Teksa ka ndarë një video në “Facebook” për rastin në fjalë, Berisha thotë se të resë i hoqën oksigjenin në spital dhe në prokurori e polici prishen provat.

“Shpirti i 22 vjeçares nga Kenia, Joy Ayoko kërkon drejtësi. Vrasesi i saj mbrohet nga qeveria. Shkruhet se në spital i hoqën oksigjenin, në prokurori dhe polici prishen provat. Për të mbrojtur kriminelin u përdorën të gjithë fuqitë kriminale të shtetit”, shkruan Berisha.

Ndërkohë autoritetet keniane kanë nisur përgatitjen e përgjigjes së letërporosisë së dërguar nga prokuroria shqiptare lidhur me çështjen e vdekjes së vajzës keniane Joy Ayoko. Tre ditë më parë Drejtoria e Hetimeve Penale të INTERPOL Kenias ka kontaktuar nënën e Joyt, Ruth Abongo dhe i kanë kërkuar raportin e vdekjes së Joyt për llogari të autoriteteve shqiptare, të cilën nëna ia ka dërguar 3 ditë më parë.

Po ashtu mësohet se përveç raportit të vdekjes së Joyt në letërporosi autoritetet shqiptare kanë kërkuar edhe marrjen në pyetje të nënës së Joyt, motrës dhe vëllait të Joyt dhe shoqes së Joyt në Kenia, me të cilën 22-vjeçarja ka komunikuar pak minuta para ngjarjes së rëndë ku u dhunua barbarisht.

The post Berisha: 22-vjeçares Joy Ayoko i hoqën oksigjenin në spital, vrasësi i saj mbrohet nga qeveria appeared first on Albeu.com.

Po ashtu mësohet se përveç raportit të vdekjes së Joyt në letërporosi autoritetet shqiptare kanë kërkuar edhe marrjen në pyetje të nënës së Joyt, motrës dhe vëllait të Joyt dhe shoqes së Joyt në Kenia, me të cilën 22-vjeçarja ka komunikuar pak minuta para ngjarjes së rëndë ku u dhunua barbarisht.

News24 ka publikuar të dhëna e dëshmi ku është zbuluar se shoqja e dhomës së Joyt, Emily Mutua i ka thënë motrës së Joyt autorin e vrasjes së 22-vjeçares dhe për këtë arsye do të pyetet edhe motra e Joyt. Këto persona pritet të merren në pyetje në ditët në vijim nga autoritetet keniane sipas pyetjeve që i kanë nisur autoritetet shqiptare dhe më pas do i kthehet përgjigje letërporosisë së prokurorisë shqiptare.

Autoritetet keniane kanë nisur kontaktimin e personave që do pyeten. Po ashtu autoritetet shqiptare kanë kërkuar informacion edhe për laptopin e Joyt, i cili ndodhet në Kenia, pasi për grupin hetimor mund të jetë një provë e rëndësishme. Sipas informacioneve nga avokati mbrojtës i vajzës keniane, prokuroria po pret mbërritjen e përgjigjeve të letërporosisë nga Kenia, si prova të rëndësishme për zbardhjen e ngjarjes./news24

The post Vdekja misterioze e Joy Ayoko, zbardhen detaje nga letërporosia për autoritetet e Kenias, çfarë kërkon prokuroria shqiptare appeared first on Albeu.com.

E reja fatkeqe u dhunua barbarisht verën e vitit të kalur dhe pas 6 muajsh në koma ndërroi jetë në Kenia. Burime për Report Tv bëjnë me dije se një tjetër punonjëse e kazinosë do të merret në pyetje në lidhje me vdekjen e kenianes, Joy Ayoko

Policia është në pritje të urdhrit që të japë prokuroria për të shoqëruar punonjësen e kazinosë. Dëshmia e saj pritet të ndihmojë në zbardhjen e vdekjes së kenianes. Keniania 22 vjeçare kishte ardhur në Shqipëri dhe ishte punësuar në një kazino. Në trupin e saj u konstatuan dëmtime të shumta në kokë e në brinjë. Dyshohet se e reja pasi u dhunua mund të jetë hedhur nga kati i dytë i banesës ky jetonte me qira.

Disa ditë më parë Ministria e Drejtësisë dërgoi në Kenia një letërporosi në lidhje me vdekjen ende të pazbardhur të Joy Aokos.
Ndërkohë në vendin tonë janë caktuar 3 ekspertë që po merren me zbërthimin e akt-ekpsertizës rreth dinamikës së ngjarjes dhe plagëve në trupin e të resë nga Kenia.

Me mbërritjen e përgjigjes nga shteti afrikan, përfundimet e ekspertëve shqiptarë do të analizohen në mënyrë që të gjendet një version përfundimtar i ngjarjes.
Disa aparate celulare janë gjithashtu duke u verifikuar, mes të cilëve edhe ai i shtetasit Rodi Baçi, ish-shoferi i kazinosë ku punonte e reja dhe i përfolur si ish-i dashuri i viktimës.

