Pas daljes së parakohshme të Gjermanisë nga Kupa e Botës, legjenda e futbollit gjerman Lothar Matthaus ka kërkuar një rindërtim të Kombëtares, duke theksuar se Joshua Kimmich duhet të vijojë të ketë rolin kryesor në ekip.

Sipas ish-kapitenit të Gjermanisë, mesfushori i Bayern Munichut duhet të mbetet udhëheqësi i skuadrës edhe në ciklin e ardhshëm, ndërsa ai përmendi edhe disa lojtarë të tjerë që, sipas tij, mund të shërbejnë si themel për një periudhë të re.

“Unë ende e shoh Joshua Kimmich si shtyllën kurrizore dhe kapitenin e ekipit. Jonathan Tah dhe Nico Schlotterbeck gjithashtu mund të jenë fytyrat e reja të kësaj skuadre”, shkroi Matthäus në kolonën e tij për Sky.

Fituesi i Kupës së Botës 1990 e përfshiu edhe Kai Havertzin mes emrave që mund të marrin më shumë përgjegjësi në repartin ofensiv, por nënvizoi se vendosja e tij në fushë dhe detyrat konkrete duhet të përcaktohen nga trajneri i ri i përfaqësueses.

Një pikë tjetër që, sipas Matthäus, mbetet pa zgjidhje te Gjermania është edhe posti i portierit. Ai vuri në dyshim vazhdimësinë e gardianit aktual titullar dhe bëri thirrje që të merret një vendim i qartë për këtë repart.

“A duan të vazhdojnë me Oliver Baumann? Me Jonas Urbig ke një portier tek i cili mund të mbështetesh”, u shpreh ai.

Matthaus theksoi se lëvizjet te Kombëtarja gjermane nuk duhet të ndalen vetëm te pankina e trajnerit, por duhet të përfshijnë një riorganizim më të gjerë të skuadrës, me objektivin për ta kthyer Gjermaninë sërish mes fuqive kryesore të futbollit botëror.

The post Matthäus kërkon ndryshim të thellë te Gjermania: Kimmich duhet të mbetet pika e referimit appeared first on Albeu.com.

Edhe pse pati dyshime rreth formatit të zgjeruar të turneut, në fushë nuk ka munguar as rivaliteti dhe as ekuilibri mes përfaqësueseve.

Në fakt, 9 nga 24 përballjet e zhvilluara kanë përfunduar pa fitues, çka e çon në 37.5 për qind përqindjen e barazimeve, shifra më e lartë për këtë fazë që nga viti 2010.

Pas mbylljes së raundit të parë, të dhënat individuale kanë veçuar disa futbollistë që kanë lënë gjurmën më të dukshme deri tani.

Lojtarët më aktivë në gjuajtje

Në ndeshjen e tyre të parë, gjashtë futbollistë regjistruan nga gjashtë ose më shumë tentativa, por vetëm dy prej tyre arritën të shënonin: Harry Kane i Anglisë dhe Lionel Messi i Argjentinës.

Me dy golat e tij, Kane u ngjit në kuotën e 10 golave dhe barazoi Gary Lineker si realizuesin më të mirë të Anglisë në historinë e Kupës së Botës. Nga ana tjetër, tregolëshi i Messit e çoi yllin argjentinas në 16 gola, duke barazuar rekordin e Miroslav Klose si golashënuesi më i mirë në historinë e turneut.

Arda Guler i Turqisë mban vendin e parë për numrin e gjuajtjeve, me tetë tentativa gjithsej, por ato prodhuan vetëm 0.26 gola të pritshëm, një tregues se shumica e goditjeve të tij erdhën nga pozicione të vështira.

Jo me të njëjtin fat u përball Son Heung-min i Koresë së Jugut, i cili nuk gjeti golin edhe pse krijoi raste me vlerë totale 1.0 nga gjashtë tentativa.

