Ndërsa për Deborah Keçin, e cila mban postin e drejtores së Klubit Sportiv Tirana, SPAK ka dhënë masën detyrim paraqitje si dhe kërkon pezullimin e saj nga posti që mban.

SPAK e akuzon Deborah Keçi për favorizimin e kompanive “V.A.S Konstruksion sh.p.k” e njëjtë me “5D Konstruksion” sh.p.k, të cilat kanë “de fakto” pronarë dy nga ish-drejtorët Qato dhe Molla.

“Së pesti, nga hetimet e kryera është provuar edhe fakti se shtetasja D.K. (Deborah Keçi) në cilësinë e titullarit të autoritetit kontraktor Klubi Sportiv “Tirana”, ka favorizuar në një procedurë prokurimi operatorin ekonomik “V.A.S Konstruksion sh.p.k” e njëjtë me “5D Konstruksion” sh.p.k, duke i krijuar avantazhe dhe privilegje të padrejta, si dhe duke e shpallur fitues në mënyrë të parregullt. Shtetasja D.K. ka pasur komunikime direkte me shtetasin N.M. administrator i shoqërisë “5D Konstruksion” sh.p.k dhe vlerësimin e ofertave të pjesëmarrësve në tender e kanë bërë vetë punonjës të shoqërisë “5D Konstruksion” sh.p.k, duke i dhënë titullari i autoritetit kontraktor shtetasit N.M user-at e anëtarëve të KVO-së”, njofton SPAK.

Nga një vëzhgim në rrjetet sociale, ajo që të bie menjëherë në sy është profili i Deborah Keçit i mbushur me fotografi që të kujtojnë fëmijët e familjeve miltimiliardere evropiane.

Ajo shihet teksa bën një jetë luksoze, të mbushur me udhëtime nga më ekzotiket si dhe duke praktikuar herë pas here pasionin e saj për sportin e notit dhe skive.

Ajo gjithashtu ka qenë shpesh e ftuar në emisione të ndryshme në ekranet e televizioneve shqiptare.

“Caktimin ndaj personit nën hetim D.K (Deborah Keçi). të masave të sigurimit “Detyrim për tu paraqitur në policinë gjyqësore”, të parashikuar nga neni 234 i K.Pr.Penale dhe “Pezullimi i ushtrimit të një detyre a shërbimi publik”, të parashikuar nga neni 242 i K.Pr.Penale, duke e pezulluar nga funksioni publik “Drejtor” në “Klubin Sportiv Tirana”, pranë Bashkisë Tiranë, e dyshuar për kryerjen e veprës penale “Shkelja e barazisë së pjesëmarrësve në tendera apo ankande publike”, të parashikuar nga neni 258 i Kodit Penal, sipas përmbajtjes së kësaj dispozite para ndryshimeve të kryera me ligjin nr.43/2021, datë 23.03.2021”, thuhet në njoftimin e SPAK për masën ndaj Keçit.

The post Kush është Deborah Keçi, drejtoresha bukuroshe nën akuzë nga SPAK! Aventura dhe pushime lluksi nga Maldivet në Nju Jork, Paris… (FOTO) appeared first on Albeu.com.

Sipas mediave vendase hetimi për grupin filloi marsin e kaluar pasi Policia zbuloi disa informacione se një plantacion marijuhane kultivohej brenda një magazine industriale të një qyteti të vogël në bregdetin e Granadës. Pasi përfunduan hetimet e policisë, në fund të muajit maj u sulmua edhe baza e drogës, ndërsa Policia arrestoi pronarin e anijes dhe sekuestroi mbi 450 bimë kanabisi. Në vijim të hetimeve, në fillim të këtij muaji nëntor, agjentët çmontuan një plantacion të dytë të përbërë nga tre dhoma që ishin fshehur brenda një apartamenti të vendosur në një qytet të vogël në bregdetin e Granadës.

Hetimi i përqendruar në disa banesa në qytetin e Mijas-Costa të Malagës, përfundoi me arrestimin e tre burrave të tjerë me origjinë shqiptare, të gjithë anëtarë të organizatës kriminale të hetuar. Shqiptarët merreshin me gjithçka vetë, nga gjetja e ambienteve me qira (ferma, toka, banesa) për kultivimin e kanabisit deri te zhvillimi i plantacioneve të marijuhanës në këto në një shkallë të gjerë, deri te transformimi, ruajtja dhe dërgimi në veri të Evropës i marijuanës së përpunuar. Shqiptarët e bandës kriminale jetonin në resorte luksoze në qytetin turistik të Mijas-Costa. Për të vështirësuar gjetjen e tyre nga punonjësit e policisë, shqiptarët përdornin automjete të marra me qira me dokumentacion të falsifikuar.

