Ministri Jeton Shaqiri tha se ndryshimet ligjore parashikojnë që në rastet kur recensentët tërhiqen, obligimin e tyre ta kryejnë këshilltarët e Byrosë për zhvillimin e arsimit, varësisht lëndës së caktuar.

“Për librin konkret “Histori dhe Shoqëri” unë në fillim të janarit do të dorëzoj në Qeveri ndryshime të propozim ligjit për librat në arsimin fillor dhe të mesëm, që kur të kemi raste të këtilla të caktuara të kemi mundësi ligjore që Byroja që jep vlerësime për programin mësimor, nëse libri është sipas programit mësimor pasi që në Byro ka të punësuar këshilltarë të lëndës Histori dhe Shoqëri. Unë pres mbështetje nga të gjitha partitë politike dhe kjo problematikë shumë vjeçare të zgjidhet”, deklaroi Jeton Shaqiri, ministër I Arsimit dhe Shkencës.

Ndërsa Shaqiri paralajmëroi ndryshime në ligjin për arsimin fillor dhe të mesëm, ai gjithashtu paralajmëroi vënien në funksion të teksteve të digjitalizuar për klasën e katërt, të pestë dhe të gjashtë.

“Ato janë të disponueshme në një platformë të veçantë online dhe zyrtarisht mund të përdoren jo si zëvendësim i teksteve të shtypura por edhe si opsion shtesë që mund të lehtësoj procesin e përvetësimit të njohurive. Bëhet fjalë për tekste shkollore që përmbajnë shumë elemente multimedialë si video, foto, ilustrime, kuize dhe përmbajtje të ngjashme që janë të vërtetuara se e bëjnë mësimin interesant për të rinjtë”, tha Jeton Shaqiri, ministër i Arsimit dhe Shkencës.

Platforma nastava.mk nuk parasheh digjitalizimin e teksteve për klasën e parë, të dytë dhe të tretë pasi sipas Shaqirit rekomandimet pedagogjike thonë që kjo periudhë e zhvillimit të fëmijëve duhet të jetë e fokusuar ndaj librave dhe fjalës së shkruar. /Alsat.mk

The post Ministri i Arsimit Jeton Shaqiri do të propozojë ndryshime ligjore për “Tekstet shkollore” appeared first on Albeu.com.

Nëse konfirmohet në institucionet e sigurisë se disa video të “TikTok” nga nxënësit vlerësohen si arsye e keqe për përdorimin e platformës, së bashku me MSHIA dhe AEK dhe institucione të tjera, do të shqyrtojmë të gjitha mundësitë në mënyrën e përdorimit të “TikTok” si aplikacion, tha Ministri i Arsimit dhe Shkencës, Jeton Shaqiri në lidhje me ndalimin e mundshëm të përdorimit të rrjetit social, i cili konsiderohet se ka ndikim negativ tek të rinjtë.

Shaqiri njofton se shkollat do të fillojnë me takime të rregullta me prindit, por do të fillojnë të realizojnë takime edhe me psikolog dhe pedagog.

“Këto janë masat e para. Do të shikojmë për një protokoll konkret dhe nga shtatori do të ketë më shumë masa dhe njoftime në formë të doracakve”, tha Ministri i Arsimit./ina

The post Ministria e Arsimit në Maqedoninë e Veriut shqyrton mundësinë e ndalimit të “TikTok” në shkolla appeared first on Albeu.com.

“Në pjesën më të madhe të mediave është përfolur se Ministria e Drejtësisë do të jetë njëra nga ministritë që do të vendoset në “Pazar3″, thënë figurativisht, që do të jetë në bursë sa i përket lëvizjeve të caktuara, rreth disa zëvendësimeve të pozitave ministrore. Absolutisht, unë si ministër, por edhe Ministria e Drejtësisë, nuk jemi të ngarkuar me zhvillimet e këtilla. Unë thash, deri në ditën e fundit, deri sa do të jemi në Ministrinë e Drejtësisë, do ta japim maksimumin”, tha Nikolla Tupançevski, ministër i Drejtësisë.

“Mendoj se unë nuk jam pjesë e ekipit që zhvillon bisedimet. Ju si media me kohë do të informoheni për çdo informatë, pa dallim”, u shpreh Jeton Shaqiri, ministër i Arsimit. /Alsat.mk

The post ASH në qeveri, nuk dihet nëse ministri i Drejtësisë dhe ai i Arsimit do të vijojnë në postet e tyre appeared first on Albeu.com.