Jorgo Meksi nuk do të vazhdojë më te Dinamo, me palët që kanë vendosur të mbyllin bashkëpunimin mes tyre. Një zhvillim i tillë ishte raportuar nga “Newsport.al” që më 29 maj të këtij viti.

Largimi i mbrojtësit të djathtë është bërë i ditur nga vetë klubi kryeqytetas përmes një “InstaStory”. Përkrah fotos së futbollistit, Dinamo ka shkruar “faleminderit”, duke zyrtarizuar kështu lamtumirën.

Meksi iu bashkua Dinamos në janarin e vitit 2024, pasi i dha fund eksperiencës së tij në Greqi me Chaidari. Pas kësaj ndarjeje, 31-vjeçari pritet të jetë një lojtar i lirë në merkato.

Gjatë sezonit të fundit, Jorgo Meksi u aktivizua në 26 ndeshje me fanellën e Dinamos, duke grumbulluar gjithsej 1,285 minuta dhe pa qenë një titullar i padiskutueshëm. Sipas “Transfermarkt”, vlera aktuale e anësorit është 150 mijë euro.

Sa i përket karrierës së tij, Meksi e nisi rrugëtimin në futboll me skuadrën greke të Panionios. Më pas, ai ka luajtur edhe për Ilysiakos, Skënderbeu, Kukësi dhe Chaidari.

The post Dinamo konfirmon ndarjen me Jorgo Meksin, mbrojtësi 31-vjeçar largohet nga blutë appeared first on Albeu.com.