Ndërkaq, 24 lojtarë kanë ruajtur një efikasitet perfekt realizimi prej 100 për qind, por vetëm dy prej tyre kanë shënuar më shumë se një herë: Yasin Ayari i Suedisë dhe Elijah Just i Zelandës së Re, me nga dy gola secili.

Kush po krijon më shumë raste

Shtatë futbollistë prodhuan të paktën pesë raste në ndeshjet e tyre hapëse, por vetëm Joshua Kimmich i Gjermanisë arriti të regjistronte dy asistime, në triumfin e thellë 7-1 kundër Curaçaos.

Sipas statistikës së asistimeve të pritshme, lojtari më kreativ i raundit të parë ishte Pedri me 1.23.

Mesfushori i Spanjës bëri maksimumin për të ndihmuar skuadrën e tij ndaj Kepit të Gjelbër, ndërsa gjithashtu rikuperoi topin gjashtë herë në të tretën sulmuese, dy herë më shumë se çdo futbollist tjetër i turneut.

‘Mbreti’ i driblimeve

Amad Diallo i Bregut të Fildishtë është dalluar si dribluesi më efikas i Botërorit deri në këtë fazë.

Ndonëse qëndroi në fushë vetëm 34 minuta si zëvendësues, sulmuesi i Manchester United regjistroi numrin më të lartë të driblimeve të suksesshme dhe gjithashtu përqindjen më të mirë të suksesit mes lojtarëve që provuan të paktën pesë driblime.

Në krahun tjetër, Vinicius Junior realizoi golin e Brazilit kundër Marokut, por dështoi në të nënta tentativat e tij për driblim, statistika më e dobët e këtij lloji në turne deri tani.

Më të fortët në duele

Sa u përket dueleve individuale, Jiovany Ramos i Panamasë dhe Krepin Diatta i Senegalit janë shfaqur si më dominuesit në këtë raund të parë.

Nga 158 lojtarë që morën pjesë në të paktën 10 duele, pikërisht këta dy futbollistë regjistruan përqindjen më të lartë të fitoreve.

Një vlerësim të veçantë meriton edhe Jovo Lukic i Bosnje-Hercegovinës, i cili kundër Kanadasë ishte i papërballueshëm në lojën ajrore.

Sulmuesi i fitoi të nëntë duelet ajrore që zhvilloi dhe mbetet lojtari i vetëm në turne me më shumë se katër duele ajrore që ka ruajtur një rekord perfekt.

The post Botërori 2026 në shifra: kush kryeson pas ndeshjeve të para të fazës së grupeve appeared first on Albeu.com.

Pas barazimit 0-0 të Spanjës me Cape Verden në Kupën e Botës 2026, mesfushori i Bayern Munich foli për rritjen që kanë pësuar kombëtaret në zhvillim, si në organizimin taktik, ashtu edhe në cilësinë teknike.

“Në përgjithësi, po bëhet gjithnjë e më e vështirë të fitohen ndeshjet. Të ashtuquajturat kombëtare të vogla po përmirësohen, si nga aspekti futbollistik ashtu edhe nga ai taktik”, deklaroi Kimmich.

Kapiteni i Gjermanisë përmendi edhe ndeshjet e ekipit të tij ndaj Curacao, si edhe përballje të tjera të papritura në Botëror, duke nënvizuar se niveli i këtyre skuadrave është rritur ndjeshëm.

“Curacao luajti futboll kundër nesh, unë prisja më shumë topa të gjatë. Pashë Haitin kundër Skocisë dhe edhe ata luajtën mirë. Nuk është më e thjeshtë”, shtoi ai.

Sipas Kimmich, përfaqësueset e mëdha nuk mund të mbështeten më te diferenca në emër apo histori, por duhet të avancojnë vazhdimisht nëse synojnë të mposhtin rivalët më pak të favorizuar.

“Kombëtaret e mëdha duhet të bëhen edhe më të mira për t’i fituar këto ndeshje. Kjo tregon se fitorja 7-1 ndaj Curacao nuk është diçka e sigurt. Duhet ta fitosh në fushë”, përfundoi ai.

