“Edhe pse Nënkomisioni kishte kërkuar pjesëmarrjen e drejtuesve të lartë të subjekteve të audituara, përfshirë dhe Drejtoreshën e Përgjithshme të Agjencisë Shtetërore të Kadastrës, kjo kërkesë nuk u respektua”, thuhet në raport, duke e konsideruar si “mungesë serioziteti ndaj Kuvendit dhe procesit të llogaridhënies”.

Raporti i miratuar nga nënkomisioni dhe i publikuar të enjten nga Kuvendi, merr në shqyrtim auditimet e përputhshmërisë për 5 drejtori vendore të Agjencisë Shtetërore të Kadastrës: Tirana Rurale 1, Tirana Rurale 2, Durrës, Fier dhe Pogradec.

KLSH ka adresuar për 5 drejtoritë një numër prej 263 rekomandimesh, nga të janë zbatuar vetëm 36 rekomandime ose 13.7 për qind e totalit.

Raporti i miratuar dhe publikuar të enjten nga Kuvendi del në përfundimin se sjellja e Kadastrës është “nën pritshmëritë e një administrate efikase dhe llogaridhënëse”.

“Mungesa e raportimeve në kohë, shkalla e ulët e zbatimit dhe mungesa e bashkëpunimit institucional përbëjnë tregues të qartë të nevojës për përmirësim të menjëhershëm në menaxhimin e veprimtarisë së ASHK-së në nivel vendor dhe qendror”, thuhet në raport.

Auditimet kanë evidentuar një sërë mangësish dhe problematikash strukturore si: Shkelje të kuadrit ligjor në proceset e legalizimit, duke evidentuar raste të dhënies së lejes jashtë afatit ligjor, për objekte në zona të ndaluara (rrugë nacionale, zona arkeologjike, objekte publike), ose me dokumentacion të paplotë apo për objekte të ndërtuara me materiale të përkohshme apo mbi pasuri publike (truall shtet, kanale, tokë bujqësore në administrim).

Po ashtu, KLSH ka konstatuar abuzime dhe keqadministrim në përdorimin e pasurisë publike përfshirë: mospagimin e detyrimeve për parcelën ndërtimore në mbi 249 raste vetëm në DVASHK Pogradec (vlerë mbi 140 milion lekë), përfitimin e padrejtë të pronës publike përmes AMTP ose privatizimeve të pajustifikuara, mospërputhje në zërat kadastralë dhe mungesë të dokumentacionit të origjinës së pronës.

Në punën e Kadastrës janë konstatuar edhe mangësi të theksuara në administrimin e dokumentacionit dhe arkivës, duke konstatuar dosje të paplota për praktika legalizimi; mungesë procesverbalesh, firmash dhe verifikimesh zyrtare, mosrespektim të afateve ligjore dhe standardeve procedurale, si dhe mungesë mekanizmash për ndjekjen e ankesave dhe transparencës.

“U ngritën shqetësime të mëdha lidhur me problematikën e regjistrimit të AMTP-ve dhe legalizimeve, përfshirë sorollatjen e qytetarëve, mungesën e përgjigjeve zyrtare, vonesat në procedura dhe përdorimin e formave standarde të përgjigjeve që nuk ofrojnë zgjidhje efektive”, theksohet në raportin e nënkomisionit ad-hoc parlamentar.

Nënkomisioni parlamentar ad-hoc për “Auditimin e Sektorit Publik” u ngrit pas debateve për kontroll politik të mazhorancës mbi punën e një institucioni të pavarur si KLSH-ja, por në strukturën finale drejtimi i tij iu la opozitës. Në punën e këtij nënkomisioni përfshihet dhe auditimi i financiave të KLSH-së me anë të audituesve të pavarur të miratuar nga Kuvendi./ BIRN

The post Raporti: Kadastra injoron Kuvendin dhe rekomandimet appeared first on Albeu.com.

Burime për gazetaren e Report  Tv Keti Banushi bëjnë me dije se në pranga kanë rënë dy persona gjatë një aksioni të ndërmarrë mbrëmjen e sotme.

Nuk dihen ende detaje të tjera nga operacioni që është ende në vijim, ndërsa prokuror i çështjes është Ened Nakuçi.

