Arbitrat shqiptarë do të kenë sërish një rol të rëndësishëm në arenën ndërkombëtare, pasi UEFA u ka besuar dy trupave vendase drejtimin e ndeshjeve të vlefshme për fazën play-off të UEFA Conference League.

Një prej takimeve do të luhet në Holandë, ku Twente do të përballet me Qarabağ të enjten, më 20 gusht, në orën 20:00. Ndeshja do të zhvillohet në stadiumin e FC Twente, në Enschede.

Arbitër kryesor i kësaj sfide do të jetë Juxhin Xhaja. Asistentët e tij do të jenë Rejdi Avdon dhe Mario Shazivari, ndërsa Emanuela Rusta është caktuar si arbitër i katërt. Në VAR do të vendoset italiani Gianluca Aureliano, me Albert Dodën në detyrën e AVAR.

Po më 20 gusht, në të njëjtën orë, një tjetër ekip shqiptar arbitrimi do të drejtojë përballjen Víkingur R. – Borac në Islandë. Takimi do të luhet në stadiumin Víkingsvöllur të Reykjavik.

Enea Jorgji do të jetë arbitri kryesor i ndeshjes, ndërsa Denis Rexha dhe Ridiger Çokaj do të shërbejnë si arbitra asistentë. Florian Lata do të jetë arbitri i katërt. Përgjegjës për VAR-in do të jetë holandezi Jeroen Manschot, ndërsa Olsion Yzeiraj do të mbajë rolin e AVAR.

Përfshirja e dy trupave shqiptare në ndeshjet e play-off-it të UEFA Conference League konfirmon edhe një herë vlerësimin dhe besimin që institucioni europian i futbollit u jep arbitrave shqiptarë në kompeticionet ndërkombëtare.

The post UEFA cakton dy trupa shqiptare arbitrimi për ndeshjet e play-off-it në Conference League appeared first on Albeu.com.

UEFA ia ka besuar Juxhin Xhajës drejtimin e përballjes mes Aarhus dhe Lech Poznan, e vlefshme për ndeshjen e kthimit të turit të dytë kualifikues në Champions League.

Takimi do të luhet të mërkurën, në orën 19:00. Lech Poznan triumfoi 4-1 në sfidën e parë, ndërsa skuadra daneze do të synojë përmbysjen e madhe.

Në ekipin e arbitrave të përzgjedhur për këtë duel do të jenë pesë shqiptarë. Xhaja është caktuar gjyqtar kryesor dhe do të ndihmohet nga asistentët Arbër Zalla dhe Taulant Kasa, kurse Andi Koçi do të kryejë detyrën e arbitrit të katërt.

Në dhomën e VAR-it do të jetë portugezi Tiago Martins, ndërsa rolin e asistentit të tij do ta mbajë Albert Doda.

Arbitër kryesor: Juxhin Xhaja

Asistent 1: Arbër Zalla

Asistent 2: Taulant Kasa

Arbitër i 4: Andi Koçi

VAR: Tiago Martins

aVAR: Albert Doda

The post UEFA vlerëson Juxhin Xhajën, arbitri i Superiores caktohet në një ndeshje të Champions League appeared first on Albeu.com.