kacavide Archives - Albeu.com

Tiranë, plagosje në Yzberisht, qëllohet me kaça*idë 40-vjeçari (EMRI)

D Marku — Sat, 24 Aug 2024 20:02:19 +0000

Tjetër ngjarje kriminale në Tiranë. Një 40 vjeçar është plagosur me kaçavidë. Shqiptarja.com mëson se i plagosuri është Klajd Kapidani. Ngjarja është shënuar në rrugën Besim Alla, në Yzberisht. [...]

VIDEO/ Horror në Burrel, burri paguan 37-vjeçarin t’i heqë magjinë gruas, e shpon me kaçavidë për t’i larguar “djallin”

Xh — Tue, 05 Sep 2023 09:56:54 +0000

Një ngjarje e rëndë është regjistruar në Burrel. Një 48-vjeçar ka ushtruar dhunë fizike dhe psikologjike në mënyrë të përsëritur ndaj bashkëjetueses së saj, por historia nuk mbaron me kaq.

48-vjeçari Dario Bruçi, për të justifikuar dhunën ndaj bashkëjetueses, kishte paguar një person nga Kosova, i identifikuar si Kujtim Popaj për ta shëruar, pasi pretendonte se gruas së tij i kishin bërë magji.

Por sikurse duket në pamjet e sjella nga policia e Matit, personi që supozohet se i heq asaj magjinë, e godet atë me kaçavidë në disa pjesë të trupit.

Policia ka proceduar penalisht 36-vjeçarin që vinte nga Kosova, ndërsa 48-vjeçari është vënë në pranga.

Në banesën e tij u gjetën dhe u sekuestruan 380 copë fishekë luftarak.

Çfarë thotë policia

Shërbimet e Komisariatit të Policisë Mat, pas informacioneve të siguruara për një shtetas që ushtronte dhunë psikologjike dhe fizike në mënyrë të përsëritur ndaj bashkëjetueses së tij, si dhe mbante armë zjarri apo municion luftarak në banesë, menjëherë kanë organizuar punën dhe falë ndërhyrjes së menjëhershme është bërë parandalimi i një ngjarje të mundshme kriminale në familje.

Si rezultat, u bë arrestimi në flagrancë i shtetasit D. B., 48 vjeç, banues në Burrel, ( i dënuar më parë për kanosje dhe kundërshtim me dhunë i punonjësit të policisë).

Nga hetimet e kryera, mbështetur dhe në inteligjencë informative ka rezultuar se 33-vjeçarja, si pasojë e dhunës është dërguar nga familjarët e saj për trajtim mjekësor dhe në spitalin psikiatrik, Tiranë.

Po në vijim te hetimeve të thelluara për këtë rast, ka rezultuar se 48-vjeçari, për të justifikuar dhunën ndaj bashkëjetueses së tij, pretendonte se 33- vjeçares i kishin bërë magji dhe kishte paguar shtetasin K.P., 37 vjeç, banues në Kosovë, i cili vinte në banesën e shtetasit D.B., për të shëruar 33- vjeçaren.

Gjatë kontrollit në banesën e shtetasit D.B., shërbimet e Policisë, gjetën dhe sekuestruan në cilësinë e provës materiale 380 fishek, që i posedonte pa leje.

Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Dibër, për veprime të mëtejshme procedurale./Albeu.com/

The post VIDEO/ Horror në Burrel, burri paguan 37-vjeçarin t’i heqë magjinë gruas, e shpon me kaçavidë për t’i larguar “djallin” appeared first on Albeu.com.

Plagosi me kaçavidë 25-vjeçarin, shpallet në kërkim i riu në Elbasan

K Agaj — Sat, 04 Mar 2023 08:11:46 +0000

Një 22-vjeçar është shpallur në kërkim në Elbasan, pasi ka plagosur me kaçavidë një 25-vjeçar, për shkak të një konflikti të çastit.

I riu kërkohet për veprën penale “Plagosja e lehtë me dashje”, ndërsa i plagosuri ka marrëndihmën mjekësore dhe është larguar nga spitali.

Njoftimi:

Goditi një 25-vjeçar, me mjet shpues (kaçavidë) dhe e plagosi atë lehtë, për shkak të një konflikti të çastit, identifikohet dhe shpallet në kërkim autori i dyshuar.
Menjëherë pas marrjes së njoftimit, se në spitalin e Elbasanit, kishte shkuar për të marrë mjekim shtetasi A. M., 25 vjeç, banues në Berat, për të cilin dyshohej se ishte i dëmtuar me mjet shpues, shërbimet e Komisariatit të Policisë Elbasan kanë organizuar punën me qëllim zbardhjen e këtij rasti.
Si rezultat i veprimeve hetimore, shërbimet e Policisë kanë identifikuar dhe kanë shpallur në kërkim, për veprën penale “Plagosja e lehtë me dashje”, autorin e dyshuar të këtij rasti, shtetasin K. S., 22 vjeç, banues në Elbasan, i cili dyshohet se pas një konflikti të çastit, për motive të dobëta, ka goditur me mjet shpues (kaçavidë), 25-vjeçarin.
Vijon puna për kapjen e shtetasit K. S., ndërsa shtetasi A. M., pasi mori asistencën mjekësore, u largua në banesë, në gjendje të mirë shëndetësore.
Materialet procedurale i kaluan Prokurorisë pranë Gjykatës së Shkallës së Parë Elbasan për veprime të mëtejshme.

The post Plagosi me kaçavidë 25-vjeçarin, shpallet në kërkim i riu në Elbasan appeared first on Albeu.com.

Vodhi makinën në një qendër tregtare në Itali, shqiptari gjurmohet nga GPS, kërcënon me kaçavidë pronarët

Xh — Sun, 05 Feb 2023 16:52:22 +0000

Agjentët e Policisë së Perugias kanë ndërhyrë në parkingun e një qendre tregtare në zonën e San Sistos ku ishte raportuar vjedhja e një makine, në Passignano sul Trasimeno. Sistemi i zbulimit GPS sinjalizoi praninë e makinës pikërisht në zonë.

Me të mbërritur në vend, efektivët e policisë gjetën fëmijët e pronarit të makinës, të cilët pasi kishin bllokuar daljen e mjetit me makinën e tyre, po diskutonin me autorin e dyshuar të vjedhjes, i identifikuar më pas si shqiptar, 27 vjeç, i paligjshëm në territorin kombëtar.

27-vjeçari i tërbuar kishte nisur të kërcënonte me një kaçavidë dy vëllezërit.

Vëllezërit thanë se ishin përpjekur ta ndalonin shqiptarin duke hipur në makinën e nënës së tyre dhe, në përpjekje për ta penguar të arratisej, por kishte ndodhur një përleshje e dhunshme.

Policët, shoqëruan 27-vjeçarin në urgjencë për të trajtuar disa gërvishtje dhe mavijosje të marra gjatë mosmarrëveshjes, dhe më pas e dërguan në komisariat. Ai akuzohet për veprat penale të vjedhjes, plagosjes, kanosjes dhe mbajtja e sendeve të përshtatshme për ofendim. /Albeu.com/

The post Vodhi makinën në një qendër tregtare në Itali, shqiptari gjurmohet nga GPS, kërcënon me kaçavidë pronarët appeared first on Albeu.com.