Joan Laporta ka bërë të ditur se Karim Adeyemi, sulmuesi gjerman i transferuar te Barcelona, do të dalë nesër në prezantimin e tij zyrtar si lojtari më i ri i klubit.

Presidenti i katalanasve e konfirmoi marrëveshjen pasi u rikthye në Barcelonë nga New Yorku, ku kishte qenë i pranishëm për të ndjekur nga afër finalen e Kupës së Botës. Me deklaratën e tij, ai mbylli përfundimisht pikëpyetjet mbi kalimin e yllit të Borussia Dortmundit.

“Ai do të prezantohet nesër”, deklaroi shkurt Laporta, duke sinjalizuar se të gjitha procedurat për zyrtarizimin e transferimit tashmë janë përfunduar.

Adeyemi i kaloi me sukses ekzaminimet mjekësore gjatë javës së kaluar dhe tani mbetet të zhvillohet vetëm ceremonia e prezantimit.

Për kartonin e 23-vjeçarit, Barcelona ka gjetur gjuhën e përbashkët me Borussia Dortmundin në një marrëveshje që kap vlerën e 22 milionë eurove. Nëse plotësohen bonuset e përcaktuara sipas performancës, kostoja e përgjithshme mund të rritet deri në 31 milionë euro.

Futbollisti gjerman do të lidhë të ardhmen e tij me klubin përmes një kontrate afatgjatë, e vlefshme deri në verën e vitit 2031. Ai konsiderohet një prej elementeve kryesore të projektit të Barcelonës për vitet e ardhshme.

Në drejtimin e klubit blaugranas ekziston bindja se dinamizmi, shpejtësia dhe cilësitë sulmuese të Adeyemit do t’i ofrojnë trajnerit një opsion me peshë për sezonin e ri.

Laporta foli gjithashtu me krenari për triumfin e tetë lojtarëve të Barcelonës me kombëtaren e Spanjës në Kupën e Botës. Sipas tij, ky sukses pasqyron nivelin e akademisë dhe forcën e projektit sportiv të klubit.

Megjithatë, kreu i Barcelonës nuk pranoi të komentonte zërat për një interesim ndaj Julian Alvarez. Ai nuk dha përgjigje as për të ardhmen e Ferran Torresit, duke i mbajtur të hapura të gjitha mundësitë për merkaton e verës.

The post Laporta zyrtarizon afrimin e ri të Barcelonës: “Prezantimi do të bëhet nesër” appeared first on Albeu.com.

Presidenti i Barcelonës, Joan Laporta, ka zbuluar se klubi katalanas i ka dërguar një propozim zyrtar Atletico Madridit për sulmuesin argjentinas Julian Alvarez. Në një dalje para mediave përpara finales së Kupës së Botës, ai paralajmëroi se pret një kthim përgjigjeje deri në mbyllje të këtij muaji, duke e kthyer kështu operacionin në një garë me orë.

Laporta e cilësoi ofertën si një lëvizje me peshë të madhe për të ardhmen e skuadrës. “Jemi ende në lojë me ofertën tonë. Trajneri e kërkon me ngulm këtë lojtar, prandaj e kemi depozituar propozimin te Atletico Madrid. Është një ofertë që për ne ka rëndësi të veçantë dhe vlerë të konsiderueshme”, u shpreh ai.

Ndërkohë, pozicioni i klubit madrilen mbetet i palëkundur. Presidenti Miguel Angel Gil Marin ka përsëritur në disa raste se Alvarez nuk është i gatshëm për t’u larguar, por Laporta preferoi të mos hynte në përplasje direkte. “Respektoj pikëpamjet e secilit, qofshin ato të Miguel Angel apo të tjerëve”, u përgjigj ai.

Gjithashtu, kreu blaugrana la të kuptohej se në merkato gjërat mund të marrin kthesa të papritura. “Historia na mëson se sa shumë herë është thënë për një futbollist se nuk do të vinte kurrë te Barça, por në fund e ka veshur fanellën tonë”, kujtoi Laporta.

Pavarësisht kësaj, Barcelona nuk synon t’i lerë bisedimet në ajër pa një afat të qartë. Laporta e bëri të ditur se do të vendoset një kufi kohor që nuk do të vonojë përtej fundit të këtij muaji. “Ky proces nuk zgjat pambarimisht. Duke parë precedentët, qëndrimi ynë ka qenë i prerë: nëse një lojtar kërkon të iki, ne ia hapim rrugën sa më mirë që të jetë e mundur”.

