Sipas raportimeve, gjatë orëve të para të mëngjesit reshjet kanë qenë me intensitet të ulët deri në mesatar.

Situata ka angazhuar strukturat përgjegjëse, të cilat kanë ndërhyrë për pastrimin e akseve kryesore rrugore, sidomos në segmentet ku dëbora ka qenë më e dendur.

Problematikat më të theksuara janë regjistruar në aksin Qukës–Qafë Plloçë dhe në zonën e Qafë Thanë, ku gjatë natës trashësia e dëborës ka qenë më e konsiderueshme. Megjithatë, për shkak të temperaturave tipike pranverore, dëbora ka nisur të shkrijë, duke mbetur kryesisht në zonat malore.

Reshje dëbore janë regjistruar edhe në disa prej destinacioneve turistike më të njohura si Dardhë, Voskopojë dhe Boboshticë, si dhe në qytetet Leskovik dhe Ersekë.

Autoritetet u bëjnë thirrje drejtuesve të mjeteve të tregojnë kujdes gjatë qarkullimit në këto zona, për shkak të lagështirës dhe pranisë së dëborës në segmente të caktuara. Aktualisht, sipas informacioneve, të gjitha akset rrugore janë të kalueshme dhe nuk raportohen probleme serioze në qarkullim.

The post BORË NË PRANVERË/ Zbardhet juglindja e vendit appeared first on Albeu.com.

Situata më problematike paraqitet në rrethrrotullimin e Bradasheshit, i cili vijon të krijojë vështirësi për qarkullimin e mjeteve. Në këtë pikë është krijuar një radhë e gjatë kilometrike automjetesh, ndërsa drejtuesit e mjeteve po qëndrojnë për orë të tëra në trafik.

Fluksi i lartë i qarkullimit lidhet me festimet për Ditën e Verës, që tradicionalisht shoqërohen me lëvizje të shumta drejt zonave të juglindjes.

Ndërkohë, është dhe shtimi i turistëve të cilët vizitojnë juglindjen pas zgjidhjes së ngërçit në aksin Librazhd–Përrenjas, çka ka bërë që më shumë automjete të qarkullojnë në këtë drejtim. Megjithatë, drejtuesit e mjeteve tashmë përballen me një tjetër problematikë, atë të trafikut për shkak të një hinke në rrethrrotullimin e Bradasheshit.

Trafik të rënduar pritet të ketë edhe në aksin tjetër Elbasan–Librazhd–Përrenjas, veçanërisht në segmentet ku aktualisht po kryhen punime në rrugë.

The post Rruga drejt juglindjes e ‘paralizuar’, radhë kilometrike trafiku appeared first on Albeu.com.

Aksi rrugor bypass Qafë Murrizë në Dibër, është bërë i pakalueshëm që prej pasdites së djeshme. Po ashtu, aksi “Bajram Curri-Valbonë” dhe “Kërrnaj-Pac-Shimshan” ka vështirësi në qarkullim për shkak të reshjeve me instensitet të lartë.

Në Kukës ka prezencë të borës në të gjitha akset por pa probleme me qarkullimin. Ndërkohë edhe në Shkodër nuk raportohet për problematika, borëpastrueset ndodhen në terren për të mbajtur rrugët të kalueshme.

Bypassi i Murrizit në Rrugën e Arbrit, ka mbetur i bllokuar prej disa orësh mbrëmjen e djeshme. Me dhjetëra automjete dhe furgona pasagjerësh kanë mbetur të bllokuara nga reshjet intensive.

Në zonën e Qaf Shtamës, trashësia e borës ka arritur deri në 15 cm, ndërsa nuk ka probleme me qarkullimin.

Reshjet e dëborës, kanë përfshirë edhe juglindjen, ku në Voskopojë trashësia arrin deri në 5 centimetër, ndërsa policia bën thirrje për të përdorur goma dimërore.

Akset nacionale që lidhin Korçën me Kapshticën, Pogradecin,Qafë Thanën dhe Ersekën e Leskovikun qarkullohen pa vështirësi.

The post Reshjet e dëborës zbardhin vendin nga veriu në juglindje, disa akse të bllokuara appeared first on Albeu.com.

Në fshatin Shtyllë, trashësia e dëborës ka arritur deri në 5 cm, ndërsa në majën e Mashkullores ka pasur reshje më të dendura, ku trashësia varion nga 10 deri në 15 cm. Po ashtu, 5 cm dëborë është regjistruar edhe në majën e Bigllës. Pavarësisht reshjeve, situata e qarkullimit rrugor mbetet normale. Rrugët që lidhin fshatrat turistikë të Voskopoja dhe Dardha janë plotësisht të kalueshme, pa nevojën për ndërhyrje emergjente apo përdorimin e zinxhirëve. Autoritetet lokale kanë monitoruar situatën dhe kanë siguruar se nuk ka pasur bllokime apo vështirësi në qarkullim.