Ende nuk është konfirmuar gjetja e ndonjë të dhëne me vlerë dhe që do të përcaktonte hetimet nga kontaktet e viktimës me persona të dyshimtë të përfshirë në ngjarje. Kujtojmë që disa ditë më parë Rodi Baçi u mor në pyetje, gjithashtu edhe disa shokë të tij, me qëllim për të ndeshur ndonjë element të dyshimtë apo kontradiktor që mund ti çonte hetuesit drejt një piste konkrete për ngjarjen./albeu.com/

The post Kush e vrau Joyn?! Pritet të merret në pyetje një tjetër punonjëse e kazinosë appeared first on Albeu.com.

Sipas Klan News Prokuroria e Tiranës ka identifikuar nga kamerat e sigurisë një punonjës të kazinosë ku punonte 22-vjeçarja, i cili është shtuar në listën e të dyshuarve.

Gjatë marrjes në pyetje ai ka pranuar se e ka shoqëruar disa herë Joy Aokon në banesën ku ajo qëndronte.

Ky punonjës ka pohuar gjithashtu se një natë është ngjitur bashkë me 22-vjeçaren në banesën ku ajo qëndronte. Polica e ka identifikuar këtë punonjës nëpërmjet kamerave të sigurisë së një ambasade, duke lëvizur me scuter.

Ai ka pranuar se më herët ka lëvizur me biçikletë ndërsa kohët e fundit para se të ndodhte ngjarja kishte blerë scuterin.

Por sa i përket dhunimit me pasojë vdekjen e 22-vjeçares keniane, nuk ka ende asnjë person të arrestuar.

The post Drejt zbardhjes misteri i vrasjes së Kenianes që punonte në kazino? appeared first on Albeu.com.

Pak ditë më parë, oficerë të komisariatit numër 1 kanë shoqëruar për të marrë në pyetje një tjetër person, emir i të cilit doli pas dëshmive që dhanë Rodi Barçi, shoferi i kazinosë ku punonte keniania, si dhe miqtë e tij. I hetuari i ri i policisë dhe prokurorisë, emri i të cilit nuk bëhet publik për shkak të hetimeve, gjithashtu mësohet se është punonjës po në të njëjtën kazino.

Gjatë deklarimeve, ai ka pohuar se kishte pasur marrëdhënie intime me 22 vjeçaren para se të ndodhte ngjarja, por nuk kishte dijeni për ndonjë konflikt të saj.

Nga kqyrja që i është bërë kamerave të sigurisë së kazinosë ka rezultuar se i hetuari dhe vajza keniane shiheshin shpesh nën shoqërinë e njëri-tjetrit.

Edhe në sajë të provave të mbledhura në banesën ku jetonte Joy, hetuesit kanë zbuluar se ai kishte qenë në banesën e kenianes dy ditë para se ajo të gjendej në gjendje të rëndë, 13 gushtin e vitit të kaluar.

Keniania 22 vjeçare kishte ardhur në Shqipëri dhe ishte punësuar në një kazino. Në trupin e saj u konstatuan dëmtime të shumta në kokë e në brinjë. Dyshohet se e reja pasi u dhunua mund të jetë hedhur nga kati i dytë i banesës ky jetonte me qira.

Deri më tani, nuk ka persona të arrestuar për këtë ngjarje. Ndërkohë që policia dhe prokuroria janë në pritje të zbardhjes së bisedave telefonike që do të përfitohen nga dy celularët e 22 vjeçares, njëri prej të cilëve është në duart e hetuesve të SPAK për t’u çkoduar. Hetuesit kanë kërkuar nga nëna e kenianes që t’u vihet në dispozicion edhe laptopi i Joyt nëse në të mund të përfitohen prova me vlerë për hetimin./Albeu.com/

The post Kush e vrau Joyn?! Një tjetër i dyshuar, punonjësi i kazinosë kishte lidhje me vajzën keniane appeared first on Albeu.com.

Ndërkohë në vendin tonë janë caktuar 3 ekspertë që po merren me zbërthimin e akt-ekpsertizës rreth dinamikës së ngjarjes dhe plagëve në trupin e të resë nga Kenia.

Me mbërritjen e përgjigjes nga shteti afrikan, përfundimet e ekspertëve shqiptarë do të analizohen në mënyrë që të gjendet një version përfundimtar i ngjarjes.

Disa aparate celulare janë gjithashtu duke u verifikuar, mes të cilëve edhe ai i shtetasit Rodi Baçi, ish-shoferi i kazinosë ku punonte e reja dhe i përfolur si ish-i dashuri i viktimës.

Ende nuk është konfirmuar gjetja e ndonjë të dhëne me vlerë dhe që do të përcaktonte hetimet nga kontaktet e viktimës me persona të dyshimtë të përfshirë në ngjarje.

Kujtojmë që disa ditë më parë Rodi Baçi u mor në pyetje, gjithashtu edhe disa shokë të tij, me qëllim për të ndeshur ndonjë element të dyshimtë apo kontradiktor që mund ti çonte hetuesit drejt një piste konkrete për ngjarjen.