Së fundmi, presidenti katalanas nënvizoi se suksesi i një transferimi nuk përcaktohet më thjesht nga shifrat e ofertës. “Tashmë nuk bëhet fjalë vetëm për pjesën financiare. Kur arrin të kesh një ofertë cilësore, çelësi është të dish ta përdorësh me zgjuarsi atë moment”, përmbylli Laporta.

The post Laporta i vë afat Atleticos për Julian Alvarezin: “Vendim brenda muajit” appeared first on Albeu.com.

Joan Laporta, presidenti i Barcelonës, ka shprehur admirim të thellë për paraqitjet e shkëlqyera të Lionel Messit gjatë Kupës së Botës 2026, duke e përshkruar rrugëtimin e sulmuesit argjentinas si një paraqitje të nivelit më të lartë të mundshëm.

Ylli argjentinas është shfaqur në gjendje optimale në çdo sfidë të kompeticionit dhe udhëheq garën për trofeun e “Këpucës së Artë” me tetë gola të shënuar, një shifër kjo e barabartë me atë të talentit francez Kylian Mbappe.

Në deklaratën e tij, Laporta uroi publikisht ish-kapitenin e Barcelonës dhe vuri në dukje se harmonia dhe qëndrueshmëria e kombëtares së Argjentinës si grup i kanë krijuar kushtet ideale që Messi të shkëlqejë në arenën më prestigjioze të futbollit botëror.

“Messi po zhvillon një Kupë Bote fantastike, urime për të. Argjentina është një ekip shumë solid dhe ata e ndihmojnë Leon që të paraqitet në nivelin më të lartë”, u shpreh Laporta.

Këto vlerësime të kreut të klubit katalanas vijnë në një kthesë kyçe të turneut, teksa Argjentina i ka sytë nga gjysmëfinalja e së mërkurës, më 15 korrik, ku do të ndeshet me Anglinë.

Një biletë për në finalen e madhe të Kupës së Botës është në lojë.

The post Laporta vlerëson paraqitjen magjike të Messit në Botëror: Po bën një turne madhështor appeared first on Albeu.com.

Presidenti i Barcelonës, Joan Laporta, ka bërë të ditur se klubi katalanas është shumë pranë finalizimit të marrëveshjes për talentin gjerman të Borussia Dortmundit, Karim Adeyemi.

Sipas zyrtarit më të lartë të blaugranëve, transferimi i sulmuesit të krahut do të kushtojë fillimisht 22 milionë euro, ndërsa pjesa e mbetur prej 9 milionë eurosh do të paguhet në formë bonusesh të varura nga paraqitjet e lojtarit.

Një tjetër element i rëndësishëm i marrëveshjes është se Dortmundi ka siguruar të drejtën për të marrë 35 për qind të shumës së përfituar nga një shitje e mundshme e ardhshme e Adeyemit.

Laporta nuk e kurseu entuziazmin për këtë operacion, duke nënvizuar me nota të larta kontributin e drejtorit sportiv.

“Gëzimi ynë është i madh. Bëhet fjalë për një futbollist që e kemi monitoruar për një kohë të gjatë,” u shpreh ai, duke shtuar se “Adeyemi zotëron shpejtësi të jashtëzakonshme dhe është një lojtar i jashtëzakonshëm. Deco realizoi një punë të shkëlqyer.”

Në frontin e merkato, Barcelona vijon të jetë mjaft aktive, pasi mbetet e interesuar edhe për yllin e Atletico Madridit, Joan Laporta, ndërkohë që është afër transferimit të sulmuesit Ferran Torres te Paris Saint-Germain.

The post Laporta konfirmon afrimin e Adeyemit te Barcelona dhe flet me superlativa për Deco appeared first on Albeu.com.

Joan Laporta, presidenti i Barcelonës, ka komentuar lajmet që e lidhin Julian Alvarezin e Atletico Madridit me një lëvizje të mundshme te gjiganti katalunas në afatin kalimtar të verës.

Së fundmi, sulmuesi argjentinas është shprehur se ka dëshirë të përmbushë një ëndërr në karrierën e tij, ndërsa raportimet sugjerojnë se kjo lidhet me një transferim të mundshëm te Barcelona.

“Është e qartë se ëndrrat bëhen realitet nëse punon fort dhe lufton për to”.

“Shumica e lojtarëve – dhe kjo na mbush me krenari – duan të vijnë te Barça”.

