Topalli tërhoqi vëmendjen e kryetarit të Kuvendit, Niko Peleshi, duke i kërkuar që të ndjekë standarde të njëjta për të gjithë deputetët, përfshirë këtu dhe ndaj socialistëve, të cilët kërcënuan dhe ofenduan gratë demokrate, kryesisht Elda Hotin dhe Albana Vokshin.

Sipas Topallit kjo është e papranueshme dhe në këtë rast ajo riktheu dhe shprehjen e famshme “Do të nxjerr për zhele jashtë”, e cila sipas demokrates merr “kuptim” në këtë situatë.

“Nuk është normale dhe s’ka ndodhur kurrë që një nënë e dy fëmijëve, fëmijët e të cilës janë kërcënuar nga bandat gjatë fushatës elektorale, të fyhen me një fjalor vulgar, as në shpellat e mafias nuk përdoret, se edhe ato kanë një kod.

Nuk ka ndodhur kurrë që një mama tjetër me dy fëmijë të vegjël të kërcënohet gjatë seancës plenare dhe t’i thuhet “do të të tregoj unë ty”. Nuk ka ndodhur kurrë që deputeti të provokojë mbi dhimbjen e 4 katër dëshmorëve të demokracisë, të provokosh dhimbjen jo vetëm të 4 familjeve por një qyteti, gjak që është vendosur në bazën e një sistemi që ne do ta ndërtonim. Po kur një burrë provokon mbi të vdekurit dhe merret vetëm me gra, ka vetëm një shprehje për të: “Merre kryetar, kape për zhelesh dhe nxirre përjashta”, tha Topalli.

The post Shumë vite më pas, Jozefina Topalli nuk tërhiqet nga thënia, i kthehet Ballës me shprehjen e saj ikonike: Do të nxjerr për zhelesh përjashta! appeared first on Albeu.com.

Pasi ka ardhur, Topalli është betuar si deputete.

Jozefina Topalli prej vitit 2013 mungonte në parlament, duke u rikthyer sot pas shumë vitesh si deputete.

Topalli vjen në Kuvend pas një gëzimi familjar, që kulmoi me martesën e të birit këtë fundjavë në Itali.

The post Nga dasma e të birit në Kuvend, betohet edhe Jozefina Topalli (VIDEO) appeared first on Albeu.com.

Për këtë arsye, Topalli i bën thirrje KQZ-së dhe SPAK-ut, të monitorojnë situatën në Greqi.

“Ajo që po ndodh në Greqi është rast i veçuar, kapitull totalisht i një krimi zgjedhor dhe manipulim politik i votës. Shkuarja për të marrë apo të dorëzuar zarfin pa identifikim e bën votën të pavlefshme…KQZ ti kërkojë llogari DHL-së, kemi dyshime se po kontrollohet nga njerëz të pushtetit. I kërkojmë organeve ligj zbatuese përfshirë SPAK që të shqyrtojë rastin e Greqisë”, u shpreh Jozefina Topalli.

The post Vota e diasporës/ Jozefina Topalli: KQZ t’i kërkojë llogari DHL-së për zarfet e votimit të emigrantëve të Greqisë, dyshojmë se po kontrollohet nga njerëz të pushtetit appeared first on Albeu.com.

Ndryshe sipas saj, Shqipëria do të kthehet në një azil gjigand të të moshuarve dhe Shqipëria nuk do të ekzistojë më kështu siç e njohim në vetëm një dekadë.

Ajo u shpreh gjithashtu se mazhoranca po bën gjithçka në dorë me presione, para jo të ligjshme dhe presion ndaj administratës për të manipuluar votën, por sipas saj diaspora e ka të qartë që në datën 11 maj do të votojë numrin 1.

“Thirrje çdo shqiptari që të mos pranojë të bëjë me video apo fotografojnë votën që i kërkohet përmes presonit që i bëhet familjarëve të tyre në administratë. Edhe në raportin e OSBE përmendej përdorimi i administratës, i parave edhe nga pushteti lokal edhe për të çuar autobusë, pra nuk ka dyshim që para tjetër po përdor mjete të dënueshme.

Por pavarësisht kësaj, mesa duket diaspora dhe shqiptarët e kanë në ndërgjegje të qartë se çfarë do të bëjnë dhe që do të votojnë numrin 1”, u shpreh ajo.