The post Kimmich shpjegon pse skuadrat e mëdha kombëtare po e kanë gjithnjë e më të vështirë ndaj ekipeve më modeste appeared first on Albeu.com.

Në fakt, mesfushori 30-vjeçar gjerman, simbol i Bayern Munich, do të arrijë rekordin e 100 paraqitjeve me ekipin kombëtar gjerman, me të cilin ai krenohet me tetë gola dhe me shiritin e kapitenit.

Shumë ndryshe nga ajo 29 maj 2016, dita e debutimit të tij me “Pancerat” në moshën 21 vjeç dhe nën drejtimin e Low. Këtë herë në stol është Julian Nagelsmann.

Dhe në pesë ndeshje Kimmich do t’i bashkohet legjendarit Fritz Walter, kapitenit të ekipit të parë gjerman që fitoi kampionatin botëror në vitin 1954.

Ai tashmë e ka tejkaluar kampionin e botës dhe të Evropës Berti Vogts dhe kampionin e Evropës Oliver Bierhoff: “Do të thotë shumë për mua. Është një nder i madh që kam luajtur kaq shumë ndeshje për Gjermaninë. Tregon se kam luajtur në një nivel të mirë në nëntë deri në dhjetë vitet e fundit. Nuk kam pasur shumë lëndime gjithashtu.

Shpresoj se do të ketë edhe disa ndeshje të tjera. Por duhet të jetë e veçantë për çdo lojtar të veshë fanellën e Gjermanisë, qoftë ndeshja e dhjetë, e njëqindtë apo e njëqind e pesëdhjetë”, këto fjalë u publikuan në kanalet zyrtare të Shoqatës Gjermane të Futbollit.

The post Kundër Portugalisë Kimmich kërkon ndeshjen e 100-të me Gjermaninë: Nder i madh, nuk kam pasur lëndime appeared first on Albeu.com.

Përveç ndryshimeve teknike, zgjedhjet në treg për blerje dhe konfirmime do të jenë të rëndësishme. Një nga lojtarët që ende nuk ka vendosur për të ardhmen e tij është Joshua Kimmich, një figurë kyçe për skuadrën në vitet e fundit.

Max Eberl, drejtori sportiv i Bayern Munich, ka folur për të ardhmen e mesfushorit në një intervistë për Marca: “Kimmich ka edhe një vit të mbetur në kontratën e tij. Ne kemi rënë dakord që të bisedojmë pas pushimeve.” Këto fjalë lënë të hapura të gjitha mundësitë, duke përfshirë qëndrimin e tij në ekip apo largimin pa kosto brenda një viti.

Disa klube janë të interesuara për shërbimet e Kimmich, një futbollist që ka treguar cilësitë e tij edhe në Kampionatin Europian me kombëtaren gjermane. Javët e fundit, PSG ishte në krye të listës së kandidatëve, por së fundmi Barcelona ka fituar terren.

Në këtë garë mes klubeve të mëdha europiane, rezultati mbetet i pasigurt dhe pritet të vendoset vetëm pas diskutimeve të mëtejshme midis Kimmich dhe Bayern Munich.

The post E ardhmja e Kimmich te Bayern Munich ende e pasigurt appeared first on Albeu.com.

Një ndër mesfushorët më të mirë që kanë shijuar tifozët e lojës më të bukur në planet, zgjodhi t’i jepte fund karrierës fantastike si kampion, edhe pse kishte mundësinë të vijonte edhe për disa sezone në “Santiago Bernabeu” apo të kalonte një “pension të artë” në SHBA.

Drejtuesit e “Los Blancos” kanë nisur menjëherë nga puna për gjetjen e zëvendësuesit të 34-vjeçarit.

Tekniku Carlo Ancelotti ka pjesë të skuadrës shumë mesfushorë cilësorë dhe me të ardhme, por presidenti Florentino Perez është gati t’i bëjë një dhuratë të madhe.