Të arrestuarit janë një shtetas spanjoll 27-vjeçar pa precedentë policie, së bashku me katër burra të tjerë me origjinë shqiptare nga 25 deri në 51 vjeç. Megjithatë, duke marrë parasysh rrjetin e trafikur, hetimet vijojnë dhe nuk përjashtohen arrestime të reja në lidhje me këto ngjarje.

The post Bënin jetë luksi nëpër resorte, “çmontohet” banda shqiptare në Spanjë, furnizonin me lëndë narkotike Evropën appeared first on Albeu.com.

Qeveria ka mituar në ditët e fundit të prillit disa ndryshime në Kodin Etik Ministror, ku saktësohen aktivitetet që ministrat nuk duhet të bëjnë për aq kohë sa mbajnë këtë pozicion.

Konkretisht, atyre u ndalohet të shkojnë në ambiente ku zhvillohen lojëra fati, t’u lënë makinat e punës familjarëve apo të organizojnë festa për personelin me buxhetin e shtetit.

Në të njëjtën kohë ministrat duhet të bëjnë kujdes edhe kur takojnë përfaqësues të biznesit. Ata duhet të jenë gjithmonë të shoqëruar nga dy funksioonarë të tjerë, të cilët regjistrojnë emrat e pesonave në takim si dhe mbajnë shënim temat për të cilat po flitet.

Për të gjitha rastet kur shkelet Kodi Etik, është shtuar një pikë ku i jepet e drejta Komisionit të Etikës të detyrojë ministrin të kërkojë ndjesë ose të lërë mandatin në varësi të shkeljes.

Rregulla strikte janë përcaktuar edhe për punonjësit e administratës, ku ndër të tjera theksi vihet te përdorimi i telefonit privat gjatë orarit të punës.

Sipas këtij akti të qeverisë, një nëpunës i administatës mund ta përdorë telefonin vetëm nëse nuk pengon në mbarëvajtjen e aktivitetit në zyrë.

Për ministrat

Zyrat e ministrave duhet të jetë të arreduara në mënyrë modeste dhe pa u bërë shkak debati dhe tërheqje vëmendjeje nga publiku.”

Ministrave u ndalohet:

h) të udhëtojnë në first class apo business class në Evropë ai dhe personeli që e shoqëron në udhëtime të ndryshme;
i) të pranojë bileta udhëtimi të paguara nga një person/kompani private për veten apo për familjarët e vet;
j) të përdorë sallën VIP të aeroportit për familjarët e vet, në rast se nuk udhëton ai vetë;
k) të përdorë automjetin zyrtar për familjarët e vet dhe nga familjarët e vet, kur nuk është vetë i pranishëm në automjet;
l) të frekuentojë ambiente, në të cilat zhvillohen aktivitete të lojërave të fatit;
ll) të organizojë evente (festa) me personelin apo persona të tjerë, me fonde të buxhetit të shtetit.”.
“të zhvillojë takime me përfaqësues të biznesit apo grupeve të interesit pa praninë e dy nëpunësve/funksionarëve të lartë të ministrisë përkatëse dhe pa mbajtur minutat e takimeve, regjistrimin e identitetit të personave të përfshirë në këto takime, si dhe evidentimin e çështjeve të diskutuara në një regjistër të posaçëm që mbahet nga sekretari i përgjithshëm i ministrisë përkatëse”.

Komisioni i Etikës, pasi del në përfundimin se kemi të bëjmë me një thyerje të Kodit Etik Ministror, ia bën atë me dije Kryeministrit nëpërmjet një akti me shkrim. Në këtë rast, masat disiplinore që mund të japë Kryeministri janë:

…kërkimi i ndjesës publike ose lënia e detyrës, në varësi të shkeljes.

