Borrell e ka dënuar këtë sulm dhe ka kërkuar që autorët përgjegjës të përballen me drejtësinë.

“Dënoj në termat më të ashpër të mundshëm sulmin e shëmtuar nga një bandë e armatosur kundër policëve të Kosovës në në veri të Kosovës, i cili la të vdekur një polic dhe dy të plagosur. Të gjitha faktet rreth sulmit duhet të vërtetohen. Autorët përgjegjës duhet të përballen me drejtësinë”, ka thënë ai.

”Më shumë jetë të pafajshme janë në rrezik në armiqësitë e vazhdueshme në rrethinat e Manastirit të Banjskës. Këto sulme duhet të ndalen menjëherë”, ka kërkuar Borrell.

EULEX-i, si reagues i dytë i sigurisë, është në terren dhe në kontakt të ngushtë me autoritetet dhe KFOR-in. BE-ja dhe shtetet e saj anëtare vazhdimisht u bëjnë thirrje të gjithë aktorëve që të punojnë për të de-përshkallëzuar situatën në veri të Kosovës”, ka thënë ai.

Një polic është vrarë në Veri të Kosovës dhe ky sulm po dënohet nga bashkësia ndërkombëtare.

Qeveria e Kosovës e ka cilësuar sulmin si akt terrorist, madje kryeministri Kurti ka publikuar fotografi të këtyre grupeve.

The post BE dënon vrasjen e policit, Borrell: Autorët përgjegjës duhet të përballen me drejtësinë appeared first on Albeu.com.

Pas një takimi në qytetin spanjoll të Kadizit, Josep Borrell u tha gazetarëve se Brukseli po kërkon “pareshtur” që të lirohet 33-vjeçari.

Të hënën, Suedia pjesërisht konfirmoi një raportim nga New York Times lidhur me ndalimin, duke njoftuar se një shtetas suedez, në të tridhjetat, është duke u mbajtur në Iran që nga prilli i vitit 2022.

Por, Borrell shkoi më tej duke konfirmuar emrin e personit dhe duke treguar se ai punon për trupin diplomatik të BE-së.

“Dua të flas për një rast specifik, për rastin e zotit Floderus. Ai është shtetas suedez që punon për Bashkimin Evropian dhe i cili është i ndaluar ilegalisht në Iran për më shumë se 500 ditë”, tha Borrell.

“Dua të theksoj se unë personalisht, të gjitha ekipet e mia në të gjitha nivelet, institucionet evropiane në koordinim të ngushtë me ato suedeze dhe familja e tij, po kërkojmë nga autoritetet iraniane që ta lirojnë atë. Në çdo takim diplomatik, në të gjitha nivelet, e kemi diskutuar këtë çështje, në mënyrë të vazhdueshme”, tha ai.

Ai tha se lirimi i Floderus është në agjendën e BE-së dhe të Qeverisë suedeze dhe “ne nuk do të ndalemi derisa ai të lirohet”.

Në korrikun e vitit të kaluar, Irani njoftoi se kishte arrestuar një person nën dyshimet për spiunazh, dy javë pasi një shtetas iranian u dënua me burgim të përjetshëm në Suedi për rolin e tij në ekzekutimet masive të mijëra kundërshtarëve politikë të kryera nga regjimi iranian më 1988./rel

The post Borrell konfirmon: Një diplomat suedez i BE-së po mbahet rob në Iran appeared first on Albeu.com.

Ai tha se kjo është një çështje e rëndësishme, derisa tha se do të kërkojë nga shtetet anëtare që t’u bëhet presion palëve për të shtensionuar situatën, raporton Gazeta Express.

“Do t’i njoftoj liderët për gjithë punën e këtyre ditëve dhe do të kërkoj mbështetjen e tyre për të vazhduar me presion ndaj tyre për të shmangur deeskalimin dhe për t’u kthyer në normalitet. Shtetet anëtare kanë vendosur që masat duhet të ndërmerren, ekonomikisht dhe politikisht për t’ua bërë të qartë se nëse nuk kontribuojnë për shtensionim vjen me një kosto”.

Në pikën e fundit të agjendës së këtij samiti dyditor është e paraparë që të diskutohet edhe “zhvillimet e fundit në Ballkanin Perëndimor, duke përfshirë gjendjen e dialogut Beograd-Prishtinë”.

