RB Leipzig, një klub gjerman me origjinë modeste i themeluar në vitin 2009, kur Yan Diomande ishte veçse tre vjeç, sot krenohet me një rekord që asnjë skuadër tjetër në kontinent nuk e ka arritur në tre sezonet e fundit për sa i përket të ardhurave nga transferimet.

Që nga ngjitja e tyre në Bundesligë në vitin 2016, klubi ka grumbulluar mbi 500 milionë euro nga shitja e futbollistëve të vet, por pa e ndalur asnjëherë linjën e prodhimit të “diamanteve” të rinj.

Gjigantë si Manchester United, Chelsea, Liverpool, Manchester City, Barcelona dhe së fundi Real Madrid kanë derdhur shifra astronomike për të siguruar shërbimet e lojtarëve nga radhët e Leipzigut.

Ja një përmbledhje se si RB Leipzig ka përfituar financiarisht nga elita europiane:

Yan Diomande te Real Madrid – 125 milionë euroTalenti 19-vjeçar nga Bregu i Fildishtë theu të gjithë parametrat e klubit duke kaluar te Real Madrid për shumën marramendëse prej 125 milionë eurosh, duke u bërë kështu shitja më e shtrenjtë në historinë e Leipzigut.

Josko Gvardiol te Manchester City – 90 milionë euroPërpara fillimit të sezonit 2023/24, mbrojtësi kroat Josko Gvardiol, në moshën 21-vjeçare dhe i konsideruar ndër më të mirët në rolin e tij në Evropë, iu bashkua skuadrës së Pep Guardiolës për 90 milionë euro.

Benjamin Sesko te Manchester United – 76 milionë euroTalenti slloven Benjamin Sesko kaloi te Manchester United për 76 milionë euro, një investim i rëndësishëm nga ana e klubit anglez për të adresuar nevojat e vazhdueshme në repartin e avancuar.

Dominik Szoboszlai te Liverpool – 70 milionë euroGjatë verës së vitit 2023, mesfushori hungarez Dominik Szoboszlai finalizoi një kalim prej 70 milionë eurosh te Liverpool, ku u shndërrua shpejt në një motor energjie për mesfushën e rindërtuar të “Anfield”-it.

Xavi Simons te Tottenham Hotspur – 65 milionë euroPas një periudhe të shkëlqyer në Bundesligë, ish-ylli i akademisë së Barcelonës, Xavi Simons, bëri që Tottenham Hotspur të paguante 65 milionë euro për të çuar në Londër lojtarin e gjithanshëm holandez.

Dani Olmo te Barcelona – 61 milionë euroNdërkombëtari spanjoll Dani Olmo iu rikthye Barcelonës në sezonin 2024/25 për 61 milionë euro, pas pesë vitesh tejet të suksesshme në Leipzig, të cilat e profilizuan atë si një prej sulmuesve më të rrezikshëm në Evropë.

Lista e gjatë e transferimeve të tjera spektakolarePërtej këtyre shitjeve rekord, RB Leipzig ka arkëtuar më parë shuma të konsiderueshme edhe për emra të tjerë të mëdhenj sulmues. Christopher Nkunku përfundoi një kalim të bujshëm te Chelsea për 60 milionë euro, pikërisht pas sezonit ku u zgjodh lojtari më i mirë në Bundesligë. Kjo shifër barazoi 60 milionë eurot që Liverpool pagoi për mesfushorin Naby Keita në vitin 2018.

Po Chelsea derdhi gjithashtu 53 milionë euro për të blerë sulmuesin gjerman Timo Werner në vitin 2020, ndërkohë që rivalët e Bundesligës, Bayern Munich, siguruan shërbimet e mbrojtësit Dayot Upamecano për 42 milionë euro. Aftësia fitimprurëse e klubit është përhapur në të gjitha ligat kryesore: sulmuesi belg Lois Openda kaloi te Juventus për 42 milionë euro, ndërsa qendërmbrojtësi francez Ibrahima Konate iu bashkua Liverpoolit për 40 milionë euro.

Për më tepër, sukseset e mëparshme në zhvillimin e lojtarëve sollën përfitime të shkëlqyera, siç janë kalimi i sulmuesit brazilian Matheus Cunha te Hertha Berlin për 18 milionë euro dhe ai i nigerianit Ademola Lookman te Atalanta në Serie A për 16 milionë euro. Duke mbledhur vetëm këto katërmbëdhjetë shitje të lojtarëve esencialë, një shumë totale marramendëse prej 818 milionë eurosh ka hyrë në arkën e RB Leipzig, duke përforcuar statusin e tyre të padiskutueshëm si linja më fitimprurëse e prodhimit të talenteve të nivelit elitar në futboll.

