OBJEKTI:

1. Fillimin e ndjekjes penale për personat e kallëzuar, të cilët sipas dokumentacionit të administruar bashkëlidhur këtij kallëzimi, rezulton se personalisht apo në bashkëpunim me veprimet e tyre gjatë ushtrimit të funksioneve apo përgjegjësive të tyre, ekziston dyshimi i bazuar në prova se, kanë konsumuar këto vepra penale:  “Fallsifikim i dokumentave” parashikuar nga neni 186 i Kodit Penal; “Ushtrimi i ndikimit të paligjshëm ndaj personave që ushtrojnë funksione publike”, parashikuar nga neni 245/1 i Kodit Penal; “Shpërdorimi i detyrës”, parashikuar nga neni 248 i Kodit Penal; “Korrupsioni pasiv i personave qe ushtrojnë funksione publike” parashikuar nga neni 259 i Kodit Penal; “Pastrimi i produkteve të veprës penale”, parashikuar nga neni 287 i Kodit Penal; “Organizata kriminale”, parashikuar nga neni 333/a i Kodit Penal;

 “Grup i strukturuar kriminal”, parashikuar nga neni 333/a i Kodit Penal; “Kryerja e veprave penale nga organizata kriminale dhe grup i strukturuar kriminal”, parashikuar nga neni 334 i Kodit Penal; Vepra penale këto të kryera në bashkëpunim parashikuar nga neni 25 i Kodit Penal.

2. Paraqitjen e kërkesës për urdhërimin e vendosjes së sekuestros preventive mbi këtë pronë, deri në zgjidhjen përfundimtare të kësaj çështje.

The post Kalaja: Akuzohen për falsifikime, grup kriminal, a do e hetojë SPAK dosjen e dorëzuar nga PD? appeared first on Albeu.com.

Kalaja: Kryesore është që të kuptojmë madhështinë dhe bekimin. Zoti na ka bërë një favor shumë të madh dhe vazhdimisht na përkëdhel herë pas herë, me namazin, dhënien e lëmoshës dhe një nga favoret më të mëdha është muaji i Ramazanit.

Ramazani është një festë e madhe që Zoti pret njerëzit dhe shpërblimi është shumë i madh shpërblimi. Në këtë muaj hapen dyert e Parajsës dhe në të ndodhet Nata e Kadrit dhe është një muaj ku prangosen djajtë.

The post Kalaja: Në muajin e Ramazanit hapen dyert e Parajsës, shpërblimi i Zotit është shumë i madh appeared first on Albeu.com.

“Nuk kam kompleks të them se u kënaqa pafund, ishte e vonuar por më mirë vonë se kurrë.

Çdo hetim i bazuar në fakte dhe prova është i mirëpritur. Ne nuk jemi kundër SPAK, por kundër prokurorëve dhe gjyqtarëve që bëhen pjesë e manipulimit të dosjeve, të përgatitjeve të dosjeve fake, si një armë të pushtetit kundër opozitës. Do të shikoni edhe një plan të qartë të opozitës dhe PD për ti kthyer shtetin ligjor të së drejtës.

Fitorja është e sigurtë, më besoni, sepse situate jo vetëm se si po drejtohet ky vend në mandatin e tretë, por kemi një program të qartë në favor të çdo qytetari. Çdo qytetar, duhet të ketë parasysh, se çdo shtet në të gjithë nivelin botëror, kanë patur probleme serioze, por situatën në një vend që presupozohet se jemi në vend demokratik dhe pluralizëm, me rënie drastike të drejtësisë nuk e ka kaluar asnjë vend i Evropës dhe rajonit.

Është i mirëpritur çdo veprim i SPAK, jo për luftë shtrigash dhe luftë të brendshme brenda PS, apo për të sulmuar liderët e opozitës.

Më ngacmoi pak prononcimi i zonjës Xama, për të cilën kam konsideratë të jashtëzakonshme, e përgëzoj zonjën Xama, por po bëj pak edhe ndarjen, sepse kur denoncon një grua, kemi edhe kusure mbi kurriz dhe kemi përballë njerëz pa skrupuj. Më pëlqeu shumë dy detaje. Në dhjetor 2022, Aleanca për Mbrojtjen e Teatrit ka kallëzuar në SPAK Veliajn, për garën që ishte paracaktuar fituesi dhe me 21 dhjetor 2022, u njoftua që do të nisnin punimet për Teatrin. Tenderi 19 milionë euro pa tvsh i është dhënë Agi Konsi, kompania e zotit Sula.

Gentian Sula, fiton tender 19 milionë euro, nëse shikoni parametrat thuhet vetëm për fillim punimesh, nuk kemi asnjë të dhënë për fazën e punimeve dhe kërkuam projekt teknik, SPAK regjistroi kallëzimin tonë ndaj Veliajt, Gentian Sulës dhe punonjësve të Bashkisë. Kemi çuar të dhënat në SPAK dhe në Strasburg. Kemi thënë që jemi edhe përpara rastet ku vijon agravimi i veprave penale, për të cilat SPAK duhet të merrte masën e pezullimit të punimeve, që e kemi kërkuar 41 herë dhe do të shkojmë nesër për të kërkuar 42 herë.

Përveçse Agi Kons, Gentian Sula mori 19 milionë euro, punimet te teatri janë bërë nga bashkia, ku shkuan paratë? Punimet bëhen sërish me lekët tona.

Ndërkohë parkimi ngjitur me sheshin e Teatrit, si duket për kaparin e Çim Fushës, me 9 maj 2023, i jepet me kontratë porosie Shkëlqim Fushës dhe kulla nga 23 kate u bë 30 kate”, tha ndër të tjera Kalaja”, tha Kalaja.

The post Arrestimi i Veliajt, Kalaja: Nuk e fsheh se u kënaqa pafund! appeared first on Albeu.com.

Në postim thuhet se një ngjarje e tillë vjen pas restaurimeve pa kriter dhe konsulta me specialistë të fushës, ndërsa theksohet se kjo kala po humbet tashmë gjurmët historike.
“Keto foto te derguara prane Forumit nga banore te Tepelenes tregojne realitetin e trishte te kalase se Ali Pashe Tepelenes.
Pas “restaurimeve” pa asnje kriter shkencor, pa konsulta me specialistet e monumenteve, pa germime arkeologjike, tashme kane filluar ndertime me beton brenda zones muzeale. Dukshem kjo kala historike po humbet cdo gjurme historike nga indiferenca zyrtare e ministrise se Kultures dhe institucioneve te tjera.”

The post FOTO/ Ndërtime me beton brenda zonës muzeale, ç’po ndodh te Kalaja e Ali Pashë Tepelenës? appeared first on Albeu.com.

65-vjeçari S.P ka rënë nga muret e kalasë së Rozafës, dhe pavarësisht se ëhstë dërguar menjëherë në spital, nuk ka mundur të mbijetojë për shkak të plagëve të marra.

Njoftimi:

Rreth orës 19:00, shtetasi slloven S. P., 65 vjeç, banues në Slloveni, dyshohet se është rrëzuar aksidentalisht, teksa ishte duke vizituar kalanë e Rozafës.

65-vjeçari është dërguar menjëherë në spital, por për shkak të dëmtimeve të marra në kokë, ka humbur jetën.

Grupi hetimor, në drejtimin e Prokurorisë, vijon punën për sqarimin dhe për dokumentimin e plotë të rrethanave të kësaj ngjarjeje aksidentale.

/AlbEu.com/

The post Turisti slloven rrëzohet nga kalaja e Rozafës, humb jetën në spital appeared first on Albeu.com.