The post Hetimet e SPAK mbi Kadastrën, arrestohen dy persona për ushtrim të ndikimit të paligjshëm appeared first on Albeu.com.

Dyshohet se publikimi paraprak i aksionit policor ndërsa ishte në zhvillim e sipër i ka dhënë mundësi ish-punonjësit të Kadastrës Bledi Zerba të largohet ditën e djeshme (8 prill).

Përfitimi i një prone prej 500 m2 në Gjirin e Lalëzit me dokumente të falsifikuara ka sjellë një hetim të thelluar mbi personat e përfshirë në këtë rast tjetërsimi të pronave në bregdet. Një ditë më parë Prokuroria Durrës ka kërkuar nga policia ekzekutimin e vendimeve të Gjykatës të kërkuara prej saj, për përfituesin dhe punonjësit e kadastrës.

Prokuroria e Durrësit ka kërkuar masën e sigurisë “Arrest në burg” për përfituesin Ndue Mesiti dhe Bled Zerba për veprën penale ‘Falsifikim të dokumenteve’, ndërkohë është kërkuar dhe ‘Arrest në shtëpi’ si dhe pezullim nga detyra në Agjencinë Shtetërore të Kadastrës (ASHK) Durrës, për Juristen Jonida Mergeja për për ‘Shpërdorim të detyrës’.

The post Nën akuzë për tjetërsim pronash në Gjirin e Lalëzit, arratiset ish-punonjësi i Kadastrës së Durrësit (EMRI) appeared first on Albeu.com.

Një raport i Bashkimit Europian lëshon alarmin se 80 për qind e pronave të regjistruara në Shqipëri kanë të dhëna të pasakta duke krijuar një lëmsh masiv me kosto të jashtëzakonshme për ekonominë dhe vendin.

“Dy institucionet përgjegjëse deri në vitin 2018, ZRPP dhe ALUIZNI, janë tashmë të dyja pjesë e Agjencisë Shtetërore të Kadastrës. Sipas të dhënave të tyre, 11% e territorit të vendit nuk është e regjistruar dhe afërsisht 80% e pronave të regjistruara kanë të dhëna të pasakta. Kjo përbën një pengesë për çdo aktivitet planifikimi, zhvillimi apo investimi,” thuhet në raport.

Sipas raportit, pjesa dërrmuese e hartave kadastrale dhe titujve të pronësisë nuk janë plotësisht të dixhitalizuara.

“Nga 3057 zona kadastrale me rreth tituj pronësi në shkallë kombëtare, vetëm 140 zona kadastrale me rreth 700 mijë prona përfshijnë të dhëna të përditësuara dixhitale në ALBSREP (Sistemi Shqiptar për Regjistrimin e Pasurive të Paluajtshme,” vijon raporti.

Kaos, kaos, kaos

Aktualisht të dhënat kadastrale dhe të drejtat pronësore të krijuara nga aktivitetet e regjistrimit të pare në rreth 20 zona kadastrale si dhe nga regjistrimi i parë i pyjeve dhe kullotave, i cili shtrihet në 18 bashki të vendit, pranohen dhe ngarkohen në ALBSREP.

Ndërsa regjistrat e rinj dixhital të informacionit ligjor, që janë krijuar më vonë – rreth 1.6 milion kartela – janë hapur në baza sporadike pasi ndodhin transaksione të reja në zyrat lokale, por pa hartat ose planet kadastrale dixhitale përkatëse.

“ALBSREP, nëpërmjet të cilit të dhënat e hartave kadastrale dhe të drejtave pronësore mirëmbahen, nuk komunikon me modulin për menaxhimin e dokumenteve mbështetëse. Për rrjedhojë, nuk ka lidhje mes dokumenteve mbështetëse dhe parcelës së pronës,” denoncon raporti.

Problemi kryesor është se sistemi ekzistues elektronik i Kadastrës nuk pranon përditësim të dhënash për transaksionet që zhvillohen çdo ditë në treg me titujt e pronësisë. Rrjedhimisht në shumë zona, pronat janë të dixhitalizuara deri në një pikë të caktuar dhe transaksionet që kanë ndodhur më pas me to, mbahen në dosje fizike në letër sepse sistemi nuk pranon përditësim.