The post Leipzig, makina gjermane e parave: Mbi 800 milionë euro të arkëtuara nga shitja e talenteve te gjigantët e Evropës appeared first on Albeu.com.

Manchester City do ta ndiejë mungesën e Bernardo Silvës pas transferimit të tij te Real Madridi gjatë kësaj vere, ka pranuar Josko Gvardiol.

Mesfushori portugez, 31 vjeç, e ka përfunduar kalimin te gjiganti spanjoll dhe të hënën pritet të nisë stërvitjet nën urdhrat e Jose Mourinhos. Real Madridi veproi me shpejtësi për të siguruar nënshkrimin e tij, megjithëse interesim për lojtarin raportohej se kishin shfaqur edhe Barcelona dhe Atletico Madridi.

Duke folur për The Athletic, Gvardiol vlerësoi lart ish-bashkëlojtarin e tij dhe la të kuptohej se portugezi prej kohësh dëshironte të transferohej në Spanjë.

“Kishim një raport shumë të afërt. Sa e madhe është humbja jonë? Këtë do ta kuptojmë pasi të kthehemi dhe të nisë sezoni”.

“Bernardo është rikthyer aty ku e ka vendin. Prej një kohe shumë, shumë të gjatë ai fliste për Spanjën”, u shpreh mbrojtësi kroat.

Për sezonin e ardhshëm, Mourinho pritet t’i japë Bernardo Silvës një rol qendror në mesfushë, duke çmuar aftësinë e portugezit për të krijuar lojë dhe përshtatshmërinë e tij taktike.

Bernardo është në gjendje të aktivizohet si mesfushor ofensiv, por gjithashtu edhe në krahun e djathtë të sulmit. Kjo i ofron trajnerit të Real Madridit më shumë zgjidhje taktike për edicionin e ri.

The post Gvardiol për transferimin e Bernardo Silvës te Real Madridi: Është rikthyer aty ku përket appeared first on Albeu.com.

Manchester City ka konfirmuar zyrtarisht se Josko Gvardiol do të qëndrojë në “Etihad” pas nënshkrimit të një marrëveshjeje të re, e cila e mban mbrojtësin kroat të lidhur me kampionët anglezë deri në verën e vitit 2031.

24-vjeçari, i cili iu bashkua skuadrës nga RB Leipzig në vitin 2023 për një shifër që arrin rreth 90 milionë euro, kishte edhe dy sezone të mbetura në kontratën e tij aktuale, por klubi vendosi ta sigurojë me një marrëveshje të re pesëvjeçare.

Pas firmosjes, Gvardiol nuk e fshehu kënaqësinë për vazhdimësinë e aventurës së tij në Manchester.

“Në momentin që mësova se Man City donte të më ofronte një kontratë të re, e dija menjëherë se çfarë dëshiroja. Nuk ka klub më të mirë në botë për të luajtur”, u shpreh lojtari kroat.

Ai shtoi gjithashtu vlerësimin për talentin e bashkëlojtarëve dhe objektivat afatgjata. “Grupi që kemi është i jashtëzakonshëm. Kemi një skuadër të re, plot cilësi dhe potencial. Jam i bindur se do të arrijmë gjëra të mëdha në vitet e ardhshme.”

Që nga momenti i transferimit te City, Gvardiol ka fituar pesë trofe, duke përfshirë Premier League dhe FA Cup, dhe është kthyer në një nga boshtet kryesore të repartit mbrojtës.

Edhe drejtori sportiv Hugo Viana e mirëpriti rinovimin. “Josko është një lojtar në të cilin ky klub ka besim të plotë. Edhe pse shumë i ri, ai tashmë radhitet ndër mbrojtësit më të mirë në botë. Manchester City është i përkushtuar t’i mbajë talentet e tij më të çmuara dhe jemi tepër të kënaqur që ai ka nënshkruar një kontratë të re”, deklaroi Viana.

The post Manchester City blindon Gvardiolin: Nënshkruan kontratë të re deri në 2031 appeared first on Albeu.com.

FIFA ka dhënë sqarime për vendimin e arbitrit Espen Eskas, pasi Kroacisë iu anulua një gol në minutat e fundit të përballjes me Portugalinë. Në deklaratën zyrtare, u bë e ditur se teknologjia Connected Ball, e integruar brenda topit, evidentoi një prekje nga Igor Matanovic, duke i mundësuar gjyqtarit të akordonte saktë pozicionin jashtë loje dhe të mos e pranonte golin e Joko Gvardiol.

