Sipas Zyrës për Kontrollin e Aseteve të Huaja, brenda Departamentit amerikan të Thesarit, Kamçev “është përfshirë në aktivitete korruptive dhe e ka çuar përpara një agjendë egoiste në kurriz të institucioneve dhe qytetarëve të Maqedonisë së Veriut”.

Në njoftimin e lëshuar nga autoritetet amerikane, përmendet se Kamçev është shpallur fajtor në rastin “Parcelat e Vodnos”, sepse është përfshirë në një skemë për pastrim parash, të lidhur me blerje të paligjshme të tokës për ndërtim.

“Në një rast tjetër, Kamçev është deklaruar fajtor për shpërdorim të detyrës në rastin ‘Perandoria’, në të cilin ai është dyshuar për mashtrim, pastrim parash dhe krime tjera të lidhura me bizneset e tij”.

Në janar të vitit 2022, Kamçev është liruar nga paraburgimi me një garanci bankare prej 11 milionë eurosh.

Sipas njoftimit, Kamçev e ka përdorur ndikimin e tij dhe pasurinë për ta manipuluar sistemin e drejtësisë së Maqedonisë së Veriut, në të mirë të tij.

“Më 2020, kryeprokurori i Prokurorisë Speciale është akuzuar se ka pranuar ryshfet nga Kamçevi dhe ka dëshmuar se Kamçev ka paguar para në këmbim të kushteve të favorshme të arrestimit dhe rrjedhës së rastit. Kamçev më vonë e ka hapur një rast civil kundër kryeprokurorit dhe të tjerëve, duke pretenduar se ata e kanë zhvatur. Një gjykatë civile në Shkup ka marrë vendim që Kamçevi nuk ka qenë viktimë dhe se nuk i takon dëmshpërblimi”.

Ai është bashkëpronar i spitalit privat “Sistina” në Shkup, por edhe i shumë bizneseve tjera.

Sanksionet nënkuptojnë bllokimin e të gjitha pronave të tij në tokën amerikane si dhe Kamçevit i ndalohet të bëjë biznes me subjekte amerikane./ REL

The post SHBA shpall non-grata pronarin e Spitalit “Sistina” në Shkup appeared first on Albeu.com.

Prokurorja e rastit “Perandoria“ Vilma Ruskoska thotë se ka informata të rëndësishme që flasin për arratisjen e Orce Kamçevit nga shteti, andaj propozon që ky i fundit që qëndroj në paraburgim deri sa të ketë një aktvendim të plotë të gjykatës për rastet ku ai akuzohet.

Jordan (Orce) Kamçev është njëri prej të dyshuarve në rastin “Perandoria”, por edhe për rastin “Parcela në Vodno”, ndërsa në opinion njihet si njeriu më i afërt i ish-Drejtorit për Siguri dhe Kundërzbulim, Sasho Mijallkov.

Në rastin “Parcela në Vodno” i dyshuari i parë është ish-kryeministri Nikolla Gruevski, për të cilin hetimi ka treguar se me para të partisë ka blerë pronë në vlerë prej 1,3 milionë euro.

Biznesmeni i afërt me Gruevskin, pronar i shumë kompanive gjigante në Maqedoni, është i dyshuar edhe në procesin gjyqësor “Perandoria”, ku hetohet për krim financiar, konkretisht për pastrim parash përmes kompanive në Maqedoni dhe kompanive offshore të regjistruara në vende të huaja.

Jordan Kamçev është drejtor i kompanisë “ Orka Holding”, të themeluar që nga viti 1990 nga babai i Jordan Kamçevit, Ilija Kamçev.

“Orka Holding” është aksionere e kompanive më të mëdha në Maqedoni, si spitali “Acibadem Sistina”, kompania e ndërtimit “Beton Shtip”, “Stopanska Banka”, kombinatin bujqësor “Pelagonija”, “OK Hotel”, restorantin elitar “Sushiko”, pronar i gazetës së përditshme “Nova Makedonija”, etj.