Aktualisht janë në përdorim një sërë aplikacionesh të ndryshme softuerike të vjetra, të cilat nuk përputhen me modelin e ALBSREP për futjen e të dhënave. Kjo komplikon validimin e të dhënave dhe migrimin e tyre në ALBSREP, pavarësisht programin 2 vjeçar të autoriteteve pë “përmirësimin e cilësisë së të dhënave”

Për të gjitha këto probleme, Bashkimi Europian dhe qeveria shqiptare kishin rënë dakord për ndërtimin e një sistemi të ri elektronik të Kadastrës, që do të zgjidhte këto probleme. Por qeveria dhe Agjencia Shtetërore e Kadastrës vendosën ta bllokojnë tenderin e BE-së duke hapur një tender paralel për përmirësimin e sistemit ekzistues problematik. /Klodian Tomorri-Oligarkia.al

The post Çfarë po ndodh me pronat e shqiptarëve? Raporti i BE-së: 80 për qind e regjistrimeve janë gabim appeared first on Albeu.com.

Rama ka bërë foton publike si shenjë të fluksit të punës së Kadastrës për të hedhur poshtë akuzat se sistemi nuk funksionon.

Përmes këtij sistemi, nuk funksionojnë më ndërhyrjet apo shanset për ryshfet, deklaron kryeministri.

Edi Rama: Dhe thonë e thonë s’funksionon sistemi i ri i Kadastrës…Kjo është vetëm një fotografi e fluksit të punës së sistemit digjital, ku mund të shihen qartë datat hyrëse e dalëse të aplikimeve, pa sportel, pa kontakt fizik me punonjësit, pa mundësi ndërhyrjeje nga lart, poshtë, anash për të marrë e dhënë favore, pa shans për rryshfet sepse sistemi nuk ha mik dhe pa të gjitha sekëllditë e tmerret e të kaluarës në marrjen e shërbimit. Ndërkohë që po, e vërtetë, s’funksionon më sistemi i vjetër, zhbëhet përditë rrjeti i sekserëve, influencave të llojllojshme, buburrecave e minjve brenda kadastrës, të cilët vazhdojnë të dorëhiqen prej tharjes së burimeve të pista, vazhdon papushim puna për përmirësimin dhe rritjen e efiçencës së sistemit të ri, i cili ka ende problemet e veta, por edhe kështu siç është ka dhënë dy prova të mëdha, si një sistem ARMIQËSOR ME KORRUPSIONIN dhe MIQËSOR ME QYTETARIN.

Kujtojmë se që nga data 3 korrik shërbimet e Kadastrës do të kryhen online. Por digjitalizimi i shërbimeve ka bërë që institucioni të përfshihet nga kolapsi total dhe prej më shumë se një muaji mijëra qytetarë kanë hapur probleme. Ata kanë ngecur në veprimet me pronat e tyre, ndërsa bankat nuk po mundet të veprojnë normalisht me kreditë kur kolateral janë pronat. E gjithë kjo ka shkaktuar një ngërç të madh në vend, vetëm për shkakun se Kadastra nuk bën dot veprimet mbi pronat siç bëheshin më parë./albeu.com

The post Kaosi te Kadastra, Rama mohon zërat dhe nxjerr foton: Po zhbëhet përditë rrjeti i sekserëve appeared first on Albeu.com.

Kontrata, e cila është pjesë e një program për ngritjen e sistemit të ri elektronik të Kadastrës dhe dixhitalizimit total të pronave, u fitua nga një bashkim prej dy kompanish, sllovenja Synergise dhe shqiptarja Datech.

Por sapo kompanitë do të nisnin punën, qeveria shqiptare dhe Agjencia Shtetërore e Kadastrës njoftuan Bashkimin Europian për anullimin e saj sepse do t’i bënin tenderat vet.

““Autoritetet shqiptare njoftuan BE-në për zhvillimin e mëtejshëm paralelisht të sistemit ekzistues të IT-së dhe nisën një tender të ri për përmirësimin dhe mirëmbajtjen e tij. Si rezultat, aktivitetet në kuadër të projektit/kontratës ACLIS janë ndalur derisa të arrihet një zgjidhjeje përmes një marrëveshjeje të ndërsjellë mes Shqipërisë dhe BE-së,” konfirmoi zyra e delegacionit të BE-së në Tiranë për Oligarkia.al.