Aksioni nisi me një krosim nga e majta drejt zonës së penalltisë së Portugalisë. Në momentin e topit në ajër, Igor Matanovic po hidhej për ta luajtur, ndërsa menjëherë pas tij ndodhej Mario Pasalic, i cili ishte në pozicion jashtë loje.

Në pamje të parë, topi dukej se kishte kaluar mbi kokën e Matanovic. Më pas ai u devijua nga mbrojtësi portugez Renato Veiga dhe shkoi te Pasalic, i cili e pasoi në shtyllën e kundërt, aty ku Gvardiol e dërgoi në rrjetë.

Shpjegimi dhe teknologjia e FIFA-s

Sipas FIFA-s, sensorët e vendosur në top regjistruan kontaktin në çastin kur Matanovic kërceu, dhe kjo ishte e mjaftueshme që arbitri të sinjalizonte pozicion jashtë loje dhe të anulonte golin.

Nëse do të ishte vërtetuar se sulmuesi kroat nuk e kishte prekur topin, atëherë nuk do të ekzistonte pozicioni jashtë loje dhe goli do të quhej i rregullt. FIFA theksoi se teknologjia e konfirmoi këtë prekje.

“Sipas të dhënave nga teknologjia Connected Ball e vendosur brenda topit, u provua se lojtari i kombëtares kroate me numër 20, Igor Matanovic, bëri kontakt me topin në aksionin që i parapriu golit kundër Portugalisë. Kjo i lejoi gjyqtarit të vendoste saktë për pozicion jashtë loje dhe të anulonte golin”, thuhet në shpjegimin e FIFA-s.

Rregulli i kontaktit me flokët

Polemikat janë shtuar edhe nga pretendimi se arbitri i ka thënë Matanovicit se çipi kishte regjistruar një kontakt mes topit dhe flokëve të tij. Kjo ka ngritur diskutime mbi mënyrën se si rregullorja e FIFA-s i trajton raste të tilla. Në faqen zyrtare të FIFA-s jepet ky shpjegim:

“Flokët konsiderohen pjesë e trupit vetëm nëse ndikojnë në lëvizjen ose trajektoren e topit. Kjo ndoshta është vetëm në rastet e kontaktit të konsiderueshëm me një sasi të madhe flokësh, siç është një topuz në majë të kokës”, thuhet në sqarimin e FIFA-s. //

The post FIFA sqaron pse iu anulua goli Kroacisë dhe çfarë parashikojnë rregullat për prekjen e topit me flokë appeared first on Albeu.com.

Debati më i madh pas fitores dramatike 2-1 të Portugalisë ndaj Kroacisë në fazën e 1/16-tës së Kupës së Botës është përqendruar te goli i barazimit që iu anulua Flames në minutat shtesë.

Takimi i zhvilluar në Toronto, ku për Kroacinë realizoi Ivan Perisic ndërsa për Portugalinë shënuan Cristiano Ronaldo dhe Goncalo Ramos, po shkonte drejt vazhdimeve, derisa në fundin e kohës shtesë Josko Gvardiol dërgoi topin në rrjetë.

Por festa e kroatëve zgjati shumë pak, pasi aksioni u ndal për pozicion jashtë loje. Si pasojë, Portugalia siguroi kalimin në fazën e 1/6-tës, ku do të përballet me Spanjën, ndërsa FIFA reagoi menjëherë për të shpjeguar vendimin dhe për të larguar çdo paqartësi.

Pas përmbysjes së rezultatit nga Ramos në minutën e 94-të, Kroacia hodhi gjithçka në sulm. Në çastet e fundit të ndeshjes, saktësisht në minutën e 13-të shtesë, Perisic harkoi nga e majta dhe sulmuesi Igor Matanovic e devijoi lehtë topin me kokë.

Pas atij devijimi, topi preku mbrojtësin portugez Renato Veiga dhe shkoi te Mario Pasalic, i cili më pas asistoi për Gvardiolin, për atë që do të ishte barazimi i përkohshëm 2-2. Megjithatë, duke qenë se Pasalic ndodhej pas vijës mbrojtëse në çastin kur Matanovic preku topin, arbitrat konstatuan pozicion të parregullt.

Sipas sqarimit zyrtar, prova vendimtare për këtë vendim milimetrik erdhi nga teknologjia e avancuar e integruar në topin zyrtar të turneut, Adidas Trionda.

