Jordan Henderson, mesfushori me përvojë i Anglisë, ka kaluar me sukses një ndërhyrje kirurgjikale pasi pësoi një dëmtim të pazakontë në kyçin e dorës gjatë festimeve për kalimin e kombëtares së tij në çerekfinale të Kupës së Botës.

Lëndimi ndodhi në stadiumin “Azteca”, kur Anglia festoi triumfin 3-2 ndaj Meksikës. Ish-kapiteni i Liverpoolit, që tani është pjesë e Brentfordit, mësohet se u rrëzua aksidentalisht mbi një panel reklamues LED dhe si pasojë dëmtoi rëndë dorën.

Fillimisht, 36-vjeçari mori ndihmën e parë në një spital në Mexico City. Më pas, ai u dërgua me aeroplan në Kansas City, ku është vendosur kampi bazë i përfaqësueses angleze, për t’iu nënshtruar operacionit.

Ky dëmtim i ka mbyllur pjesëmarrjen në fushë në këtë Kupë të Botës, megjithatë Henderson ka zgjedhur të mbetet pranë shokëve të skuadrës deri në fund të turneut.

Anglia do të luajë të shtunën çerekfinalen ndaj Norvegjisë, ndërsa Henderson e konfirmoi në rrjetet sociale se operacioni kishte përfunduar me sukses.

“Operacioni përfundoi! Tani të përgatitemi për gjënë e madhe të shtunën. Faleminderit stafit që u kujdes për mua në Institutin Ortopedik në Kansas City, si dhe veçanërisht tre kirurgëve që kryen operacionin”, ka shkruar Henderson.

The post Jordan Henderson operohet me sukses pas dëmtimit të veçantë në Kupën e Botës appeared first on Albeu.com.

Fitorja historike 3-2 e Anglisë ndaj Meksikës, që i siguroi kombëtares kualifikimin në çerekfinale të Kupës së Botës, u shoqërua në fund me shqetësim për Jordan Henderson.

Edhe pse mesfushori 36-vjeçar nuk u aktivizua fare në ndeshje, ai tërhoqi vëmendjen fillimisht kur u ndëshkua me karton të verdhë si zëvendësues, pas një incidenti pranë vijës anësore gjatë nxehjes.

Por ngjarja më serioze ndodhi sapo përfundoi takimi. Gjatë festës me shokët e skuadrës, Henderson u rrëzua mbi një tabelë reklamuese dhe dyshohet se dëmtoi kyçin e dorës.

Ai mori ndihmën e parë në fushë, iu vendos oksigjen dhe më pas u transportua me barelë drejt spitalit për kontrolle të tjera.

Pas sfidës, trajneri Thomas Tuchel bëri të ditur se Henderson ishte dërguar në spital.

“Jordan e lëndoi kyçin e dorës. Thjesht nuk i përshtatet kësaj mbrëmjeje fakti që Jordani nuk është me ne”.

“Nuk e di procedurën. Mjeku më tha se ai ndodhet në spital”, deklaroi Tuchel.

Për gjendjen e bashkëlojtarit folën edhe Jude Bellingham dhe Harry Kane.

“Ka një problem të vogël”, u shpreh Bellingham.

“Hendo thjesht u rrëzua atje. Besoj se është mirë. Ka të bëjë me krahun e tij”, tha Kane.

Deri tani nuk ka asnjë përditësim zyrtar nga stafi mjekësor i Anglisë, por ekziston frika se Henderson mund të mungojë në çerekfinalen kundër Norvegjisë, madje edhe në pjesën e mbetur të Kupës së Botës./

The post Jordan Henderson përfundon në spital pas festës së golit, ndonëse nuk luajti asnjë minutë appeared first on Albeu.com.

Jordan Henderson, veterani i Brentfordit, u aktivizua papritur nga stoli në minutat përmbyllëse të suksesit 2-0 të Anglisë ndaj Panamasë, në sfidën e fundit të fazës së grupeve të Kupës së Botës.

Mesfushori 36-vjeçar u fut në lojë në minutën e 84-t dhe me këtë paraqitje hyri në historinë e kombëtares angleze, duke u bërë lojtari i parë i Anglisë që luan në katër edicione të Kupës së Botës.

Që prej debutimit të tij në Botërorin e vitit 2014, Henderson ka grumbulluar 12 paraqitje në katër turne të ndryshëm.

Po ashtu, ai u bë edhe futbollisti i parë anglez që ka qenë pjesë e shtatë turneve të mëdha ndërkombëtare me përfaqësuesen.

“Koha fluturon, apo jo?”, u shpreh Henderson për ITV, teksa komentoi këtë arritje.

“Është vërtet çmenduri. Gjithmonë kam thënë se sa i privilegjuar ndihem që përfaqësoj vendin tim që nga dita e debutimit.