Megjithatë, pasi janë marrë në pyetje për disa orë, ata nuk kanë kontradita dhe nuk kanë ngritur dyshime se mund të kenë dijeni, arsye për të cilën edhe janë lënë të lirë.

Teksa asnjë version nuk përjashtohet, besohet se Joy ka rënë nga lartësia në vendin ku është gjetur, megjithatë është mjaft e vështirë të përcaktohet nëse është shtyrë, ka qenë incident nga pakujdesia e të resë apo veprim në kushtet e ekstremitetit që viktima ta ketë marrë vetë.

Nuk përjashtohet edhe rasti kur e reja mund të jetë nxitur ta kryente një veprim të tillë.

The post Vdekja misterioze e Joy Ayoko, Ministria e Drejtësisë dërgon letërporosi në Kenia appeared first on Albeu.com.

Një prej skenave më të forta të super filmit të Martin Scorsese “Casino” është ajo teksa Robert de Niro në rolin e “Sam” në rolin e një menaxheri kazinoje pret për një takim Nicky Santoron, luajtur nga Joe Pesci. Santoro ishte personazhi që mbaronte punët e pista të pronarëve të kazinove në Las Vegas dhe vetë Sam ishte i trembur nga takimi me të, pasi ky udhëtim në shkretëtirë mund të ishte i fundit për të.

Teksa pret Nicky-n, Sam kujton edhe se si kishin hapur dhjëtëra gropa nëpër shkretërirën përreth kazinove duke futur aty të gjallë apo të vdekur çdo lojtar apo punonjës kazinoje që tentonte “t’ia fuste shtëpisë”. Me shtëpi kuptohet kazinoja dhe pronarët e saj.

Ndërkohë që ky është super skenar i Scorseses, policia shqiptare dyshon se në fakt një skenë e ngjashme është luajtur edhe në verën e vitit të shkuar në Tiranë, ku tashmë aktorë janë po ashtu një pronar apo menaxhëer kazinoje, disa “të fortë” që bëjnë punë të pista dhe një punonjëse që mund të ketë tentuar “t’ia fusë shtëpisë”.

Bëhet fjalë për vrasjen makabre të kenianes Joy Ayoko vitin e shkuar, cila u gjet e rrahur dhe e lënë e vdekur pranë “Floëer Residence” në Tiranë ku jetonte për të ndërruar jetë disa muaj më parë në spital pasi ndejti për kohë të gjatë në koma.

Mediat raportojnë se krahas Rodi Barçit dhe rrahjes së saj për vdekje për çështje banale siç janë raportet intime apo sherri mes Joy-y dhe atij apo ndonjë tjetri të përfshirë në një përballje të tillë, policia po heton edhe si shkak të mundshëm të vrasjes së saj, dhënien informacion ndaj një lojtari kazinoje, i cili dyshohet se ka fituar shuma të mëdha parash.

Nga të dhënat mësohet se policia po verifikon informacionet se gjatë punës së saj si krupiere, Joy ka ndihmuar një lojtar të kazinosë të fitojë shuma të mëdha, gjë që ka bërë pronarët dhe menaxherët që të dyshojnë duke çuar në rrahjen e saj për vdekje.

Policia po kërkon të gjejë këtë lojtar dhe ta marrë atë më pyetje për të zbuluar detaje të tjera. Vërtetimi i një skenar të tillë do ta fuste tregun e kazinove në Shqipëri për hërë të parë në një terren kriminal të ngjashëm me shembujt më të këqinj në botë ku të përfshirë janë trafikantë, ndërtues që pastrojnë para, kriminelë dhe personazhe me lidhje të forta në majat e pushtetit që vrasin pa iu dridhur qerpiku duke mundur ta fshehin ngjarjen për shumë muaj.

Policia dhe prokuroria duhet të zbardhin një ngjarje tillë, e cila duket se hap edhe një front të ri të organizatave kriminale në vend, krahas trafikut të drogës, vrasjeve me pagesë dhe pastrimit të parave! /E.S-albeu.com

The post Skenari i filmit të famshëm, a u vra Joy Ayoko se tentoi “t’ia fuste shtëpisë”? appeared first on Albeu.com.

22-vjeçarja u dhunua brutalisht dhe u hodh nga kati i dytë i banesës ku jetonte në rrugën “Pandeli Evangjeli” në Tiranë vitin e kaluar.
Që atëherë keniania ishte në gjendje kritike dhe kishte nevojë për kujdes të specializuar neurologjik. Ajo ndodhej në banesë me 5 persona, katër prej të cilëve ishin shqiptarë.

Mes 22-vjeçares dhe personave ka ndodhur një sherr dhe më pas ata e kanë dhunuar barbarisht dhe e kanë hedhur nga ballkoni i katit të dytë.

Ndërkaq duket se ngjarja po shkon tashmë drejt zbadhjes. Hetuesit kanë dyshime se 22 -vjeçarja ka dhënë informacion për mënyrën se si luante në kazino një lojtari, i cili kishte fituar shumë të mëdha parash.