“Shpresojmë që të mund t’i bëjmë realitet ëndrrat e lojtarëve që duan të vijnë te Barça”, deklaroi ai.

Pavarësisht se Atletico Madrid ka refuzuar vazhdimisht përpjekjet e Barcelonës, klubi katalunas nuk ka ndërmend të tërhiqet nga gara për Alvarezin.

Burime pranë drejtuesve të Barcelonës bëjnë të ditur se ata besojnë se, me kalimin e kohës, dëshira e sulmuesit argjentinas për t’u larguar mund ta zbusë qëndrimin e Atletico Madridit.

Gjithsesi, klubi nga Madridi pritet të vendosë një çmim shumë të lartë për kartonin e tij, duke qenë se tashmë ka hedhur poshtë një ofertë prej 100 milionë eurosh nga Barcelona për 26-vjeçarin.

The post Laporta flet për interesimin ndaj Julian Alvarezit: Synojmë të realizojmë ëndrrat e atyre që duan Barcelonën appeared first on Albeu.com.

Luis Diaz dhe Marcus Rashford janë identifikuar si alternativat kryesore, por një tjetër emër po fiton terren – Rafael Leao.

Leao është lidhur me Barcelonën disa herë gjatë viteve të fundit, dhe ky mund të jetë momenti që ai më në fund t’i bashkohet klubit katalanas. Milani është i hapur për shitjen e tij këtë verë dhe, sipas Sport, lojtari do të jetë i disponueshëm në treg për një çmim rreth 70 milionë euro.

Forma e Leaos ka rënë gjatë 12-18 muajve të fundit te Milani, çka ka bërë që edhe vlera e tij në treg të ulet.

Barcelona mund të përfitojë nga kjo situatë, megjithatë pritet të ketë konkurrencë nga Bayern Munich dhe Chelsea, që gjithashtu janë të interesuara për sulmuesin portugez.

Drejtori sportiv i Barcelonës aktualisht po fokusohet te Luis Diaz, i cili ishte objektivi kryesor para se të rihapej opsioni për Nico Williams.

Por, Rafael Leao ka një përkrahës të fortë brenda klubit, presidentin Joan Laporta.

Laporta është një admirues i madh i Leaos dhe e ka pasur prej kohësh si lojtarin e tij të preferuar për t’u afruar në ‘Camp Nou’.

Nëse ai vendos të përdorë autoritetin e tij, një lëvizje mund të ndodhë më vonë gjatë verës, veçanërisht nëse Liverpooli vazhdon të refuzojë ofertat për Luis Diaz.

Nga të gjithë emrat e përfolur, Diaz, Rashford dhe Leao, portugezi është ai që i ngjan më shumë Nico Williams, si për stilin e lojës, ashtu edhe për pozicionin në fushë.

Dhe 70 milionë euro mund të rezultojnë një çmim shumë i leverdishëm, nëse Leao arrin të rikthejë formën që kishte më parë me Milanin.

The post Lojtari i preferuar i Laportas mund të transferohet tek Barcelona për 70 milionë euro appeared first on Albeu.com.

Sipas një raportimi nga Marca, Laporta kishte udhëtuar në Mynih jo vetëm për të ndjekur finalen e Ligës së Kombeve, por gjithashtu edhe për t’u takuar me presidentin Ceferin mbrapa dyerve të mbyllura.

Çështja kryesore ishte dënimi që do të marrë Barcelona për thyerje të rregullave financiare.

Specifikisht, UEFA ka ngritur shqetësime lidhur me mënyrën se si klubi ka regjistruar të ardhura nga manovrat financiare të ashtuquajtura ‘leva’, që përfshijnë shitjen e të drejtave televizive të ardhshme dhe aseteve të tjera, të cilat UEFA nuk i konsideron si të ardhura të zakonshme.

Ndërsa La Liga i ka miratuar këto metoda, UEFA nuk i pranon, duke i konsideruar si të jashtëzakonshme dhe për rrjedhojë në kundërshtim me rregullat e qëndrueshmërisë financiare.

Strategjia e tërheqjes së ‘levave’ ka ndihmuar klubin që të financojë blerjen e disa lojtarëve si Robert Lewandowski dhe Jules Kounde, pavarësisht se ishin nën presion financiar.

Rregulloret e Qëndrueshmërisë Financiare të UEFA-s zëvendësuan rregullat e mëparshme të Fair Play-it Financiar, me synimin për një mbikëqyrje më të rreptë dhe më shumë transparencë.