Bashkimi Evropian gjatë kësaj jave ka paralajmëruar se do të komunikojë masat ndëshkuese ndaj Kosovës, të cilat blloku i ka përgatitur për shkak të mosndërmarrjes së hapave që janë kërkuar për të ulur tensionet në veri të shtetit, tha drejtori i përgjithshëm për zgjerim i Komisionit Europian, Jan Koopman.

The post Borrell flet para nisjses së samitit të BE: Do të kërkoj mbështetje që të vazhdojmë presionin ndaj Kosovës e Serbisë appeared first on Albeu.com.

“Sistemi politik po tregon brishtësi dhe fuqia ushtarake po plasaritet,” tha ai për gazetarët në Luksemburg, përpara një takimi të ministrave të jashtëm të BE-së.

“Përbindëshi që Putini krijoi me Wagnerin, përbindëshi po e kafshon tani, përbindëshi po vepron kundër krijuesit të tij,” tha Borrell për shefin e Wagner, Yevgeny Prigozhin, duke shtuar se “nuk është gjë e mirë” të shohësh një fuqi bërthamore si Rusia të “kalojë në një fazë të paqëndrueshmërisë politike”./albeu.com

The post Rebelimi i Wagner, Borrell: Putin krijoi një përbindësh që tani po e kafshon appeared first on Albeu.com.

Borrell me sa duket u ka kërkuar qeverive të BE-së të japin më shumë para për Fondacionin Evropian të Paqes.

Fondi ka ndarë tashmë 4 miliardë paund ndihmë ushtarake për Kievin./albeu.com

The post Borrell propozon shtimin e 3 miliardë paund në fondin e Ukrainës appeared first on Albeu.com.

Në këtë takim, që u zhvillua më 18 mars nën ndërmjetësimin e Bashkimit Evropian, palët arritën pajtim për aneksin për zbatimin e Marrëveshjes drejt normalizimit të raporteve.

Këtë marrëveshje, apo siç njihet edhe si propozimi evropian, Kosova dhe Serbia e pranuan më 27 shkurt, gjatë rundit të bisedimeve që u mbajt në Bruksel.

“Patëm diskutime të gjata dhe në fund edhe marrëveshje e cila do të konsiderohet si pjesë përbërëse e rrugëtimit evropian për të dyja palët. Do të bëhet pjesë e kapitullit 35 të negociatave të anëtarësimit me BE-në për Serbinë dhe pjesë e dokumenteve dhe kërkesave për normalizim për Kosovën. Tani do të monitorojmë për së afërmi zbatimin. Të dyja palët janë shprehur se duan ta zbatojë dhe le të shohim se si do ta bëjnë këtë”, tha më 20 mars Borrell, para nisjes së takimit të Këshillit të ministrave të jashtëm të BE-së.

Për takimin në Ohër të Maqedonisë së Veriut dhe për planet për të siguruar zbatimin e asaj për të cilin u pajtuan palët, Borrell do të flasë edhe në samitin e BE-së që zhvillohet në Bruksel më 23 dhe 24 mars.

Shefi i diplomacisë së BE-së, Josep Borrell, ka deklaruar se blloku evropian do të marrë vendim për zbatimin e marrëveshjes dhe aneksit dhe t’i bëjë pjesë përbërëse të kornizës negociuese të BE-së për negociatat e anëtarësimit me Serbinë. Ndërsa për Kosovën, zbatimin do të jetë pjesë e Komisionit për normalizim.

Një prej pikave të aneksit vendos zbatimin si kusht për përparimin e Kosovës dhe Serbisë në procesin e integrimeve në BE dhe flet për pasojat në rast se nuk do të ketë zbatim.

Marrëveshja drejt normalizimit të raporteve, që ka 11 nene, nuk përmend në mënyrë specifike njohjen e ndërsjellë. Megjithatë, dokumenti kërkon nga të dyja vendet që t’i pranojnë dokumentet dhe simbolet e njëra-tjetrës, përfshirë: pasaportat, diplomat dhe targat.

Kjo marrëveshje kërkon, po ashtu, nga palët që t’i zbatojnë të gjitha marrëveshjet e arritura deri më tash në dialogun për normalizimin e marrëdhënieve, përfshirë edhe atë për formimin e Asociacionit të komunave me shumicë serbe në Kosovë, të cilin Qeveria në Prishtinë e ka refuzuar deri më tash, me arsyetimin se mund të rrezikojë funksionalitetin e shtetit.

The post Borrell njofton ministrat e BE-së për rezultatet e takimit të Ohrit appeared first on Albeu.com.

Zyra e Bashkimit Evropian ka bërë të ditur agjendën e takimeve që do të fillojnë nga ora 10:00.

