Chelsea ka shënuar një moment historik në merkato duke blerë Morgan Rogers nga Aston Villa për shumën e jashtëzakonshme prej 137.3 milionë eurosh. Ky operacion e ka futur talentin anglez në rradhët e pesë afrimeve më të shtrenjta të realizuara ndonjëherë në futboll.

Me këtë lëvizje marramendëse financiare, mesfushori me prirje ofensive ngjitet nga klubi londinez në një pozitë elitare, duke u radhitur menjëherë pas katër yjeve më të paguar të sportit.

Lista e blerjeve rekord vijon të kryesohet nga Neymar, i cili u transferua te Paris Saint-Germain për 222 milionë euro. Në vend të dytë qëndron Kylian Mbappe, gjithashtu te PSG, me një kosto prej 180 milionë eurosh. Pasohet nga Ousmane Dembele, që iu bashkua Barcelonës për 148 milionë euro, si dhe Alexander Isak, i cili kaloi te Liverpooli për 145 milionë euro.

Në vijim të dhjetëshes së parë, pas Rogers vijnë emra po aq të njohur: Elliot Anderson te Manchester City dhe Philippe Coutinho te Barcelona, të dy me nga 135 milionë euro secili. Më tej renditet Joao Felix, që i kushtoi Atletico Madridit 127.2 milionë euro, Jude Bellingham i blerë nga Real Madridi për 127 milionë euro dhe Florian Wirtz, i cili përfundoi te Liverpooli për 125 milionë euro.

Ky afrim spektakolar rikonfirmon politikën ambicioze të Chelseat në tregun e transferimeve. Investimi rekord e kthen Rogers në një shtyllë qendrore të projektit të ri, ndërsa pritshmëritë mbi supet e tij janë bërë tashmë po aq kolosale sa edhe shifra e investuar për kartonin e tij.

The post Morgan Rogers, transferimi i pestë më i kushtueshëm në historinë e futbollit; Chelsea shënon një rekord të ri appeared first on Albeu.com.

Le të vendoset që në fillim: eliminimi i Portugalisë në Kupën e Botës 2026 përbën pa diskutim një poshtërim.

Me cilësinë që ka kjo përfaqësuese, moskalimi as deri në çerekfinale përbën një dështim të madh. Mund të thuhet se u ndalën nga një Spanjë e fuqishme, por situata mund të kishte marrë tjetër drejtim po të kishin mposhtur RD Kongon dhe ta mbyllnin grupin në vendin e parë. Në atë rast, përballja e parë do të ishte me Ganën, ndërsa më pas, nëse fitonin, do të gjenin përballë Zvicrën. Pra, Spanja nuk do të ishte fare në rrugën e tyre.

Natyrisht, një pjesë e fajit i takon Cristiano Ronaldos. Në disa segmente të lojës, për shkak të mungesës së intensitetit të tij, skuadra dukej sikur luante praktikisht me dhjetë futbollistë. Po ashtu, duket se pesha e emrit dhe autoriteti i tij ndikuan që ai të mos zëvendësohej të paktën rreth minutës së 60-të, sidomos duke parë paraqitjet e Goncalo Ramos.

Megjithatë, kush i ka ndjekur ndeshjet e Portugalisë e ka të vështirë të besojë se mjaftonte të hiqej Ronaldo dhe çdo gjë do të rregullohej. Kjo nuk qëndron. Problemet e kësaj kombëtareje nisnin shumë më herët, para se topi të mbërrinte te ai.

Pikërisht këtu hyn roli i trajnerit Roberto Martinez.

Nuk ka nevojë të përdoren etiketime boshe për ta shpallur si fajtorin absolut apo si një trajner tërësisht të paaftë. Por është e vështirë të shmanget përshtypja se qasja e Martinezit ndaj këtij turneu të veçantë nuk kishte logjikën e duhur.

Ai kishte në dispozicion lojtarë të nivelit më të lartë, që paraqiten shkëlqyeshëm me klubet e tyre. Prapëseprapë, duket se nuk arriti t’i lexojë siç duhet cilësitë e secilit dhe të ndërtonte një strukturë funksionale rreth tyre. Sidomos një strukturë ku ata të ndiheshin rehat.

Te pika e parë janë Vitinha, Joao Neves, Bernardo Silva dhe Bruno Fernandes. Arsyeja pse të paktën tre të parët duken kaq mirë te klubet e tyre lidhet me faktin se në ato skuadra loja ndërtohet me futbollistë që qëndrojnë vazhdimisht afër njëri-tjetrit, në distanca të shkurtra dhe me kompaktësi.

Te Paris Saint-Germain i Luis Enriques, kjo përkthehet te dyshja portugeze, Fabian Ruiz dhe një treshe sulmuese shumëfunksionale që lëviz pa pushim dhe krijon opsione pasimi. Kjo është pikërisht arsyeja pse Vitinha dhe Neves spikasin aq shumë.