The post Jozefina Topalli: Mazhoranca bën presione për të manipuluar votën e diasporës appeared first on Albeu.com.

Topalli tregon se e larguan një periudhë të keqe të partisë, por me rithemelimin ajo ishte ndër të parat prezente në PD, ndërsa përgjatë asaj kohë ka mbajtur një profil të ulët për të mos ndikur, apo për të mos qenë e përfshirë në problematikat e partisë në atë kohë.

“Kjo ka qenë një periudhë e vështirë për Partinë Demokratike, nuk jam larguar ndonjëherë, më kanë larguar një periudhë të caktuar por me rithemelimin jam një ndër të parat që kam qenë aty.

Kam punuar në qarkun e Lezhës në strukturat e Partisë Demokratike, kam mbajtur një profil të ulët se nuk kam dashur që interferoj në nasnjë lloj mënyrë brenda probleme që kishte Partia Demokratike.

Tani që PD ka kaluar momentet e saj më të vështira, që vijnë jo vetëm përmes përçarjeve që i janë bërë kohët e kaluara, por vijnë dhe përmes marrjes së vulës, flamurit, të arrestimit të kryetarit të opozitës.

Të gjitha këto kanë qenë ngjarje shumë të rënda jo vetëm për forcën opozitare, por për pluralizmin dhe opozitarizmin në përgjithësi”, tha Josefina Topalli.

The post Përse ike nga Partia Demokratike? Jozefina Topalli: Nuk u largova kurrë, qëndrova në hije, s’kam dashur të interferoj appeared first on Albeu.com.

Topalli ka bërë të ditur tre hapat që sipas saj, u duhen qytetarëve shqiptarë në Diasporë të regjistrohen për zgjedhjet.

Sipas Topallit, zgjedhësi, që banon nga jashtë territort të Shqipërisë ka të drejtë për t’u regjistruar nga data 11 Janar.

Mesazhi i Topallit:

Zgjedhësi, qe banon nga jashte territor te Shqiperise ka te drejte per t’u rregjistruar nga data 11 Janar.

Rregjistrimi behet ne platformen e KQZ.

Për këtë ai ngarkon në platformë:

(a) numrin e tij personal të identifikimit, datëlindjen dhe vendlindjen e tij;

(b) një pamje të fytyrës së tij nëpërmjet sistemit të verifikimit të pranisë së gjalli të personit

(c) një numër telefoni mobile dhe/ose nje adresë email

Partia Demokratike ka bërë publike regjistrimin on-line për diasporën në faqen e saj zyrtare, ‘Diaspora zgjedh Atdheun’.

The post Zgjedhjet e 11 majit/ Jozefina Topalli mesazh Diasporës: Ja tre hapat që duhet të ndiqni për t’u regjistruar appeared first on Albeu.com.

Sipas saj, Berisha është arrestuar pa akuza.

Gjithashtu, ajo thekson se ky vendim, i marrë kur hetimet janë mbyllur, nuk është thjesht i pa mbështetur ligjërisht; ai është një absurd juridik që sfidon çdo parim të shtetit ligjor.

Reagimi:

Një vendim absurd nga drejtësia e politizuar
Dje kemi qenë dëshmitarë të një tjetër vendimi politik nga sistemi i drejtësisë: detyrimi për paraqitje ndaj Sali Berishës, liderit të opozitës.

Ky është një akt që sfidon logjikën juridike dhe parimet themelore të drejtësisë.

Ky vendim, i marrë kur hetimet janë mbyllur, nuk është thjesht i pa mbështetur ligjërisht; ai është një absurd juridik që sfidon çdo parim të shtetit ligjor.
Në fakt, absurdi ka shoqëruar çdo fazë të këtij procesi politik.

Berisha është arrestuar pa akuza.

Kryetari i opozitës është mbajtur në arrest shtëpie për 333 ditë, në shkelje të hapur të Kushtetutës dhe ligjeve të vendit.

Është dënuar nga një gjyqtare e shkarkuar për korrupsion nga vetë Presidenti Berisha.

Procesi ka nisur nga një ministër i qeverisë aktuale.

Bazohet në një VKM kolegjiale të miratuar 20 vite më parë.