Të jem ende në gjendje ta bëj këtë tani është një ëndërr e kthyer në realitet. Të hyj në fushë dhe të vrapoj si një fëmijë i vogël pasi mora disa minuta, për mua do të thotë po aq shumë tani sa edhe kur luajta ndeshjen time të parë”.

“E vetmja gjë që jam përpjekur të bëj është të jap maksimumin për vendin tim, për shokët e skuadrës dhe për të gjithë, që ta bëj kombin krenar”, deklaroi Henderson.

The post Jordan Henderson vendos rekord me Anglinë pas vetëm pak minutash në fushë appeared first on Albeu.com.

Henderson u tha drejtuesve të klubit se donte të mbante numrin 14 në fanellën e tij, të cilën e ka mbajtur pothuajse gjatë gjithë karrierës së tij kudo që ka luajtur, por Ajax i tha atij se kjo nuk do të ishte e mundur.

Anglezi mendoi se do ta merrte pa problem numrin 14 sepse e pa që askush në skuadrën e Ajax-it nuk e mbante, por në fund klubi i shpjegoi pse nuk e kishte të mundur ta merrte atë numër.

Numri 14 u pensionua për nder të legjendarit Johan Cruyff, i cili e kishte veshur këtë numër teksa luante për Ajax-in. /Sport Ekspres/

The post Henderson kërkoi numrin 14, Ajax i tregoi se pse nuk ka asnjë lojtar në botë që mund ta marrë appeared first on Albeu.com.

Ajaxi gjithmonë mat shitjet e fanellave të një lojtari në javën e parë pasi ai është rekrutuar.

Sipas klubit holandez, fanella e Hendersonit është fanella më e shitur ndonjëherë, pasi mposht lehtësisht serbin Dusan Tadic dhe holandezin Daley Blind.

Fanella e mesfushorit anglez u shit më shumë herë brenda 24 orëve sesa ajo e Tadic dhe Blind në një javë.

Numrat e saktë nuk përmenden kurrë, por Ajaxi thotë se kjo tashmë është fanella më e shitur e një lojtari ndonjëherë.

Henderson thjesht nuk i mposht shitjet e fanellës së limituar “Marley”. Ajo shkoi pak më shpejt brenda 24 orëve.

Brenda Ajaxit kishin pritur që shitja e fanellave do të shkonte shpejt, por ata nuk e kishin parashikuar që do të kalonte çdo rekord kështu.

“Ne rrallë ose kurrë nuk e përjetojmë këtë”, ka thënë një nga drejtuesit e klubit.

Shitjet online po shkojnë si të çmendura. Jo vetëm brenda Holandës. Fanella e Hendersonit tani është gjithashtu në kërkesë të madhe brenda Azisë.

Arsyeja për këtë mund të jetë se Liverpool gjithmonë ka investuar shumë në vendet atje. Si kapiteni i atëhershëm i Reds, fanella e Henderson shitej shpesh atje gjithsesi. /Telegrafi/

The post Henderson thyen rekordin e shitjes së fanellave të Ajaxit brenda 24 orëve appeared first on Albeu.com.

Mesfushori ka luajtur për Al-Ettifaq në gjashtë muajt e fundit, me të cilët ka shkëputur kontratën.

Mesfushori që ka 81 paraqitje për kombëtaren angleze, ka luajtur më parë me Sunderlandin dhe Liverpoolin.

Ai nënshkroi kontratë me Ajax për dy vjet e gjysmë, deri më 30 qershor 2026.

Henderson do të mbajë veshur fanellën me numrin 6-të në klubin e ri. /Telegrafi/

The post Jordan Henderson, lojtari i ri i Ajax appeared first on Albeu.com.

33-vjeçari anglez, i cili u largua nga Liverpool në verë pas 12 vitesh, do të largohet nga Al Ettifaq pas vetëm 19 paraqitjeve në ekipin e parë.

Henderson ka luftuar për t’u vendosur në Lindjen e Mesme, sipas raporteve të përhapura, gjë që ka çuar në largimin e tij këtë afat kalimtar.

Sipas Sky Sports, Al Ettifaq kanë rënë dakord të ndërpresin kontratën e anglezit për të lehtësuar një kalim te skuadra e Eredivisie, Ajax, të cilët pretendojnë se klubi holandez është i gatshëm t’i ofrojë atij një marrëveshje 18-mujore plus opsionin e një viti të mëtejshëm.

Henderson tashmë ka udhëtuar në Evropë për të përfunduar transferimin, por ai është larguar pa marrë asnjë qindarkë nga paga e tij e majme, e cila thuhet se për gjashtë muaj shkon 10 milionë euro, pasi kishte pagë prej 350 mijë funtesh në javë

Sipas The Telegraph, Henderson shtyu të gjitha pagesat për të shmangur taksën në Mbretërinë e Bashkuar, që do të thotë se mesfushori nuk ka fituar ende asnjë qindarkë nga qëndrimi i tij i shkurtër në stadiumin Prince Mohammad bin Fahd.