Në dyshim gjithë projekti

Kontrata 1.85 milionë euro që Bashkimi Europian akordoi për kompanitë Synergise dhe Datech ishte vetëm e para prej disa të tillave. Ato janë pjesë e një projekti me vlerë totale 15.7 milionë euro të financuar me grant nga Bashkimi Europian.

Ky sistem parashikon ngritjen e sistemit të ri elektronik të Kadastrës dhe dixhitalizmin e plotë të hartës kadastrale, regjistrit të pronave dhe çdo transaksioni në tregun e pasurive të patundshme në Shqipëri. Tashmë i gjithë ky projekt me vlerë 15.7 milionë euro është në dyshim.

“Aktualisht, diskutimet me qeverinë shqiptare janë ende në vazhdim. Në fillim të javës së ardhshme presim të marrim një përgjigje/kërkesë zyrtare nga qeveria shqiptare. Ju rekomandojmë që kërkesën tuaj t’ia drejtoni autoriteteve përkatëse shqiptare për ndihmë të mëtejshme,” u përgjigj delegacioni i BE për Oligarkia.al.

Portali pyeti Agjencinë Shtetërore të Kadastrës se pse vendosi që të ndalë kontratën e BE-së për ngritjen e sistemit të ri elektronik të pronave dhe të procedonte me tender paralel për zhvillimin e sistemit ekzistues për të cilin BE thotë se është problematik dhe me teknologji të vjetëruar. Por deri në momentin e publikimit të artikullit nuk mori një përgjigje.

Faktori AKSHI

Mënjeherë sapo autoritetet shqiptare njoftuan Bashkimin Europian për bllokimin e projektit të pronave, në 26 qershor Agjencia Kombëtare e Shoqërisë së Informacionit shpalli papritmas një tender me vlerë 4.4 milionë euro për përmirësimin e sistemit ekzistues të Agjencisë Shtetërore të Kadastrës.

Vetëm tre ditë pas shpalljes së tenderit, kryeministri, shefja e AKSHI-t dhe shefja e re e Kadastrës dolën një aktivitet të përbashkët publik për të parandaluar ndryshime rrënjësore në Kadastër.

“Ditën e hënë, datë 3 korrik Kadastra nuk është më e aksesueshme. Nga e hëna askush nga ju nuk do të bëjë asgjë. Askush brenda Kadastrës nuk do u përgjigjet. Çdo gjë do të jetë online pa asnjë kontakt fizik,” iu drejtua Rama deputetëve dhe ministrave të PS.

Ndërsa shefja e AKSHI-t tha se tani do të dixhitalizohet i gjithë procesi. “Do kemi siguri për çdo veprim, për çdo ndryshim ku qytetarit do t’i shkojë njoftim për çdo ndryshim të bëre në pronën e tij,” tha Karçanaj.

Pikërisht dita e këtij aktiviteti është dhe dita kur sistemi dixhital i Kadastrës hyri në kolaps. Që prej 3 korrikut sistemi i Kadastrës thuajse nuk punon më dhe qytetarët po përballen me zvarritje pafund me shërbimet që ofron Kadastra.

Të tre ngjarjet nuk janë të pa lidhura me njëra tjetrën. Anulimi i projektit të BE-së, hapja e tenderit nga AKSHI dhe kolapsi i Kadastrës janë shkak-pasojë të njëra tjetrës. Veprime, për të cilat shumë dyshojnë se përveç babëzisë për tendera, fshehin qëllime edhe më okulte se kaq. Ato që lidhen me sigurinë e pronës së shqiptarëve. Këto janë dyshim që duhet t’i qartësojë SPAK sepse dikush po fut duart tek Kadastra.

Ndërkohë, bankat po hasin probleme në lëshimin e kredive me kolateral, pasi mungesa e shërbimit nga Kadastra ua bën të pamundur përdorimin e pronave si kolateral përmes të cilave ofrojnë kreditë.