Lojtari fitues është identifikuar nga policia dhe pritet të meret në pyetje. Dëshmia e tij mund të ndihmojë hetuesit për zbardhjen e dhunimit të kenianes, që çoi deri në vdekjen e saj.

Ka dyshime të forta që manovrat e kenianes dhe lojtarit të jenë zbuluar nga stafi i kazinosë dhe kjo gjë të jetë bërë shkak i ngjarjes së rëndë.
Gazetari Igli Çelmeta raporton  se 6 të shoqëruarit, mes tyre dhe Rodi Barçi, shoferi i kazinos dhe vëllai i tij, pasi janë marrë në pyetje lidhur me ngjarjen janë lënë të lirë. Këtyre personave iu janë sekuestruar edhe telefonat celularë.

Përveç vëllait të Rodi Barçit të shoqëruarit e tjerë janë miqtë dhe shokët e ngushtë të shoferit të kazinos.

Sa i përket dëshmisë së Barçit ai ka mbajtur të njëjtin qëndrim, me dëshminë e parë, ku ka mohuar të jetë i përfshirë në ngjarje dhe se kishin pasur një marrëdhënie intime, por që i kishin dhënë fund pak para ngjarjes.

Të njëjtat burime thonë se drejt Kenias janë dërguar letër porosi lidhur për autopsinë e kenianes dhe pritet që dhe Interpol të përshpejtojë procedurat për bashkëpunim lidhur me ngjarjen.

Ndonëse telefonat janë sekuestruar grupi hetimor ka hasur vështirësi në telefonin e kenianes për shkak se ajo përdorte numër kenian dhe gjithashtu telefoni i saj ka qenë i dëmtuar, sa i përket komunikimeve edhe ato janë në gjuhë keniane dhe disa edhe anglisht kështu që pritet edhe të përkthehen.

Ndërkohe një ndër pikëpyetjet e mëdha është edhe deklarata e mikeshave të Joy-t. Burimet thanë se në deklarimet e para që u janë marrë Emilit dhe Joy Brenda dhe janë ripyetur disa herë. Ndonëse hetimet vijojnë pritet që zbërthimi i telefonave celularë të ndihmojë grupin hetimor për zbardhjen e plotë të ngjarjes.

Teksa natën e ngjarjes nga pamjet filmike është parë një person, i cili është afruar pranë hostelit ku jetonte 22-vjeçarja Joy Ayoko. ./albeu.com/ 

The post Kush e vrau 22-vjeçaren keniane? Dyshohet se Joy i dha informacion një lojtari të kazinosë që fitoi miliona appeared first on Albeu.com.

“Kush e vrau Xhoin?”

Kanë kaluar dy muaj që Xhoi ndërroi jetë dhe 8 muaj nga ngjarja që i solli asaj vdekjen. Autoritetet vijojnë ende hetimet, por ende asnjë rezultat. Përse po zgjatet kaq shumë çështja e vajzës keniane? Përse drejtësia nuk ka folur në një kohë kaq të gjatë? Ne do të tregojmë sërish se çfarë po ndodh me historinë e Xhoit, çfarë është zbuluar deri më tani dhe çfarë e shkaktoi vdekjen e saj.

News24 ka siguruar raportin e vdekjes së Xhoit nga spitali i Kenias, ku ajo frymoi për herë të fundit. Raporti thotë se Xhoi ndërroi jetë më 13 shkurt 2022 në orën 06:00 të mëngjesit në Spitalin Universitar Kenyatta ndërsa po merrte aty trajtimin mjekësor.

Autopsia e vdekjes është bërë më datë 15 shkurt 2023, dhe në të thuhet se vajza ka hematoma kranike në pjesën e sipërme të trurit të vogël me shenja nekroze dhe ënjtje. Po ashtu mushkëria e djathtë ka 60% ngjitje në murin e kraharorit dhe strukturën përreth si pasojë e goditjeve që ka marrë.

Rezultati përfundimtar i raportit të vdekjes së Xhoit thotë se shkaku i vdekjes ishte edema e trurit për shkak të dëmtimit të kokës nga përplasja dhe goditjet me forcë. Truri i Xhoit ishte i fryrë dhe i mbërthyer në kafkë, thuhet në raportin e vdekjes.

Pra, sipas raportit, truri i Xhoit nga dëmtimet e rënda dukej sikur kishte vdekur dhe nuk kishte asnjë shans për të mbijetuar dhe se ajo ishte pothuajse e vdekur kur arriti në Kenia. Sipas përshkrimit në raport, për shkak të hematomave të rënda kuptohet që mjekët nuk mund të bënin asgjë për ta mbajtur Xhoin në jetë. Në raportin e vdekjes thuhet se vajza ndërroi jetë prej dëmtimeve të rënda që ka marrë si pasojë e dhunës së ushtruar mbi të. Pra ky raport vërteton faktin se kemi të bëjmë me një vrasje dhe se kushdo që e ka sulmuar Joyn duhet të mbajë përgjegjësi për vdekjen e saj.

