Jorge Jesus është emëruar trajneri i ri i kombëtares së Portugalisë, pasi tekniku 71-vjeçar ka vendosur t’i japë fund eksperiencës së tij te Al-Nassr për të nisur një kapitull të ri në drejtimin e përfaqësueses portugeze.

Marrëveshja e firmosur mes Jesus dhe Portugalisë është 4-vjeçare dhe do të zgjasë deri në verën e vitit 2030. Ky është gjithashtu rasti i parë në karrierën e 71-vjeçarit kur ai merr drejtimin e një kombëtareje.

Gjatë karrierës së tij, Jesus ka qenë në stolin e skuadrave si Estrela, Leiria, Braga, Benfica, Sporting Lisbonë, Al Hilal, Flamengo dhe Fenerbahce. Ai zëvendëson Roberto Martinez, i cili u largua nga detyra pas eliminimit të Portugalisë nga Botërori 2026 në fazën e 1/16-ave.

The post Portugalia i beson stolin Jorge Jesus pas dështimit në Botërorin 2026 appeared first on Albeu.com.

Jorge Jesus është përzgjedhësi i ri i Portugalisë, pasi është finalizuar marrëveshja që ai të pasojë Roberto Martínez në stolin e përfaqësueses portugeze.

Sipas raportimeve të shumta, Federata Portugeze e mbylli akordin me Jorge Jesus vetëm pak orë pasi bëri zyrtar largimin e Roberto Martinezit.

Tekniku portugez do të firmosë një kontratë katërvjeçare, e cila do t’i japë mundësinë të drejtojë Portugalinë në Euro 2028 dhe në Kupën e Botës 2030, kompeticion që do të zhvillohet nga Portugalia, Spanja dhe Maroku.

Prova e parë e rëndësishme për Jorge Jesus do të jetë ruajtja e trofeut në Ligën e Kombeve, të cilin Portugalia e fitoi në vitin 2025. Portugezët bëjnë pjesë në një grup së bashku me Uellsin, Norvegjinë dhe Danimarkën.

Në moshën 71-vjeçare, ai do të marrë për herë të parë drejtimin e një kombëtareje.

Rrugëtimi i tij si trajner nisi në vitin 1989 te Amora, ndërsa katër sezonet e fundit i ka zhvilluar larg Portugalisë. Në fillim ishte në krye të Fenerbahces, më pas të Al Hilalit dhe së fundmi të Al Nassr në Arabinë Saudite, ku arriti të shpallet kampion me të dy klubet dhe të ketë nën urdhra edhe Cristiano Ronaldo.

Në futbollin portugez, emrin e konsolidoi gjatë kohës te Braga, skuadër me të cilën fitoi Intertoto Cup, një arritje që i hapi rrugën kalimit te Benfica.

Në dy aventurat e tij te Benfica, fillimisht nga viti 2009 deri në 2015 dhe më pas nga 2020 deri në 2022, ai fitoi tre tituj kampion të Portugalisë.

Në vitin 2015, Jesus ndërmori një transferim që bëri bujë te rivali i madh Sporting Lisbona, ku qëndroi për tre sezone dhe siguroi një Superkupë dhe një Kupë të Ligës.

The post Jorge Jesus merr drejtimin e Portugalisë pas largimit të Roberto Martinez appeared first on Albeu.com.

Roberto Martínez nuk do të vazhdojë më si trajner i Kombëtares së Portugalisë. Humbja ndaj Spanjës në raundin e 16-të të Kupës së Botës 2026 shënoi edhe fundin e rrugëtimit të teknikut spanjoll në pankinën luzitane.

Pas përfundimit të sfidës, Martínez e bëri të ditur në konferencë për shtyp se periudha e tij te Portugalia ka marrë fund dhe se marrëveshja nuk do të zgjatet.

“Ky është fundi i një cikli. Tani është e rëndësishme që kombëtarja të ketë një trajner të ri dhe është legjitime që presidenti të zgjedhë njeriun e tij. Ju falënderoj për gjithë mbështetjen që kam marrë”, u shpreh Martínez.

52-vjeçari mori drejtimin e Portugalisë në janar 2023, kur zëvendësoi Fernando Santosin pas Kupës së Botës në Katar. Gjatë kohës së tij në krye të ekipit, ai e udhëhoqi përfaqësuesen drejt triumfit në Ligën e Kombeve, por nuk ia doli ta çonte skuadrën te suksesi në Botërorin 2026.

Sipas A Bola, presidenti i Federatës Portugeze të Futbollit, Pedro Proença, tashmë ka vendosur për emrin që do të pasojë Martínezin, dhe ai është Jorge Jesus.

Trajneri 71-vjeçar ndodhet pa skuadër që prej largimit nga Al Nassr në fund të sezonit të kaluar. Ai pritet të zhvillojë një takim me drejtuesit e federatës sapo kombëtarja të kthehet në Portugali, për të mbyllur marrëveshjen.