Deri më tani, dy janë emrat që pëlqehen për të mbushur boshllëkun që do të krijojë Kroos, me Presidentin e “Galaktikëve” që kërkon në Madrid njërin prej Joshua Kimmich, të Bayern Munich, apo Rodri, të Manchester City.

Sigurisht që blerja e ndonjërit prej tyre nuk do të jetë mision i lehtë, por çdokush e ka të vështirë të refuzojë kur 14 herë fituesit e Champions League trokasin në derë.

Diçka që e pranon edhe Kimmich, i cili është nën kontratë me “Bavarezët” deri në vitin 2025.

“Për momentin nuk mendoj për të ardhmen. Në fillim do të ulem të bisedoj me drejtuesit e Bayernit.

Ama, Barcelona dhe Real Madrid janë klube madhështore me histori të jashtëzakonshme”, u shpreh “shkatërruesi” gjerman i mesfushës.

The post Jo vetëm Barcelona, rivalët e Katalanasve kërkojnë Joshua Kimmichin appeared first on Albeu.com.

Në fakt gjermani pas Euro 2024 do të varë zyrtarisht këpucët në gozhdë dhe do të tërheqet nga futbolli aktiv.

Tashmë te kampionët e Europës ka nisur puna për gjetjen e zëvendësuesit të tij.

Sipas mediave spanjolle bëhet me dije se drejtuesit kanë nisur bisedimet me Joshua Kimmich.

Ky i fundit është objektivi i Barcelonës në merkaton e verës, me lojtarin që pëlqehet nga Hansi Flick.

Siç duket madrilenët nuk i tremben konkurencës dhe do të tentojnë gjithçka për gjthçka për të binsur lojtarin e Bayern Munich të transferohet në La Liga dhe të veshë fanelën e “Los Blancos”.

Për 29-vjeçari raportohet se gjermanët kërkojnë 50 milionë euro dhe mbetet të shihet se çfarë do të ndodhë në ditët e ardhshme, me Kimmich që dëshiron një aventurë të re larg Bundesligës.

The post Është objektivi i Barçës, Reali nis bisedimet me zëvendësuesin e Toni Kroos appeared first on Albeu.com.

Sipas HITC, City po synon që të shfrytëzojë situatën e tensionuar të Kimmich tek Bayerni pas regjimit të Thomas Tuchel në ‘Allianz Arena’.

Mesfushori momentalisht po monitorhet nga të dyja ekipet Barcelona dhe Man City, para hapjes së afatit kalimtar.

Pep Guardiola ishte në krye të Bayernit kur klubi nënshkroi me Kimmich nga Leipzigu dhe tani është i etur që të ribashkohet me të në ‘Etihad Stadium’.

Reprezentuesi gjerman po hyn në vitin e tij të fundit të kontratës me Bayernin, që do të thotë se gjiganti bavarez mund të detyrohet ta shesë lojtarin në verë, për të fituar para.

Në një intervistë për AS, gjermani i është përgjigjur pyetjeve në lidhje me të ardhmen e tij duke thënë: Dua të flas me Bayernin dhe kur ta bëjë këtë, unë nuk do të flas para mediave për këtë.

Ai gjithashtu kishte komentuar edhe thashethemet lidhur me një kalim të mundshëm tek Barcelona: Për momentin nuk po mendoj për këtë.

Siç e kam thënë tashmë, unë do të flas me Bayernin fillimisht. Por natyrisht, Barcelona dhe Real Madridi janë klube të mrekullueshme me një histori të mrekullueshme.

Përkundër faktit që e ardhmja e tij tek klubi është e pasigurt, Kimmich duhet ta vendos fokusin në Euro 2024 me Gjermaninë, aty ku ai dhe bashkëlojtarët e tij do të synojnë që të sigurojnë trofeun para turmës vendase./Telegrafi/

The post Pep Guardiola synon ribashkimin me yllin e Bayernit, rivalizon Barcelonën për shërbimet e tij appeared first on Albeu.com.