Por në këtë Kupë Bote, nga Vitinha pothuajse nuk mbeti asgjë për t’u kujtuar. Ai nuk pati asnjë moment të vetëm vërtet kulmor. Sa i përket Nevesit, në thelb mbetet vetëm goli ndaj RD Kongos.

Martinez nuk u ofroi atyre kushte të ngjashme. Përkundrazi, ai e shpërndau skuadrën në të gjithë fushën. Dy lojtarë anësorë ruanin gjerësinë dhe qëndronin të lidhur me vijat anësore. Nuk pati diamant 4‑4‑2, nuk pati lëvizshmëri dinamike të treshes së sulmit. Në vend të kësaj, u krijua një organizim që e shtynte lojën drejt një rrëmuje të madhe në mesfushë.

Pika e dytë lidhet me faktin se e gjithë kjo u bë për t’i dhënë vend dy anësorëve. Martinez është i bindur se ata duhet të jenë në fushë. Thjesht kështu mendon. Dhe asgjë nuk e lëkund nga kjo ide. Për këtë arsye, gjatë pesë ndeshjeve ai vazhdoi të alternonte Pedro Neto, Rafael Leao, Joao Felix dhe Francisco Conceicao në krahë.

Por në të njëjtën kohë, Portugalia ka edhe dy futbollistë të klasit botëror që për të dhënë maksimumin e tyre, ashtu si në klubet përkatëse, kanë po aq nevojë për atë gjerësi.

Bëhet fjalë për Nuno Mendes dhe Joao Cancelo. Sado kontradiktore të tingëllojë, të dy konsiderohen aktualisht mes tre mbrojtësve më të mirë në botë. Edhe atyre u duhet hapësirë.

Problemi është se mbrojtësit e krahut dhe sulmuesit anësorë të Portugalisë përfundojnë duke i zënë vendin njëri-tjetrit. Secili i kufizon tjetrit zonën ku duhet të veprojë, duke i marrë hapësirën që i nevojitet aq shumë.

Si përfundim, krijohet një ndërtim ku gjysma e skuadrës vendoset në krahë, ndërsa gjysma tjetër qëndron më poshtë në gjysmën e vet të fushës, me Vitinha dhe Neves pranë qendërmbrojtësve. Qendra mbetet bosh, ndërsa diku përpara Cristiano endet lart. Duke ecur.

Pika e tretë është se i vetmi që mund të përfitonte realisht nga prania e anësorëve të shpejtë ishte Bruno. Kjo është loja e tij: të dallojë vrapimet e tyre dhe të dërgojë pasimet e tij karakteristike në hapësirë.

Por Martinez shpërfilli një tjetër element të rëndësishëm: Bruno ka vështirësi kur nuk është mesfushori dominues. Në sezonin e kaluar të Ligës Premier ai kishte mesatarisht 51 pasime për ndeshje, ndërsa në tri ndeshjet e tij të fundit në Kupën e Botës me Portugalinë kjo shifër ishte 1.7 herë më e ulët. Neves dhe Vitinha lëvizin pranë tij dhe i marrin rolin që ai zakonisht e ka si të vetin.

Bruno, i cili në këtë turne u pa në versionin më të dobët të mundshëm, është një tjetër viktimë e sistemit të lojës së skuadrës.

Nëse kësaj i shtohet edhe faktori Ronaldo, del një kombinim që e pengoi Portugalinë të prodhonte qoftë edhe një paraqitje të vetme kolektive bindëse ndaj një kundërshtari të fortë, duke përjashtuar këtu Uzbekistanin.

Dhe e gjithë kjo pa hyrë fare te mënyra se si u ekspozuan në kundërsulme.

Martinez, në thelb, nuk mori kurrë guximin për të ndryshuar vërtet diçka. Për shembull, ai mund të kishte kaluar në një 4‑4‑2, ta shtonte Bernardon pranë këtyre mesfushorëve dhe ta çiftonte Ronaldon në sulm me Ramosin ose Felixin, me të cilët ai ka tashmë mirëkuptim në nivel klubi. Mesfushorët qendrorë mund të lëviznin nga brenda, ndërsa krahët t’u liheshin Mendes dhe Cancelos për të dërguar krosime në zonë drejt dy sulmuesve.

Gjëja më e mirë që Martinez bëri për të fshehur dobësitë e skuadrës ishte qasja e hapur me këmbën prapa kundër Spanjës, me shpresën se do të përsëritej finalja e Ligës së Kombeve. Gjatë ndeshjes, në fakt, Portugalia mund të ketë pasur edhe fat. Në këtë kuadër, trajneri pothuajse me siguri do ta kujtojë dëmtimin e Mendes.