The post Kaosi te Kadastra, a janë bankat dhe pronat e shqiptarëve të sigurta? Si u bllokua tenderi i BE-së dhe roli i dyshimtë i AKSHI-t appeared first on Albeu.com.

Megjithatë, kreu i qeverisë, Edi Rama theksoi sot në një konferencë për mediet se kjo nuk vjen për shkak të mosfunksionimit të sistemit. Sipas tij, sistemi duhet të mësohet nga personat që e përdorin dhe gjithashtu duhet të kapërcejë edhe presionin negativ nga personat që kanë humbur pushtetin mbi Kadastrën. Ai publikoi një grafik ku tregon numrin e aplikimeve dhe numrin e përgjigjeve për të dëshmuar se sistemi po funksionon.

 

View this post on Instagram

 

A post shared by Albeu.com (@albeucom)

Rama: Me blu janë aplikimet, me portokalli janë përgjigjet. Shikojeni se si funksionon, ky është realiteti. Tani çfarë ka ndodhur? Sistemi funksionon sepse monitorohet në kohë reale. Njerëzit që merren me këtë punë bëjnë stimulime të vazhdueshme për të parë funksionimin e sistemi. Ai funksionon, por jemi në fazën kur sistemi duhet nga një anë të mësohet nga ata që e përdorin dhe nga ana tjetër duhet të kapërcejë presionin negativ që atyre që kanë humbur pushtetin mbi Kadastrën, noterë, sekserë, buburreca brenda në Kadastër. Nuk ka më pushtet mbi fatin e aplikimit të qytetarit. As nuk e dinë më se ku trajtohet aplikimi, jo më të kenë pushtet mbi të. Sistemi ka një të keqe të madhe që nuk i futesh dot mik, o ta pranon o s’ta pranon. O duhet ta bësh siç duhet ose nuk ta pranon, nuk i futesh dot mik fare. Në Kadastër vazhdojnë dorëheqjet. Dorëhiqen sepse nuk mund të bëjnë dot asgjë përveçse punës dhe detyrës ndaj çdo qytetari. Qëkur ka hyrë ky sisetm dhe deri tani transaksionet e zeza në raport me Kadastrën janë zero, sepse nuk ia del dot. Punonjësit kanë kode të caktuara, nuk e shohin dot njëri-tjetrin se çfarë bëhet.

/Albeu.com/ 

The post Kaosi me Kadastrën, Rama: Sistemi funksionon por duhet të mësojnë si ta përdorin, buburrecat kanë humbur pushtetin appeared first on Albeu.com.

Bici pranon problematikat si vonesa dhe ngërçe, por thotë se gjithçka është në kuadër të një “riinxhinierimi” që do e shkëpusë Kadastrën nga historitë e mitmarrjes dhe korrupsionit.

Në një reagim në rrjetet sociale, Bici drejton gishtin nga ata që i quan “grupe interesi” dhe thotë se dëshirojnë dështimin e Kadastrës.

Menjëherë pas deklaratës së Bicit ka reaguar eksperti i IT Gentjan Progni i cili ka publikuar mesazhet e personave që kanë marrë shërbim ditet e fundit në ASHK.

Sipas Prognit qytetarët  thone se ky institucion “ka martuar” pirndërit e tyre me persona të tjerë në qytete të tjera dhe tani personat e panjohur dalin bashkëpronarë në pasuritë e denoncuesve.

Reagimi

Paska dal Dallendyshja ne fluturim dhe paska thene qe po e sulmojne per interesa okulte ca interesi moj e uruar une sikur kam apliku per tender e spo ma jepni. Une skam apliku kurre ne tendera as se kam ndermend te aplikoj. Por shihe cme thone njerzit Dyshe!

Nje nga ata: Nje pune idiotesh, mua personalisht me kan nderruar emrin e nenes, dhe figuroj me nje “mama” ne nje qytet tjeter.

Tjetri: Po e bej ketu komentin, jo ne publik Kadastra aq e mire eshte, saqe me ka martuar babin edhe me nje grua tjeter qe me figuroi ne kartele si bashkepronare. Kartelen e rifreskuar e mora ne dt 21 Korrik. Tmerr, tani duhet te merrem me keto pacavuret e ketyre.

Çfarë deklaroi Dallëndyshe Bici

Pse kërkojnë të gjithë me ngulm dështimin e Kadastrës?!