Me vetëm 4 muaj nga zgjedhjet, është e pamundur të mos e lidhim këtë proces me fushatën elektorale dhe përdorimin e drejtësisë nga pushteti aktual.

Kjo është një “gjueti shtrigash” e orkestruar për të ndikuar në rezultatin zgjedhor.

Ironikisht, duke ndjekur këtë rrugë të gabuar, kundërshtarët e tij po e shndërrojnë Sali Berishën në një figurë të persekutuar padrejtësisht, e cila në vend që të dobësohet, fiton mbështetje dhe solidaritet.

Historia ka treguar se padrejtësitë vetëm i forcojnë figurat si Berisha dhe i rrënjosin më thellë në ndërgjegjen publike.

“Kur drejtësia bëhet e politizuar, ajo humbet çdo lidhje me ligjin dhe shndërrohet në një mjet të pushtetit, duke cenuar themelet e një shoqërie të drejtë dhe të barabartë”.
Drejtësia e politizuar nuk është drejtësi!

The post Masa “detyrim paraqitje” për Berishën/ Reagon Jozefina Topalli: Vendim absurd nga drejtësia e politizuar appeared first on Albeu.com.

Ajo theksoi se shqiptarët, kudo që ndodhen, janë një komb i bashkuar, që kujdeset për atdheun.

“Vota juaj nuk është thjesht një e drejtë, por një detyrë patriotike. Ju ftoj që të regjistroheni dhe të siguroheni që vota juaj të dëgjohet”, shprehet Topalli.

FJALA E JOZEFINA TOPALLIT NË PARMA:

Të dashur bashkatdhetarë,

Është një nder dhe kënaqësi të jem sot këtu mes jush, duke ndarë të njëjtat emocione për atdheun tonë të përbashkët, Shqipërinë.

Ju jeni pjesa më e ndritshme e kombit tonë, një urë e fortë që lidh vendin tonë me botën.
Sot dua t’ju bëj një thirrje të rëndësishme: Shqipëria ka nevojë për zërin tuaj.

Për herë të parë, diaspora shqiptare ka mundësinë reale të ndikojë në të ardhmen e vendit tonë përmes votës.

Kjo është një mundësi historike, jo vetëm për të zgjedhur drejtuesit tanë, por për të dhënë një mesazh të qartë: Shqiptarët, kudo që ndodhen, janë një komb i bashkuar, që kujdeset për atdheun.

Vota juaj nuk është thjesht një e drejtë, por një detyrë patriotike.

Ajo përfaqëson shpresën dhe përgjegjësinë për të ndërtuar një Shqipëri më të mirë, për ne dhe për brezat e ardhshëm.

Të gjithë së bashku mund të sjellim ndryshimin që duam të shohim.

Prandaj, ju ftoj që të regjistroheni dhe të siguroheni që vota juaj të dëgjohet.

Shqipëria ju pret, ashtu si gjithmonë, me zemër të hapur dhe me shpresën që diaspora të jetë një zë i fuqishëm i së ardhmes.

Bashkë mund të bëjmë më shumë. Faleminderit dhe le ta bëjmë këtë hap të rëndësishëm për vendin tonë!

The post Jozefina Topalli me shqiptarët në Parma: Vota e emigrantëve është votë patriotike, të bëhemi bashkë për ndryshimin appeared first on Albeu.com.

Herë pas here, ish-kryeparlamentarja del në skenë, ku edhe vijon angazhimin e saj si demokrate, ndonëse këtë herë larg selisë së Parlamentit, të cilën e drejtoi për 8 vite.

Duke e pasur të pamundur protestën para Parlamentit, Topalli ka zgjedhur të protestojë përpara kryesisë së Kuvendit, ku pak ditë u mbajt mbledhja për Berishën.

Jozefina ka qenë nën shoqërinë e disa deputetëve dhe ish-deputetëve të Partisë Demokratike, ku edhe ka qëndruar gjatë mes protestuesve.

Si duket, edhe stili i saj tashmë që nuk është më pjesë e politikës aktive, ka ndryshuar. Gjithnjë e më shpesh jemi duke e parë të veshur sportive dhe me atlete, ku edhe ka lënë pas kostumet e politikanes, apo edhe takat.

The post Jozefina Topalli shfaqet e veshur sportive në protesta appeared first on Albeu.com.