Le t’i rikthehemi edhe njëherë ngjarjes.

Çfarë ndodhi rreth orës 4 pas mesnatës të 13 gushtit në dhomën e Xhoit, kush ishin personat që u futën brenda dhomës së vajzës 22-vjeçare? Grupi hetimor ka prova se e gjithë ngjarja është zhvilluar në banesën ku jetonte Xhoi. News24 mëson nga burime të sigurta pranë grupit hetimor se brenda dhomës së Joyt ka qenë më shumë se një person. Pra, kjo ngjarje ka autorë dhe bashkëpunëtorë. Ka dyshime të forta se Xhoi është dhunuar nga më shumë se një njeri. E gjithë ngjarja është zhvilluar nga ora 03:30 minuta deri në orën 06:30 kur në banesë mbërriti shoqja e dhomës së Xhoit, Emili Mutua.

Çfarë roli ka Emili në këtë histori, shoqja e dhomës së Xhoit, e cila u kthye nga puna mëngjesin e 13 gushtit dhe nuk e gjeti Xhoin në banesë? Përse më pas ajo i kërkoi shoqes së ngushtë të Xhoit paswordet e dy telefonave të saj? Joy Brenda shoqja e 22-vjeçares konfirmon faktin se Emili i ka marrë paswordet e telefonave te Joyt.

“Është e vërtetë që Emili më ka telefonuar dhe më ka kërkuar passwordin e telefonave të Xhoit. Më telefonoi e më tha se pranë saj ishte policia dhe se kërkonin të dinin passwordet e Xhoit, sigurisht nëse i kisha. Ne përdornim të njëjtin password me Xhoin dhe ia dhashë policisë, në mënyrë që të ndihmoja në hetim sepse bisedat janë në telefon dhe policia mund të shikojë çdo person me të cilin bisedonte Xhoi. Kështu që isha e vetëdijshme që do të ndihmoja në hetimin e ngjarjes. Nuk më kujtohet data e saktë apo dita që ma kërkuan paswordin sepse ka kaluar pothuajse një vit, por Emili më tha që ishte me policinë dhe se policia po kërkonte fjalëkalimin e telefonit. Pasi dhashë kodin, nuk kam biseduar më me Emilinë në lidhje me ngjarjen. Nuk e kam pyetur kurrë Emilinë në lidhje me këtë ose nëse di diçka. Ne nuk kemi folur kurrë për Xhoin”, ka deklaruar Joy Brenda, shoqja e 21-vjeçares që u vra.

Pyetja që lind është çfarë kërkonte të shihte Emili në telefonat e Xhoit apo çfarë donte të fshinte nga dy telefonat? A është e vërtetë që Emili i kërkoi paswordet e telefonave të Xhoit në prani të policisë në orën 1 të natës së 14 gushtit kur bëri edhe denoncimin për zhdukjen e shoqes së saj të dhomës? Përse policia duhet t’i kërkonte Emilisë të telefononte Xhoi Brendën për të marrë kodin e telefonave të Xhoit, kur kjo është një procedurë që policia mund ta bënte vetë? News24 ka informacione se Emili i ka kërkuar Xhoi Brendës paswordet e telefonave te Xhoi Ayokos para se të shkonte në polici dhe të bënte kallëzim, madje mund të tregojmë edhe paswordin me të cilin u hap telefoni i Xhoit, ai ishte 14 78 52. Pra, vetë shoqja e Xhoit, Xhoi Brenda vërtetoi se Emili i mori kodet e telefonave të Xhoit. Por edhe nëna e Xhoit, Ruth Abongo më parë shpjegoi se si veproi Emili, duke hedhur dyshime të forta si bashkëpunëtore në fshehjen e provave të ngjarjes.

DËSHMIA E NËNËS SË EMILI, RUTH ABONGO

Menaxheri ka telefonuar Emilinë në orën 14:30 të drekës dhe e ka pyetur “Si je Emili? Xhoi nuk ka ardhur në punë dhe ajo i kthehet “Me sa shoh nga krevati i saj, duket sikur diçka e frikshme ka ndodhur. Xhoi nuk është në krevat dhe krevati është njësoj siç e gjeta në mëngjes. Unë ndihem e frikësuar”. Dhe menaxheri i thotë, “nëse ka diçka që nuk shkon, çfarë mund të jetë? Atëherë më prit sa të vij në shtëpi”. Emili i thotë, “jo mos hajde në shtëpi, më lër të vij te zyra sepse jam e frikësuar dhe më pas kthehemi të dy në shtëpi”.

Emili shkon në kompani duke e lënë shtëpinë ashtu siç ishte dhe më pas kthehet në banesë me tre menaxherë: menaxherin që e kishte marrë në telefon, menaxherin e turnit dhe një tjetër menaxher. Pra, vijnë tre menaxherë dhe Emili. Ajo që nuk kuptoj është se Emilija i telefonoi Xhoi Brendës dhe më pas ose Emilija, ose Xhoi Brenda i telefonuan shoferit sepse sipas Emilisë, në kohën që ajo po kthehej në shtëpi ajo takoi shoferin në zyrë. Mes shumë shoferëve që kompania ka, pse ata i telefonuan këtij shoferi atë ditë? Xhoi Brenda i telefonoi shoferit pasi Emili i kishte telefonuar Xhoi Brendës për ta pyetur nëse Xhoi ishte me të sepse të dy telefonat e saj gjendeshin në banesë dhe shtrati i saj ishte rrëmujë.