Në Ohër do të jetë i pranishëm Përfaqësuesi i Lartë i BE-së, Josep Borell bashkë me emisarin e BE-së për dialogun, Miroslav Lajcak.

Borell dhe Lajcak fillimisht do të mbajnë takime të ndara me Kurtin dhe Vuçiçin e që më pas do të pasohet me një takim të nivelit të lartë trepalësh.

Siç ka njoftuar zyra e BE-së, takimi do të fokusohet në finalizimin e Aneksit të Implementimit të Marrëveshjes që çon në rrugën drejt normalizimit të marrëdhënieve mes të Kosovës dhe Serbisë.

Plani nuk parasheh njohje të ndërsjellë, por kërkon që palët të respektojnë pavarësinë, sovranitetin dhe tërësinë tokësore të njëra-tjetrës.

Ai përfshinë po ashtu kërkesën për zbatimin e të gjitha marrëveshjeve të arritura në bisedimet e deritashme të ndërmjetësuara nga Bashkimi Evropian, përfshirë edhe atë për Asociacionin e komunave me shumicë serbe në Kosovë, që është edhe çështja më e mprehtë e bisedimeve.

Diplomatët perëndimorë shfaqin shpresën për përparim në takimin e së shtunës, ndërsa analistët thonë se duhet optimizëm i matur.

The post Zbardhet agjenda e takimit Kurti-Vuçiç në Ohër, SHBA dhe BE presin rezultate appeared first on Albeu.com.

“Ky vit është vendimtar për Maqedoninë e Veriut, andaj të gjitha partitë duhet të marrin përsipër përgjegjësitë”, tha Borrell gjatë një konference për media në Shkup.

Borrell, së bashku me komisionarin e BE-së për Zgjerim, Oliver Varhelyi, morën pjesë në takimin me autoritetet maqedonase në takimin e Këshillit për Stabilizim Asociim mes BE-së dhe Maqedonisë së Veriut.

“Maqedonia e Veriut mori për obligim që të ndryshojë Kushtetutën dhe të përfshijë në të edhe qytetarë që jetojnë në kufijtë e shtetit dhe që janë pjesë e nacionaliteteve të tjera, siç janë bullgarët”, tha Borrell.

Ai përmendi shembullin e Kroacisë, e cila në Kushtetutën e saj ka përfshirë 22 bashkësi të ndryshme që jetojnë në shtet.

“Shteti juaj tani paraqet një shembull të shkëlqyer për sa i përket shoqërisë multietnike. Për këtë arsye ndryshimi i Kushtetutës, vetëm se do t’i përparojë të drejtat themelore, dhe nuk dyshoj se me këtë do të ruhet identiteti maqedonas dhe njëkohësisht të shënojë përparim procesi i integrimit”, theksoi Borrell.

Zyrtari i lartë evropian tha se me ndryshimet kushtetuese nuk do të vënë në rrezik identitetin maqedonas.

“Identiteti juaj do të jetë i mbrojtur. Nuk do të jeni më pak se kjo që jeni, por vetëm do të bëheni pjesë e BE-së”, tha ai.

Kërkesa për ndryshimet e Kushtetutës, përkatësisht përfshirjen e pakicës bullgare në preambulë si popull shtetformues, vjen nga marrëveshja me Bullgarinë, bazuar në atë që njihet si “propozimi francez” për zgjidhjen e mosmarrëveshjeve mes dy shteteve për identitetin maqedonas, gjuhën dhe dallimet historike.

Borrell po ashtu theksoi se për herë të parë në Shkup po mbahet takimi i Këshillit për MSA-në, pasi takime të tilla më herët janë mbajtur në Bruksel. Ai tha se kjo duhet të shihet si një sinjal i fuqishëm politik për qasjen që ka BE-ja ndaj Maqedonisë së Veriut.

“Është shumë e rëndësishme që tani shteti juaj të mos ngadalësojë hapat, por të përshpejtojë me realizimin e detyrimeve, realizimin reformave veçanërisht ata që jenë me interes për qytetarët, siç është sundimi i së drejtës, pavarësia e gjyqësorit, lufta kundër korrupsionit dhe krimit të organizuar, si çështje thelbësore të demokracisë”, theksoi ai.

BE-ja, sipas tij, do të sigurojë edhe 9 milionë euro për Armatën maqedonase.

Duke folur për rrugën e Maqedonisë së Veriut drejt BE-së, komisionari për Zgjerim, Oliver Varhelyi, porositi partitë parlamentare se dinamika e procesit të anëtarësimit është në duart e deputetëve.

