Pas zyrtarizimit të kalimit tek Interi, John Stones ka shprehur emocionin dhe krenarinë që ndien për nisjen e kapitullit të parë të karrierës së tij jashtë Anglisë, duke deklaruar se është “i uritur për të fituar përsëri”.

Në intervistën e tij të parë, të publikuar përmes kanaleve zyrtare të Interit, mbrojtësi anglez pranoi se ky transferim i ka sjellë një ndërthurje emocionesh.

“Shumë emocione, për të qenë i sinqertë, një ndjenjë e madhe lumturie dhe krenarie, emocion për të filluar këtë kapitull të ri. Dhe çfarë vendi për ta bërë këtë”, u shpreh fillimisht Stones.

Pas dhjetë vitesh të kaluara te Manchester City, 32-vjeçari tregoi se prej kohësh dëshironte të provonte një eksperiencë jashtë vendit. Sipas tij, sapo u shfaq kjo mundësi, ai dhe familja e tij “nuk hezituan”.

Në skuadrën e re, Stones do të gjejë edhe Manuel Akanjin, me të cilin ka luajtur më parë te City. Megjithatë, anglezi nuk i tregoi asgjë mbrojtësit zviceran derisa marrëveshja u nënshkrua.

“Nuk doja ta prishja kontratën para se të nënshkruaja. Ai është një nga mbrojtësit më të mirë me të cilët kam luajtur dhe jam shumë i lumtur që do të luaj me të”, shtoi futbollisti anglez.

Një tjetër emër i njohur për të është Aleksandar Kolarov, asistenti i Cristian Chivut, të cilin Stones e njeh që nga periudha kur të dy ishin pjesë e Manchester Cityt.

Kur u pyet për atë që mund t’u ofrojë kampionëve në fuqi, mbrojtësi përmendi mentalitetin fitues dhe përvojën e krijuar nga trofetë e shumtë. “Unë jam dikush që është shumë i uritur për të fituar përsëri”, deklaroi ai.

“Kam qenë shumë me fat që kam fituar kaq shumë gjëra në të kaluarën dhe dua ta sjell këtë përvojë këtu”, vijoi Stones. Ai nënvizoi gjithashtu rëndësinë e skuadrës, duke theksuar se “nuk fiton vetëm”, ndërsa u shfaq i gatshëm të përshtatet me “një mënyrë të re futbolli dhe një ligë të re”.

Stones mbërrin tek Interi pasi ndihmoi Anglinë të siguronte medaljen e bronztë në Kupën e Botës. Ai bëhet njëkohësisht anglezi i katërt që përfaqëson klubin zikaltër.

Në përfundim, ish-ylli i Cityt iu drejtua tifozëve me një premtim: “Premtoj se do ta vesh fanellën me krenari dhe do të jap gjithçka për klubin dhe shokët e mi të ekipit”.

The post John Stones nis aventurën tek Interi: Kam uri për të fituar sërish appeared first on Albeu.com.

John Stones është zyrtarisht futbollist i Interit. Mbrojtësi anglez ka mbërritur në Milano dhe ka nënshkruar kontratë me klubin italian deri më 30 qershor 2028.

32-vjeçari nis këtë aventurë të re pas një periudhe të shkëlqyer me Manchester Cityn. Nën drejtimin e Pep Guardiolës, ai u afirmua si një prej qendërmbrojtësve më të spikatur në Ligën Premier.

Hapat e parë si profesionist Stones i hodhi te Barnsley, skuadra e qytetit ku lindi. Në vitin 2013 ai kaloi tek Evertoni, ndërsa paraqitjet bindëse me këtë klub i hapën rrugën transferimit te Manchester City tri vite më pas.

Në dhjetë sezonet e kaluara në “Etihad”, mbrojtësi u aktivizua në 295 ndeshje dhe realizoi 19 gola. Gjatë kësaj kohe ai fitoi gjashtë tituj të Ligës Premier, tre FA Cup, pesë Kupa të Ligës, Ligën e Kampionëve, Superkupën e UEFA-s dhe Kupën e Botës për Klube.

Stones numëron gjithashtu 94 paraqitje me Kombëtaren e Anglisë. Ai ka qenë pjesë e dy finaleve të Kampionatit Evropian dhe kontribuoi që “Tre Luanët” ta mbyllnin Kupën e Botës 2026 në vendin e tretë.

Drejtuesit e Interit vlerësojnë se eksperienca, aftësia për të nisur aksionet nga prapavija dhe lidershipi i anglezit do t’i japin një ndihmë të rëndësishme ekipit të Cristian Chivut përpara sezonit të ri.