Duket sikur ka pasur një luftë dhe diçka e keqe mund të ketë ndodhur. Duke qenë se Xhoi Brenda e dinte për shoferin, Xhoi Brenda i telefonon shoferit dhe e pyet a është me Xhoin. A ke ndonjë informacion sepse ajo nuk është në shtëpi. Më pas Xhoi Brenda i jep Emilisë paswordin për telefonat e Xhoit pasi të dy telefonat e saj ishin mbi shtrat. Emilia nuk e dinte paswordin por Xhoi Brenda duke qenë shoqe e ngushtë me vajzën time e dinte kodin. Nuk e di pse Emili nuk më tregoi për arsyet se përse ajo hapi telefonat e Xhoit. Por ajo kontrolloi të gjithë komunikimet që ishin në telefon.

Këtë fakt mund ta vërtetojë edhe policia me prova, duke hapur tabulatet telefonike. Nëse Emili i kërkoi Xhoi Brendas kodin e telefonave para se të shkonte në polici, atëhere Emili di të gjithë të vërtetën e asaj që ndodhi me Xhoin. Për veprimet që ka kryer Emili sipas ligjit ka konsumuar veprën penale “veprime që pengojnë zbulimin e së vërtetës” dhe nuk duhej të ishte e lirë.

Po ashtu shoqja e saj e ngushtë e Xhoi Ayokos, Xhoi Brenda thotë se edhe pse ishte shoqe me Xhoin ajo nuk dinte çdo gjë rreth jetës së saj, pasi nuk jetonin bashkë dhe se nëse do të jetonin bashkë ajo do të dinte më shumë se çfarë ndodhi me shoqen e saj. Mesazh ky i Xhoi Brendës për të thënë që Emili di të vërtetën, Ndërkohë, siç dihet Xhoi Ayoko jetonte me Emilinë.

DËSHMIA E SHOQES XHOI BRENDA

Shumë nga ju mendoni se ne dimë gjithçka. Edhe pse unë jam shoqja e saj, nuk di shumë gjëra. Kam pyetur veten, në një situatë si kjo, mund të mendoj se ajo po takonte këtë ose atë person, por nuk e di se ne as nuk jetonim së bashku. Po të kishim jetuar së bashku do të kishte qenë më ndryshe sepse Xhoi ishte një vajzë që fliste. Kur dilte, do më thoshte, Xhoi unë po dal ose do të shkoj të takoj këtë person, ose po shkoj për të pirë diçka me këta shokë.

Por unë nuk ishte e gatshëm për të sepse isha e zënë në punë dhe pastaj isha e zënë me jetën time personale kështu që ne takoheshim vetëm në punë, përshëndeteshim dhe kaq sepse ishim nga departamente krejt të ndryshme. Ne po bënim gjëra krejt të ndryshme në kompani kështu që këtë doja të sqaroja sepse njerëzit thonë se unë kam shumë informacion por që nuk i jap këto informacione. Pse duhet ta mbaj informacionin të fshehtë për një mike të cilën e kam humbur. Nuk ka kuptim, apo jo. Dua ta sqaroj këtë, mos mendoni se kur njerëzit janë miq mund të dinë gjithçka për njëri-tjetrin. Po të pyesësh miqtë e mi nuk do të dinë gjithçka për marrëdhëniet e mia sepse nuk dinë gjithçka. Ata dinë vetëm atë që unë dua që ata të dinë.

Më parë nëna e Xhoit Ruth Abongo në intervistën përNews24 deklaroi se 4 ditë para ngjarjes Xhoi udhëtoi në Durrës me shoferin. News24 ka mësuar se në këtë udhëtim ka pasur edhe persona të tjerë dhe ky fakt është edhe në dosjen hetimore. Sipas nënës së vajzës atë ditë pas kthimit nga Durrësi Xhoi kishte bllokuar në telefon shoferin dhe se të nesërmen ai kishte këmbëngulur që të kontaktonte sërish me Joyn dhe kishte folur me shoqen e 22-vjeçares Joy Brendën, një ditë pasi ata kishin qenë në Durrës.

“Të martën, Xhoi Brenda (shoqja e Xhoit) po shkonte për të punuar më duket dhe është me këtë shoferin në makinë. Ai i thotë Xhoi Brendas që shoqja jote më ka bllokuar në çdo aplikacion. Si mund ta kontaktoj atë? Dhe Xhoi Brenda i thotë “Është mënyra jote ofensive. Në Kenia ne nuk i ndjekim vajzat në këtë mënyrë. Mënyra se si e ke trajtuar Xhoin nuk është e drejtë. Ky është një konfirmim që shoferi u bllokua të hënën.