U bë kaq javë që Kadastra është nën sulme të vazhdueshme. Nga grupe interesi që hapur, apo fshehur, me arsye, apo jo, bëjnë çmos të përlyejnë fytyrën e re të ASHK, atë ku mitmarrja dhe korrupsioni nuk janë fjala e ditës, e ku zyrtarët si shumica e qytetarëve të këtij vendi duhet të presin normalisht pagën në fund të muajit, e meqë nuk janë mësuar kështu, dorëhiqen.

Pse janë trazuar noterët?! Ata që për kaq vite, as nuk kanë folur ndonjëherë për vonesa, për atë stokun e aplikimeve disa vjeçare, për të drejtat e qytetarëve. Pse nisën të kenë ndenja karshi halleve të qytetarëve tani që prej disa javësh në ASHK ka nisur të proçesi i ri i punës pas riinxhinierizimit të sistemit? Mos vallë kanë humbur burimet e tyre dhe kanë mbetur si peshku në zall?! Do flasim sërish për ta. Shumë shpejt.

Por pse kërkojnë dështimin e kadastrës me ngulm grupe të tjera interesi?! Çfarë kanë humbur? Pse vallë nuk kërkohet edhe qëndrimi i ASHK për lajme të ndryshme, akuza, pretendime?

Unë nuk i kam shmangur kurrë sfidat. Dhe kjo që po ndodh sot në ASHK, është një ndryshim epokal për këtë institucion. Por ky ndryshim do të ruajë xhepat e qytetarëve, duke mos i zbrazur tek këto “grupet e interesit”. Do të ruajë pronën, duke mos lejuar të tjera grupe interesi të bëjnë si të duan.

Sot akuzohemi e sulmohemi për vonesa. Nëse ndokush ka kujtesë, vetëm pak muaj më parë ASHK akuzohej vetëm për mitmarrje dhe korrupsion. Ka vonesa. Nuk ka probleme. Ka ngërç. Nuk ka dështim. Vetëm pse duam t’i bëjmë gjërat shpejt dhe mirë, pavarësisht sabotimeve, dashakeqëve, atyre që duan të përfitojnë. Ne do t’i bëjmë për njerëzit. Për ata që në fakt nuk është i interesuar asnjë “grup interesi”.

/Albeu.com/

The post Bici sulmoi “grupet e interesit”, eksperti nxjerr mesazhet: Kadastra më martoi babanë, figuroj me “mama” tjetër appeared first on Albeu.com.

AlbEu komunikoi me një qytetar, mes mijërave që janë duke hasur këtë problem, duke mësuar se tashmë Kadastra nuk pranon më as edhe të ankohesh për vonesat e theksuara për pronat.

“Shikoni ç’bëhet. Tani nuk pranojnë më as të ankohesh. Më kanë bllokuar fare”, tregon ai për AlbEu.com, ndërsa ka ditë të tëra që Kadastra të kryejë procedurën me pronën e tij pavarësisht se pagesën e ka kryer.

Si ky qytetar ka dhjëtëra mijëra të tjera në Shqipëri, pronat e të cilëve kanë mbetur peng i paaftësisë së Kadastrës për të kryer veprimet.

Gjithçka ndodh në kushtet kur Kadastra merr paratë për çdo procedurë, edhe pse nuk ofron shërbimin. Peng i kaosit kanë mbetur edhe noterët, të cilët janë të detyruar të marrin pagesat nga qytetarët për kryerjen e veprimeve, por kur skadon afati dhe duhet të riaplikojnë, qytetarëve iu duhet sërish që të aplikojnë.

Gjithçka filloi në korrik kur kryeministri Rama tha se do të mbylleshin të gjitha zyrat e Kadastrës dhe gjithçka do të bëhej online. Mirëpo, sistemi nuk iu përgjigj dhe tashmë situata ka dalë nga kontrolli. /albeu.com

The post Kaosi te Kadastra bllokon dhe bankat, tashmë nuk ke as edhe ku të ankohesh appeared first on Albeu.com.

Me pushime apo jo, ata janë detyruar në 11:00, të paraqiteshin në mbledhje ku është bërë me dije puna në kolaps që ka hasur ky institucion me aplikimet online.