Pikërisht sot ka zgjedhur që përmes një statusi të gjatë të flasë për sfidat  saj, për pengjet, sakrificat dhe për eksperiencat e pafundme që jeta i ka ofruar.

Ajo thekson se pavarësisht vështirësive jeta e ka dashur shumë sepse i ka dhënë gjithçka, një karrierë shumë të mirë dhe një familje dhe bashkëshort të mrekullueshëm.

Krahas statusit ish-kryetarja e Kuvendit ka publikuar dhe foto të saj nga fëmijëria.

Statusi i Plotë:

Ne kete dite shume speciale per mua, ndihem me e lire nga cfare isha 30 vjece, me konfidente dhe ne te njejten kohe me e perulur, … por edhe e veshur me nje eksperience te pafundme

Jeta ime ka patur ulje dhe ngritje shume te forta,.

Edhe pse ajo shpesh nuk eshte varur nga une, ne ate pjese qe ndikohej nga une,ne udhen time, zgjedhjet e zgjidhjet , cdo gje e cdo here i kam bere ne menyren time..

Jo pak here as nuk me kane kuptuar, shume here me kane keqkuptuar, por kjo nuk me ka frenu me besu ne ate qe konsideroja te drejte.

Une kam patur fat , qe jo te gjithe e kane. Kam dy femije, qe nuk me kane lenduar kurre zemren;
Kam bashkeshortin , qe me ka mbeshtetur gjithmone edhe kur mendonte ndryshe nga une, duke u bere ne fakt shtylla e ekuilibrit dhe e gezimit ne shtepine tone, me mencurine, tolerancen dhe humorin e tij.

Por une nuk jam vetem nje mame e lumtur e dy femijeve te dashur, as vetem bashkeshorte e priviegjuar, sot familja jone eshte zgjeruar me dy nipa, qe me japin dashuri te pa fundme.

Ne kete dite kujtoj nanen e baben, qe na rriten permes sakrificave e varferise me dashuri te madhe.

Ata kurre nuk na percollen ne vuajtjet, ankthet e frikerat e tyre per te ardhmen tone.

Pavaresisht stuhive te jetes se tyre, ata na e bene femijerine time, te vellait e te motres, te bukur e te pa shoqe; na mesuan edukaten, punen, dinjitetin e dashurine per familjen e njerezit.

Per anet e tjera te jetes une kam qene gjithmone vehtja ime.

Une nuk mund te isha ajo, qe nuk jam.

Kam filluar te punoj per te ndihmuar familjen qekur isha 12 vjece.

Kam patur kurajon per te rrezuar ne fillim te gjithe muret e mia.

Kam qeshur e kam qare, kam gabuar ,kam humbur , kam punuar dhe kam fituar.

Por, cdo gje e cdo here e kam bere ne menyren time..duke bere kujdes te ruaja perhere dinjitetin!

Nga nje gjimnaziste fituese olimpiadash te matematikes ne punetore bujqesie ( gjysem e internuar) , deri dhe Kryetarja e pare e Parlamentit grua.

Qe e vogel kam vendosur , qe te mos ecja ne hijen e askuj.

Me thonin se jam e ashper , kur punoja per ate qe mendoja se ishte e drejte!; kur luftoja per te rrezuar guret e murit te krimit e te pa drejtesive ne Kuvend!

Nuk i kam kthyer kurre shpinen njeriut, por edhe nuk kam dashur kurre te ik nga vehtja ime.

Me thonin se jam e forte , kur ne fakt isha me shume e ndrojtur.

Kam jetuar vetem cfare kam besuar, por me nje kosto jo te vogel per familjen time e ne vecanti per femijet e mi qe nuk kishin mamen e tyre ne shpi si cdo femije 1 vjec sic ka qene Genari kur une hyra ne Parlament, ne nje kohe shume te veshtire per PD.

Ky eshte nje peng qe do me ndjek deri kur te kem fryme.

Thuhet se cdo ditelindje eshte nje fillim i ri. Une ashtu e ndjen.

Dua jeten dhe dua perseri sfiden.

Falenderoj te gjithe ata, qe me mbeshteten e me deshen pa interes!

The post Jozefina Topalli feston 60-vjetorin, bën postimin e veçantë: Rruga ime ka qenë unike appeared first on Albeu.com.