Megjithatë, Kimmich ka vendosur një kusht të qartë për të konsideruar rinovimin e kontratës me klubin bavarez dhe për të shmangur një largim të mundshëm në afatin kalimtar veror.

Sipas zbulimeve nga drejtori i përgjithshëm sportiv i Bayernit, Max Eberl, Kimmich ka shprehur dëshirën e tij për të takuar trajnerin e ardhshëm të ekipit përpara se të marrë një vendim për të ardhmen e tij.

Këtë kusht e ka ndarë edhe vetë Eberl në një intervistë të gjerë për ‘Sky Sport Germany’.

“Joshua na e ka bërë të qartë: ‘Dua të di se kush është trajneri i ri’”, tha Eberl, duke theksuar rëndësinë që trajneri i ardhshëm do të ketë në vendimet e Kimmich.

Pasiguria për zëvendësimin e Thomas Tuchel në pankinën e Bayernit ka shtuar një element të ri në sagën e rinovimit të Kimmich. Me kontratën e tij deri në qershor 2025, lojtari është bërë një nga objektivat kryesore për disa klube më të mira në Evropë, duke përfshirë Real Madrid, Manchester City, Barcelonën, ​​Liverpool dhe Arsenal.

Situata e Kimmich është në qendër të vëmendjes si për Bayernin ashtu edhe për klubet e interesuara. /Telegrafi/

The post Kimmich i pavendosur për të ardhmen, i vendos një kusht Bayernit për të qëndruar appeared first on Albeu.com.

Lëvizja ka ndezur një valë spekulimesh për të ardhmen e 29-vjeçarit, i cili ka qenë i lidhur me një numër klubesh të njohura në Evropë.

Sipas një raportimi nga Florian Plettenberg, gjermani do të ishte i hapur për t’u larguar nga Bavarezët dhe klubi është i gatshëm të negociojë shitjen e tij.

Skuadra si Manchester City, Liverpool, Arsenal, Real Madrid dhe Barcelona janë shfaqur si destinacione të mundshme për mesfushorin, ndonëse interesimi nga Manchester United, Chelsea dhe PSG është përjashtuar.

Klube të tilla si Arsenali, Liverpool, Barcelona dhe Real Madrid mund të mendojnë të bëjnë një ofertë për Kimmich në muajt e ardhshëm.

Për Arsenalin, lojtari gjerman do të ofronte cilësi dhe thellësi në mesfushë, përveç shkathtësisë së tij për të operuar në pozicione të ndryshme.

Në rastin e Liverpoolit, drejtori sportiv Michael Edwards do të promovonte një nënshkrim të mundshëm, pasi ekipi kërkon të forcojë linjën e tyre mbrojtëse dhe mesfushën.

Nga ana e tyre, Barcelona mund të jetë gjithashtu e interesuar për Kimmich, duke marrë parasysh çmimin e tij të arsyeshëm dhe aftësinë e tij për të përmirësuar ekipin në mesfushë.

Megjithatë, kufizimet financiare të klubit mund të ndikojnë në vendimin e tij për të nënshkruar me lojtarin gjerman.

Sa i përket Real Madridit, klubi mund të përfitojë nga cilësia dhe përvoja e Kimmich në mesfushë, gjë që do të ishte një shtesë e vlefshme për ekipin.

Me rekordin e tij të suksesit dhe aftësisë për të konkurruar në nivelin më të lartë, Kimmich sigurisht që do të ishte një opsion tërheqës për gjigantët spanjollë.

Me pak fjalë, e ardhmja e Joshua Kimmich duket e pasigurt pasi disa klube elitare eksplorojnë mundësinë e nënshkrimit të tij.

Me talentin dhe shkathtësinë e tij, nuk do të mungojnë opsionet për mesfushorin gjerman në merkaton e verës. /Telegrafi/

The post Të gatshëm ta shesin, Bayern Munich i’a cakton çmimin Kimmichit appeared first on Albeu.com.