Për administratën

ë) Nëpunësi i administratës publike mund të përdorë telefonin celular privat kur nuk pengon kryerjen e detyrave. Përdorimi i tyre gjatë takimeve dhe mbledhjeve të punës është i ndaluar.

f) Telefoni celular zyrtar duhet të përdoret nga nëpunësi i administratës publike vetëm për arsye pune. Ai është i detyruar ta mbajë hapur atë brenda orarit zyrtar dhe gjatë ushtrimit të detyrave, me qëllim mbajtjen e komunikimit të pandërprerë.
Nëpunësi i administratës publike nuk duhet të kërkojë apo të pranojë, në mënyrë të drejtpërdrejtë a të tërthortë, për veten, familjen, të afërmit, personat fizikë apo juridikë me të cilët ka marrëdhënie:
a) dhurata, favore, pritje apo çdo përfitim tjetër, si dhe premtime për to, të cilat i jepen për shkak të pozicionit të tij, me efekt përfitimi të çfarëdoshëm për dhuruesin ose persona të tretë, që ndikojnë ose duket sikur ndikojnë në paanshmërinë e kryerjes së detyrës, a janë ose duket sikur janë shpërblim për mënyrën e kryerjes së detyrës;
b) ftesa për pritje të ndryshme, premtime, ofrime falas apo ulje të çmimeve për kryerjen e shërbimeve, të argëtimeve, pushimeve, transporteve, udhëtimeve;
c) përfitime të bursave të studimit dhe/apo të sigurimeve./stop

The post Frekuentimi i kazinove, udhëtimi në “business class” dhe përdorimi i makinave zyrtare nga familja, ja kur mund të shkarkohet një ministër appeared first on Albeu.com.

Nëna e saj, Svetlana Polyakova, me të cilën Lavrov ka pasur një lidhje që nga fillimi i viteve 2000, thuhet se është gruaja e tij jozyrtare. Sipas FBK-së, fondacioni kundër korrupsionit i drejtuar nga lideri i burgosur i opozitës Alexei Navalny , Polyakova zotëron një apartament në Moskë me vlerë 6 milionë euro. Ajo e shoqëron Lavrovin në çdo udhëtim jashtë vendit dhe ka qenë në një avion zyrtar më shumë se 60 herë, tha FBK.

Kovaleva ka ndjekur studimet në një shkollë private me konvikt në Bristol përpara se të merrte një diplomë në ekonomi me politikë në Universitetin Loughborough dhe më vonë të përfundonte një master në ekonomi dhe strategji për biznes në Imperial College London.

Ajo vazhdoi të punojë për Gazprom , gjigantin rus të energjisë, ku ndihmoi me bashkimet dhe blerjet dhe më vonë punoi në Glencore, kompania minerare.

Para se të blinte shtëpinë e saj, ajo jetonte në Holland Park, në perëndim të Londrës, në një apartament në një shtëpi në qytet që The Times mund të zbulojë se është në pronësi të ambasadës ruse. Të dhënat tregojnë se ambasada ukrainase aty pranë pretendonte se Rusia kishte pretenduar gabimisht pronësinë e pronës. Kovaleva tani jeton në një apartament, të cilin dokumentet e Regjistrit të Tokës thonë se ajo e bleu për 4.4 milionë paund pa hipotekë në vitin 2016, kur ishte 21 vjeç, në një bllok pranë Kensington High Street. Ajo ndan apartamentin me një burrë, që besohet se është partneri i saj, i cili gjithashtu ka 10 për qind të aksioneve në kompaninë e investimeve që ajo drejton tani.

Zhvillimi “fitues i çmimeve” ku ajo jeton përshkruhet si shijimi i “pamjeve të gjera nëpër Kensington & Holland Park”, me “objekte të gjera të kohës së lirë duke përfshirë një pishinë, palestër, spa, kinema, dhomë lojërash dhe simulator golfi”.
Në profilet e saj në rrjetet sociale, të fshira menjëherë pasi Rusia pushtoi Ukrainën, ajo postoi fotografi teksa udhëtonte nëpër botë.

Ndërsa ishte në Imperial, ajo u shfaq në faqen e internetit të universitetit si ambasadore studentore, duke u dhënë këshilla studentëve të ardhshëm. Ajo tha se ishte “magjepsur” nga strategjia e biznesit dhe përshkroi se si intensiteti i diplomës së saj master e kishte ndihmuar atë të zhvillonte “një nivel tjetër të etikës së punës”.

Maria Pevchikh, një hetuese në FBK që zbuloi lidhjen e Kovalevas me Lavrov, bëri thirrje dje që Kovaleva dhe familja e saj të sanksionohen.

“Babai biologjik i Polinës nuk është shumë i pasur. Ajo nuk ka burrë oligark”, tha ajo. “Por në moshën 21-vjeçare, ajo bleu këtë apartament në Londër në Kensington High Street për 4.4 milionë funte.”