Nga ana tjetër, furnizimi me energji elektrike nuk është prekur nga reshjet. Burime zyrtare kanë bërë me dije se nuk janë raportuar ndërprerje energjie në asnjë prej zonave të prekura nga dëbora, një tregues pozitiv për banorët e zonave malore. Meteorologët parashikojnë se reshjet mund të vijojnë në zonat e larta malore gjatë ditëve në vijim, ndërsa temperaturat pritet të ulen më tej. Banorët dhe vizitorët në këto zona këshillohen të tregohen të kujdesshëm, sidomos në mëngjeset e ftohta kur mund të ketë ngrica.

Panorama e bardhë që ka mbuluar këto zona i shton bukurinë natyrale destinacioneve turistike si Voskopoja dhe Dardha, të cilat pritet të tërheqin më shumë vizitorë gjatë festave që po afrohen.

The post Dëbora mbulon zonat malore të juglindjes, ja si paraqitet gjendja e rrugëve appeared first on Albeu.com.

Mësohet se trashësia e dëborës në lartësitë mbi 800 metra ka arritur nga 15-30 cm, në majë të Bigllës në aksin rrugor Boboshticë-Dardhë.

Gjatë gjithë natës më shumë se 15 mjete borëpastruese, kanë punuar për të mbajtur të hapura akset rrugore Korçë-Dardhë, Korçë -Voskopojë, Kamenicë -Ersekë dhe Zëmblak-Dogana e Gorices se Madhe.

Ndërkohë, burime zyrtare pranë Autoritetit rajonal Rrugor bëjnë me dije se rruga e re nga Maja e Qafësë së Qarrit deri në hyrje të Ersekës është e bllokuar.

Mësohet se kjo situatë është krijuar për shkak të mosmbylljes së procedurave, për marrjen në mirëmbajtje nga ana e firmave kontraktore të rrugës së re që lidh Korçën me Ersekën, ndaj për këtë autoritetet rrugore u kërkojnë drejtuesve të mjeteve të përdorin aksin e vjetër, pasi është i kalueshëm pa probleme.

Pas reshjeve të shumta të dëborës, paraqiten probleme me furnizimin me energji elektrike në fshatrat e njësive administrative Vithkuq e Lekas në Bashkinë e Korçës, në Bashkinë e Pogradecit e Leskovik në Bashkinë e Kolonjës.

The post Dëborë deri në 30 cm në Juglindje/ Bllokohen disa rrugë dhe disa fshatra mbeten pa energji elektrike appeared first on Albeu.com.

Në akset nacionale Korçë-Ersekë dhe Korçë-Kapshticë, dëbora ka arritur nga 5 deri në 10 cm. Grupet e punës janë në terren, duke vijuar pastrimin dhe kriposjen e rrugëve për të garantuar qarkullimin.

Autoritetet u bëjnë thirrje drejtuesve të automjeteve të përdorin goma dimërore për të shmangur incidentet në rrugët me dëborë.

The post Dëbora mbulon juglindjen, trashësia arrin deri në 15 cm në Voskopojë dhe Dardhë appeared first on Albeu.com.

Sipas informacioneve të derimëtanishme në  rrugën Boboshticë-Dardhë  po punohet për kriposjen dhe pastrimin e segmentit.

Trashësia e dëborës në Dardhë  ka shkuar deri në 5 cm, pritet që reshje të ketë edhe në vazhdim.

Në zonat më të ulëta ka vetëm reshje shiu ndërsa në zonat e përfshira po punohet për pastrim dhe kriposje.

The post Reshjet e dëborës në juglindje, segmentet rrugore nëtë cilat ka probleme me qarkullimin appeared first on Albeu.com.

Mësohet se në fshatin turistik të Dardhas dëbora shkoi deri në 7 cm, ndërkohë që është punuar për pastrim dhe kriposje edhe në akset nacionale që u përfshinë nga reshjet, borëpastrueset kanë qenë në terren në akset Korçë-Pogradec, Pogradec-Qafëthanë dhe në aksin Korçë-Erseke në Qafën e Qarrit.

Ndërkohë, në segmentin rrugor Korçë-Panarit trashësia e dëborës raportohet se ka shkuar deri në 4 cm, ndërsa reshjet kanë qenë me intensitet të ulët.

Fatmirësisht nuk ka pasur probleme me qarkullimin e automjeteve, por drejtuesit e mjeteve apelohet që të qarkullojnë me zinxhirë dhe te tregojnë kujdes të shtuar. Gjithashtu në rrugën Lekas-Voskopojë dëbora ka shkuar në 3 cm, edhe në këtë segment nuk ka probleme. Të gjitha akset nacionale dhe rrugët dytësore janë të kalueshme dhe pa probleme, ndërkohë temperaturat priten të ngrihen në mesditë.

The post Reshjet e dëborës në juglindje, si paraqitet gjendja e rrugëve appeared first on Albeu.com.