Klubet duhet të balancojnë shpenzimet me të ardhurat afatgjata, ndërsa ‘levat’ e Barcelonës shihen si zgjidhje afatshkurtra që cenojnë këto parime.

The post Laporta takohet me presidentin e UEFA-s për ta shpëtuar Barcelonën nga dënimi i rëndë appeared first on Albeu.com.

Një muaj pas ditës kur e ardhmja e Xavit u ratifikua për vitin e fundit të kontratës së tij, ata i kanë thënë atij se ai nuk është në planet e tyre për sezonin e ri.

Është vet faqja zyrtare e klubit katalunas që ka njoftuar shkarkimin e Xavit.

“Xavi Hernandez nuk do të jetë më trajner në fund të sezonit. Në një takim që u zhvillua në Ciutat Esportiva Joan Gamper, presidenti Joan Laporta informoi Xavi Hernandez se ai nuk do të vazhdojë si trajner i ekipit të parë në sezonin 2024-25”, thuhet në njoftim.

Ndërkohë, nisedimet me Hansi Flick kanë qenë të suksesshme dhe ky motiv ka qenë një shtysë e madhe për t’i komunikuar sot Xavit ndarjen e në fund të sezonit.

Laporta është takuar me trajnerin për t’i komunikuar vendimin.

Siç pritej presidenti i Barcelonës nuk i ka falur teknikut deklaratat e bëra pak ditë më parë kur pranoi krizën e thellë financiare të klubit. /albeu.com/

The post Zyrtare: Barcelona shkarkon Xavin, ja kush e zëvendëson appeared first on Albeu.com.

Me këtë humbje, edhe Barcelona zbriti për një pozitë dhe tani renditet e treta, pas “Los Blancos” dhe Gironas.

E kjo humbje e zemëroi shumë edhe presidentin e Barcelonës, Joan Laporta.

Ai u pa duke biseduar me zëvendëspresidentin Rafa Yuste, drejtorin sportiv, Deco dhe përfaqësues të tjerë të klubi katalonas.

Presideni i Barcelonës u vërejt duke thënë “Kjo nuk mund të ndodh”, disa herë.

Barcelona mbeti pa trofe këtë sezon, por jo edhe pa trajner. Xavi Hernandez ndryshoi mendje dhe me pëlqimin e bordit, ai do të vazhdojë të jetë trajner i Barcelonës edhe sezonin e ardhshëm.

The post Laporta i zemëruar me humbjen e Barcelonës ndaj Gironas appeared first on Albeu.com.

Gjiganti katalanas është në një situatë tejet të vështirë financiare tash e disa vite. Që prej rikthimit të tij për herë të dytë si president i klubit në mars të 2021, Joan Laporta ka përdorur disa zgjedhje kreative, duke përfshirë aktivizimin e levave ekonomike, për ta mbajtur klubin konkurrues.

Sidoqoftë, kjo verë duket se nuk do të jetë e mjaftueshme që ata të reduktojnë buxhetin e pagave të lojtarëve, teksa blaugranasit dëshpërimisht po kërkojnë uljen e borxhit që ka tejkaluar vlerën e 800 milionë eurove.

Por përkundër vështirësive financiare, Laporta ka zbuluar se Barcelona ka refuzuar një ofertë jashtëzakonisht të madhe në vlerë prej 200 milionë eurosh për Lamine Yamal, e cila do të tejkalonte atë që PSG-ja pagoi për Neymarin në vitin 2017 (191 milionë euro).

“Ne nuk duam të shesim ndonjë lojtar të madh. Nëse gjithçka shkon sipas planit me qëllimet tona, ne nuk do të jemi të detyruar të shesim ndonjë lojtar”, ka thënë Laporta për Mundo Deportivo.

“Natyrisht, nëse dikush dëshiron të largohet, ne nuk do t’i ndalim ata. Por nuk jam i shqetësuar për këtë, ne duam të mbajmë të njëjtin ekip”, është shprehur ai.

“Ne po marrim oferta të çmendura për lojtarë si Lamine Yamal rreth 200 milionë euro dhe po i refuzojmë, natyrisht. Ne kemi besim tek Lamine dhe nuk kemi nevojë të shesim”, përfundoi Laporta. /Telegrafi/

The post Joan Laporta tregon se pse ai refuzoi ofertën 200 milionë euro për Lamine Yamal appeared first on Albeu.com.