Kur e pyesim Xhoi Brendën për këtë fakt, ajo nuk preferon të komentojë dhe jep një përgjigje duke thënë se nuk ka informacion, duke lënë të kuptohet se nuk do që të përmendë emra.

Nuk do të bëj komente në lidhje me Xhoin, e cila bllokoi shoferin e kazinosë. Sa i përket pyetjes që më është bërë, ka të bëjë me Durrësin. Une nuk di gjë për këtë, di vetëm për bllokimin që ndodhi shumë kohë përpara. Nuk kishin kaluar shumë muaj, ne ishim ende të reja në këtë vend dhe di vetëm për atë bllokim. Sa i perket për ndonjë bllokim në Durrës nuk kam asnjë ide sepse unë di vetëm për atë bllokim që ndodhi shumë kohë përpara, por sërish Xhoi i bëri bllok shoferit, por pas një jave e kishte zhbllokuar dhe ishin bërë miq. Vetëm për atë bllokim di, ndërsa për bllokimin në Durrës nuk kam asnjë informacion.

Grupi hetimor po i heton të gjitha pistat, njohjet që kishte Xhoi, miqtë e saj dhe shqetësimet që ajo kishte shfaqur te shoqëria. Ne kontakuam me Stephanie shoqen e Xhoit e cila jeton në Kenia, por ajo nuk na u përgjigj edhe pse e lexoi mesazhin. Ajo ka folur me Xhoi pak para ngjarjes, siç ajo e thotë vetë në shënimin që kishte bërë në go-fundme për mbledhjen e fondeve për shoqen e saj që ajo e konsideron si motër. “Isha në një video-telefonatë me shoqen time më të mirë kur ajo sapo ishte kthyer në shtëpi nga puna dhe telefoni i saj u mbyll! Dy ditë më vonë, që do të ishte përvjetori i saj i gjashtë muajve në Shqipëri, ku shkoi për të punuar, ajo u gjet poshtë pallatit ku banonte ku ishte lënë të vdiste”, shkruan Stephanie.

Stephanie zotëron edhe një video që ia ka dërguar Xhoi, ku ajo i thotë se ndjehet e kërcënuar nga një person. Këtë video Xhoi ia ka dërguar ditën që është kthyer nga udhëtimi në Durrës me shoferin e kazinosë, 4 ditë para ngjarjes. A e ka kontaktuar grupi hetimor Stephanie si një nga personat e fundit që ka folur me Xhoin?
Në intervistën e parë për News24 nëna e Xhoit foli edhe për njohjen e vajzës së saj më një biznesmen, për të cilin ajo tha se nuk asnjë lidhje me ngjarjen. Të njëjtin fakt e pohon edhe shoqja Xhoi Brenda, e cila thotë se marrëdhënia e Xhoit me këtë person ishte shumë e mirë dhe se e pëlqenin njëri-tjetrin dhe se biznesmeni nuk ka lidhje me kazinonë dhe se nuk e ka njohur aty”, deklaron nëna e Joyt.

“Sa i përket të dashurit të Xhoit, sipas historisë që di, Xhoi nuk e takoi dhe nuk u njoh me të në kazino. E takoi atë jashtë kazinosë dhe marrëdhënia e tyre, kur unë i pashë, Xhoi e pëlqente shumë djalin dhe djali dukej person shumë i këndshëm. Sipas meje, ai dukej djalë shumë i mirë dhe kishin një marrëdhënie të mirë me Xhoin dhe nuk mund të komentoj shumë, sepse marrëdhënia është mes dy personave. Marrëdhënia ishte mes tyre dhe unë nuk mund të di shumë gjëra, por ajo që di është Xhoi e pëlqente djalin dhe ai djali e pëlqente Xhoin. Marrëdhënia ishte e mirë”, ka thënë shoqja e Joyt, Joy Brenda.

Kur jemi interesuar pranë grupit hetimor për vijimësinë e hetimeve, përgjigja që kemi marrë është se po punojnë për zbardhjen e ngjarjes dhe se po këqyrin të gjitha provat që mund të hedhin dritë rreth të vërtetës. Pyetja që shtrohet është, a ka grupi hetimor të gjitha provat që mund të zbardhin të vërtetën? Hetuesit kanë dy telefonat e Xhoit të cilat janë në proces ekspertimi, rrobat që kishte veshur Xhoi kur ndodhi ngjarja, pasi në to mund të gjenden profile ADN-je të autorëve.

Po ashtu pamjet filmike të ambasadës turke të cilat janë sekuestruar dhe kanë filmuar hyrje daljet në rrugën që të çon në rezidencën ku jetonte Xhoi. Hetuesit kanë edhe përgjigjen e Institutit të Mjekësisë Ligjore për akt-ekspertizën, që fillimisht u bë nga një mjek dhe më pas është kërkuar më datë 9 shtator 2022 nga grupi hetimor që të bëhet nga tre mjekë.