Me tone të ashpra, mësohet se Bici i është drejtuar drejtorëve në prezencë edhe të përfaqësuesve juridikë të këtij institucioni, ku ka kërkuar marrjen në dorë të situatës dhe nisjes së dhënies rezultateve për përmirësimin e shërbimeve.

Kujtojmë se një ditë më parë eksperti Gent Progni, denoncoi masakrën që po i bëhet Kadastrës përmes projektit të dixhitalizimit.

Ndërsa thotë se drejtuesja e Kadastrës Dallëndyshe Bici është një kukull në krye të atij institucioni, ai tha se tenderi prej 40 milionë eurosh dhe realizimi i tij është i paracaktuar nga drejtuesja e AKSHI-t Mirlinda Karcanaj.

Progni thotë se tenderi është i paracaktuar dhe do i jepet kompanisë së Ermal Beqirit, pavarësisht emrit të firmës fituese me letra.

Karcanaj dhe Beqiri, thotë Progni në reagimin e tij përmes rrjeteve sociale, kanë futur me kohë si drejtor IT në Kadastër ushtarin e tyre besnik, Ervin Muça.

Postimi:

Shiheni menyren sesi kontrollohet dhe vendosen tenderat pasi merret 30% …

Ne kete video zyshe Mirlinda Karcanaj thote i kemi bere dhe i kemi bere te gjitha mire !
http://tinsy.me/6ddkjx

Pastaj hap procedurat per tenderim si me poshte ne 1 gusht 2023 per 600 milion leke te reja pasi kane marre 40 mil euro nga BE dhe i kane vjedhur!

Lexo me poshte:

Ne fund te muajit qershor kryeministri Rama njoftoi publikisht se nga e hena ne 3 Korrik kadastra do te kthehej ne nje makine dixhitale e aksesueshme vetem nga e-albania dhe do zhdukej korrupsioni nga zyrat e kadastres.

Kryeministri e beri kete deklarate ne krah te drejtoreve Mirlinda Karcanaj dhe Dallendyshe Bici. Te dyja shpjeguan per publikun live se proceset e punes ne kadaster do beheshin elektronike. ‘Riinxhinjerizimi’ i sistemit do bente kompjuterin ‘shef e zone’ e do zhdukej miku. Kompjuteri pra sistemi do conte aplikimin sipas radhes qe zgjidhte rastesisht psh Shkodra zgjidhte juristin e Vlores dhe Vlora ate te Lushnjes… Radha first-in first out do i zgjidhte aplikimet ne rruge elektronike ku noteri dhe qytetari do ishin njelloj meqe noteri kishte patur perparesi. Do unifikohej sistemi ne nje te vetem multifunksional dhe transaksionet e te dheneve te prones do ruheshin me teknologjine blockchain (me e avancuara sot per sot qe perdoret per kriptomonedhat) bashke me arkivat dixhitale.

Karcanaj tha se do pilotohet shpejt edhe Kadastra 3d dhe per te gjitha keto kishte nje ekip me eksperte te afte.

E verteta eshte se nga 3 korriku ka kaluar me shume se nje muaj dhe sistemi elektronik i kadastres ka nuk punon.

Ata qe duan te nderveprojne me zyrat e kadastres sic jane noteret qe bejne aplikimet per qytetaret nuk po arrijne te marrin dot asnje sherbim. Sherbimi i pershpejtuar fast-track nuk funksionon fare. Pergjigjet online per qytetaret jane pezulluar te gjitha dhe nuk ka asnje mundesi te ndiqet online fati i nje aplikimi si behej me pare. Asnje qytetar nuk shet as blen dot prona. Kadastra si me letra si ajo dixhitale ne gjithe Shqiperine eshte bllokuar. Pse, rastesisht?