FIFA bëri të ditur në deklaratën e saj se sensorët e vendosur brenda topit regjistruan mikro-kontaktin e bërë nga Matanovic gjatë aksionit. Kjo teknologji, e quajtur “Connected Ball”, transmeton në kohë reale të dhënat në dhomën e VAR-it dhe arrin të dallojë edhe prekjen më të vogël.

Në ekranet televizive, publiku mundi ta shohë atë çast përmes grafikut të ashtuquajtur të rrahjeve të zemrës, i cili përcakton me saktësi sekondën e kontaktit mes lojtarit dhe topit, duke vërtetuar se vendimi i ekipit të arbitrave ishte i saktë.

The post E pazakontë: FIFA sqaroi me prova pse iu anulua Kroacisë goli, sensori evidentoi prekjen minimale appeared first on Albeu.com.

Sipas një analize të publikuar nga Gradient Sports, janë identifikuar futbollistët që kanë treguar aftësinë më të madhe për të përdorur njësoj mirë të dyja këmbët gjatë Kupës së Botës 2026. Vlerësimi është bazuar në çdo pasim, goditje, krosim dhe largim topi të regjistruar në turne.

Në vendin e parë renditet veterani kroat Ivan Perisic, i cili ka arritur ekuilibrin ideal mes këmbës së djathtë dhe të majtë.

Të dhënat statistikore tregojnë se Perisic ka raport 50/50, çka i jep edhe maksimumin prej 100 pikësh në indeksin e balancës.

Menjëherë pas tij vijnë mbrojtësi norvegjez Torbjorn Heggem dhe francezi Ousmane Dembele, të cilët kanë pothuajse të njëjtin shpërndarje në përdorimin e të dyja këmbëve, me raport 49/51 dhe nga 98 pikë secili.

Në pozitën e katërt gjendet mbrojtësi uzbek Rustam Ashurmatov me 94 pikë, ndërsa top-pesëshja mbyllet me përfaqësuesin e Marokut, Brahim Diaz, që ka raport 47/53 dhe 93 pikë.

Me të njëjtin total prej 93 pikësh figuron edhe kroati Marin Pongracic, ndërsa Josko Gvardiol, po ashtu nga Kroacia, zë vendin e shtatë me 90 pikë, duke nxjerrë sërish në pah nivelin teknik të futbollistëve kroatë.

Dhjetë vendet e para plotësohen nga Yazan Al-Arab i Jordanisë, Manuel Akanji i Zvicrës dhe talenti i Bregut të Fildishtë, Yan Diomande.

Kjo listë dëshmon se përdorimi efikas i të dyja këmbëve po merr gjithnjë e më shumë peshë në futbollin modern.

Lojtarët që e zotërojnë këtë cilësi bëhen më të vështirë për t’u lexuar në fazën sulmuese, ofrojnë më tepër alternativa në ndërtimin e aksioneve dhe përshtaten më lehtë me role të ndryshme taktike.

The post Statistikat e Botërorit 2026 zbulojnë lojtarët që përdorin më mirë të dyja këmbët appeared first on Albeu.com.

E pozicionuar në vendin e 11-të të renditjes FIFA, ajo do të përballet me Anglinë në ndeshjen hapëse të Grupit L.

Më poshtë janë pesë futbollistët që pritet të kenë peshë të madhe në skuadrën e drejtuar nga Zlatko Dalic.

Luka Modric

Klubi: Milan

Mosha: 40 vjeç

Pozicioni: Mesfushor

Kapiteni i Kroacisë dhe figura emblematike e futbollit të këtij vendi vazhdon të lërë pas kufijtë e moshës. Fituesi i “Topit të Artë” në vitin 2018 është shumë pranë ndeshjes së tij të 200-të me fanellën e kombëtares.

Edhe pse tashmë 40 vjeç, Modric mbetet pika kryesore e organizimit të lojës kroate. Legjenda që me Real Madridin fitoi 28 trofe, mes tyre edhe gjashtë Liga të Kampionëve, vazhdon të jetë boshti i mesfushës.

Josko Gvardiol

Klubi: Manchester City

Mosha: 24 vjeç

Pozicioni: Mbrojtës

Gvardiol është një nga figurat më të rëndësishme të repartit defensiv të Kroacisë. Pas rikuperimit nga një dëmtim serioz në këmbë, ai pritet të nisë si titullar përballë Anglisë.