Por ajo që ai me siguri nuk do të arrijë të shpjegojë është përse nuk mundi të nxirrte maksimumin nga një tjetër brez i shkëlqyer futbollistësh që kishte në dispozicion.

The post Pse përgjegjësia për dështimin e Portugalisë në Kupën e Botës nuk bie vetëm mbi Ronaldon? appeared first on Albeu.com.

Sulmuesi 25-vjeçar ka kaluar një periudhë të vështirë që nga transferimi i tij te Atletico Madrid për 126 milionë euro në vitin 2019.

Në atë kohë, ai konsiderohej si një nga talentet më premtues, por nuk arriti të përmbushë pritshmëritë në kryeqytetin spanjoll.

Felix ka ende gjashtë vite kontratë me Chelsean, por pas vetëm 20 paraqitjesh dhe shtatë golash, duket se është jashtë planeve të klubit dhe sezonin e fundit e mbylli te Milan, së bashku me Kyle Walker dhe Christian Pulisic.

Megjithatë, ‘Rossonerët’ nuk do të shqyrtojnë transferimin e tij, por Felix i ka thënë gazetës Correio da Manha se mund të rikthehet në klubin ku u rrit.

“Dua të kthehem në shtëpi, shtëpia ime është Benfica. Më duhet të rikthehem në shtëpi. Benfica është klubi im i preferuar”.

“Me Bruno Lagen si trajner, dikë që e njoh dhe që ka qenë shumë i rëndësishëm për karrierën time, kjo forcon edhe më shumë vendimin tim, dhe do të isha shumë i lumtur të rikthehesha”.

“Aty është ndoshta vendi ku jam më i prirë të shkoj. Ndjej se më duhet të jem në shtëpi, dhe për këtë arsye Benfica është një nga idetë që kam në mendje”, ka thënë Felix.

The post Joao Felix e thotë haptas se në cilin klub dëshiron të transferohet appeared first on Albeu.com.

Asnjëri sulmues nuk është në planet e trajnerit Enzo Maresca, duke bërë që Chelsea të kërkojë largime të përshtatshme si pjesë e riorganizimit të skuadrës.

Në një ndryshim simbolik, fanella e mëparshme me numër 14 e Felix tani i është caktuar lojtarit të ri Dario Essugo, duke sinjalizuar një fillim të ri dhe ndryshim rolesh brenda skuadrës.

🚨❌ João Félix and Raheem Sterling will also not be part of Chelsea Club World Cup squad.

Chelsea will look for solutions on the market for both players.

👕 João’s previous number (14) will now be used by new signing Dário Essugo. pic.twitter.com/omHzKQ4gMo

— Fabrizio Romano (@FabrizioRomano) June 11, 2025

kuadra e plotë e Bluve do të zbulohet zyrtarisht sot (e mërkurë në 18:00 me orën tonë lokale.

Sterling pritet të mbetet në Ligën Premier pasi ka disa oferta, ndërsa Felix mund të transferohet në ndonjë kampionat tjetër evropian.

The post Dy yjet e mëdha nuk do të përfshihen në skuadrën e Chelseat për Kupën e Botës për Klube appeared first on Albeu.com.

Portugezi, në qendër të një historie të gjatë merkatoje, më në fund ka nënshkruar kontratën e re me blutë, e cila skadon më 30 qershor 2031.

Më poshtë njoftimi zyrtar për shtyp nga klubi anglez:

“Chelsea ka kënaqësinë të njoftojë blerjen e përhershme të Joao Felix nga Atletico Madrid. Joao, një sulmues i njohur për kombëtaren portugeze, ka nënshkruar një kontratë shtatëvjeçare në Stamford Bridge dhe në ditët e ardhshme ai do t’i bashkohet ekipit për seancat stërvitore”, thuhet në shënimin e publikuar në faqen zyrtare të Bluve.

The post Zyrtare: Joao Felix transferohet te Chelsea appeared first on Albeu.com.

Atletico kërkon 40 milionë euro dhe ka prioritet shitjen e portugezit nëse lojtari pajtohet me lëvizjen.

Barcelona mund të përballojë huazimin e Felixit vetëm me një klauzolë më të ulët të blerjes – ata nuk do të hyjnë në asnjë luftë ofertash për sulmuesin.

24-vjeçari e konsideron rikthimin e mundshëm të Benficas një hap prapa. Megjithatë, asgjë nuk përjashtohet plotësisht në këtë fazë.

Joao Felix bëri 42 paraqitje për Benfikën në sezonin 2018/19, duke shënuar 20 gola dhe duke dhënë tetë asistime.

Këtë sezon, ai shënoi 10 gola dhe gjashtë asistime në 44 paraqitje për Barcelonën.

The post As te Barcelona, por as të rikthehet te Atletico Madridi, një top skuadër po e transferon Joao Felixin appeared first on Albeu.com.