Jo, Eshte stopim i organizuar prej ‘Riinxhinjerizimit’ qe shpiku Mirlinda Karcanaj e askush nuk flet. Risia dixhitale qe u shit live per kadastren dixhitale eshte nje vjedhje e organizuar nga ajo dhe banda e saj. Mungojne komplet informacionet per ‘dixhitalizimin’. Cfare synon, sa kushton, si do ndihmoje ne terma konkrete qytetaret dhe mbi te gjitha kush po e implementon?? Dihet qe cdo proces i tille behet nga Akshi por Akshi vepron me nenkontraktues qe i prokuron. Mashtrim-Shpikja e madhe dixhitale me Kadastren u reklamua si e finalizuar dhe gati per tu implementuar por faktet tregojne tjeter gje. Mjafton te shohesh te dhenat zyrtare ne faqen e APP aty prezantohesh me tenderin “Permiresimi i sistemit te Agjencise Shteterore te Kadastres” me autoritet kontraktues Akshi. Tenderi eshte shpallur ne 27 qershor vetem pak dite para daljes publike te kryeministrit Rama dhe mbyllej pritja e ofertave ne 1 gusht. Tani Mirlinda po vlereson fertat…Ky tender me fond limit 482,999,999.00 leke sipas termave te references te publikuara ne faqen e APP me nr. reference REF-73659-06-26-2023 synon te beje ate qe Karcanaj dhe

Bici e shiten live si proces te finalizuar qe po implementohej dhe qe po kishte sukses te madh ne kadaster. Mjafton te degjohet deklarata ne utube e dy drejtoreve me kryeministrin, ti krahasosh deklaratat me termat e references te publikuara ne APP per te kuptuar mashtrimin e madh se ato pune qe jane deklaruar si te bera ishin ende ne prokurim e siper. Si eshte e verteta e ketyre deklaratave dhe ketij tenderi? Si çdo tender qe shpallet nga Akshi fituesi dihet madje eshte futur me kohe ne zyrat e Kadastres ‘fituesi’ per te kryer procesin qe do shpallet me pas. Ky tender i shpallur nga APP dihet se do implementohet nga shoqeria Soft – Solution e Ermal Beqirit pavaresisht emrit te firmes fituese me letra. Karcanaj dhe Beqiri kane futur me kohe si drejtor IT ne Kadaster ushtarin e tyre besnik Ervin Muca.

Eshte i njejti person qe pak dite me pare u kap duke vjedhur databazen e policise ashtu si beri me tatimet. Ervin Muca ne qershor pergatiti projektin, termat e references, caktoi dhe fondin limit per vjedhjen e rradhes nga buxheti i shtetit. Mirlinda dhe Ermal Beqiri ‘binden’ Kryeministrin qe ky proces do ishte revolucion ne Shqiperi dhe nisen ta implementojne me punonjesit Soft&Solution qe hynin e dilnin lirisht nga zyrat e kadastres duke bere nje pilotim sa per te treguar se sistemi funksiononte. Cfare ndodhi pas pilotimit dhe denjeshtres publike qe bene Mirlinda me Bicin ne krah te Rames? Sistemi u fik sfunksionoi me. Ndersa tenderi vazhdoi proceduren per te ndare leket e nje projekti qe u prezantua si fakt i kryer publikisht. Vjedhje e pacip nderkohe fituesin po e mendojne kush ta shpallin pune ditesh sa ta kalkulojne mire situaten… Mirlinda Karcanaj ka hedhur ne fushen e korrupsionit te perhershmin Ermal Beqiri dhe ushtarin ne komande Ervin Muca. Kadastra e Bicit ka tre muaj qe eshte shakterruar komplet. Bici ska asnje kontroll eshte thjesht kukull kot. Dixhitalizimin e ka ne dore Karcanaj, punet e hipotekave ose legalizimive i drejton e motra Elona Gogo. Kjo rri ne zyren e Bicit gjithe kohen dhe jep urdhra.. e akuzuar nga Spak Elona Gogo ben komanda ne kadaster pa emerim. Ajo perdor edhe nje makine te drejtorise si personale. Kadastra eshte kthy ne han me dy porta.. Punonjesit e kadastres kane mbledhur prova. Kane edhe foto me vidio per cfare shohin perdite por kan frike te flasin. Do tregojne vetem kur te hetoje e vije Spaku te gjeje masakren qe po ndodh ne kadaster. Kadastra po shkaterrohet.

The post Kaosi te Kadastra, Bici mbledh drejtuesit: Si po bëhet gati tenderi 40 milionë euro nga AKSHI appeared first on Albeu.com.