Kamçev dhe njerëzit e tij të afërt, Nikolla Gruevski dhe Sasho Mijallkov akuzohen për keqpërdorim të detyrës zyrtare dhe autorizim, mashtrim dhe larje parash dhe vepra tjera penale. Në rrjedhën e procedurës parahetimore, me ndërmarrjen e veprimeve të ndryshme hetuese janë siguruar dëshmi të mjaftueshme nga të cilat ka dalë dyshim se në periudhën prej vitit 2002 deri më 2013 të dyshuarit i kanë bërë veprat penale për të cilat akuzohen personalisht dhe përmes personave juridik.

Më 9 nëntor të vitit 2018, Prokuroria bastisë “Orka Holding-un”, kompaninë e Kamçevit nën pronësi të së cilës është edhe spitali privat “Acibadem Sistina”.

Në vitin 2009, ofshor kompania Hospital management group LLC nga Qipro e themelon Spitalin klinik “Sistina”. Pastaj, kjo kompani ia shet pronën një ofshor kompanie tjetër nga Panamaja. “Orka Holding” e blen depozitën nga kompania e Panamasë, ndërsa kjo ia shet “Sistinës”, me çka Kamçev faktikisht inkorporon pjesë të depozitës nga Hospital management nga Qipro, në Maqedoni.

Përveç Kamçevit dhe Mijalkovit në rastin “Perandoria” të dyshuar janë dhe Ratka Kunoska Kamçeva – nëna e Kamçevit dhe anëtar jo ekzekutive e Bordit të Drejtorëve të “Orka Holding” Kristina Kamçeva Stojçeski – motra e Kamçevit dhe anëtare jo ekzekutiv i Bordit të Drejtorëve të “Zhito Pollog Tetovë “, Liljana Gajdoska – juriste në firmat e Kamçevit, anëtare jo ekzekutiv i Bordit të Drejtorëve të KB “Pellagonia”, Todor Mirçevski – drejtor i “Eksiko”, Vlladisllav Stajkoviq – pronari NVSP, drejtor e deritanishëm i “Mobiko” dhe ish-drejtor i “Finzi”, Vançe Mijallcçev– Drejtor ekzekutiv i “Beton Shtip” Jovançe Taskovski – broker dhe Dejan Janev ng O.T.E. “Invest”

Në disa raste, “Finzi LLC” nëpërmjet një banke në Qipro ka bërë pagesë për “Finzi” të Maqedonisë në shumë prej 650,000 euro. Atëherë, gjegjësisht në vitin 2009, drejtor i “Finzi” në Maqedoni është Vlladisllav Stajkoviq, vëllai i Nebojsha Stajkoviq, ish ndihmës-ministrit për teknologji të informacionit në MPB.

Këto para vazhdojnë të hyjnë edhe si depozitë themeluese në “Sistina Kardiologji”, kompani e cila më vonë e ndërroi emrin në “Si-Fi-Kar” (Sistina, Finzi, Kara). Në vitin 2012, sipas PSP-së, kur paratë janë pastruar përfundimisht, kompania amerikane nënë mbyllet dhe hapet një kompani të re në të cilën Kërpaç hyn si drejtor, ndërsa në të njëjtën llogari derdhen paratë nga donacion izraelit për pajisje për përgjim.

Ndërkaq sipas prezantimit të spitalit “Acibadem Sistina” në uebfaqen e tyre shkruhet se partnerë kryesorë në biznesin e tyre janë edhe Fondi për Investime i Qeverisë Malajziane dhe kompania japoneze Mitsui&Co. Ndërkaq as partnerët e Kamçevit nuk po dalin mjaftë të larë para procedurave ligjore.

Kompania Japonete Mitsui and Co. disa herë me radhë ka qenë e akuzuar për aferakoruptive disa herënga Republika e Kinës por edhe e vet shtetit nga ku është themeluar dhe ngritur si kompani, pra nga Japonia.

Ndërkaq spitali privat “Acibadem Sisitina” është një nga spitalet më të frekuentuar nga qytetarët e Kosovës./GazetaExpress/

The post Pronari i spitalit privat “Acibadem Sistina” mbetet në paraburgim pasi po planifikon arratisjen appeared first on Albeu.com.