Ekspertiza e dytë tashmë zotërohet nga grupi hetimor dhe ka në një përgjigje. Pra, provat janë në dorë të hetimit, por një provë e rëndësishme nuk ndodhet në Shqipëri, ajo është në Kenia. Është laptopi i Xhoit, të cilin e zotëron nëna e saj Ruth Abongo. Laptopi nuk është sekuestruar dhe është e çuditshme pse një provë kaq e rëndësishme nuk është kërkuar nga prokuroria që të merret si provë në hetim.

Në laptop ndodhen të hapura të gjitha rrjetet sociale të Xhoit dhe komunikimet e saj, po ashtu është i hapur edhe e-maili i vajzës, me të cilin është regjistruar edhe account i telefonit të Xhoit. Në back up-in e gmail ka shumë prova që mund të zbardhin të vërtetën. Kjo provë ndodhet në duart e nënës së Xhoit, e cila po pret nga autoritetet shqiptare që të bëhet drejtësi për vajzën e saj.

Pas këtyre provave i takon autoriteteve shqiptare të zbardhin këtë ngjarje tepër të rëndë dhe të vendosin autorët përballë drejtësisë./BW/

The post Vrasja e Xhoit drejt zbardhjes. Prova e fortë që ka ruajtur nëna. Autorët, më shumë se një! appeared first on Albeu.com.

Ajo ka treguar fakte të reja për atë që ka ndodhur 13 gushtin e vitit të kaluar ndërsa ka hedhur dritë mbi raportin që Joy Ayoko kishte me shoferin e kazinoisë ku ajo punonte. Joy ndërroi jetë pak javë më parë, pasi u dhunua batbarisht gushtin e kaluar në Tiranë.

Ajo punonte në një kazino pranë Stadiumit Air Albania në Tiranë, ndërsa për policinë është ende mister roli i shoferit të kësaj kazinoje, Rodi Barçi në gjithë këtë histori.

Barçi, i afërm i një personi pranë partisë në pushtet, u mor në pyetje nga policia gjatë fundjavës. Dyshohet se 22-vjeçarja kidhte lidhje dashurie me shoferin e kazinosë dhe se aim und ta ketë gisht në vdekjen e saj, pasi kjo e fundit refuzonte të lidhej me të.

Sakaq shoqja e viktimës, Emily, ka thën sot se se nuk ka patur dijeni për lidhjen intime të Joyt me shoferin e kazinos Rodi Barci. Ajo tha se shoqaj e saj dilte me shoferin e kazinosë, por nuk e dinte se dyshja kishte lidhje romantike.

Kjo dëshmi e Emilit bie në kundërshtim me atë se çfarë ajo ka deklaruar në Prokurori, pak ditë më parë.
Sipas saj ajo atë natë ishte në punë dhe kur shkoi në shtëpi nuk e gjeti miken e saj në dhomë. Ajo tregon se nuk ishte në dijeni nëse 22-vjeçarja kishte lidhje me shoferin e kazinosë Rodi Barçi. Emily insiston se ajo nuk di se çfarë ka ndodhur atë natë, ndërsa shton se nuk ishte në dijeni nëse shoqja e saj ishte kërcënuar më parë.

Kujtojmë se gjatë dëshmisë se tij ka deklaruar se ka qenë i lidhur me 22-vjeçaren nga Kenia, por në momentin kur ka ndodhur ngjarja, pra gushtin e vitit 2022, ata kanë qenë të ndarë dhe nuk kanë pasur lidhje me njëri-tjetrin dhe se s’ka pasur dijeni.

Nëna e së resë nga Kenia, Ruth Abongo, tha në një intervistë për mediat se 4 ditë para ngjarjes së rëndë ajo kishte udhëtuar me 32-vjeçarin Rodi Barçi, në Durrës. Sipas nënës së vajzës, shoferi i kishte qëndruar shumë pranë, sjellje e cila s’i kishte pëlqyer të resë.

Nga ana tjetër Prokuroria e Tiranës ka dërguar letërporosi prokurorisë së Kenias dhe i ka kërkuar që t’i vërë në dispozicion autopsinë që i është bërë 22-vjeçares në morgun e spitalit ku ajo ndërroi jetë. Kjo kërkesë vjen në kuadër të hetimeve të prokurorisë së Tiranës për vdekjen e Joy Ayoko. 22-vjeçarja u largua nga Shqipëria më 25 janar të këtij viti, drejt vendlindjes për t’u mjekuar në spitalin Kenyatta, në Kenia. Joy u largua nga spitali i Traumës në “half coma”, pra gjysmë koma, e pavetëdijshme dhe ndërroi jetë në Kenia.

Mësohet se deri më tani janë marrë në pyetje edhe punonjës të kazinosë në fjalë si edhe shoqja e Joy-it, Emily, për të cilën e ëma hedh po ashtu dyshime se ka dijeni për dhunimin e së bijës. /albeu.com/

The post Vdekja misterioze e kenianes në Tiranë/ A ishte e lidhur me shoferin e kazinosë? Flet shoqja e Joy-t appeared first on Albeu.com.