The post Interi konfirmon afrimin e John Stones deri në vitin 2028 appeared first on Albeu.com.

Interi ka përfunduar marrëveshjen për afrimin e John Stones. Sipas raportimeve të disa mediave, mbrojtësi anglez ka gjetur akordin përfundimtar me klubin zikaltër dhe transferimi tashmë konsiderohet i mbyllur.

Palët kanë miratuar të gjitha kushtet e kontratës, duke konfirmuar marrëveshjen. Reprezentuesi i Anglisë do të firmosë deri në qershor të vitit 2028, pa pasur mundësi për ta zgjatur bashkëpunimin edhe për një sezon tjetër.

Paga e Stones do të jetë rreth 4 milionë euro neto për sezon. Para se kalimi të bëhet zyrtar, ai pritet të udhëtojë së shpejti drejt Milanos për t’iu nënshtruar kontrolleve mjekësore.

Futbollisti 31-vjeçar i jep fund qëndrimit dhjetëvjeçar te Manchester City. Marrëveshja e tij me kampionin anglez skadoi më 30 qershor, ndaj ai mbeti lojtar i lirë dhe fitoi mundësinë për të nisur një përvojë të re jashtë Ligës Premier.

Juventusi kishte shfaqur gjithashtu interes për Stones, ndërsa Chelsea dhe Arsenali ishin mes klubeve angleze që kërkonin shërbimet e tij. Megjithatë, dëshira për një eksperiencë ndryshe e shtyu mbrojtësin të përzgjidhte Interin si ndalesën e ardhshme të karrierës.

Stones ishte protagonist i një prej epokave më të suksesshme të Manchester Cityt, gjatë së cilës koleksionoi trofe të shumtë, mes tyre tituj të Ligës Premier dhe Ligën e Kampionëve. Tashmë, me fanellën e Interit, ai do të hapë një kapitull të ri në Serie A.

The post Interi finalizon transferimin e John Stones, anglezi nis aventurën në Serie A appeared first on Albeu.com.

Vetëm një ndeshje e ndan Kombëtaren e Anglisë nga finalja e Kupës së Botës 2026, megjithatë historia e shumicës së lojtarëve të grumbulluar nga Thomas Tuchel nuk ka zanafillë në arenat prestigjioze të Ligës Premier.

Prej 26 futbollistëve të përzgjedhur për turneun botëror, plot 20 prej tyre kanë provuar më parë ashpërsinë e kategorive inferiore angleze, ndërsa një pjesë e tyre kanë njohur edhe realitetin e futbollit gjysmëprofesionist, shumë kohë përpara se të shkelnin në skenën më madhështore të sportit.

Ky realitet dëshmon se shtegu drejt suksesit rrallëherë është i shtruar, pasi një numër i konsiderueshëm i protagonistëve aktualë të “Tre Luanëve” kanë kaluar sezone të tëra në impiante të thjeshta dhe me skuadra larg qendrës së vëmendjes mediatike.

Jordan Pickford, gardiani i portës titullare, kaloi në gjashtë periudha huazimi që përshkuan gjithë piramidën e futbollit anglez. Ai u aktivizua në Ligën Kombëtare (shkalla e pestë), në Kategorinë e Katërt, të Tretë dhe të Dytë, derisa siguroi një pozicion të qëndrueshëm te Sunderland dhe më vonë u shndërrua në zgjedhjen e parë të portës së Anglisë.

Një trajektore të ngjashme ndoqi edhe Dean Henderson, që numëron paraqitje në Ligën Kombëtare si dhe në Kategorinë e Katërt, të Tretë e të Dytë. James Trafford, nga ana tjetër, u brumos në Kategorinë e Tretë me fanellat e Accrington Stanley dhe Bolton Wanderers, përpara se të shpërthente me Burnleyn në Kategorinë e Dytë.

Në repartin e prapavijës, emra si John Stones, Marc Guehi, Trevoh Chalobah, Ezri Konsa, Reece James, Djed Spence dhe Jarell Quansah i hodhën hapat e parë në Kategorinë e Dytë ose të Tretë, aty ku grumbulluan përvojën e nevojshme që më vonë i transferoi në klubet e mëdha të vendit.

Një rast veçanërisht motivues është ai i Dan Burn, i cili dikur punonte në një supermarket për të plotësuar buxhetin, ndërkohë që luante në Ligën Kombëtare. Në moshën 34-vjeçare, ai shijon tani debutimin në Kupën e Botës me kombëtaren angleze.

