Ballkani ka zyrtarizuar rikthimin e Jetmir Topallit, i cili bëhet futbollisti më i ri i skuadrës nga Theranda. Sulmuesi 28-vjeçar u nda nga Bandirma Spor në Turqi dhe ka zgjedhur të veshë sërish fanellën e Ballkanit.

Klubi e ka cilësuar këtë rikthim si një afrim të rëndësishëm, duke theksuar eksperiencën që Topalli ka fituar gjatë viteve të fundit jashtë vendit. “Një rikthim i rëndësishëm për skuadrën tonë, me Jetmirin që vjen me përvojë të madhe të fituar gjatë viteve të fundit jashtë vendit. Tani është koha për një kapitull të ri, këtë herë sërish me fanellën e Ballkanit. Mirë se u ktheve në shtëpi, Jetmir”, shkruan ndër të tjera klubi.

Topalli e ka nisur formimin e tij te KF 2 Korriku. Në vijim të karrierës, futbollisti nga Kaçaniku ka luajtur për Vushtrrinë, Ballkanin, Feronikelin, Malatyasporin, Istanbulsporin, Manisën, Pendiksporin, Bandirma Sporin dhe Serik Sporin.

The post Ballkani përforcohet me një sulmues me përvojë të gjatë në futbollin turk appeared first on Albeu.com.