“Sot do të realizojmë takim edhe me përfaqësuesit e popullit dhe besoj se nuk do të ketë asnjë pengesë për përshpejtimin e reformave të nevojshme”, tha Varhelyi.

Kovaçevski: Maqedonia e Veriut e gatshme të bëhet anëtare e BE-së më 2030

Por, kryeministri maqedonas, Dimitar Kovaçevski, tha se vendi i tij është i gatshëm dhe ka kapacitet që të bëhet pjesë e BE-së më 2023. Ai këtë e bazoi në përkushtimin e shtetit për zbatimin e reformave që i janë vënë si detyrë nga Brukseli.

“Puna e Qeverisë është vendosur në rrugën evropiane dhe pavarësisht sa mund të tringëllojmë ambicioz, besojmë se kemi kapacitete politike që pas përfundimit të procesit të verifikimit në nëntor, me një dinamikë të hyjmë më procesin negociues, dhe në vitin 2030 të bëhemi anëtare e plotë e Bashkimit Evropian”, tha Kovaçevski.

Maqedonia e Veriut e ka nënshkruar Marrëveshjen për Stabilizim Asociim 22 vjet më parë. Atëbotë, pritjet e autoriteteve maqedonase ishin që rruga e shtetit drejt bllokut evropian të realizohej me një dinamikë të përshpejtuar.

Dy dekada më vonë, kursi i negociatave për anëtarësimin e Maqedonisë së Veriut në Bashkimin Evropian mbetet i paqartë, pasi ende shteti nuk arrin të përmbushë kushtin e vendosur pas miratimit të marrëveshjes mes Shkupit dhe Sofjes, që njihet si “propozimi francez” në të cilin parashihet përfshirja e bullgarëve në Kushtetutën maqedonase.

Maqedonia e Veriut, së bashku me Shqipërinë, më 2022 nisën zyrtarisht negociatat për anëtarësim në Bashkimin Evropian./rel

The post Borrell: Ndryshimet kushtetuese i hapin rrugë anëtarësimit të Shkupit në BE appeared first on Albeu.com.

Josef Borrell refuzoi të jepte koment, por Rama “insitoi”, duke i thënë se duhet të përgjigjesh. Më pas, Borrell tha se beson se do të zhvillohen sipas standardeve europiane.

Dialogu:

Borrell: Sa u përket zgjedhjeve, nuk është vendi që unë të komentoj sa i përket procedurave ligjore të brendshme . Besoj se jam plotësisht i bindur se këto procedura ligjore i përkasin shtetit shqiptar.

Rama: Po, por ka nevojë që të na i thoni juve

Borrell: Çfarë mund të them?

Rama: Në Shqipëri ne duam të dimë çfarë mendojnë në Stamboll, çfarë mendojnë në Moskë, e pastaj çvfarë mendojnë në Pekin, tani çfarë mendojnë në Bruksel e Uashington, kështu që duhët të përgjigjesh.

Borrell: Besojmë se zgjedhjet do të mbahen sipas standardeve europiane.

The post “Janë çështje të brendshme”, Rama “detyron” Borrell t’i përgjigjet pyetjes për zgjedhjet lokale, batuta në konferencë appeared first on Albeu.com.

Raportet e reja pretendonin se inteligjenca e shqyrtuar nga zyrtarët amerikanë tregoi se një grup pro-ukrainas qëndronte pas incidentit.

“Nuk kam frikë nga e vërteta, por ne po flasim për spekulime,” u tha ai gazetarëve të mërkurën pas një takimi të ministrave të mbrojtjes të BE në Stokholm.

Ai shtoi se hetimet janë ende duke u zhvilluar në Suedi, Danimarkë dhe Gjermani.

“Për sa kohë që hetimet janë duke vazhduar, ne nuk mund të nxjerrim përfundime përfundimtare. Më duhet të pres që të kem një kuptim të qartë për atë që ka ndodhur,” tha Borrell.

Atij i bëri jehonë edhe ministri suedez i mbrojtjes Pal Jonson.

“Për sa kohë që ai proces (hetim) është në vazhdim, nuk dua të hidhem në asnjë lloj konkluzioni sa i përket atribuimit. Dua të pres derisa të përfundojë hetimi.”/albeu.com

The post Paralajmëron shefi i BE: Mos nxirrni përfundime të shpejta në lidhje me raportet e rrjedhjeve të Nord Stream appeared first on Albeu.com.