As yjet e sulmit nuk e patën rrugën më të lehtë. Kapiteni Harry Kane veshi fillimisht uniformën e Leyton Orient në Kategorinë e Tretë, e më pas ato të Millwall dhe Leicester City në Kategorinë e Dytë, përpara se të shndërrohej në ikonë te Tottenham.

Jude Bellingham i mjaftoi një sezon i vetëm me Birmingham City në Kategorinë e Dytë që të bindte Borussia Dortmundin për ta blerë. Ndërkaq, Ollie Watkins zbriti deri në Ligën Kombëtare, për të kaluar më pas në Kategorinë e Katërt, më vonë në të Dytën dhe përfundimisht të ngjitej në elitë.

Ivan Toney kaloi shumë vite në Kategorinë e Katërt dhe të Tretë me disa formacione, derisa shpërtheu te Brentford në Kategorinë e Dytë dhe fitoi të drejtën e fanellës kombëtare. Edhe Anthony Gordon, sot pjesë e Barcelonës, pati një eksperiencë jo fort të lumtur në Kategorinë e Dytë te Preston North End, ku e humbi vendin e titullarit pas një ndryshimi në stolin e trajnerit.

Kontrasti vjen vetëm nga gjashtë futbollistë të ekipit aktual që nuk kanë shkelur kurrë në kategoritë e ulëta angleze: Nico O’Reilly, Declan Rice, Kobbie Mainoo, Bukayo Saka, Marcus Rashford dhe Noni Madueke — ky i fundit luajti në kategorinë e dytë holandeze me ekipin rezervë të PSV-së, jo në Angli.

Rruga e kësaj gjenerate të kombëtares angleze dëshmon qartë se arritjet madhore nuk burojnë gjithmonë nga akademitë e privilegjuara apo debutimet e hershme në Ligën Premier. Për shumicën e nxënësve të Thomas Tuchel, udha që i çoi në gjysmëfinalen e Kupës së Botës kaloi fillimisht në terrenet e vështira dhe sfidat e ashpra të kategorive të fundit të futbollit anglez.

The post Rrugëtimi me baltë drejt lavdisë: 20 lojtarët e Anglisë që prekën fundin për të mbërritur në majat e Botërorit appeared first on Albeu.com.

Pas triumfit 3-2 të Anglisë ndaj Meksikës në Kupën e Botës, mbrojtësi John Stones dhuroi një skenë komike në dhomën e zhveshjes, ku në qendër të shakasë së tij ishte trajneri Thomas Tuchel.

Ish-lojtari i Manchester Cityt u shtir sikur kishte pësuar një dëmtim në shpatull, duke e mbajtur me siklet dhe duke alarmuar për pak çaste teknikun gjerman.

Më pas, Stones e ndërpreu aktrimin dhe nisi të kërcejë me lëvizje plot energji, çka bëri që e gjithë dhoma, përfshirë edhe Tuchelin, të shpërthente në të qeshura.

Ky episod argëtues është bërë viral, duke tërhequr vëmendje për frymën pozitive dhe atmosferën e shëndetshme të batutave brenda kombëtares angleze.

Ndërkohë, Anglia e ka prerë tashmë biletën për në çerekfinale, ku e pret përballja me Norvegjinë.

Skuadra që do të dalë fituese nga ky duel do të ndeshet më pas me fituesin e çifteve Argjentinë-Egjipt dhe Zvicër-Kolumbi.

The post John Stones vë në lojë Tuchelin me një dëmtim të shtirur pas suksesit ndaj Meksikës dhe më pas shpërthen në vallëzim appeared first on Albeu.com.

28-vjeçari ka pësuar një dëmtim të kofshën e djathtë dhe nuk do të i jetë i gatshëm për Guardiolan për derbin e Manchesterit të dielën. Jo vetëm kaq, gjerat janë edhe më rëndë, pasi lojtari rrezikon edhe Kupën e Botës.

Stones do t’i nënshtrohet ekzaminimeve mjekësore për të përcaktuar shkallën e dëmtimit.

Kujtojmë që mbrojtësi është një pikë referimi sipër “citizens”, ashtu edhe për kombëtaren angleze./albeu.com

The post U dëmtua në përballjen mes “Tre Luanëve” dhe Gjermanisë, “shtylla” e City-t humb derbin dhe rrezikon “Katar 2022” appeared first on Albeu.com.