Edicioni i vitit 2026, që organizohet nga SHBA-ja, Kanadaja dhe Meksika, është tashmë Botërori më i madh i zhvilluar ndonjëherë. Për herë të parë në këtë kompeticion po marrin pjesë 48 kombëtare, çka përfaqëson një rritje prej 50 për qind në krahasim me formatin me 32 skuadra, i cili ishte në fuqi që nga viti 1998.

Numri më i madh i ndeshjeve, minutave dhe rasteve për gol pritet të ndikojë që në javët e ardhshme të regjistrohen edhe rekorde të tjera në turneun më të madh të futbollit në botë.

Një nga arritjet më të mëdha të këtij Botërori mban firmën e Lionel Messit. Me pesë golat e realizuar në dy ndeshjet e para me Argjentinën, ai ka kaluar legjendën gjermane Miroslav Klose dhe është bërë golashënuesi më i mirë në historinë e Kupës së Botës.

Messi ka tani 18 gola në Botëror, ndërsa Klose dhe Kylian Mbappe mbajnë vendin e dytë me nga 16 gola secili. Sulmuesi francez ka shënuar katër herë në dy ndeshjet e para dhe mbetet sfiduesi kryesor i rekordit të argjentinasit.

Pas tyre, në renditjen e golashënuesve më të mirë vijnë Ronaldo Nazario me 15 gola, Gerd Muller me 14, si dhe Just Fontaine e Pele me nga 12 gola.

Messi kryeson edhe në një tjetër statistikë madhore të Kupës së Botës. Përveçse është golashënuesi më i mirë, ai është edhe lojtari me më shumë minuta të luajtura në historinë e këtij kompeticioni.

Ylli i Argjentinës ka arritur në 2.485 minuta në 28 paraqitje, duke lënë pas Paolo Maldinin, i cili ka 2.217 minuta. Në pozitën e tretë qëndron Lothar Matthaus me 2.045 minuta, ndërsa në Top 10 përfshihen edhe emra si Uwe Seeler, Manuel Neuer, Javier Mascherano, Cristiano Ronaldo, Diego Maradona, Philipp Lahm dhe Hugo Lloris.

Në nivel kombëtaresh, Gjermania dhe Brazili po zhvillojnë një garë të ngushtë për vendin e parë sa i përket numrit total të golave në historinë e Kupës së Botës. Gjermania e theu rekordin e Brazilit pas fitores 7-1 ndaj Curaçaos, duke kaluar përkohësisht në krye.

Megjithatë, Brazili reagoi menjëherë dhe pas raundit të dytë të fazës së grupeve riktheu ekuilibrin. Aktualisht, të dyja kombëtaret ndajnë kreun me nga 239 gola të shënuar në historinë e turneut.

Menjëherë pas tyre vjen Argjentina me 157 gola. Në listën e skuadrave që kanë kaluar shifrën e 100 golave bëjnë pjesë edhe Franca me 142, Italia me 128, Spanja me 112, Anglia me 104 dhe Holanda me 103.

Sa u përket trofeve, në 96 vjet histori të Kupës së Botës, vetëm tetë shtete kanë mundur ta fitojnë këtë turne. Brazili qëndron i vetëm në krye me pesë tituj botërorë, të fituar në vitet 1958, 1962, 1970, 1994 dhe 2002.

Pas Brazilit renditen Gjermania dhe Italia me nga katër trofe secila, ndërsa Argjentina e ka fituar tri herë. Franca dhe Uruguai kanë nga dy tituj, kurse Anglia dhe Spanja kanë triumfuar nga një herë.

The post Rekordet historike të Kupës së Botës dhe emrat që kryesojnë statistikat appeared first on Albeu.com.

Kjo fundit humbi dje një nga yjet e futbollit të saj të para 6 dekadave, një futbollist që kishte emrin në listën e rekordeve, pasi ishte golashënuesi më i mirë në një Botëror.

Kështu, bota e Futbollit qan humbjen e Just Fontaine. Pra, emri i tij lidhet enkas me rekordin e golave të realizuar në një edicion të vetëm të Botërorit. Ai shënoi 13 gola në 6 ndeshje me kombëtaren franceze. Ishte viti 1958 dhe në Kupën e Botës në Suedi triumfoi Brazili i Pele, i cili ishte vetëm 18 vjeç.

I lindur në Marok në vitin 1933, Fontaine fitoi 3 kampionate me Stade Reims. Ai u tërhoq nga futbolli në moshën 29-vjeçare për shkak të një dëmtimi të rëndë. Si trajner u ul në stolin e PSG që nga 1973 deri në 1976. Fontaine ishte trajner i kombëtares së Marokut nga 1979 në 1981, teksa drejtoi dhe kombëtaren franceze në dy miqësore.

Rekordi i tij me 13 gola në një Botëror, për më tepër në vetëm 6 takime, është padyshim një ngjarje madhe individuale për një futbollist.

The post Ndahet nga jeta rekordmeni i golave në një Botëror appeared first on Albeu.com.