Qabala ka konfirmuar Jeton Beqirin si trajnerin e ri të skuadrës azerbajxhanase.

Tekniku shqiptar 44-vjeçar ka arritur me “kuqezinjtë” një marrëveshje 1+2-vjeçare, ndërsa detyrën do ta marrë zyrtarisht më 20 shtator.

Beqiri së fundmi drejtoi Shkendijën, me të cilën fitoi titullin kampion të Maqedonisë së Veriut në sezonin 2024/25, suksesi më i madh i karrierës së tij.

Në të kaluarën, ai ka qenë në krye të Dritës, Gostivarit, Renovës dhe Strugës në Maqedoninë e Veriut, si dhe të Bylisit në Shqipëri.

Trajneri shqiptar ka ushtruar gjithashtu detyrën e drejtorit sportiv në klubin saudit Al-Jabalain.

Në aventurën e re, Beqiri do të synojë ta udhëheqë Qabalan në përballjet e ardhshme dhe ta kthejë ekipin te rezultatet pozitive.

The post Jeton Beqiri emërohet trajner i Qabalas në Azerbajxhan appeared first on Albeu.com.