Nëse ky emërim merr formë zyrtare, Jorge Jesus do të drejtojë Portugalinë në eliminatoret dhe në fazën finale të Euro 2028, si edhe në Kupën e Botës 2030, turne që do të organizohet së bashku nga Portugalia, Spanja dhe Maroku.

The post Roberto Martínez mbyll aventurën me Portugalinë, Jorge Jesus drejt stolit luzitan appeared first on Albeu.com.

Raportimet më të fundit bëjnë të ditur se në listën e ngushtë janë përfshirë tre teknikë të njohur portugezë: Jorge Jesus, Abel Ferreira dhe Sergio Conceicao, të cilët shihen si pretendentët kryesorë për stolin e kombëtares.

Martinez pritet të largohet në fund të kontratës së tij këtë verë. Trajneri spanjoll vijon të gëzojë vlerësim të madh në tregun ndërkombëtar, ndërsa thuhet se është i gatshëm për një rikthim në Ligën Premier.

Po ashtu, sipas raportimeve, ai ka zhvilluar bisedime edhe me Al-Nassr nga Arabia Saudite.

Mes emrave që po shqyrtohen si pasues të tij, Jorge Jesus konsiderohet një prej favoritëve. Trajneri me përvojë ka ndërtuar një karrierë të mbushur me trofe, duke fituar disa tituj kampion në Portugali me Benficën, ndërsa me Flamengon arriti të triumfojë në Copa Libertadores dhe në kampionatin brazilian.

Një tjetër emër me peshë është Abel Ferreira, i cili ka krijuar një reputacion shumë të fortë në Amerikën e Jugut gjatë kohës së tij te Palmeiras. Nën drejtimin e tij, skuadra fitoi dy tituj radhazi në Copa Libertadores, duke e kthyer atë në një nga trajnerët më të suksesshëm të brezit të vet.

Në këtë garë mbetet edhe Sergio Conceicao, i cili ka lënë gjurmë të dukshme në futbollin portugez me Porton.

Gjatë periudhës së tij në klub, ai i dha fund dominimit të Benficës në kampionat dhe siguroi disa trofe të rëndësishëm në arenën kombëtare.

The post Portugalia përgatit epokën pas Martinezit, tre trajnerë portugezë në fokus appeared first on Albeu.com.

Sipas mediave portugeze dhe turke, trajneri 67-vjeçar tashmë i ka thënë “po” skuadrës së Stambollit dhe marrëveshja do të ratifikohet me firmat kur Fenerbaçe të sigurojë matematikisht prezencën në kualifikueset e Champions League.

Jesus, i cili u largua nga pankina e Benfica-s në dhjetor, do të nënshkruajë kontratë me një pagë vjetore prej 7 milionë eurosh. Kjo do të jetë hera e tretë që ai do të punojë jashtë Portugalisë, pas qëndrimit në Al Hilal dhe Flamengo. /albeu.com/

The post Jorge Jesus merr drejtimin e ekipit legjendar appeared first on Albeu.com.

Me Ismail Kartalin si trajner të përkohshëm që nga largimi i Vitor Pereira, klubi iStambollit e sheh 67-vjeçarin si një nga opsionet.

Përveç Jesus, Fenerbahçe mendon edhe për Joachim Low, ish-trajnerin e Gjermanisë dhe Marcelo Bielsa, i cili së fundmi u largua nga Leeds.

Nëse konfirmohet, kjo do të ishte vetëm përvoja e tretë e Jorge Jesus jashtë vendit. Trajneri portugez ka komanduar tashmë në Arabinë Saudite (Al Hilal) dhe Brazil (Flamengo). /albeu.com/

The post Jorge Jesus në bisedime me klubin legjendar appeared first on Albeu.com.

Një nga arsyet kryesore ishte fakti që morën një trajner si Jorge Jesus, i cili është mjaft i njohur. Në verë, Benfica shpenzoi gati 110 milionë euro në afrimin e lojëtarëve, por sezoni ka dështuar totalisht. Ekipi renditet në vend të katërt dhe është krejtësisht jashtë garës për titull dhe këtë gjë tifozët ia faturojnë trajnerit Jesus.

Pikërisht ky i fundit duket se ka bërë gati largimin dhe mediat në Turqi bëjnë me dije se pritet të kalojë te Fenerbahce. Për momentin është vetëm një lajm mediash, por me kalimin e kohës gjithçka mund të konkretizohet. Do të ishte vërtet e bujshme që Jesus të largohej vetëm pas 1 sezoni te Benfica, ku shpenzoi mbi të gjitha gati 110 milionë euro, diçka që nuk kishte ndodhur kurrë nga klubi nga “Da Luz”.

The post Jorge Jesus largohet nga Benfica, drejt kalimit te klubi legjendar appeared first on Albeu.com.