Ajo ka ndarë detaje mbi projektin e saj më të fundit “Detaj”, duke treguar se kënga është një pasqyrim i fortë i karakterit të saj dhe mënyrës si e sheh jetën.

“Në tekst thua ia del vetë, nuk kam nevojë për ty, zemrën time nuk e blen dot me miliona, a je kështu edhe në jetën e vërtetë?” – ishte një nga pyetjet gjatë intervistës.

“Po, jam, përndryshe nuk e kisha pranuar kurrë këtë tekst. Kënga është prodhuar nga Aleks Gjonpalaj dhe është shkruar nga Stivi Ushe dhe kurrë nuk do kisha pranuar një tekst që nuk e ndiej”, u shpreh ajo, duke theksuar lidhjen personale me muzikën që interpreton.

Juela tregoi se ka qenë e lidhur me artin që në fëmijëri, duke kujtuar daljen e saj të parë në skenë në moshën 6-vjeçare në Pallatin e Kulturës në Laç, moment që sipas saj ka shënuar fillimin e një pasioni të madh për muzikën.

“Kam studiuar, kam punuar, por muzikën nuk e kam lënë kurrë. Kam bërë shumë sakrifica dhe kam ndjerë gjithmonë se kam lindur për këtë gjë”, tha këngëtarja.

Sa i përket drejtimit të saj artistik, ajo u shpreh se për momentin dëshiron të fokusohet te këngët ritmike dhe energjike, që sjellin pozitivitet, por nuk përjashton as baladat në të ardhmen, pasi i pëlqen shumë interpretimi emocional.

Në fund të intervistës, Juela la të kuptohet se një bashkëpunim i ri është në horizont.

“Sigurisht, ka diçka. Do të vijë shpejt një bashkëpunim, shpresoj në qershor. Është një artist goxha i njohur”, zbuloi ajo, duke lënë publikun kurioz për emrin që fshihet pas projektit të ri.

The post Së shpejti bashkëpunimi me…/ Juela Nikolli zbulon hapat e radhës në muzikë: Dua të fokusohem te këngët energjike appeared first on Albeu.com.