Në fakt, burime pranë lojtarit besojnë se ai ‘mund të mos paguhet kurrë’ për periudhën gjashtëmujore të kaluar te klubi saudit.

Raporti vazhdon duke shpjeguar se vendimi për shtyrjen e pagave të tij është i paqartë, por mund të kishte qenë kështu që ai mund ‘të kthehej në Britani për të luajtur për Anglinë në një afat të shkurtër, i pakufizuar nga kufizimet kohore të vendosura për ata pa statusin e taksapaguesit në Mbretërinë e Bashkuar’ .

Përveç kësaj, kthimi në Britani me familjen e tij për të vizituar miqtë dhe të afërmit u tha gjithashtu se ishte pjesë e konsideratës. /Telegrafi/

The post Henderson nuk është paguar ende asnjë qindarkë nga klubi saudit, mund ‘të mos marrë kurrë’ rrogën e tij appeared first on Albeu.com.

Ylli anglez Jordan Henderson ka arritur një marrëveshje për t’u larguar nga Al-Ettifaq dhe po i afrohet një transferimi te Ajax, sipas mediave angleze.

Ish-kapiteni i Liverpoolit do të ndërpresë kontratën e tij prej 810 mijë euro në javë në Arabinë Saudite.

The Athletic pretendon se Henderson më pas do të nënshkruajë kontratë me Ajax-in holandez dhe kështu do të përgatitet për paraqitjen në Kampionatin Evropian për Anglinë.

Henderseon iu bashkua Al-Ettifaq vetëm në korrik të vitit të kaluar, që do të thotë se aventura e tij në Lindjen e Mesme zgjati vetëm gjashtë muaj.

33-vjeçari ka zhvilluar 19 ndeshje me skuadrën arabe duke mos shënuar asnjë gol, por duke asistuar në pesë të tjerë.

Interesim pët të ka shfaqur edhe Juventusi, megjithatë anglezi ka vendosur që karrierën ta vazhdoj te Ajaxi. /Telegrafi/

The post Henderson ndërpret kontratën me klubin arab dhe do t’i bashkohet gjigantit evropian appeared first on Albeu.com.

Anglezi është i pakënaqur në Arabinë Saudite dhe është i dëshiruar nga Ajaxi, por edhe klubet e Ligës Premier dhe Bundesligës.

“Ka një bisedë serioze duke u zhvilluar me Henderson. Ai ka ende disa gjëra për të rregulluar në Arabinë Saudite. Mund të jetë një goditje e bukur. Nuk është sekret që ne mund ta luajmë vërtet me një lojtar si ai. Djem të tjerë mund të përfitojnë nga kjo”, deklaroi Van’t Schip për ESPN.

Megjithatë, Al Ettifaq nuk është i lindur ende të lejojë mesfushorin me përvojë të largohej pas vetëm disa muajsh.

Henderson ishte një nga lojtarët kryesor të Liverpoolit për shumë vite, ku u fituan disa trofe për klubin e njohur anglez, si Liga e Kampionëve dhe Liga Premier. /Telegrafi/

The post Trajneri i Ajax konfirmon interesimin për Jordan Henderson: Nuk është sekret se do të na ndihmonte shumë appeared first on Albeu.com.

Sipas talkSPORT, ish-kapiteni i Liverpoolit është vetëofruar tek dy klubet gjermane, Bayern Munich dhe Bayer Leverkusen.

Henderson nuk është adaptaur me jetën në Lindjen e Mesme dhe është në kërkim të aventurave të reja, vetëm gjashtë muaj pasi u transferua në Arabi nga Liverpooli për shumën e 13 milionë eurove.

Fillimi i sezonit për mesfushorin anglez në Arabi nuk ka shkuar ashtu siç ai e kishte planifikuar pasi klubi ka fituar vetëm gjashtë nga 19 ndeshjet e luajtura deri më tani dhe momentalisht gjenden në pozitën e tetë në tabelë.

Në rast se Henderson vendos përfundimisht për largimin, atëherë kjo lëvizje do t’i kushtonte atij rreth shtatë milionë euro.

Ai përfiton momentalisht 700 mijë euro në javë (pa taksa), por elementi pa taksa aktivizohet vetëm në rast se ai i përmbush dy vitet e para të kontratës së tij.

Momentalisht qëllimi i klubit është që ta bind lojtarin që të qëndrojë dhe deri më tani nuk ka pasur ndonjë kërkesë zyrtare për largim as nga ana e Henderson./Telegrafi/

The post Jordan Henderson tek Bayern Munich? Anglezi vetëofrohet tek gjiganti gjerman appeared first on Albeu.com.