Sipas raportimeve të mediave spanjolle, sulmuesi portugez refuzoi ofertën e Benfica-s, klub për të cilin ai ka luajtur më herët.

Sulmuesi që është në pronësi te klubit të Atletico Madrid dëshiron që të rikthehet te Barça, qoftë kjo në formë huazimi apo të një kalimi të përhershëm, ndaj dhe nuk ka ndërmend të marrë në konsideratë asnjë ofertë tjetër.

The post Joao Felix është i bindur, sulmuesi portugez dëshiron qëndrimin te Barcelona appeared first on Albeu.com.

Kjo ofron një zgjidhje të mundshme për Barçën për të mbajtur Felixin pa pasur nevojë të shpenzojë para.

Problemi është, ashtu si Felix, Ferran dëshiron të qëndrojë në Barca sezonin e ardhshëm, por kjo do të ndikojë në kohën që ai merr në fushë.

Atletico ndërkohë po shtyn të largojë Felixin edhe nëse duhet ta shesë atë te një klub në Arabinë Saudite.

Thuhet se Barcelona do të marrë një vendim se kush do të qëndrojë dhe kush do të shkojë në verë.

Por raportet sugjerojnë se presidenti i Barçës, Joan Laporta është në favor të Felixit pasi ai e admiron lojtarin.

Ferran ka shënuar 11 gola dhe 4 asistime në 37 ndeshje ndërsa Felix ka 10 gola dhe 6 asistime në 39 ndeshje. /Telegrafi/

The post Atletico Madrid i gatshëm ta lë Joao Felixin te Barça, por vetëm me një kusht appeared first on Albeu.com.

Kjo shumë është më pak se sa pretendohej fillimisht, pasi në vitin 2023 shkruhej se për të pasur anësorin do të duheshin të paktën 80 milionë euro.

Megjithatë, është më shumë se ajo që Barcelona mund të përballojë të shpenzojë për momentin – katalanasit janë në vështirësi financiare.

Për më tepër, katalanasit po shpresojnë të mbajnë Felixin në huazim edhe për sezonin e ardhshëm.

Los Colchoneros nuk janë shumë entuziastë për këtë ide pasi Diego Simeone dëshiron që e ardhmja e Felix të mbyllet përpara se turneu i tyre veror para-sezonal të fillojë në korrik.

Agjenti i anësorit, Jorge Mendes, e di mirë situatën dhe thuhet se tashmë po punon për të gjetur një zgjidhje.

Por nëse gjërat nuk shkojnë si fuan, Felix mund ta gjejë veten duke shkuar në një destinacion tjetër – larg Barcelonës dhe Atletico Madridit.

Në këtë rast, Barça do të duhet të kërkojë një anësor të ri diku tjetër. /Telegrafi/

The post Atletico Madridi i vendos çmimin Joao Felixit, më pak se sa parashikohej appeared first on Albeu.com.

Felix ishte cilësuar gjerësisht nga disa persona si ‘non grata’ në ‘Metropolitano’ dhe pllaka e tij jashtë stadiumit që i ipet çdo lojtari që arrin 100 ndeshje me klubin, fanella e tij u dogj, u pështye dhe u mbulua me jashtëqitje.

Për këtë ka reaguar portugezi i cili ka thënë se tifozët në fakt nuk e dinë se ku qëndron saktësisht e vërteta.

“Siç kam thënë më herët, tifozët në tribuna nuk e dinë se si kanë ndodhur gjërat gjatë kohës sime këtu. Çfarë thonë ata nga jashtë është se unë shkoj keq me ish-bashkëlojtarët e mi, dhe kjo nuk është e vërtetë, pasi mund ta shihni se si unë po bisedoja me Samuel (Lino) dhe Lemar, të gjithë që kaluan më përqafuan, folën me mua dhe më pyesnin si isha unë, familja ime, dhe çdo gjë tjetër”, ka thënë fillimisht Felix.

“Tifozët nuk e dinë se çfarë ka ndodhur nga brenda këtu, unë i kuptoj në mënyrë perfekte reagimet e tyre, por nuk mund të shihem si djali i keq në këtë situatë”, u shpreh ai.

Felix gjithashtu u pyet nga gazetari Gustavo Hoffmann nga ESPN nëse ai kishte raporte të ngushta me brazilianët tek Barcelona, për shkak të gjuhës që flasin.

“Po, më pëlqejnë brazilianët, unë kam një raport të mirë me ta. Më pëlqen mënyra se si ata i qasen jetës”, përfundoi portugezi. /Telegrafi/

The post E dogjën fanellën e tij, Felix reagon ndaj tifozëve të Atletico Madridit: Ata nuk e dinë çfarë ka ndodhur appeared first on Albeu.com.