The post Pasuri marramendëse dhe jeta mes luksit në Britani, kush është vajza jo zyrtare e Lavrov appeared first on Albeu.com.

Së fundmi 29 persona janë në gjyq të akuzuar se kanë ndihmuar në kontrabandën e kokainës në shkallë të gjerë. Aktivitetet e tyre çuan në dhunë serioze në Antwerp dhe më gjerë disa vite më parë.

Konkretisht rreth 2 ton kokainë. Sipas prokurorisë, kaq do të kishte marrë banda nga kontejnerët në portin e Antwerpen në 2015 dhe 2016. Si rezultat, gjykata e Antwerp-it ka edhe një herë një gjyq të madh droge.

29 të dyshuarit kanë pasur funksione të ndryshme. Frank V., i mbiquajtur “Frank Tank”, thuhet se ka punuar si koordinator për një grup që hoqi drogën nga kontejnerët. Mësohet se këtë e ka bërë për llogari të një bande marokene, të drejtuar nga Nordin EH, i mbiquajtur “Nordin i trashë” dhe për llogari të një bande shqiptare, të drejtuar nga Ermir “Cinco” N.

Thuhet se ata janë ndihmuar nga njerëz që punojnë në port, por edhe nga një ish-oficer policie që ka kërkuar njerëz dhe targa në bazat e të dhënave.

Video TikTok plot me kartëmonedha

I dyshuari kryesor “Frank Tank” është një figurë e habitshme. Ai është një ish-sportist, bodybuilder dhe portier, të cilit në atë kohë i pëlqente të shfaqej me makina sportive të shtrenjta. “Sjellje fantastike”, e cilësoi prokurori në deklaratën e tij paraditen e sotme. “Por me sa duket ai u verbua nga paratë”.

Në ditët e sotme Frank V. është i lirë me kush dhe jeton në Kenia, nga ku dërgon video në TikTok në mbarë botën. Për shembull, ekziston një video në të cilën ai shpërndan kartëmonedha mbi të dashurën e tij. Ai u kthye në Antwerp për gjyqin e tij. “Klienti im nuk dëshiron të fshihet”, thotë avokati i tij John Maes. “Ai është i disponueshëm për të gjitha pyetjet e mundshme nga gjykata, ka mbaruar edhe atë jetë kriminale, ajo histori tani duhet të ndalet. Prandaj ai ndihet i qetë për këtë proces dhe do të pranojë atë që do t’i vendosë gjykata”.

Megjithatë, jo të gjithë në rreth dukeshin të bindur se Frank V. kishte heshtur për ta. Në fillim të vitit 2018, qindra njerëz në Antwerp morën me postë një fletë A4, me titullin “Vdekje informatorëve”. Më poshtë janë emrat e 9 personave të përfshirë në hetim, mes të cilëve Frank V. dhe ish-të dashurën e tij. Edhe ajo sot është në gjyq. Ajo thuhet se u ka sjellë shuma të mëdha parash të dyshuarve të tjerë, ndonjëherë edhe kur fëmijët e tyre ishin në makinë.

Sulmet pas daljes së një gabimi?

Një vit më parë, në banesën e V.-së në Brecht ishte qëlluar gjithashtu dhe në ndërtesë ishin hedhur bomba gazi. Ajo dhunë mund të ketë pasur të bëjë me një nxjerrje të gabuar të informacioneve.

Frank V. kishte marrë para nga klienti i tij i dyshuar Nordin EH për të marrë kokainë nga një kontejner. Por kur shkoi keq, ai dyshohet se refuzoi t’i kthente ato para. Si pasojë mori sulme ndaj shtëpisë së tij. Sulmet në vende të tjera në Antwerp ishin gjithashtu rezultat i veprimeve të gabuar nga antëratë e bandave.

Për Nordin EH dhe për një tjetër drejtues të dyshuar, prokurori kërkoi dënimin maksimal prej 15 vitesh burg, si drejtues të një bande kriminale. “Dikke Nordin” aktualisht jeton në Dubai. Ai u arrestua atje për pak kohë me kërkesë të vendit tonë, por më pas është liruar. Edhe Belgjika kërkon ekstradimin e tij, por ai reziston. Prandaj, Nordin EH nuk vjen vullnetarisht në gjyqin e tij. “Burri raportohet se jeton aty në një vilë 3 milionë euro”, vuri në dukje prokurori.

The post Jetë luksi në Dubai, kush është “Cinco”, bossi shqiptar i drogës në Belgjikë appeared first on Albeu.com.