Mbrojtësi ka marrë pjesë në të gjithë turnetë madhorë të Kroacisë në vitet e fundit, ndërsa në Botërorin 2022 luajti çdo minutë të mundshme. Në të kaluarën, Dalic e ka quajtur atë “mbrojtësin qendror më të mirë në botë”.

Andrej Kramaric

Klubi: Hoffenheim

Mosha: 34 vjeç

Pozicioni: Sulmues

Me eksperiencën që ka, Kramaric vazhdon të jetë një nga pikat më të forta të Kroacisë në sulm. Me 36 gola për kombëtaren, ai renditet si golashënuesi i tretë më i mirë në historinë e saj.

Në eliminatoret e Botërorit 2026 ai shënoi gjashtë gola, ndërsa sezonin e kaluar realizoi 15 herë për Hoffenheimin. Me 158 gola, ai mban vendin e parë si golashënuesi më i mirë në historinë e klubit gjerman.

Luka Vuskovic

Klubi: Tottenham Hotspur

Mosha: 19 vjeç

Pozicioni: Mbrojtës

19-vjeçari shihet si një prej mbrojtësve më premtues në kontinent. Pas një edicioni shumë të mirë në huazim te Hamburgu në Bundesliga, ku ndihmoi skuadrën të siguronte mbijetesën, Vuskovic e forcoi ndjeshëm emrin e tij.

Mbrojtësi me gjatësi 1.93 metra ka realizuar edhe një gol me Kroacinë, ndërsa Dalic e ka vlerësuar si një nga shtyllat e kombëtares për 10 vitet e ardhshme.

Petar Sucic

Klubi: Inter

Mosha: 22 vjeç

Pozicioni: Mesfushor

Sucic konsiderohet ndër lojtarët më premtues të futbollit kroat. Në sezonin e tij të parë në Itali ai fitoi dy trofe vendas dhe tashmë është kthyer në një titullar të rregullt në mesfushën e kombëtares.

Aftësia për të luajtur në disa role në qendër të fushës e bën atë një element të çmuar, ndërsa shihet edhe si një prej liderëve të brezit të ri që pritet të marrë stafetën nga veteranët.

Nga përvoja dhe klasi i Luka Modric te energjia e talenteve si Luka Vuskovic dhe Petar Sucic, Kroacia paraqet një përzierje të fortë mes brezave.

Pikërisht ky kombinim e bën ekipin e Zlatko Dalic një rival të rrezikshëm për Anglinë dhe një pretendent serioz në Botërorin 2026.

The post Pesë futbollistët kroatë që Anglia duhet të ndjekë me kujdes në sfidën e parë të Botërorit appeared first on Albeu.com.

E në minutën e 96-të u shkaktua penallti, ku përsipër për ta ekzekutuar e mori sulmuesi argjentinas Julian Alvarez që realizoi për rezultatin përfundimtar.

Në fakt në ndeshje u diskutua që penalltinë ta ekzekutonte mbrojtësi kroat Josko Gvardiol, por një gjë e tillë nuk ndodhi.

Nëse do të shënonte Gvardiol, do të bënte het-trik dhe do të ishte mbrojtësi i parë në histori të Ligës Premier që realizon tre gola për një ndeshje.

Megjithatë kroati ka treguar pas ndeshjes arsyen pse nuk e mori përsipër ekzekutimin e penalltisë, derisa shprehet i lumtur që Alvarez shënoi.

“Jam shumë i lumtur sepse shënova dy gola dhe se skuadra fitoi. E diskutuam në fushë që ta godisja unë penalltinë, do të më pëlqente në fakt. Por, kemi një goditës dhe ai e mori përsipër duke shënuar edhe gol. Më vjen mirë për Alvarez”, u shpreh Gvardiol. I

I vetmi mbrojtës në Ligën Premier që ja ka dalë të shënojë një het-trik është lojtari i Everton, Steve Watson në një ndeshje të vitit 2003 ndaj Leeds, por interesant është fakti se në atë sifidë, ai nuk luante në mbrojtje. /Telegrafi/

No defender has ever scored a hat-trick in the history of the Premier League.

Joško Gvardiol, who was on a brace vs. Fulham, decided to let Julián Álvarez take the spot kick when asked by Kyle Walker 😲 pic.twitter.com/73B89lztfD

— ESPN FC (@ESPNFC) May 11, 2024

The post Ishte shumë pranë të futej në historinë e Premier Ligës, Gvardiol tregon se pse nuk e ekzekutoi penalltinë appeared first on Albeu.com.